[Skip to Content]

სიახლეების გამოწერა

ჯავახეთში კრიტიკული პოლიტიკის სკოლის მონაწილეების შერჩევა დაიწყო/Ջավախքում մեկնարկել է Քննադատական ​​քաղաքականության դպրոցի մասնակիցների ընտրությունը

 

Տե՛ս հայերեն թարգմանությունը ստորև

სოციალური სამართლიანობის ცენტრი აცხადებს მიღებას ჯავახეთის რეგიონში კრიტიკული პოლიტიკის სკოლის მონაწილეების შესარჩევად. 

კრიტიკული პოლიტიკის სკოლა, ჩვენი ხედვით, ნახევრად აკადემიური და პოლიტიკური სივრცეა, რომელიც მიზნად ისახავს სოციალური სამართლიანობის, თანასწორობის და დემოკრატიის საკითხებით დაინტერესებულ ახალგაზრდა აქტივისტებსა და თემის ლიდერებში კრიტიკული ცოდნის გაზიარებას და კოლექტიური მსჯელობისა და საერთო მოქმედების პლატფორმის შექმნას.

კრიტიკული პოლიტიკის სკოლა თეორიული ცოდნის გაზიარების გარდა, წარმოადგენს მისი მონაწილეების ურთიერთგაძლიერების, შეკავშირებისა და საერთო ბრძოლების გადაკვეთების ძიების ხელშემწყობ სივრცეს.

კრიტიკული პოლიტიკის სკოლის მონაწილეები შეიძლება გახდნენ ჯავახეთის რეგიონში (ახალქალაქის, ნინოწმინდისა და ახალციხის მუნიციპალიტეტებში) მოქმედი ან ამ რეგიონით დაინტერესებული სამოქალაქო აქტივისტები, თემის ლიდერები და ახალგაზრდები, რომლებიც უკვე მონაწილეობენ, ან აქვთ ინტერესი და მზადყოფნა მონაწილეობა მიიღონ დემოკრატიული, თანასწორი და სოლიდარობის იდეებზე დაფუძნებული საზოგადოების მშენებლობაში.  

პლატფორმის ფარგლებში წინასწარ მომზადებული სილაბუსის საფუძველზე ჩატარდება 16 თეორიული ლექცია/დისკუსია სოციალური, პოლიტიკური და ჰუმანიტარული მეცნიერებებიდან, რომელსაც სათანადო აკადემიური გამოცდილების მქონე პირები და აქტივისტები წაიკითხავენ.  პლატფორმის მონაწილეების საჭიროებების გათვალისწინებით, ასევე დაიგეგმება სემინარების ციკლი კოლექტიური მობილიზაციის, სოციალური ცვლილებებისთვის ბრძოლის სტრატეგიებსა და ინსტრუმენტებზე (4 სემინარი).

აღსანიშნავია, რომ სოციალური სამართლიანობის ცენტრს უკვე ჰქონდა ამგვარი კრიტიკული პოლიტიკის სკოლების ორგანიზების კარგი გამოცდილება თბილისში, მარნეულში, აჭარასა  და პანკისში.

კრიტიკული პოლიტიკის სკოლის ფარგლებში დაგეგმილი შეხვედრების ფორმატი:

  • თეორიული ლექცია/დისკუსია
  • გასვლითი ვიზიტები რეგიონებში
  • შერჩეული წიგნის/სტატიის კითხვის წრე
  • პრაქტიკული სემინარები

სკოლის ფარგლებში დაგეგმილ შეხვედრებთან დაკავშირებული ორგანიზაციული დეტალები:

  • სკოლის მონაწილეთა მაქსიმალური რაოდენობა: 25
  • ლექციებისა და სემინარების რაოდენობა: 20
  • სალექციო დროის ხანგრძლივობა: 8 საათი (თვეში 2 შეხვედრა)
  • ლექციათა ციკლის ხანგრძლივობა: 6 თვე (ივლისი-დეკემბერი)
  • ლექციების ჩატარების ძირითადი ადგილი: ნინოწმინდა, თბილისი
  • კრიტიკული სკოლის მონაწილეები უნდა დაესწრონ სალექციო საათების სულ მცირე 80%-ს.

სოციალური სამართლიანობის ცენტრი სრულად დაფარავს  მონაწილეების ტრანსპორტირების ხარჯებს.

