[Skip to Content]

სიახლეების გამოწერა

ჯავახეთში კრიტიკული პოლიტიკის სკოლის მონაწილეების შერჩევა დაიწყო/Ջավախքում մեկնարկել է Քննադատական ​​քաղաքականության դպրոցի մասնակիցների ընտրությունը

 

Տե՛ս հայերեն թարգմանությունը ստորև

სოციალური სამართლიანობის ცენტრი აცხადებს მიღებას ჯავახეთის რეგიონში კრიტიკული პოლიტიკის სკოლის მონაწილეების შესარჩევად. 

კრიტიკული პოლიტიკის სკოლა, ჩვენი ხედვით, ნახევრად აკადემიური და პოლიტიკური სივრცეა, რომელიც მიზნად ისახავს სოციალური სამართლიანობის, თანასწორობის და დემოკრატიის საკითხებით დაინტერესებულ ახალგაზრდა აქტივისტებსა და თემის ლიდერებში კრიტიკული ცოდნის გაზიარებას და კოლექტიური მსჯელობისა და საერთო მოქმედების პლატფორმის შექმნას.

კრიტიკული პოლიტიკის სკოლა თეორიული ცოდნის გაზიარების გარდა, წარმოადგენს მისი მონაწილეების ურთიერთგაძლიერების, შეკავშირებისა და საერთო ბრძოლების გადაკვეთების ძიების ხელშემწყობ სივრცეს.

კრიტიკული პოლიტიკის სკოლის მონაწილეები შეიძლება გახდნენ ჯავახეთის რეგიონში (ახალქალაქის, ნინოწმინდისა და ახალციხის მუნიციპალიტეტებში) მოქმედი ან ამ რეგიონით დაინტერესებული სამოქალაქო აქტივისტები, თემის ლიდერები და ახალგაზრდები, რომლებიც უკვე მონაწილეობენ, ან აქვთ ინტერესი და მზადყოფნა მონაწილეობა მიიღონ დემოკრატიული, თანასწორი და სოლიდარობის იდეებზე დაფუძნებული საზოგადოების მშენებლობაში.  

პლატფორმის ფარგლებში წინასწარ მომზადებული სილაბუსის საფუძველზე ჩატარდება 16 თეორიული ლექცია/დისკუსია სოციალური, პოლიტიკური და ჰუმანიტარული მეცნიერებებიდან, რომელსაც სათანადო აკადემიური გამოცდილების მქონე პირები და აქტივისტები წაიკითხავენ.  პლატფორმის მონაწილეების საჭიროებების გათვალისწინებით, ასევე დაიგეგმება სემინარების ციკლი კოლექტიური მობილიზაციის, სოციალური ცვლილებებისთვის ბრძოლის სტრატეგიებსა და ინსტრუმენტებზე (4 სემინარი).

აღსანიშნავია, რომ სოციალური სამართლიანობის ცენტრს უკვე ჰქონდა ამგვარი კრიტიკული პოლიტიკის სკოლების ორგანიზების კარგი გამოცდილება თბილისში, მარნეულში, აჭარასა  და პანკისში.

კრიტიკული პოლიტიკის სკოლის ფარგლებში დაგეგმილი შეხვედრების ფორმატი:

  • თეორიული ლექცია/დისკუსია
  • გასვლითი ვიზიტები რეგიონებში
  • შერჩეული წიგნის/სტატიის კითხვის წრე
  • პრაქტიკული სემინარები

სკოლის ფარგლებში დაგეგმილ შეხვედრებთან დაკავშირებული ორგანიზაციული დეტალები:

  • სკოლის მონაწილეთა მაქსიმალური რაოდენობა: 25
  • ლექციებისა და სემინარების რაოდენობა: 20
  • სალექციო დროის ხანგრძლივობა: 8 საათი (თვეში 2 შეხვედრა)
  • ლექციათა ციკლის ხანგრძლივობა: 6 თვე (ივლისი-დეკემბერი)
  • ლექციების ჩატარების ძირითადი ადგილი: ნინოწმინდა, თბილისი
  • კრიტიკული სკოლის მონაწილეები უნდა დაესწრონ სალექციო საათების სულ მცირე 80%-ს.

