[Skip to Content]
ENG
ENG

სიახლეების გამოწერა

ჯავახეთში კრიტიკული პოლიტიკის სკოლის მონაწილეების შერჩევა დაიწყო/Ջավախքում մեկնարկել է Քննադատական ​​քաղաքականության դպրոցի մասնակիցների ընտրությունը

 

Տե՛ս հայերեն թարգմանությունը ստորև

სოციალური სამართლიანობის ცენტრი აცხადებს მიღებას ჯავახეთის რეგიონში კრიტიკული პოლიტიკის სკოლის მონაწილეების შესარჩევად. 

კრიტიკული პოლიტიკის სკოლა, ჩვენი ხედვით, ნახევრად აკადემიური და პოლიტიკური სივრცეა, რომელიც მიზნად ისახავს სოციალური სამართლიანობის, თანასწორობის და დემოკრატიის საკითხებით დაინტერესებულ ახალგაზრდა აქტივისტებსა და თემის ლიდერებში კრიტიკული ცოდნის გაზიარებას და კოლექტიური მსჯელობისა და საერთო მოქმედების პლატფორმის შექმნას.

კრიტიკული პოლიტიკის სკოლა თეორიული ცოდნის გაზიარების გარდა, წარმოადგენს მისი მონაწილეების ურთიერთგაძლიერების, შეკავშირებისა და საერთო ბრძოლების გადაკვეთების ძიების ხელშემწყობ სივრცეს.

კრიტიკული პოლიტიკის სკოლის მონაწილეები შეიძლება გახდნენ ჯავახეთის რეგიონში (ახალქალაქის, ნინოწმინდისა და ახალციხის მუნიციპალიტეტებში) მოქმედი ან ამ რეგიონით დაინტერესებული სამოქალაქო აქტივისტები, თემის ლიდერები და ახალგაზრდები, რომლებიც უკვე მონაწილეობენ, ან აქვთ ინტერესი და მზადყოფნა მონაწილეობა მიიღონ დემოკრატიული, თანასწორი და სოლიდარობის იდეებზე დაფუძნებული საზოგადოების მშენებლობაში.  

პლატფორმის ფარგლებში წინასწარ მომზადებული სილაბუსის საფუძველზე ჩატარდება 16 თეორიული ლექცია/დისკუსია სოციალური, პოლიტიკური და ჰუმანიტარული მეცნიერებებიდან, რომელსაც სათანადო აკადემიური გამოცდილების მქონე პირები და აქტივისტები წაიკითხავენ.  პლატფორმის მონაწილეების საჭიროებების გათვალისწინებით, ასევე დაიგეგმება სემინარების ციკლი კოლექტიური მობილიზაციის, სოციალური ცვლილებებისთვის ბრძოლის სტრატეგიებსა და ინსტრუმენტებზე (4 სემინარი).

აღსანიშნავია, რომ სოციალური სამართლიანობის ცენტრს უკვე ჰქონდა ამგვარი კრიტიკული პოლიტიკის სკოლების ორგანიზების კარგი გამოცდილება თბილისში, მარნეულში, აჭარასა  და პანკისში.

კრიტიკული პოლიტიკის სკოლის ფარგლებში დაგეგმილი შეხვედრების ფორმატი:

  • თეორიული ლექცია/დისკუსია
  • გასვლითი ვიზიტები რეგიონებში
  • შერჩეული წიგნის/სტატიის კითხვის წრე
  • პრაქტიკული სემინარები

სკოლის ფარგლებში დაგეგმილ შეხვედრებთან დაკავშირებული ორგანიზაციული დეტალები:

  • სკოლის მონაწილეთა მაქსიმალური რაოდენობა: 25
  • ლექციებისა და სემინარების რაოდენობა: 20
  • სალექციო დროის ხანგრძლივობა: 8 საათი (თვეში 2 შეხვედრა)
  • ლექციათა ციკლის ხანგრძლივობა: 6 თვე (ივლისი-დეკემბერი)
  • ლექციების ჩატარების ძირითადი ადგილი: ნინოწმინდა, თბილისი
  • კრიტიკული სკოლის მონაწილეები უნდა დაესწრონ სალექციო საათების სულ მცირე 80%-ს.