შეხვედრებზე უზრუნველყოფილი იქნება სომხურ ენაზე თარგმანიც.

შეხვედრების შინაარსი, გრაფიკი, ხანგრძლივობა და ასევე სხვა ორგანიზაციული დეტალები შეთანხმებული იქნება სკოლის მონაწილეებთან, ადგილობრივი კონტექსტისა და მათი ინტერესების გათვალისწინებით.

მონაწილეთა შერჩევის წესი

პლატფორმაში მონაწილეობის შესაძლებლობა ექნებათ უმაღლესი განათლების მქონე (ან დამამთავრებელი კრუსის) 20 წლიდან 35 წლამდე ასაკის ახალგაზრდებს. 

კრიტიკული პოლიტიკის სკოლაში მონაწილეობის სურვილის შემთხვევაში გთხოვთ, მიმდინარე წლის 30 ივნისამდე გამოგვიგზავნოთ თქვენი ავტობიოგრაფია და საკონტაქტო ინფორმაცია.

დოკუმენტაცია გამოგვიგზავნეთ შემდეგ მისამართზე: [email protected] 

გთხოვთ, სათაურის ველში მიუთითოთ: "კრიტიკული პოლიტიკის სკოლა ჯავახეთში"

ჯავახეთში კრიტიკული პოლიტიკის სკოლის განხორციელება შესაძლებელი გახდა პროექტის „საქართველოში თანასწორობის, სოლიდარობის და სოციალური მშვიდობის მხარდაჭერის“ ფარგლებში, რომელსაც საქართველოში შვეიცარიის საელჩოს მხარდაჭერით სოციალური სამართლიანობის ცენტრი ახორციელებს.

 

Սոցիալական արդարության կենտրոնը հայտարարում է Ջավախքի տարածաշրջանում բնակվող երիտասարդների ընդունելիություն «Քննադատական մտածողության դպրոցում»

Քննադատական մտածողության դպրոցը մեր տեսլականով կիսակադեմիական և քաղաքական տարածք է, որի նպատակն է կիսել քննադատական գիտելիքները երիտասարդ ակտիվիստների և համայնքի լիդեռների հետ, ովքեր հետաքրքրված են սոցիալական արդարությամբ, հավասարությամբ և ժողովրդավարությամբ, և ստեղծել կոլեկտիվ դատողությունների և ընդհանուր գործողությունների հարթակ:

Քննադատական մտածողության դպրոցը, բացի տեսական գիտելիքների տարածումից, ներկայացնում  է որպես տարածք փոխադարձ հնարավորությունների ընդլայնման, մասնակիցների միջև ընդհանուր պայքարի միջոցով խնդիրների հաղթահարման և համախմբման համար։

Քննադատական մտածողության դպրոցի մասնակից կարող են դառնալ Ջավախքի տարածաշրջանի (Նինոծմինդա, Ախալքալաքի, Ախալցիխեի) երտասարդները, ովքեր հետաքրքրված են քաղաքական աքտիվիզմով, գործող ակտիվիստներ, համայնքի լիդեռները և շրջանում բնակվող երտասարդները, ովքեր ունեն շահագրգռվածություն և պատրաստակամություն՝ կառուցելու ժողովրդավարական, հավասարազոր և համերաշխության վրա հիմնված հասարակություն։

Հիմնվելով հարթակի ներսում նախապես պատրաստված ուսումնական ծրագրի վրա՝ 16 տեսական դասախոսություններ/քննարկումներ կկազմակերպվեն սոցիալական, քաղաքական և հումանիտար գիտություններից՝ համապատասխան ակադեմիական փորձ ունեցող անհատների և ակտիվիստների կողմից: Հաշվի առնելով հարթակի մասնակիցների կարիքները՝ նախատեսվում է նաև սեմինարների շարք կոլեկտիվ մոբիլիզացիայի, սոցիալական փոփոխությունների դեմ պայքարի ռազմավարությունների և գործիքների վերաբերյալ  (4 սեմինար):

Հարկ է նշել, որ Սոցիալական արդարության կենտրոնն արդեն ունի նմանատիպ քննադատական քաղաքականության դպրոցներ կազմակերպելու լավ փորձ Թբիլիսիում, Մառնեուլիում, Աջարիայում և Պանկիսիում։

Քննադատական քաղաքականության դպրոցի շրջանակներում նախատեսված հանդիպումների ձևաչափը