სოციალური სამართლიანობის ცენტრი სრულად დაფარავს  მონაწილეების ტრანსპორტირების ხარჯებს.

შეხვედრებზე უზრუნველყოფილი იქნება სომხურ ენაზე თარგმანიც.

შეხვედრების შინაარსი, გრაფიკი, ხანგრძლივობა და ასევე სხვა ორგანიზაციული დეტალები შეთანხმებული იქნება სკოლის მონაწილეებთან, ადგილობრივი კონტექსტისა და მათი ინტერესების გათვალისწინებით.

მონაწილეთა შერჩევის წესი

პლატფორმაში მონაწილეობის შესაძლებლობა ექნებათ უმაღლესი განათლების მქონე (ან დამამთავრებელი კრუსის) 20 წლიდან 35 წლამდე ასაკის ახალგაზრდებს. 

კრიტიკული პოლიტიკის სკოლაში მონაწილეობის სურვილის შემთხვევაში გთხოვთ, მიმდინარე წლის 30 ივნისამდე გამოგვიგზავნოთ თქვენი ავტობიოგრაფია და საკონტაქტო ინფორმაცია.

დოკუმენტაცია გამოგვიგზავნეთ შემდეგ მისამართზე: [email protected] 

გთხოვთ, სათაურის ველში მიუთითოთ: "კრიტიკული პოლიტიკის სკოლა ჯავახეთში"

ჯავახეთში კრიტიკული პოლიტიკის სკოლის განხორციელება შესაძლებელი გახდა პროექტის „საქართველოში თანასწორობის, სოლიდარობის და სოციალური მშვიდობის მხარდაჭერის“ ფარგლებში, რომელსაც საქართველოში შვეიცარიის საელჩოს მხარდაჭერით სოციალური სამართლიანობის ცენტრი ახორციელებს.

 

Սոցիալական արդարության կենտրոնը հայտարարում է Ջավախքի տարածաշրջանում բնակվող երիտասարդների ընդունելիություն «Քննադատական մտածողության դպրոցում»

Քննադատական մտածողության դպրոցը մեր տեսլականով կիսակադեմիական և քաղաքական տարածք է, որի նպատակն է կիսել քննադատական գիտելիքները երիտասարդ ակտիվիստների և համայնքի լիդեռների հետ, ովքեր հետաքրքրված են սոցիալական արդարությամբ, հավասարությամբ և ժողովրդավարությամբ, և ստեղծել կոլեկտիվ դատողությունների և ընդհանուր գործողությունների հարթակ:

Քննադատական մտածողության դպրոցը, բացի տեսական գիտելիքների տարածումից, ներկայացնում  է որպես տարածք փոխադարձ հնարավորությունների ընդլայնման, մասնակիցների միջև ընդհանուր պայքարի միջոցով խնդիրների հաղթահարման և համախմբման համար։

Քննադատական մտածողության դպրոցի մասնակից կարող են դառնալ Ջավախքի տարածաշրջանի (Նինոծմինդա, Ախալքալաքի, Ախալցիխեի) երտասարդները, ովքեր հետաքրքրված են քաղաքական աքտիվիզմով, գործող ակտիվիստներ, համայնքի լիդեռները և շրջանում բնակվող երտասարդները, ովքեր ունեն շահագրգռվածություն և պատրաստակամություն՝ կառուցելու ժողովրդավարական, հավասարազոր և համերաշխության վրա հիմնված հասարակություն։

Հիմնվելով հարթակի ներսում նախապես պատրաստված ուսումնական ծրագրի վրա՝ 16 տեսական դասախոսություններ/քննարկումներ կկազմակերպվեն սոցիալական, քաղաքական և հումանիտար գիտություններից՝ համապատասխան ակադեմիական փորձ ունեցող անհատների և ակտիվիստների կողմից: Հաշվի առնելով հարթակի մասնակիցների կարիքները՝ նախատեսվում է նաև սեմինարների շարք կոլեկտիվ մոբիլիզացիայի, սոցիալական փոփոխությունների դեմ պայքարի ռազմավարությունների և գործիքների վերաբերյալ  (4 սեմինար):

