ლინა სოციალური სამართლიანობის ცენტრის (ყოფილი EMC) ერთ-ერთი დამფუძნებელია. ის დაფუძნებიდან 2018 წლამდე იყო სოციალური სამართლიანობის ცენტრის (ყოფილი EMC) სოციალური პოლიტიკის პროგრამის დირექტორი და სხვა პროგრამების დირექტორებთან ერთად ხელმძღვანელობდა ორგანიზაციას. 2019 წლიდან არის ორგანიზაციის აღმასრულებელი დირექტორი. ხელმძღვანელობს დირექტორთა საბჭოს, რომელიც  პასუხისმგებელია ორგანიზაციის მართვასა და განვითარებაზე. აღმასრულებელი დირექტორის ფუნქციებს ასევე განეკუთვნება ორგანიზაციის საქმიანობის კოორდინაცია, მისი საერთო ხელმძღვანელობა და  წარმომადგენლობა. ის დირექტორთა საბჭოსთან ერთად პასუხისმგებელია ორგანიზაციის პოზიციონირებაზე, მის ეფექტიან მართვასა და სტრატეგიულ განვითარებაზე. 

პროფესიული გამოცდილება

2013-2018: სოციალური პოლიტიკის პროგრამის დირექტორი, სოციალური სამართლიანობის ცენტრი  (ყოფილი EMC)

2011–2013: საპარლამენტო მდივნის სამსახური -საქართველოს ახალგაზრდა იურისტთა ასოციაცია (GYLA);

2007–2010: იურისტი - საქართველოს ახალგაზრდა იურისტთა ასოციაცია (GYLA);

ის აგრეთვე, არის 15-მდე კვლევის/ანგარიშის ავტორი და ხელმძღვანელი, რომელიც შეეხება შრომით უფლებებს, უფლებას საცხოვრებელზე, შეზღუდული შესაძლებლობის მქონე პირთა უფლებებსა და რელიგიის თავისუფლებას, ასევე, გამჭვირვალობის, ანგარიშვალდებულებისა და კორუფციის წინააღმდეგ ბრძოლის საკითხებს. 

განათლება

2018-2019: განვითარება და ადამიანის უფლებები (მაგისტრის ხარისხი) - სვანსის უნივერსიტეტი (უელსი, დიდი ბრიტანეთი);

2010-2011: დემოკრატიული მმართველობისა და კანონის უზენაესობის მიმართულება (მაგისტრის ხარისხი) - ოჰაიოს ჩრდილოეთ უნივერსიტეტის სამართლის კოლეჯი (ოჰაიოს შტატი, აშშ);

2004-2008: სამართალმცოდნეობის ფაკულტეტი(ბაკალავრის ხარისხი) - ივანე ჯავახიშვილის სახელობის თბილისის სახელმწიფო უნივერსიტეტის;

თამთა სოციალური სამართლიანობის ცენტრის (ყოფილი EMC) ერთ-ერთი დამფუძნებელია. ის დაფუძნებიდან ორგანიზაციის დირექტორთა საბჭოს წევრია და სხვა პროგრამების დირექტორებთან ერთად ორგანიზაციას ხელმძღვანელობს. ის უშუალოდ პასუხისმგებელია თანასწორობის პოლიტიკის პროგრამის მართვასა და კოორდინირებაზე. პროგრამა ანტიდისკრიმინაციულ პოლიტიკასა და არადომინანტი ჯგუფების (რელიგიური და ეთნიკური უმცირესობების, ასევე ლგბტქი ადამიანების) ჩაგვრისა და პოლიტიკურ, სოციალურ და დისკურსულ დონეებზე მათი გარიყულობის საკითხებზე მუშაობს და  საქმიანობაში კვლევის, ადვოკატირების,  სტრატეგიული სამართალწარმოების და ცოდნის გადაცემის ინსტრუმენტებს იყენებს.  როგორც პროგრამის დირექტორი, მისი უშუალო ვალდებულებაა  პროგრამის სტარტეგიულ განვითარებაზე, ხედვასა და დღის წესრიგზე მუშაობა, ფინანსური რესურსების მობილიზაციის უზრუნველყოფა, პროგრამის თანამშრომლების საქმიანობის კოორდინირება და მხარდაჭერა. 