  • Տեսական դասախոսություն/քննարկում
  • Այցելություններ/հանդիպումներ տարբեր մարզերում
  • Ընթերցանության գիրք / հոդված ընթերցման շրջանակ
  • Գործնական սեմինարներ

Դպրոցի կողմից ծրագրված հանդիպումների կազմակերպչական մանրամասներ

  • Դպրոցի մասնակիցների առավելագույն թիվը՝ 25
  • Դասախոսությունների և սեմինարների քանակը՝ 20
  • Դասախոսության տևողությունը՝ 8 ժամ (ամսական 2 հանդիպում)
  • Դասախոսությունների տևողությունը՝ 6 ամիս (հուլիս-դեկտեմբեր)
  • Դասախոսությունների հիմնական վայրը՝ Նինոծմինդա, Թբիլիսի
  • Քննադատական դպրոցի մասնակիցները պետք է մասնակցեն դասախոսության ժամերի առնվազն 80%-ին:

Սոցիալական արդարության կենտրոնն ամբողջությամբ կհոգա մասնակիցների տրանսպորտային ծախսերը։

Հանդիպումների ժամանակ կապահովվի հայերեն լզվի թարգմանությունը։

Հանդիպումների բովանդակությունը, ժամանակացույցը, տևողությունը և կազմակերպչական այլ մանրամասներ կհամաձայնեցվեն դպրոցի մասնակիցների հետ՝ հաշվի առնելով տեղական համատեքստը և նրանց հետաքրքրությունները:

Մասնակիցների ընտրության ձևաչափը

Դպրոցում մասնակցելու հնարավորություն կնձեռվի բարձրագույն կրթություն ունեցող կամ ավարտական կուրսի 20-ից-35 տարեկան ուսանողներին/երտասարդներին։ 

Եթե ցանկանում եք մասնակցել քննադատական քաղաքականության դպրոցին, խնդրում ենք ուղարկել մեզ ձեր ինքնակենսագրությունը և կոնտակտային տվյալները մինչև հունիսի 30-ը։

Փաստաթղթերն ուղարկել հետևյալ հասցեով; [email protected]

Խնդրում ենք վերնագրի դաշտում նշել «Քննադատական մտածողության դպրոց Ջավախքում»:

Ջավախքում Քննադատական մտածողության դպրոցի իրականացումը հնարավոր է դարձել «Աջակցություն Վրաստանում հավասարության, համերաշխության և սոցիալական խաղաղության» ծրագրի շրջանակներում, որն իրականացվում է Սոցիալական արդարության կենտրոնի կողմից Վրաստանում Շվեյցարիայի դեսպանատան աջակցությամբ ։

ეთნიკური უმცირესობები / ანალიტიკური დოკუმენტები

პანკისის ხეობა საპოლიციო სპეცოპერაციიდან 1 წლის შემდეგ

პანკისის ხეობაში მასშტაბური საპოლიციო ღონისძიების ორგანიზების შემდეგ 1 წელი გავიდა, თუმცა, სახელმწიფოს არ გადაუდგამს სათანადო ნაბიჯები, რომელიც ნდობის  და დემოკრატიული დიალოგის მშენებლობისკენ იქნებოდა მიმართული და თემში არსებულ სოციალურ უკმაყოფილებებს და წუხილებს რეალურად უპასუხებდა.

პანკისის ხეობაში არსებული მდგომარეობის და ტენდენციების შესწავლის მიზნით მიმდინარე წლის დასაწყისში ადამიანის უფლებების სწავლებისა და მონიტორინგის ცენტრი (EMC) პანკისის ხეობის 4 ძირითადი სოფლის - დუისის, ჯოყოლოს, ბირკიანის, ომალოს, მოსახლეობას შეხვდა. ადგილობრივებთან ჩაწერილი ინტერვიუები  აჩვენებს, რომ მათი უკმაყოფილება უკავშირდებოდა, როგორც პანკისის ხეობაში ჭარბად უსაფრთხოებასა და კონტროლზე დაფუძნებულ პოლიტიკას და მის მძიმე უფლებრივ და სოციალურ შედეგებს, [1] ასევე ადგილობრივ დონეზე არსებულ მწვავე სოციალურ გამოწვევს, მათ შორის, დასაქმების, სასმელი წყლის, საზოგადოებრივი ტრანსპორტის, გზის, სამედიცინო და სოციალური ინფრასტრუქტურის და პოლიტიკის საკითხებს.  