Հարկ է նշել, որ Սոցիալական արդարության կենտրոնն արդեն ունի նմանատիպ քննադատական քաղաքականության դպրոցներ կազմակերպելու լավ փորձ Թբիլիսիում, Մառնեուլիում, Աջարիայում և Պանկիսիում։

Քննադատական քաղաքականության դպրոցի շրջանակներում նախատեսված հանդիպումների ձևաչափը

  • Տեսական դասախոսություն/քննարկում
  • Այցելություններ/հանդիպումներ տարբեր մարզերում
  • Ընթերցանության գիրք / հոդված ընթերցման շրջանակ
  • Գործնական սեմինարներ

Դպրոցի կողմից ծրագրված հանդիպումների կազմակերպչական մանրամասներ

  • Դպրոցի մասնակիցների առավելագույն թիվը՝ 25
  • Դասախոսությունների և սեմինարների քանակը՝ 20
  • Դասախոսության տևողությունը՝ 8 ժամ (ամսական 2 հանդիպում)
  • Դասախոսությունների տևողությունը՝ 6 ամիս (հուլիս-դեկտեմբեր)
  • Դասախոսությունների հիմնական վայրը՝ Նինոծմինդա, Թբիլիսի
  • Քննադատական դպրոցի մասնակիցները պետք է մասնակցեն դասախոսության ժամերի առնվազն 80%-ին:

Սոցիալական արդարության կենտրոնն ամբողջությամբ կհոգա մասնակիցների տրանսպորտային ծախսերը։

Հանդիպումների ժամանակ կապահովվի հայերեն լզվի թարգմանությունը։

Հանդիպումների բովանդակությունը, ժամանակացույցը, տևողությունը և կազմակերպչական այլ մանրամասներ կհամաձայնեցվեն դպրոցի մասնակիցների հետ՝ հաշվի առնելով տեղական համատեքստը և նրանց հետաքրքրությունները:

Մասնակիցների ընտրության ձևաչափը

Դպրոցում մասնակցելու հնարավորություն կնձեռվի բարձրագույն կրթություն ունեցող կամ ավարտական կուրսի 20-ից-35 տարեկան ուսանողներին/երտասարդներին։ 

Եթե ցանկանում եք մասնակցել քննադատական քաղաքականության դպրոցին, խնդրում ենք ուղարկել մեզ ձեր ինքնակենսագրությունը և կոնտակտային տվյալները մինչև հունիսի 30-ը։

Փաստաթղթերն ուղարկել հետևյալ հասցեով; [email protected]

Խնդրում ենք վերնագրի դաշտում նշել «Քննադատական մտածողության դպրոց Ջավախքում»:

Ջավախքում Քննադատական մտածողության դպրոցի իրականացումը հնարավոր է դարձել «Աջակցություն Վրաստանում հավասարության, համերաշխության և սոցիալական խաղաղության» ծրագրի շրջանակներում, որն իրականացվում է Սոցիալական արդարության կենտրոնի կողմից Վրաստանում Շվեյցարիայի դեսպանատան աջակցությամբ ։

რელიგიის თავისუფლება / თვალსაზრისი

ბოდიშის დღე, ყურბან-ბაირამი

ავთო შერვაშიძე 

ფოტო: ავთო შერვაშიძე

სოფელში მცხოვრებ ბავშვს დიდად არ მანაღვლებდა დროის მსვლელობა, თუმცა კვირის დღეებისა და თვეების ჩამოთვლა საკმაოდ ადრე მისწავლია. მახსოვს, სულ ვასაჩივრებდი ჩემს გარშემო უბავშვობას და სიცარიელეს. გონიერი ცხოვრების დაწყებისას აღმომიჩენია, რომ თითქმის დაცარიელებული სოფელი წელიწადის ერთ დღეს განსაკუთრებით ივსება. ამ პერიოდში გამიცნია ჩემი ბიძიები, მამიდები და შორი ნათესავის ბავშვები, რომელთა მორთმეული საჩუქრები ძალიან საიშვიათოდ, დარცხვენითა და სუნით მახსენდება - ხორცის სუნით, თურმე ბაირამს აღვნიშნავდით.

