[Skip to Content]
ENG

სიახლეების გამოწერა

სოფლის თავყრილობა ითხვისში

თუ ცხოვრობ ჭიათურაში, ან მის რომელიმე სოფელში - ითხვისში, შუქრუთში, პერევისაში, და თუ შენც გაწუხებს ის, რაც გარშემო წიაღის მოპოვების შედეგად ხდება, მოდი სოფლის შეკრებაზე 21 მაისს, 2 საათზე, სოფელ ითხვისის დარბაზში. 
 
შეხვედრა სოციალური სამართლიანობის ცენტრისა და საქართველოს ახალგაზრდა იურისტთა ასოციაციის ორგანიზებით ტარდება. ჩვენი მიზანია სოფლის მოსახლეობამ და მათმა მხარდამჭერმა უფლებადამცველმა ორგანიზაციებმა ერთად ვიმსჯელოთ სოფელში არსებულ მდგომარეობაზე და ადგილობრივთა საჭიროებების გადაჭრის სამართლებრივ გზებზე.
 
ამ დრომდე უცნობია მერიის გეგმა უსახლკაროდ დარჩენილ ოჯახებთან დაკავშირებით. მრავალ კითხვას აჩენს მუნიციპალიტეტის და გარემოს ეროვნული სააგენტოს მიერ ამ დრომდე გადადგმული ნაბიჯები: მომზადებული წინასწარი გეოლოგიური დასკვნა ზედაპირულია, შემსწავლელი კომისიის კომპეტენცია და მათი მოკვლევის ფარგლები დაუზუსტებელია, სამხარაულის სახელობის ექსპერტიზის ბიუროს ჩართულობა კი ბუნდოვანია, ისევე როგორც კომპენსაციის დაანგარიშების პროცედურა. წერილი, რომელშიც ადგილობრივი მოსახლეობა სოფლის მეურნეობისა და გარემოს დაცვის სამინისტროს შეკითხვით მიმართავს მდგომარეობის შესწავლისა და უსაფრთხოების უზრუნველსაყოფად დაგეგმილი ღონისძიებების შესახებ ამ დრომდე პასუხგაუცემელია.
 
ამ ვითარებაში მნიშვნელოვანია ადგილობრივი მოსახლეობა სრულყოფილად იცნობდეს საკუთარ უფლებებს და მათ ხელთ არსებულ სამართლებრივ ბერკეტებს.
სხვა / თარგმანი

მოქალაქეობა და სოციალური კლასი - ტ.ჰ. მარშალი

ნუთუ, მართალია, რომ მოქალაქეობის არსით გაჯერებული და მოქალაქეობის ფორმალურ უფლებებში განსხეულებული საბაზისო თანასწორობა სოციალურ კლასთა შორის არსებულ უთანასწორობასთან თავსებადია? ვვარაუდობ, რომ ჩვენი საზოგადოების აზრით, ეს ორი რამ ჯერ კიდევ თავსებადია და თავად მოქალაქეობა, გარკვეული თვალსაზრისით, იქცა კიდეც სოციალური უთანასწორობის ლეგიტიმურ არქიტექტორად. ნუთუ, ჯერ კიდევ მართალია, რომ საბაზისო თანასწორობა კონკურენტული ბაზრის შეზღუდვის გარეშე შეიძლება შეიქმნას და შენარჩუნდეს? რა თქმა უნდა, არა. [...] თუმცა ისიც ასევე ნათელია, რომ ბაზარი - საზღვრების ფარგლებში - კვლავ ფუნქციონირებს. სწორედ აქ შეიძლება წარმოიქმნას პრინციპთა ის შესაძლო დაპირისპირება, რომელსაც გამოკვლევა სჭირდება. მესამეც, საინტერესოა, რა გავლენას ახდენს აქცენტის გადატანა ვალდებულებებიდან უფლებებზე? არის თუ არა თანამედროვე მოქალაქეობის ეს გარდაუვალი მახასიათებელი მართლაც გარდაუვალი და შეუქცევადი? და ბოლოს, უნდა ვიკითხო, არსებობს თუ არა იმგვარი საზღვრები, რომელთაც ვერ გადალახავს სოციალური თანასწორობისკენ მოდერნული სწრაფვის სურვილი? ვგულისხმობ საზღვრებს არა ეკონომიკური დანახარჯების კუთხით (ეს სასიცოცხლოდ მნიშვნელოვანი საქმე ეკონომისტებისთვის მიმინდია), არამედ იმ საფუძვლების შინაგან საზღვრებს, რომლებიც სწრაფვის სურვილს ასაზრდოებენ. თუმცა ვფიქრობ, რომ ეს სწრაფვა ბოლო საფეხურია მოქალაქეობის ევოლუციისა, რომელიც ორას ორმოცდაათი წლის მანძილზე მუდმივად ვითარდებოდა. შესაბამისად, ჩემს პირველ ამოცანას [ინგლისის] ნიადაგის ქექვით იმ საფუძველის შექმნა წარმოადგენს, რომლითაც თანამედროვე პრობლემებზე მივიტანთ იერიშს.

თარგმანი სრულად იხ. მიმაგრებულ ფაილში

მოქალაქეობა_და_სოციალური_კლასი_1651152395.pdf

ამავე თემაზე

ინსტრუქცია

  • საიტზე წინ მოძრაობისთვის უნდა გამოიყენოთ ღილაკი „tab“
  • უკან დასაბრუნებლად გამოიყენება ღილაკები „shift+tab“