ადგილობრივი თემის მტკიცებით, ადგილობრივ პოლიტიკაში მათი მონაწილეობა არსებითად სუსტია და ხელისუფლება თვითმმართველობის კოდექსით გათვალისწინებულ დემოკრატიულ მექანიზმებს სუსტად იყენებს და მათი ჩართულობა წარმოსახვითი უფროა, ვიდრე რეალური. მათ შორის, სამოქალაქო საბჭოს მუშაობა ახმეტის მუნიციპალიტეტის დონეზე ნომინალურია.  ადგილობრივები წუხან, რომ მათი პრობლემები უკვე რამდენიმე წელია არ გვარდება, რაც მონაწილოებითი პროცესების მიმართ ზოგად ფრუსტრაციას განაპირობებს.  კიდევ უფრო არადემოკრატიული და ბუნდოვანია ცენტრალური ხელისუფლების პოლიტიკა ხეობასთან დაკავშირებით და ბოლო წლებში ხელისუფლების მიერ მიღებული გადაწყვეტილებების და რიტორიკის ლოგიკა.

ადგილობრივები მსჯელობენ მათზე ყოველდღიური და ჭარბი საპოლიციო კონტროლის პრაქტიკაზე. ისინი აცხადებენ, რომ მათი გადაადგილება მკაცრად კონტროლდება არა მხოლოდ ხეობაში, არამედ საქართველოს სხვა რეგიონში გასვლის შემთხვევაშიც და საზღვარზეც. ადგილობრივები უთითებენ, რომ სამართალდამცავი ორგანოები ხშირად აჩერებენ და პასპორტს სთხოვენ ტურისტებსაც, რაც ხეობაში ტურიზმის განვითარების შესაძლებლობას ზღუდავს. საპოლიციო კონტროლი მისი ყველაზე აშკარად და მძიმე ფორმებით ხეობაში დაგეგმილი ჰესების კასკადის მშენებლობასთაბ კავშირში დადგა, როცა 21 აპრილის მოვლენებამდეც, ინტენსიურად ხდებოდა ჰესების მშენებლობის მოწინააღმდეგე მოქალაქეების დაბარება და შევიწროება პოლიციაში და მათთან რეალური კომუნიკაცია პოლიტიკურ უწყებებს გაწყვეტილი ქონდათ.   ადგილობრივებში ბევრი კითხვა არსებობს 2019 წლის 21 აპრილის მოვლენების შემდეგ სოფელ ბირკიანში დაგეგმილი პოლიციის შენობის მშენებლობასთან დაკავშირებით, რაზეც შინაგან საქმეთა სამინისტროს ადგილობრივებთან სათანადო საჯარო კომუნიკაცია არ ჰქონია.

ადგილობრივების თქმით, 2019 წელს დაგეგმილი ყველა მნიშვნელოვანი სოციალური და ინფრასტრუქტული პროექტის განხორციელება ხეობაში შეჩერდა, რაც, მათი რწმენით, სწორედ 2019 წლის 21 აპრილის მოვლენებს უკავშირდება და თემის ერთგვარი ‘დასჯის’ მიზანს ატარებდა. აღსანიშნავია, რომ მხოლოდ 2020 წლის გაზაფხულს დაიწყო დაპირებული რამდენიმე სოციალური ინფრასტრუქტურული პროექტი (სკოლის, გზის მონაკვეთის მშენებლობა/რეაბილიტაცია), რაც პოზიტიურად უნდა შეფასდეს. აღსანიშნავია, რომ ჩვენს მიერ გამოკითხული ადგილობრივების პოზიციები ხეობაში ჰესების კასკადის[2] მშენებლობასთან დაკავშირებით კვლავ უარყოფითია და ამ საკითხზე დისკუსიის განახლებასაც გამორიცხავენ. ეს დამოკიდებულებები კიდევ უფრო გაძლიერდა 2019 წელს შემოდგომით გვარებს შორის მომხდარი დაპირისპირების შემდეგ, რომელიც მათი თქმით, ჰესების მშენებლობის საკითხზე დაწყებულ კონფლიქტს უკავშირდებოდა. [3]