სტუმართმოყვარე ოჯახში ვიზრდებოდი, თუმცა ბაირამის დღეებში სტუმრებისადმი განსაკუთრებულ პატივს ვამჩნევდი. სამი დღის განმავლობაში ისე იცვლებოდა ადამიანის სახეები, რომ ვერ ვასწრებდი მათ კარგად დამახსოვრებას, მაგრამ მახსოვდა მათი სუნი. ეს სუნი ასოცირდებოდა ჩემს შესაძლებლობასთან, მენახა სხვა ბავშვები მეთამაშა და გავცნობოდი მათ. ბებიაჩემის წყალობით დროთა განმავლობაში ვხვდებოდი რომ ჩემი მოლოდინები ამ დღისადმი საკრალურობასაც უკავშირდებოდა.

ბებიამ სულ იცოდა მადლიანი დღეების შეხსენება ოჯახისთვის, მოგვიწოდებდა სანიმუშო ქცევებისა და ღმერთზე თხოვნების გაგზავნასაკენ. მახსოვს მანვე მითხრა, რომ ბაირამი ჩვენი, ადამიანების სამადლობელო დღეებია ალლაჰისადმი, მაგრამ რაკი შეამჩნია, რომ დიდად ვერ გამეგო რისთვის უნდა მემადლიერა და რატომ, მითხრა, ვინმესგან თუ წყენა მახსოვდა დამევიწყებინა და ვინმესთის თუ მიწყენინებია ბოდიში მეთხოვა. ძალიან მტკიცედ მეჩვენა ეს სიტყვები და ამ დღეს ჩემს გონებაში ახლაც „ბოდიში“ ჰქვია.

ვიზრდებოდი. ბევრი ბაირამი ვნახე, ბევრ ბავშვს ვეთამაშე, ბევრი ვილოცე ჯამეში, ბევრი ბოდიშიც მოვიხადე, იმაზე მეტი ბოდიში, ვიდრე ვინმესთვის რამე მიწყენინებია, მათი დიდი ნაწილი თვალდახუჭული, ხელში ზურგზე დაწოლილი საკლავის ფეხით მაქვს ნათქვამი, რომლის სიბრალულით ქუთუთოები ცრემლებით მებერებოდა და მერე მსკდებოდა, ისე როგორც სისხლი იმ ჩლიქოსანის ყელიდან. ისლამში ასე გვჯერა, რაწამს დაეცემა ღვთის სახელით შეწირული ცხოველის სისხლი დედამიწაზე, მაშინვე აიყრება ცოდვები შენი მხრებიდან. კარგად მახსოვს, სახლის ფანჯრებიდან გადმოყუდებული უხუცესები დამკლავთ როგორ მიუთითებდნენ რიტუალის სწორად შესრულებისკენ და ბოლოს ამბობდნენ „ალლაჰ ყაბულეცუნ“ (ღმერთმა მიიღოს თქვენი ლოცვა).