სოციალური სამართლიანობის ცენტრი სრულად დაფარავს  მონაწილეების ტრანსპორტირების ხარჯებს.

შეხვედრებზე უზრუნველყოფილი იქნება სომხურ ენაზე თარგმანიც.

შეხვედრების შინაარსი, გრაფიკი, ხანგრძლივობა და ასევე სხვა ორგანიზაციული დეტალები შეთანხმებული იქნება სკოლის მონაწილეებთან, ადგილობრივი კონტექსტისა და მათი ინტერესების გათვალისწინებით.

მონაწილეთა შერჩევის წესი

პლატფორმაში მონაწილეობის შესაძლებლობა ექნებათ უმაღლესი განათლების მქონე (ან დამამთავრებელი კრუსის) 20 წლიდან 35 წლამდე ასაკის ახალგაზრდებს. 

კრიტიკული პოლიტიკის სკოლაში მონაწილეობის სურვილის შემთხვევაში გთხოვთ, მიმდინარე წლის 30 ივნისამდე გამოგვიგზავნოთ თქვენი ავტობიოგრაფია და საკონტაქტო ინფორმაცია.

დოკუმენტაცია გამოგვიგზავნეთ შემდეგ მისამართზე: [email protected] 

გთხოვთ, სათაურის ველში მიუთითოთ: "კრიტიკული პოლიტიკის სკოლა ჯავახეთში"

ჯავახეთში კრიტიკული პოლიტიკის სკოლის განხორციელება შესაძლებელი გახდა პროექტის „საქართველოში თანასწორობის, სოლიდარობის და სოციალური მშვიდობის მხარდაჭერის“ ფარგლებში, რომელსაც საქართველოში შვეიცარიის საელჩოს მხარდაჭერით სოციალური სამართლიანობის ცენტრი ახორციელებს.

 

Սոցիալական արդարության կենտրոնը հայտարարում է Ջավախքի տարածաշրջանում բնակվող երիտասարդների ընդունելիություն «Քննադատական մտածողության դպրոցում»

Քննադատական մտածողության դպրոցը մեր տեսլականով կիսակադեմիական և քաղաքական տարածք է, որի նպատակն է կիսել քննադատական գիտելիքները երիտասարդ ակտիվիստների և համայնքի լիդեռների հետ, ովքեր հետաքրքրված են սոցիալական արդարությամբ, հավասարությամբ և ժողովրդավարությամբ, և ստեղծել կոլեկտիվ դատողությունների և ընդհանուր գործողությունների հարթակ:

Քննադատական մտածողության դպրոցը, բացի տեսական գիտելիքների տարածումից, ներկայացնում  է որպես տարածք փոխադարձ հնարավորությունների ընդլայնման, մասնակիցների միջև ընդհանուր պայքարի միջոցով խնդիրների հաղթահարման և համախմբման համար։

Քննադատական մտածողության դպրոցի մասնակից կարող են դառնալ Ջավախքի տարածաշրջանի (Նինոծմինդա, Ախալքալաքի, Ախալցիխեի) երտասարդները, ովքեր հետաքրքրված են քաղաքական աքտիվիզմով, գործող ակտիվիստներ, համայնքի լիդեռները և շրջանում բնակվող երտասարդները, ովքեր ունեն շահագրգռվածություն և պատրաստակամություն՝ կառուցելու ժողովրդավարական, հավասարազոր և համերաշխության վրա հիմնված հասարակություն։

Հիմնվելով հարթակի ներսում նախապես պատրաստված ուսումնական ծրագրի վրա՝ 16 տեսական դասախոսություններ/քննարկումներ կկազմակերպվեն սոցիալական, քաղաքական և հումանիտար գիտություններից՝ համապատասխան ակադեմիական փորձ ունեցող անհատների և ակտիվիստների կողմից: Հաշվի առնելով հարթակի մասնակիցների կարիքները՝ նախատեսվում է նաև սեմինարների շարք կոլեկտիվ մոբիլիզացիայի, սոցիալական փոփոխությունների դեմ պայքարի ռազմավարությունների և գործիքների վերաբերյալ  (4 սեմինար):

