[Skip to Content]
ENG
ENG

სიახლეების გამოწერა

ჯავახეთში კრიტიკული პოლიტიკის სკოლის მონაწილეების შერჩევა დაიწყო/Ջավախքում մեկնարկել է Քննադատական ​​քաղաքականության դպրոցի մասնակիցների ընտրությունը

 

Տե՛ս հայերեն թարգմանությունը ստորև

სოციალური სამართლიანობის ცენტრი აცხადებს მიღებას ჯავახეთის რეგიონში კრიტიკული პოლიტიკის სკოლის მონაწილეების შესარჩევად. 

კრიტიკული პოლიტიკის სკოლა, ჩვენი ხედვით, ნახევრად აკადემიური და პოლიტიკური სივრცეა, რომელიც მიზნად ისახავს სოციალური სამართლიანობის, თანასწორობის და დემოკრატიის საკითხებით დაინტერესებულ ახალგაზრდა აქტივისტებსა და თემის ლიდერებში კრიტიკული ცოდნის გაზიარებას და კოლექტიური მსჯელობისა და საერთო მოქმედების პლატფორმის შექმნას.

კრიტიკული პოლიტიკის სკოლა თეორიული ცოდნის გაზიარების გარდა, წარმოადგენს მისი მონაწილეების ურთიერთგაძლიერების, შეკავშირებისა და საერთო ბრძოლების გადაკვეთების ძიების ხელშემწყობ სივრცეს.

კრიტიკული პოლიტიკის სკოლის მონაწილეები შეიძლება გახდნენ ჯავახეთის რეგიონში (ახალქალაქის, ნინოწმინდისა და ახალციხის მუნიციპალიტეტებში) მოქმედი ან ამ რეგიონით დაინტერესებული სამოქალაქო აქტივისტები, თემის ლიდერები და ახალგაზრდები, რომლებიც უკვე მონაწილეობენ, ან აქვთ ინტერესი და მზადყოფნა მონაწილეობა მიიღონ დემოკრატიული, თანასწორი და სოლიდარობის იდეებზე დაფუძნებული საზოგადოების მშენებლობაში.  

პლატფორმის ფარგლებში წინასწარ მომზადებული სილაბუსის საფუძველზე ჩატარდება 16 თეორიული ლექცია/დისკუსია სოციალური, პოლიტიკური და ჰუმანიტარული მეცნიერებებიდან, რომელსაც სათანადო აკადემიური გამოცდილების მქონე პირები და აქტივისტები წაიკითხავენ.  პლატფორმის მონაწილეების საჭიროებების გათვალისწინებით, ასევე დაიგეგმება სემინარების ციკლი კოლექტიური მობილიზაციის, სოციალური ცვლილებებისთვის ბრძოლის სტრატეგიებსა და ინსტრუმენტებზე (4 სემინარი).

აღსანიშნავია, რომ სოციალური სამართლიანობის ცენტრს უკვე ჰქონდა ამგვარი კრიტიკული პოლიტიკის სკოლების ორგანიზების კარგი გამოცდილება თბილისში, მარნეულში, აჭარასა  და პანკისში.

კრიტიკული პოლიტიკის სკოლის ფარგლებში დაგეგმილი შეხვედრების ფორმატი:

  • თეორიული ლექცია/დისკუსია
  • გასვლითი ვიზიტები რეგიონებში
  • შერჩეული წიგნის/სტატიის კითხვის წრე
  • პრაქტიკული სემინარები

სკოლის ფარგლებში დაგეგმილ შეხვედრებთან დაკავშირებული ორგანიზაციული დეტალები:

  • სკოლის მონაწილეთა მაქსიმალური რაოდენობა: 25
  • ლექციებისა და სემინარების რაოდენობა: 20
  • სალექციო დროის ხანგრძლივობა: 8 საათი (თვეში 2 შეხვედრა)
  • ლექციათა ციკლის ხანგრძლივობა: 6 თვე (ივლისი-დეკემბერი)
  • ლექციების ჩატარების ძირითადი ადგილი: ნინოწმინდა, თბილისი
  • კრიტიკული სკოლის მონაწილეები უნდა დაესწრონ სალექციო საათების სულ მცირე 80%-ს.

სოციალური სამართლიანობის ცენტრი სრულად დაფარავს  მონაწილეების ტრანსპორტირების ხარჯებს.

შეხვედრებზე უზრუნველყოფილი იქნება სომხურ ენაზე თარგმანიც.

შეხვედრების შინაარსი, გრაფიკი, ხანგრძლივობა და ასევე სხვა ორგანიზაციული დეტალები შეთანხმებული იქნება სკოლის მონაწილეებთან, ადგილობრივი კონტექსტისა და მათი ინტერესების გათვალისწინებით.

მონაწილეთა შერჩევის წესი

პლატფორმაში მონაწილეობის შესაძლებლობა ექნებათ უმაღლესი განათლების მქონე (ან დამამთავრებელი კრუსის) 20 წლიდან 35 წლამდე ასაკის ახალგაზრდებს. 

კრიტიკული პოლიტიკის სკოლაში მონაწილეობის სურვილის შემთხვევაში გთხოვთ, მიმდინარე წლის 30 ივნისამდე გამოგვიგზავნოთ თქვენი ავტობიოგრაფია და საკონტაქტო ინფორმაცია.

დოკუმენტაცია გამოგვიგზავნეთ შემდეგ მისამართზე: [email protected] 

გთხოვთ, სათაურის ველში მიუთითოთ: "კრიტიკული პოლიტიკის სკოლა ჯავახეთში"

ჯავახეთში კრიტიკული პოლიტიკის სკოლის განხორციელება შესაძლებელი გახდა პროექტის „საქართველოში თანასწორობის, სოლიდარობის და სოციალური მშვიდობის მხარდაჭერის“ ფარგლებში, რომელსაც საქართველოში შვეიცარიის საელჩოს მხარდაჭერით სოციალური სამართლიანობის ცენტრი ახორციელებს.