ბაირამის დღესასწაული ახლაც ძველებურად აღინიშნება, რამადანის თვის დასრულებიდან 70-ე დღისთვის ახლაც განსაკუთრებულად ვემზადებით, ვაცხობთ ნამცხვრებს, ტკბილეულს, მათ შორის ყველაზე აუცილებელს ‑ ჰალვას, რომელიც, როგორც წესი მიცვალებულთა სულების მოსახსენიებლად მზადდება. ისევ ისე, იხსნედა მიტოვებული სახლის კარები, ისევ ბევრი ხალხია, ისევ ხორცის სუნია. როგორც ყველა, ისე ჩემს ოჯახშიც საკლავის ხორცს სამად ვანაწევრებთ, ერთს ჩვენთვის ვიტოვებთ, მეორეს მეზობელთათვის, მესამეს კი შეჭირვებულებს ვუნაწილებთ, საკლავის მადლიანობასაც ამით ხსნის ისლამი, და ამბობს, რომ ყოველდღიურად ასიათასობით ცხოვრელს კლავს ადამიანი მხოლოდ საკუთარი მოხმარებისთვის და წელიწადში ერთხელ სხვებისთვის გასაზიარებლად და ალლაჰის სადიდებლად ნუ დაენანებათ ის. ერთის მხრივ ეს არის შეხსენება და მორწმუნეთათვის კეთილი საქმის მითითება ხოლო, მეორეს მხრივ, ეს შეიძლება ჩავთვალოთ რელიგიური რიტუალების თანამედროვე გადააზრების თვითრეფლექსიად, რომლის მიზანიც ამ შემთხვევაში შეწირვის წესის გამართლება და მისი კეთილი მიზნების ჩვენებაა.

ამ დღეების განუყოფელი ნაწილია ახლობელთა სულების მოხსენიებისთვის საფლავებზე ლოცვების კითხვა და ღმერთისადმი მათი ცოდვების მიტევების თხოვნა. ისევ ბავშვობა მახსენდება, ბებიაჩემი ხელში რომ დიდი ჰალვის გუნდას მომცემდა და მეც ჩემს მოვალეობას უმალვე ვიგრძნობდი: უნდა გავქცეულიყავი და საგვარეულო სასაფლაოზე ყველას მიწაზე თანაბრად უნდა მომეპნია ჭიანჭველებისათვის განკუთვნილი წილი ჩემი ჰალვისა. აქაც გვჯერა, რომ გაღებული თითოეული ნამცეცი ჩვენი მიცვალებულთა სულის გადარჩენისთვის იქნება გაღებული.

ნიშანდობლივია, რომ ბაირამი მნიშვნელოვან როლს ატარებს შერეულ რელიგიურ ოჯახებში, რომლებშიც ახალგაზრდა თაობას მართლმადიდებლები წარმოადგენენ. ჩემს გარშემო ბევრი ქრისტიანისთვის ისეთივე წმინდა და საკრალურია ყურბან-ბაირამის დღესასწაული, როგორიც ეს მისი მშობლებისთვის, ან ბებია ბაბუებისთვის იყო. მათი დიდი ნაწილი ისევ ამოდის მამა-პაპისეულ სახლში, ამბობს „ბისმილლაჰ“ და მიცვალებულთა სახელზე სწირავს საკლავს, ამით ისინი პატივს მიაგებენ წინაპრებს, რომლის საფუძველშიც ადამიანურობის დიადი გამოვლენა - სამადლო საქმის პრინციპის გაზიარებაა.

დროის მსვლელობასთან ერთად იცვლება ადამიანთა შეხედულებები, მიდგომები, რწმენა-წარმოდგენებიც, რომელთა აღსრულება სულ უფრო უნიფიცირებული და საერთო ნორმებზე დაფუძნებული ხდება, ცალკე აღებული რელიგიური რიტუალები, რომლებიც დასაბამშივე განსაზღვრული იყო სოციალურ-პოლიტიკური თუ კულტურული თვალსაზრისით, სულ უფრო ერგება თანამედროვე ადამიანის სულიერ და ყოფით მხარეებს, ვფიქრობ რომ ისლამიც თანმიმდევრულად და სიფრთხილით მოეკიდება განვითარების შედეგებს და მასში ჩადებულ ძირეულ მრწამს შეცვლილი სახით, თუმცა იმავე მიზნით წარმოგვიდგენს. გარდაუვალობა უწერია ამ პროცესს, მთავარია მისი სწორი და რაციონალური ტრანსფორმაცია, რაც ადამიანებს კიდევ უფრო სოლიდარულს და ჰუმანურს გახდის.

ინსტრუქცია

  • საიტზე წინ მოძრაობისთვის უნდა გამოიყენოთ ღილაკი „tab“
  • უკან დასაბრუნებლად გამოიყენება ღილაკები „shift+tab“