Հարկ է նշել, որ Սոցիալական արդարության կենտրոնն արդեն ունի նմանատիպ քննադատական քաղաքականության դպրոցներ կազմակերպելու լավ փորձ Թբիլիսիում, Մառնեուլիում, Աջարիայում և Պանկիսիում։

Քննադատական քաղաքականության դպրոցի շրջանակներում նախատեսված հանդիպումների ձևաչափը

  • Տեսական դասախոսություն/քննարկում
  • Այցելություններ/հանդիպումներ տարբեր մարզերում
  • Ընթերցանության գիրք / հոդված ընթերցման շրջանակ
  • Գործնական սեմինարներ

Դպրոցի կողմից ծրագրված հանդիպումների կազմակերպչական մանրամասներ

  • Դպրոցի մասնակիցների առավելագույն թիվը՝ 25
  • Դասախոսությունների և սեմինարների քանակը՝ 20
  • Դասախոսության տևողությունը՝ 8 ժամ (ամսական 2 հանդիպում)
  • Դասախոսությունների տևողությունը՝ 6 ամիս (հուլիս-դեկտեմբեր)
  • Դասախոսությունների հիմնական վայրը՝ Նինոծմինդա, Թբիլիսի
  • Քննադատական դպրոցի մասնակիցները պետք է մասնակցեն դասախոսության ժամերի առնվազն 80%-ին:

Սոցիալական արդարության կենտրոնն ամբողջությամբ կհոգա մասնակիցների տրանսպորտային ծախսերը։

Հանդիպումների ժամանակ կապահովվի հայերեն լզվի թարգմանությունը։

Հանդիպումների բովանդակությունը, ժամանակացույցը, տևողությունը և կազմակերպչական այլ մանրամասներ կհամաձայնեցվեն դպրոցի մասնակիցների հետ՝ հաշվի առնելով տեղական համատեքստը և նրանց հետաքրքրությունները:

Մասնակիցների ընտրության ձևաչափը

Դպրոցում մասնակցելու հնարավորություն կնձեռվի բարձրագույն կրթություն ունեցող կամ ավարտական կուրսի 20-ից-35 տարեկան ուսանողներին/երտասարդներին։ 

Եթե ցանկանում եք մասնակցել քննադատական քաղաքականության դպրոցին, խնդրում ենք ուղարկել մեզ ձեր ինքնակենսագրությունը և կոնտակտային տվյալները մինչև հունիսի 30-ը։

Փաստաթղթերն ուղարկել հետևյալ հասցեով; [email protected]

Խնդրում ենք վերնագրի դաշտում նշել «Քննադատական մտածողության դպրոց Ջավախքում»:

Ջավախքում Քննադատական մտածողության դպրոցի իրականացումը հնարավոր է դարձել «Աջակցություն Վրաստանում հավասարության, համերաշխության և սոցիալական խաղաղության» ծրագրի շրջանակներում, որն իրականացվում է Սոցիալական արդարության կենտրոնի կողմից Վրաստանում Շվեյցարիայի դեսպանատան աջակցությամբ ։

ნარკოპოლიტიკა / კვლევა

ზრუნვა თუ კონტროლი: საქართველოს პრობაციის სისტემის ეფექტიანობის შეფასება ნარკოტიკულ დანაშაულებთან მიმართებით

Library Thumbnail Image

ხელმძღვანელი:   გურამ იმნაძე

გვერდების რაოდენობა:  83

გამოცემის წელი:  2022

ISBN:  978-9941-8-4460-1

ავტორები:  თორნიკე გერლიანი

ზრუნვა_თუ_კონტროლი_-_ვებ_GEO_1655140521.pdf

პრობაციას მნიშვნელოვანი ადგილი უკავია სისხლის სამართლის მართლმსაჯულების სისტემაში.

კვლევა წარმოადგენს მცდელობას, არსებული მიდგომების, კანონმდებლობისა და პოლიტიკის გათვალისწინებით გამოკვეთოს, რამდენად შესწევს ქართულ პრობაციის სისტემას ამ ფუნქციის სათანადოდ შესრულების უნარი.