მძიმე სოციალური მდგომარეობა, დასაქმების პრობლემა და სოციალური ნიჰილიზმის ზოგადი კონტექსტი ადგილობრივებში მიგრაციას ახალისებს, რაც ადგილობრივებისთვის დიდი გამოწვევაა. გამოკითხულების თქმით, ახალგაზრდების დიდმა ნაწილმა პანკისის ხეობა დატოვა, რადგან აქ განვითარების და სოციალური გარანტიების მიღების შესაძლებლობებს ვერ ხედავენ. სოციალური ფრუსტრაციის ერთ-ერთ მნიშვნელოვან ფაქტორად თემირლან მაჩალიკაშვილის სიცოცხლის ხელყოფის საქმესა და მისი არაეფექტიანი გამოძიების,[4] ასევე ამ კუთხით ხელისუფლების გამრიყავ რიტორიკას ასახელებდნენ.[5]  

ზემოთ აღნიშნული სისტემური პოლიტიკური გამოწვევების მიღმა, ადგილობრივების მიერ ყველაზე მნიშვნელოვან პრობლემად შემდეგი სოციალური პოლიტიკის საკითხები დასახელდა:

  1. სასმელი წყლის დაბინძურებისა და დეფიციტის პრობლემა თითქმის ყველა სოფელში ხეობაში;
  2. ხეობაშ სახანძრო და სასწრაფო სამედიცინო დახმარების ეკიპაჟების არ ქონა და მასთან დაკავშირებული უსაფრთხოების და ჯანმრთელობის რისკები;
  3. მუნიციპალურ დონეზე სოციალური მხარდაჭერის არამდგრადი პოლიტიკა, მათ შორის, თემის საჭიროებებზე ორიენტირებული მდგრადი და პროაქტიული სოციალური სერვისების არ ქონა;
  4. ადგილობრივი კულტურის პოლიტიკის ფრაგმენტულობა და მულტიკულტურული მიდგომებისა და ინტერეთნიკური/რელიგიური/კულტურული დიალოგის პლატფორმების სისუსტე;
  5. ხეობაში დემოკრატიული კონსულტაციებით შექმნილი ტურიზმის განვითარების სტრატეგიისა და სამოქმედო გეგმის არ არსებობა;
  6. სოფლების შიდა გზების გაუმართაობა და გზაზე უსაფრთხოებისთვის საჭირო ინფრასტრუქტურის არ არსებობა;
  7. ელექტროგაყვანილობის ბოძების უსაფრთხოება და დენის ვარდნასთან დაკავშირებული პრობლემები;
  8. საზოგადოებრივი ტრანსპორტის არ არსებობა და მასთან დაკავშირებული დამატებითი სოციალური ტვირთი მოსახლეობისთვის;
  9. სოფლების დიდ ნაწილში სპორტული დარბაზებისა და მოედნების, ასევე სხვა საჯარო სივრცეების არ ქონა;
  10. სანიტარიის პრობლემა და სანაგვე ურნების განთავსებისა და ნარჩენების მართვის მოუწესრიგებლობის პრობლემა;
  11. უნივერსიტეტებში ჩარიცხული სტუდენტებისთვის დამატებითი სოციალური მხარდაჭერის არ არსებობა (საცხოვრებელთან და ტრანსპორტირებასთან დაკავშირებული ხარჯები), რაც ეკონომიკურად მოწყვლადი ოჯახებისთვის უმაღლესი განათლების მიღების პროცესს აფერხებს.

მოსახლეობის თქმით, აუცილებელია აღინიშნოს მუნიციპალიტეტის კულტურის პოლიტიკის პრობლემურობაც, რომელიც ნაკლებად არის ორიენტირებული უმცირესობების თვითმყოფადი კულტურის დაცვასა და განვითარებაზე და ასევე მულტიკულტურალიზმის წახალისებაზე. ადგილობრივები იხსენებენ, რომ 2019 წლის ივლისში მუნიციპალიტეტმა დააწესა „ხადორობის“ დღესასწაული, რომელზეც ქისტები არ იყვნენ მიწვეულნი და მოსახლეობამ, მხოლოდ დღესასწაულის ჩატარების შემდგომ შეიტყო მის შესახებ.[6] ამასთან, მეორე წელია არ ტარდება პანკისობა, რომელიც თავდაპირველად, მაჩალიკაშვილების ოჯახში მომხდარი ტრაგედიის გამო, მოსახლეობის გადაწყვეტილებითვე არ ჩატარდა. თუმცა, შემდეგ წელს ამ დღესასწაულის არაღნიშვნა, დემოკრატიული კონსულტაციების გარეშე მოხდა.

