2021 წლის 30 დეკემბერს, საქართველოს პარლამენტმა, „საერთო სასამართლოების შესახებ“ საქართველოს ორგანულ კანონში შესატანი საკანონმდებლო ცვლილებები რიგგარეშე სესიაზე, საზოგადოებრივი ჩართულობისა და კონსულტაციების გამართვის გარეშე, დაჩქარებული წესით მიიღო.[1] სახალხო დამცველისა[2] და საზოგადოებრივი ორგანიზაციების[3] მიერ პრეზიდენტისადმი  მოცემულ ცვლილებებზე ვეტოს დადების მოწოდებისა და საერთაშორისო აქტორების[4] მხრიდან კანონპროექტის კრიტიკის მიუხედავად, პრეზიდენტმა არ გამოიყენა კონსტიტუციური უფლებამოსილება და 2022 წლის 13 იანვარს ხელი მოაწერა კანონპროექტს.[5]

კანონპროექტის შედეგად ცვლილებები შევიდა ისეთი მნიშვნელოვანი საკითხების მარეგულირებელ ნორმებში, როგორიცაა:

1. მოსამართლის სხვა სასამართლოში მივლინება;
2. იუსტიციის უმაღლეს საბჭოში ზედიზედ ორჯერ ერთი და იმავე მოსამართლის არჩევა;
3. დისციპლინური სამართალწარმოება;
4. მოსამართლის საქმეთა განხილვისაგან ჩამოცილების შესახებ გადაწყვეტილების მიღების წესი.

წინამდებარე დოკუმენტი აფასებს როგორც საკანონმდებლო პაკეტის განხილვის პროცესს, ასევე ცვლილებების რელევანტურობასა და ეფექტიანობას სასამართლო სისტემაში არსებული კონტექსტისათვის და აანალიზებს მის შესაძლო შედეგებს.

სრულად დოკუმენტი ხელმისაწვდომია მიმაგრებულ ფაილში.

გაზიარება