[Skip to Content]
ENG
ENG

სიახლეების გამოწერა

მაღალმთიან აჭარაში კრიტიკული პოლიტიკის სკოლის მონაწილეების შერჩევა დაიწყო

კრიტიკული პოლიტიკის სკოლა, ჩვენი ხედვით, ნახევრად აკადემიური და პოლიტიკური სივრცეა, რომელიც მიზნად ისახავს სოციალური სამართლიანობის, თანასწორობის და დემოკრატიის საკითხებით დაინტერესებულ ახალგაზრდა აქტივისტებსა და თემის ლიდერებში კრიტიკული ცოდნის გაზიარებას და კოლექტიური მსჯელობისა და საერთო მოქმედების პლატფორმის შექმნას.

კრიტიკული პოლიტიკის სკოლის მონაწილეები შეიძლება გახდნენ მაღალმთიან აჭარაში (ხულოს, შუახევისა და ქედას მუნიციპალიტეტებში) მოქმედი სამოქალაქო აქტივისტები, თემის ლიდერები და ახალგაზრდები, რომლებიც უკვე მონაწილეობენ, ან აქვთ ინტერესი და მზადყოფნა მონაწილეობა მიიღონ დემოკრატიული, თანასწორი და სოლიდარობის იდეებზე დაფუძნებული საზოგადოების მშენებლობაში.

 მონაწილეობის სურვილის შემთხვევაში გთხოვთ, მიმდინარე წლის 9 ივლისამდე გამოგვიგზავნოთ თქვენი ავტობიოგრაფია, საკონტაქტო ინფორმაცია და ასევე, ესსე თემაზე: „სომოქალაქო აქტივიზმის როლი და სირთულეები მაღალმთიან აჭარაში სოციალური ცვლილებების მხარდაჭერისთვის“ (მინიმუმ 500 სიტყვა).

მეტი დეტალისთვის ეწვიეთ ბმულს: https://bit.ly/3vQUHWz

მწვანე პოლიტიკა / ანალიტიკური დოკუმენტები

რას ამბობს ხელშეკრულება ნამახვანი ჰესის მიერ გამომუშავებული ელექტროენერგიის ექსპორტის შესახებ?

სოციალური სამართლიანობის ცენტრი (ყოფილი EMC) ნამახვანი ჰესის მიერ გამომუშავებული ელექტროენერგიის ექსპორტის შესაძლებლობის შესახებ ანალიზს აქვეყნებს.

სახელმწიფო უწყებების წარმომადგენლები ნამახვანი ჰესის სარგებლიანობაზე საუბრისას, სხვა საკითხებთან ერთად, ხშირად, ხაზს უსვამენ პროექტის მნიშვნელობას ქვეყნის ენერგოდამოუკიდებლობის განმტკიცებაში.

ეს მტკიცება ენერგოდამოუკიდებლობის შესახებ, მორიგია ხმამაღალ განცხადებებს შორის, რომელიც ხშირად ისმის ხელისუფლების წარმომადგენლების მხრიდან და რომელსაც ხელშეკრულების ტექსტი – ინვესტორსა და მთავრობას შორის გაფორმებული შეთანხმების შინაარსი – ზურგს არ უმაგრებს.

  • ხელშეკრულება არ შეიცავს იმგვარ ჩანაწერს, რომლის მიხედვითაც გათვალისწინებული იქნებოდა, რომ კომპანიის მიერ ელექტრო ენერგიის ექსპორტზე გატანის უფლება შეიძლება შეიზღუდოს საქართველოს ენერგეტიკული საჭიროებებიდან გამომდინარე.
  • კომპანიას სრული უფლება აქვს, ნამახვანი ჰესის მიერ გამომუშავებული ელექტროენერგია 15 წლის შემდეგ ექსპორტზე გაიტანოს, ხოლო კომპანიის ამ უფლების დარღვევა წარმოშობს მთავრობის შესაბამის პასუხისმგებლობას (რომელიც შეიძლება მოიცავდეს ფინანსურ პასუხისმგებლობასაც), მათ შორის, საერთაშორისო მექანიზმების გამოყენებით.
  • უკიდურესად მნიშვნელოვანია ხელშეკრულების კიდევ ერთი ჩანაწერი, რომლის თანახმად, მთავრობა აცნობიერებს, რომ კომპანია პროექტში შედის იმ დაშვებით, რომ საქართველოსა და თურქეთს შორის გადამცემი ხაზების მოცულობა გაიზრდება შესაბამისი მთავრობათაშორისი ხელშეკრულების შესაბამისად.

დოკუმენტი სრულად შეგიძლიათ იხ. მიმაგრებულ ფაილში.

მასალა მომზადებულია პროექტის „წყლის და მინერალური რესურსების მდგრადი და დემოკრატიული მართვა საქართველოში" ფარგლებში, რომელიც ხორციელდება ჰაინრიჰ ბიოლის ფონდის თბილისის ოფისი მხარდაჭერით.

გამოთქმული მოსაზრებები ეკუთვნის სოციალური სამართლიანობის ცენტრს და შესაძლებელია არ გამოხატავდეს ფონდის შეხედულებებს.

ნამახვანი_ჰესი_და_ენერგოდამოუკიდებლობა_1623747070.pdf

ინსტრუქცია

  • საიტზე წინ მოძრაობისთვის უნდა გამოიყენოთ ღილაკი „tab“
  • უკან დასაბრუნებლად გამოიყენება ღილაკები „shift+tab“