წინამდებარე კვლევის მიზანია, ფართო სურათში დავინახოთ პრობაციის სისტემა და მისი ადგილი, ასევე შევაფასოთ, რა ძირითადი გამოწვევების წინაშეა ის. საკითხის შესწავლის ფარგლებში გამოიკვეთა შემდეგი მიგნებები:

  • პრობაციის სისტემის დანიშნულება საქართველოში დანახულია უპირველესად კონტროლის და სასჯელის აღსრულების ტექნიკურ ნაწილში, ზრუნვის ვალდებულება კი პოლიტიკის ცენტრალურ კომპონენტად არ განიხილება;
  • ნარკოდანაშაულებთან მიმართებით, პირობით მსჯავრთან ერთად, აქტიურად გამოიყენება ისეთი სახის დამატებითი სასჯელები, რომლებიც პირზე სოციალურ და ფინანსურ წნეხს ზრდის (ჯარიმა და საქმიანობის უფლების ჩამორთმევა);
  • ნარკოდანაშაულისთვის მსჯავრდებული პირების უდიდესი უმრავლესობა, დანაშაულის ჩადენის მომენტში, უმუშევარია;
  • პრობლემურია პრობაციის ოფიცრის ფართო დისკრეცია, როცა მას უფლება აქვს ნარკოტიკული დანაშაულისათვის პირობით მსჯავრდებულსა და პირობით ვადამდე გათავისუფლებულ პირს, ნებისმიერ დროს მოსთხოვოს ნარკოლოგიური შემოწმების გავლა და სათანადო დასკვნის წარმოდგენა;
  • პირობით მსჯავრდებულისთვის ნარკოტიკული ნივთიერების მოხმარების ფაქტის დადგენის შემთხვევაში, შინაგან საქმეთა სამინისტროსთვის შეტყობინების ვალდებულება ლოგიკური გაგრძელებაა არსებული ნარკოპოლიტიკის, რომელიც ნარკოტიკების მომხმარებლებს დღემდე სისხლისსამართლებრივი დევნის ობიექტებად ხედავს. ამდენად, ეს პრობლემა უნდა დავინახოთ უფრო ფართოდ, ნარკოპოლიტიკის კრიტიკის ჭრილში, სადაც ყველაზე მნიშვნელოვანი პრობლემა ნარკოტიკული საშუალებების მოხმარების კრიმინალიზებაა;
  • ამასთან, პრობაციის ეროვნული სააგენტო არ ამუშავებს ინფორმაციას, რამდენ- ჯერ მიმართა ნარკოტიკული საშუალების მოხმარების ფაქტის თაობაზე შინაგან საქმეთა სამინისტროს. შედეგად, ადამიანების კონტროლზე მიმართული სტრა- ტეგიები გაუსაჯაროებელი, მისი მასშტაბი კი ბუნდოვანი რჩება;
  • პირს დამოუკიდებლად არ შეუძლია მიმართოს პრობაციის ეროვნული სააგენტოს მუდმივმოქმედ კომისიას, პირობითი მსჯავრის გაუქმების და ნასამართლობის მოხსნის თხოვნით. ამ პროცესში პრობაციის ბიუროს უფროსს გაუმართლებელი დისკრეცია აქვს, საკითხს კი გაუმჭვირვალედ წყვეტს;
  • მუდმივმოქმედი კომისია, როგორც პირობითი მსჯავრის გაუქმებაზე, ასევე ნარკოტიკულ დანაშაულებთან მიმართებით უფლების ვადამდე აღდგენაზე ან ამ უფლების ჩამორთმევის ვადის შემცირებაზე, უარის თქმის შესახებ გადაწყვეტილებას ზეპირი მოსმენის გარეშე იღებს, რაც გამჭვირვალობის პრინციპს ეწინააღმდეგება;
  • პრობაციის სისტემაში სოციალურ მუშაკებსა და ფსიქოლოგებზე ხელმისაწვდომობა, მათ შორის გეოგრაფიული თვალსაზრისით, მკვეთრად შეზღუდულია;