პროფესიული გამოცდილება

2015-დღემდე: ასოცირებული პროფესორი - ილიას სახელმწიფო უნივერსიტეტი

2009-2013: ადამიანის უფლებათა ევროპულ სასამართლოში სტრატეგიული სამართალწარმოების იურისტი და ადამიანის უფლებათა მკვლევარი - ახალგაზრდა იურისტთა ასოციაციაში;

2009: მრჩეველი - ეროვნული უშიშროების საბჭოში;

2005-2009: მრჩევლი-საქართველოს იუსტიციის სამინისტროს, ადამიანის უფლებათა ევროპულ სასამართლოში სახელმწიფო წარმომადგენლობის დეპარტამენტში.

თამთა არის 10-მდე კვლევის/ანგარიშის ავტორი/ხელმძღვანელი, რომელიც შეკრების და რელიგიის თავისუფლების, სეკულარიზმის, ლგბტი პირთა უფლებრივი მდგომარეობის, ანტიდისკრიმინაციული პოლიტიკის საკითხებს უკავშირდება. 

განათლება

2006-2008: სამართალმცოდნეობის ფაკულტეტი, საჯარო სამართლის მაგისტრი - ივანე ჯავახიშვილის სახელობის თბილისის სახელმწიფო უნივერსიტეტი;

2002- 2006: სამართალმცოდნეობის ფაკულტეტი, ბაკალავრი - ივანე ჯავახიშვილის სახელობის თბილისის სახელმწიფო უნივერსიტეტის.

თათული სოციალური სამართლიანობის ცენტრის (ყოფილი EMC) გუნდში 2013-2017 წლებში მუშაობდა, ხოლო 2021 წლიდან მას შემოუერთდა, როგორც დირექტორთა საბჭოს წევრი.

ის უშუალოდ პასუხისმგებელია უხელმძღვანელოს სოციალური პოლიტიკის პროგრამა, რომლის მიზანიცაა, ერთი მხრივ ეკონომიკური და სოციალური ჩაგვრის სტრუქტურული მიზეზების გამოვლენა, მეორე მხრივ კი ეკონომიკურად და სოციალურად ჩაგრული ჯგუფების, მათ შორის მშრომელების, უსახლკაროებისა და შეზღუდული შესაძლებლობის მქონე პირთა უფლებრივი მდგომარეობისა და მათი  სოციალური და ეკონომიკური ექსკლუზიის აღწერა, ასევე მათი საჭიროებების გამოვლენა და პოლიტიკურ დღის წესრიგში შეტანა. პროგრამა, აგრეთვე მუშაობს  გარემოსდაცვით საკითხებზე, სადაც მნიშვნელოვანი ხდება როგორც ბუნებრივი რესურსების ათვისების პოლიტიკის კრიტიკა, ისე საჯარო სიკეთეებისა და სახელმწიფო ინტერესების კერძო სუბიექტებისათვის დათმობისადმი წინააღმდეგობის პრაქტიკები.

როგორც პროგრამის დირექტორი, თათული პასუხისმგებელია პროგრამის პოლიტიკის, სტრატეგიისა და პოზიციონირების დაგეგმვასა და პროგრამის გუნდთან ერთად მის განხორციელებაზე. მის ფუნქციებს ასევე შეადგენს პროგრამის საქმიანობისთვის საჭირო ფინანსური რესურსების მობილიზება, პროგრამის გუნდის საქმიანობის კოორდინაცია, გუნდის მართვა და მისი წევრების მხარდაჭერა.