21 აპრილს პანკისის ხეობაში დაგეგმილი მასშტაბური საპოლიციო ღონისძიებისა და მისი მძიმე სოციალური შედეგების გათვალისწინებით, EMC მიიჩნევს, რომ არსებითია სახელმწიფომ შეიმუშავოს პანკისის ხეობის თემის ისტორიულ გამოცდილებაზე და მათ რეალურ საჭიროებებსა და წუხილებზე დაფუძნებული დემოკრატიული პოლიტიკა. არსებითია ეს პოლიტიკა დემოკრატიის, მშვიდობის, თანასწორობის და სოციალური სამართიანობის იდეებსა და მათ განუხრელ პატივისცემას ეფუძნებოდეს. ამასთან არსებითია სახელმწიფომ გაიაზროს სწორედ ინკლუზიური, ადამიანის უფლებებზე და სამართლიანობაზე დაფუძნებული პოლიტიკის პირველადობა და მნიშვნელობა უსაფრთხოების მიზნისთვის და საკუთარი უსაფრთხოების პოლიტიკა და სტრატეგიები სწორედ ამ პრინციპებს და მიდგომებს მიუსადაგოს. 

სწორედ ამ მიზნით EMC აღნიშნული დოკუმენტი თავდაპირველად რელევანტურ სახელმწიფო უწყებებს გაუზიარა და მათ თემთან დიალოგზე დაფუძნებული პოლიტიკის წარმართვისკენ მოუწოდა. ჩვენი ორგანიზაცია იმედს გამოთქვამს, რომ ამ საკითხებზე დისკუსია პანდემიის და მასთან დაკავშირებული სირთულეების შემდეგ კვლავ განახლდება. მნიშვნელოვანი რეკომენდაციების ნაწილი კი, რომელიც მათ შორის, პანდემიის პირობებში შექმნილ სოციალურ სირთულეებს უკავშირდება, სახელმწიფოს მიერ დროულად იქნება გაზიარებული.

დოკუმენტი სრულად შეგიძლიათ იხ. მიმაგრებულ ფაილში

პანკისი_-_საჭიროებების_მიმოხილვა_1587460035.pdf

სქოლიო და ბიბლიოგრაფია

[1] უსაფრთხოების მზერის ქვეშ: ისტორია, პოლიტიკა და რელიგია პანკისის ხეობაში, EMC, ხელმისაწვდომია: https://emc.org.ge/ka/products/usafrtkhoebis-mzeris-kvesh-istoria-politika-da-religia-pankisis-kheobashi

[2]  პანკისში დაგეგმილი ჰესების ეკოლოგიური დასკვნის დოკუმენტების კრიტიკული ანალიზი EMC, ხელმისაწვდომია: https://emc.org.ge/ka/products/pankisshi-dagegmili-hesebis-ekologiuri-daskvnis-dokumentebis-kritikuli-analizi , ამავე თემაზე ვიდეო მასალა: https://emc.org.ge/ka/products/hesebi-pankisshi

[3]რა მოხდა მკვლელობის დღეს და მანამდე - სისხლიანი კონფლიქტი პანკისში, 2019,  ხელმისაწვდომია: https://radioway.ge/news/people/item/943-ra-moxda-mkvlelobis-dges-da-manamde-sisxliani-konpliqti-pankisshi

[4] შეფასების დოკუმენტი, EMC, ხელმისაწვდომია: https://emc.org.ge/ka/products/temirlan-machalikashvilis-sitsotskhilis-khelqofis-sakme-2-tslis-shemdgomats-gamoudziebelia

[5] https://publika.ge/sistema-cdilobs-chaakhshos-chveni-khma-pankiseli-akhalgazrdebis-manifesti/

[6] პანკისში «ხადორობა» ეთნიკური ქისტების გარეშე იზეიმეს, 2019, ხელმისაწვდომია: https://radioway.ge/news/people/item/928-pankisshi-%E2%80%9Exadoroba%E2%80%9C-etnikuri-qistebis-gareshe-izeimes

ინსტრუქცია

  • საიტზე წინ მოძრაობისთვის უნდა გამოიყენოთ ღილაკი „tab“
  • უკან დასაბრუნებლად გამოიყენება ღილაკები „shift+tab“