  • პრობაციის ეროვნულ სააგენტოში მაღალია პრობაციის ოფიცრების, სოციალური მუშაკებისა და ფსიქოლოგების დატვირთულობის მაჩვენებელი;
  • პრობაციის სისტემაში აშკარა დისპროპორციაა ერთი მხრივ, სოციალური მუშაკებისა და ფსიქოლოგების, მეორე მხრივ, პრობაციის ოფიცრების წარმომადგენლობის მასშტაბებს შორის, ამ უკანასკნელის სასარგებლოდ. ეს პრობაციის სისტემაში ზრუნვისა და მხარდაჭერის მიდგომების ფაქტობრივ დეფიციტზე მიუთითებს;
  • პრობაციის ეროვნულ სააგენტოში რესურსების არსებული განაწილება არ ეფუძნება კონკრეტულ მეთოდოლოგიურ დოკუმენტებს, რაც არსებითია მისი მუშაობის ეფექტიანობის შეფასებისთვის;
  • პრობაციონერების რესოციალიზაციისა და რეაბილიტაციის მიზნით, რისკისა და საჭიროებების შეფასების პროცესში, შეზღუდულია სოციალური მუშაკებისა და ფსიქოლოგების ჩართულობა, წამყვანი როლი კი პრობაციის ოფიცერს აქვს მინიჭებული;
  • ბენეფიციარის ჩართულობა, მისთვის ინდივიდუალური გეგმის შემუშავების პროცესში, მინიმალიზებულია. მას ასევე არ აქვს შესაძლებლობა თავად მოითხოვოს მისი სოციალური მდგომარეობის და პიროვნული მახასიათებლების (დინამიკური ფაქტორების) სიღრმისეული შესწავლა და შეფასება;
  • პირობით მსჯავრდებულებთან მიმართებით, ყოფილი პატიმრებისგან განსხვავებით, ნაკლებად კონკრეტულია პრობაციის ეროვნული სააგენტოს ვალდებულებები სოციალური მხარდაჭერისა და გაძლიერების მომსახურებების მიწოდების ნაწილში;
  • მცირეა იმ ყოფილი პატიმრების რიცხვი, ვინც შესაბამისი დახმარებისთვის პრობაციის ეროვნულ სააგენტოს მიმართა, რაც სააგენტოს მხრიდან მეტი ინფორმირებისა და ძალისხმევის გაწევის აუცილებლობაზე მიუთითებს;
  • პრობაციის ეროვნული სააგენტოს თანამშრომლებისთვის არ არსებობს სპეციალიზაციის მოდულები, რომელიც მათ ნარკოდანაშაულის კონტექსტისა და მახასიათებლების შესახებ მეტი ცოდნით აღჭურავდა;
  • პრობაციის ეროვნულ სააგენტოში არ მიმდინარეობს აქტიური კვლევითი საქმიანობა, პირობით მსჯავრდებულთა სოციალური მახასიათებლების ანალიზისა და მასზე დაფუძნებული პოლიტიკების შემუშავებისთვის;
  • ზოგადად, ბევრ კრიტიკულად მნიშვნელოვან საკითხთან მიმართებით (როგორებიცაა: ნარკოდანაშაულში პირობით მსჯავრდებულების მხრიდან განმეორებითი დანაშაულების ჩადენა, კვირაში ერთხელ გამოცხადების გარდა სხვა მოვალეობების დაკისრება და სხვ.), კვლევაზე, სტატისტიკის წარმოებასა და ანალიტიკაზე დაფუძნებული საქმიანობა, პრობაციის ეროვნულ სააგენტოში ძალზე ფრაგმენტულია ან ზოგიერთ შემთხვევაში, საერთოდ არ არსებობს.

ზრუნვა_თუ_კონტროლი_-_ვებ_GEO_1655140521.pdf

ინსტრუქცია

  • საიტზე წინ მოძრაობისთვის უნდა გამოიყენოთ ღილაკი „tab“
  • უკან დასაბრუნებლად გამოიყენება ღილაკები „shift+tab“