 პროფესიული გამოცდილება

2019-2021 დიზაინის, მონიტორინგისა და შეფასების ოფიცერი - World Vision საქართველო

2018-2019 საზოგადოებასთან ურთიერთობისა და კომუნიკაციების ოფიცერი - University-Industry Innovation Network (UIIN)

2013-2017 სოციალური მკვლევარი და პროექტების კოორდინატორი -  სოციალური სამართლიანობის ცენტრი  (ყოფილი EMC)

თათული არის კვლევების/ანგარიშების ავტორი/თანაავტორი, რომლებიც უკავშირდება  შრომისა და სათანადო საცხოვრისის უფლებებს,  ადგილობრივ მოსახლეობას შორის  გაჩენილი პოლიტიკური წინააღმდეგობების შემთხვევებს, გარემოსდაცვით თუ ურბანულ პროტესტებს, სადაც მოსახლეობა წინააღმდეგობას უწევდა ე.წ. განვითარების პროექტებს, ბუნებრივი გარემოსა და კულტურული მემკვიდრეობის დასაცავად.

განათლება

2014-2015 - განვითარებად მცოდნეობის მაგისტრი - ერასმუსის უნივერსიტეტი როტერდამში (ჰააგა, ნიდერლანდების სამეფო)

2012 -2013 - საერთაშორისო ურთიერთობების გაცვლითი პროგრამა - ჩარლის უნივერსიტეტი (პრაღა, ჩეხეთის რესპუბლიკა)

2010 – 2011 - სამხრეთ-აღმოსავლეთის საზოგადოებრივი კოლეჯი, ბეატრისი, ნებრასკა (აშშ-ის სახელმწიფო დეპარტამენტის გაცვლითი პროგრამა)

2009 – 2013 - სოციალურ-პოლიტიკური მეცნიერებების ფაკულტეტი - თბილისის ივ. ჯავახიშვილის სახელობის სახელმწიფო უნივერსიტეტი

გურამი სოციალური სამართლიანობის ცენტრის (ყოფილი EMC) გუნდს 2013 წლიდან შემოუერთდა, ხოლო 2019 წლიდან არის დირექტორთა საბჭოს წევრი და სხვა პროგრამების დირექტორებთან ერთად ხელმძღვანელობს ორგანიზაციას. ის უშუალოდ პასუხისმგებელია მართლმსაჯულების და დემოკრატიის პროგრამის მართვასა და კოორდინირებაზე. პროგრამის მიზანია ქვეყანაში დემოკრატიული მმართველობის მხარდაჭერა, ადამიანის უფლებებზე დაფუძნებული, სამართლიანი და მაღალი სოციალური მგრძნობელობის მართლმსაჯულების სისტემის შექმნის ხელშეწყობა და მაღალი ანგარიშვალდებულების მქონე, ინდივიდების საჭიროებებზე ორიენტირებული სამართალდამცავი სისტემის შექმნა. ამ მიზნით, პროგრამა მუშაობს სასამართლოში, სამართალდამცავ ორგანოებსა და უსაფრთხოების სექტორში სისტემური რეფორმების მხარდაჭერაზე და აღნიშნული ინსტიტუტების შინაარსობრივ ტრანსფორმაციაზე, რათა უზრუნველყოფილი იყოს მეტად სამართლიანი, სოლიდარობასა და კეთილდღეობაზე ორიენტირებული მმართველობა. როგორც პროგრამის დირექტორი, გურამი პასუხისმგებელია პროგრამის პოლიტიკის, სტრატეგიისა და პოზიციონირების დაგეგმვასა და პროგრამის გუნდთან ერთად მის განხორციელებაზე. მის ფუნქციებს ასევე შეადგენს პროგრამის საქმიანობისთვის საჭირო ფინანსური რესურსების მობილიზება, პროგრამის გუნდის საქმიანობის კოორდინაცია, გუნდის მართვა და მისი წევრების მხარდაჭერა.

