"ნამახვანის შემდეგ: გამოცდილება და სარეფორმო ხედვა", - ამ დოკუმენტში შევეცადეთ გაგვეერთიანებინა ყველა ის ინფორმაცია ინსტიტუციური და სამართლებრივი დონის გამოწვევების შესახებ, რისი გადააზრებისა და რეფორმირების საჭიროებაც ნამხავანი ჰესის პროექტის გარშემო წარმოებულმა სამუშაოებმა და კვლევითმა საქმიანობამ წარმოაჩინა.

პროექტის შეჩერებიდან თითქმის 1 წლის თავზეც ეკონომიკის სამინისტროს კვლავაც არ გაუუმჯობესებია მოსახლეობის ინფორმირებისა და მონაწილეობის ხარისხი ენერგოპროექტების დაგეგმარების პროცესში.

დამატებით, 2022 წლის მანძილზე უკვე განხორციელდა რამდენიმე საკანონმდებლო და ინსტიტუციური ცვლილება, რომლებიც არათუ ვერ უზრუნველყოფს ნამახვანჰესის გარეშემო მიმდინარე პროცესში გამოვლენილი ჩავარდნების გამოსწორებას, არამედ, მთელი რიგი მიმართულებებით, მდგომარეობას აუარესებს.

მაგალითისათვის, საზოგადოებისთვის ცნობილია, რომ რამდენიმე თვის წინ გზშ გადაწყვეტილებაზე პასუხისმგებელი უწყება გარემოს ეროვნული სააგენტო გახდა, რაც სათანადო განხილვის და განმარტების გარეშე განხორციელდა და ამასთან მრავალ რისკს შეიცავს. ამავდროულად, ცვლილებები განხორციელდა კანონში საჯარო და კერძო თანამშრომლობის შესახებაც და შესუსტდა გამჭირვალობის სტანდარტი პროექტების ინიცირებისა და განვითარების ეტაპებზე, რამდენადაც გაუქმდა ენერგოპროექტების შემთხვევაში ხელშეკრულების პროექტზე ფინანსთა სამინისტროს დასკვნის არსებობის მოთხოვნაც.

დოკუმენტი სრულად იხ. მიმაგრებულ ფაილში.

გაზიარება