საერთო ცხელი ხაზი +995 577 07 05 63
ხალხისა და სასამართლოს ურთიერთმიმართება რთული და საინტერესო ფენომენია.
სასამართლო ემსახურება სახალხო ინტერესს, თუმცა პირდაპირ არ აირეკლავს საზოგადოების განწყობებს. სასამართლო ასრულებს მის როლს ხალხის, როგორც კოლექტიური პოლიტიკური ერთობის მისწრაფებების მიღწევაში; თუმცა, ამავე დროს დისტანცირებულია მასების განწყობებისა და გავლენებისგან. ამ გაგებით, ის არის სახალხო, თუმცა არა პოპულისტური ინსტიტუტი.
სასამართლო ძალაუფლებას არ იღებს არჩევნების გზით და მას არ შეუძლია საზოგადოების უკმაყოფილებას ან ნდობის კრიზისს ვადამდელი არჩევნებით უპასუხოს.
გთავაზობთ სოფო ვერძეულის სტატიას, რომელშიც განხილულია სწორედ ლეგიტიმაციისა და ნდობის ასპექტები, მათი ფორმები და ელემენტები. სტატია ცდილობს უპასუხოს შეკითხვას - რას ემყარება სასამართლოს ძალაუფლება დემოკრატიულ სისტემაში და რა საფრთხეს უქმნის ნდობის და ლეგიტიმაციის კრიზისი მართლმსაჯულებას.
მასალა მომზადებულია პროექტის - „დამოუკიდებელი და სამართლიანი სასამართლო სისტემის მხარდაჭერა“ ფარგლებში, რომელსაც „სოციალური სამართლიანობის ცენტრი“ საქართველოში ნიდერლანდების სამეფოს საელჩოს ფინანსური მხარდაჭერით ახორციელებს. შინაარსზე პასუხისმგებელია სოციალური სამართლიანობის ცენტრი. დოკუმენტში წარმოდგენილი ინფორმაცია და შეფასებები შესაძლოა არ გამოხატავდეს საქართველოში ნიდერლანდების სამეფოს საელჩოს პოზიციას.