პროფესიული გამოცდილება

2019-დღემდე: მოწვეული პედაგოგი - ილიას სახელმწიფო უნივერსიტეტი;

2013-2018: მართლმსაჯულების და დემოკრატიის პროგრამის პროექტების კოორდინატორი -სოციალური სამართლიანობის ცენტრის (ყოფილი EMC);

2016-2018: დისტანციური მკვლევარი/ანალიტიკოსი - Human Rights Watch;

2013-2015: მართლმსაჯულების და დემოკრატიის პროგრამის იურისტი/მკვლევარი - სოციალური სამართლიანობის ცენტრის (ყოფილი EMC);

გურამი არის 10-მდე კვლევის/ანგარიშის ავტორი/თანაავტორი, რომლებიც უკავშირდება სამართალდამცავი სისტემის ინსტიტუციურ რეფორმებს, პოლიციის პოლიტიკურ ნეიტრალიტეტს, დამოუკიდებელი და გამჭვირვალე მართლმსაჯულების განვითარებას, ნარკოპოლიტიკას და უსაფრთხოების სისტემას.

განათლება

2018-2019: სისხლის სამართალი და კრიმინოლოგია (მაგისტრის ხარისხი) - სასექსის უნივერსიტეტი (ინგლისი, დიდი ბრიტანეთი);

2013-2015: სისხლის სამართალი (მაგისტრის ხარისხი) - ივანე ჯავახიშვილის სახელობის თბილისის სახელმწიფო უნივერსიტეტი;

2009-2013: სამართალმცოდნეობა (ბაკალავრის ხარისხი) - ივანე ჯავახიშვილის სახელობის თბილისის სახელმწიფო უნივერსიტეტი.

ელენე 2016 წლიდან სოციალური სამართლიანობის ცენტრის (ყოფილი EMC) გუნდის წევრია. ის ორგანიზაციული განვითარების მენეჯერის პოზიციას იკავებს და მისი საქმიანობის მთავარი მიმართულებებია - ორგანიზაციის განვითარების სტრატეგიული ხედვის  შემუშავება და მისი სათანადო დანერგვა. ორგანიზაციული მართვის  მონაწილეობითი და ეფექტიანი სისტემის მუშაობის უზრუნველყოფა, მათ შორის, შიდა-საკომუნიკაციო სისტემების მართვა, საკადრო პოლიტიკის აღსრულება და ორგანიზაციის ადმინისტრაციული სამსახურის ხელმძღვანელობა. აგრეთვე, მისი საქმიანობა მოიცავს ორგანიზაციის გარე კომუნიკაციის და პოზიციონირების მონიტორინგს.

პროფესიული გამოცდილება

2016-2018: კომუნიკაციების მენეჯერი - სოციალური სამართლიანობის ცენტრის (ყოფილი EMC);

2014-2016: კომუნიკაციების მენეჯერი - მედია გამოცემა „ლიბერალი;

2011-2013: გაყიდვებისა და მარკეტინგის მენეჯერი - მედია ჰოლდინგი „დეკომი“ (ჟურნალი „ცხელი შოკოლადი“; ჟურნალი „ლიბერალი“; ჟურნალი „ბიზნესი“);

ის აგრეთვე  საფრანგეთში, სტაჟირების პროგრამების ფარგლებში მუშაობდა 2 სხვადასხვა არასამთავრობო ორგანიზაციაში  კომუნიკაციის მენეჯერის და პროექტების კოორდინატორის ასისტენტის პოზიციაზე.

განათლება

2013-2014: კომუნიკაციის ადმინისტრირება და მენეჯმენტი (მაგისტრის ხარისხი) - ტულუზის უნივერსიტეტი (Capitole 1);

2009-2010: საჯარო მართვა - მართვისა და ბიზნესის ადმინისტრირების ფრანკოფონული ინსტიტუტი/ლიეჟის სახელმწიფო უნივერსიტეტი (მაგისტრის ხარისხი; ბულგარეთი/ბელგია);

2005-2009: ფრანგული ენის ფილოლოგია - ილიას სახელმწიფო უნივერსიტეტი/პოლ-ვალერი მონპელიე 3 (ბაკალავრის ხარისხი, საქართველო/საფრანგეთი).

სალომე სოციალური სამართლიანობის ცენტრის (ყოფილი EMC) გუნდს 2018 წლის ნოემბრიდან შემოუერთდა. მისი საქმიანობის მთავარი მიმართულებაა  ორგანიზაციის  კომუნიკაციის სტრატეგიული ხედვის განვითარება და დანერგვა. საქმიანობა მოიცავს საკომუნიკაციო სისტემების მართვასა და გარე კომუნიკაციას მედიასთან და სხვა დაინტერესებულ ჯგუფებთან.

პროფესიული გამოცდილება

2017- დღემდე შავი ზღვის საერთაშორისო უნივერსიტეტი - მიწვეული ლექტორი

2015-2018 მედიაპორტალი Mediachecker.ge - მთავარი რედაქტორი

2013-2018 საქართველოს ჟურნალისტური ეთიკის ქარტია - მედიამონიტორინგის პროექტების მკვლევარი

2010-2013 არასამთავრობო ორგანიზაცია - ადამიანის უფლებათა ცენტრის სასამართლოს მონიტორინგის პროექტის რეპორტიორი. პორტალ Humanrights.ge-ს აღმასრულებელი რედაქტორი.

განათლება

ანასტასია სოციალური სამართლიანობის ცენტრის (ყოფილი EMC) გუნდს 2019 წლის მარტიდან შემოუერთდა. მისი საქმიანობა მოიცავს ორგანიზაციის სოციალური მედია პლატფორმების და ვებ-გვერდის ადმინისტრირებას, მედიამონიტორინგის განხორციელებას, ღონისძიებების დაგეგმვაში მონაწილეობას. ასევე, ჩართულია ორგანიზაციის პუბლიკაციების და მულტიმედია პროდუქტების მომზადების პროცესში.

პროფესიული გამოცდილება

2019 მარტი-სექტემბერი: სტაჟირება საზოგადოებასთან ურთიერთობის მიმართულებით - სოციალური სამართლიანობის ცენტრი (ყოფილი EMC)

10/2018-03/2019: ჟურნალისტი - ტელეკომპანია "იმედი" (სტაჟირება)

04/2018-09/2018: ჟურნალისტი - On.ge (სტაჟირება)

განათლება

2019-დღემდე: საზოგადოებრივი ურთიერთობები (მაგისტრატურა) - ილიას სახელმწიფო უნივერსიტეტი;

10/2019-12/2019: ეკონომიკური მედიასკოლა - არასამთავრობო ორგანიზაცია „საზოგადოება და ბანკები“;

03/2018-07/2018: ქარტიის მედიასკოლა - საქართველოს ჟურნალისტური ეთიკის ქარტია;

2015-2019: სოციალური მეცნიერებების ბაკალავრი ჟურნალისტიკის სპეციალობით - ივანე ჯავახიშვილის სახელობის თბილისის სახელმწიფო უნივერსიტეტი.

დეა სოციალური სამართლიანობის ცენტრის (ყოფილი EMC) გუნდის წევრი 2015 წლის მაისიდან გახდა. მისი მთავარი ამოცანაა ორგანიზაციის ფინანსური საქმიანობის ხელმძღვანელობა, მისი დაგეგმვა, აღსრულება და ანალიზი. მისი საქმიანობა  ასევე მოიცავს ორგანიზაციის ფინანსური და მატერიალური რესურსების აღრიცხვას და დონორ ორგანიზაციებთან და სახელმწიფოსთან ანგარიშგებას. აგრეთვე, ორგანიზაციის ფინანსური საჭიროებების იდენტიფიცირებას და მათი მობილიზების პროცესში მონაწილეობას.

პროფესიული გამოცდილება

2008-2015: უფროსი კონსულტანტი - საბუღალტრო აღრიცხვის აუთსორსინგის განყოფილება -  აუდიტორული კომპანია ბიდიო (BDO);

2006-2008: ბუღალტერის ასისტენტი - შპს პოულტრი ჯორჯია.

განათლება

2009-დღემდე: პროფესიონალ ბუღალტერთა ინსტიტუტი (ACCA) – F1-F6;

2000-2004:  მიკროეკონომიკა და მენეჯმენტი - სახელმწიფო და მუნიციპალური მართვა (ბაკალავრი) - თბილისის ივანე ჯავახიშვილის სახელობის სახელმწიფო უნივერსიტეტი.