 

Սոցիալական արդարության կենտրոնը հայտարարում է Ջավախքի տարածաշրջանում բնակվող երիտասարդների ընդունելիություն «Քննադատական մտածողության դպրոցում»

Քննադատական մտածողության դպրոցը մեր տեսլականով կիսակադեմիական և քաղաքական տարածք է, որի նպատակն է կիսել քննադատական գիտելիքները երիտասարդ ակտիվիստների և համայնքի լիդեռների հետ, ովքեր հետաքրքրված են սոցիալական արդարությամբ, հավասարությամբ և ժողովրդավարությամբ, և ստեղծել կոլեկտիվ դատողությունների և ընդհանուր գործողությունների հարթակ:

Քննադատական մտածողության դպրոցը, բացի տեսական գիտելիքների տարածումից, ներկայացնում  է որպես տարածք փոխադարձ հնարավորությունների ընդլայնման, մասնակիցների միջև ընդհանուր պայքարի միջոցով խնդիրների հաղթահարման և համախմբման համար։

Քննադատական մտածողության դպրոցի մասնակից կարող են դառնալ Ջավախքի տարածաշրջանի (Նինոծմինդա, Ախալքալաքի, Ախալցիխեի) երտասարդները, ովքեր հետաքրքրված են քաղաքական աքտիվիզմով, գործող ակտիվիստներ, համայնքի լիդեռները և շրջանում բնակվող երտասարդները, ովքեր ունեն շահագրգռվածություն և պատրաստակամություն՝ կառուցելու ժողովրդավարական, հավասարազոր և համերաշխության վրա հիմնված հասարակություն։

Հիմնվելով հարթակի ներսում նախապես պատրաստված ուսումնական ծրագրի վրա՝ 16 տեսական դասախոսություններ/քննարկումներ կկազմակերպվեն սոցիալական, քաղաքական և հումանիտար գիտություններից՝ համապատասխան ակադեմիական փորձ ունեցող անհատների և ակտիվիստների կողմից: Հաշվի առնելով հարթակի մասնակիցների կարիքները՝ նախատեսվում է նաև սեմինարների շարք կոլեկտիվ մոբիլիզացիայի, սոցիալական փոփոխությունների դեմ պայքարի ռազմավարությունների և գործիքների վերաբերյալ  (4 սեմինար):

Հարկ է նշել, որ Սոցիալական արդարության կենտրոնն արդեն ունի նմանատիպ քննադատական քաղաքականության դպրոցներ կազմակերպելու լավ փորձ Թբիլիսիում, Մառնեուլիում, Աջարիայում և Պանկիսիում։

Քննադատական քաղաքականության դպրոցի շրջանակներում նախատեսված հանդիպումների ձևաչափը

  • Տեսական դասախոսություն/քննարկում
  • Այցելություններ/հանդիպումներ տարբեր մարզերում
  • Ընթերցանության գիրք / հոդված ընթերցման շրջանակ
  • Գործնական սեմինարներ

Դպրոցի կողմից ծրագրված հանդիպումների կազմակերպչական մանրամասներ

  • Դպրոցի մասնակիցների առավելագույն թիվը՝ 25
  • Դասախոսությունների և սեմինարների քանակը՝ 20
  • Դասախոսության տևողությունը՝ 8 ժամ (ամսական 2 հանդիպում)
  • Դասախոսությունների տևողությունը՝ 6 ամիս (հուլիս-դեկտեմբեր)
  • Դասախոսությունների հիմնական վայրը՝ Նինոծմինդա, Թբիլիսի
  • Քննադատական դպրոցի մասնակիցները պետք է մասնակցեն դասախոսության ժամերի առնվազն 80%-ին:

Սոցիալական արդարության կենտրոնն ամբողջությամբ կհոգա մասնակիցների տրանսպորտային ծախսերը։

Հանդիպումների ժամանակ կապահովվի հայերեն լզվի թարգմանությունը։

Հանդիպումների բովանդակությունը, ժամանակացույցը, տևողությունը և կազմակերպչական այլ մանրամասներ կհամաձայնեցվեն դպրոցի մասնակիցների հետ՝ հաշվի առնելով տեղական համատեքստը և նրանց հետաքրքրությունները:

Մասնակիցների ընտրության ձևաչափը

Դպրոցում մասնակցելու հնարավորություն կնձեռվի բարձրագույն կրթություն ունեցող կամ ավարտական կուրսի 20-ից-35 տարեկան ուսանողներին/երտասարդներին։ 

Եթե ցանկանում եք մասնակցել քննադատական քաղաքականության դպրոցին, խնդրում ենք ուղարկել մեզ ձեր ինքնակենսագրությունը և կոնտակտային տվյալները մինչև հունիսի 30-ը։

Փաստաթղթերն ուղարկել հետևյալ հասցեով; [email protected]

Խնդրում ենք վերնագրի դաշտում նշել «Քննադատական մտածողության դպրոց Ջավախքում»:

Ջավախքում Քննադատական մտածողության դպրոցի իրականացումը հնարավոր է դարձել «Աջակցություն Վրաստանում հավասարության, համերաշխության և սոցիալական խաղաղության» ծրագրի շրջանակներում, որն իրականացվում է Սոցիալական արդարության կենտրոնի կողմից Վրաստանում Շվեյցարիայի դեսպանատան աջակցությամբ ։

შეზღუდული შესაძლებლობის მქონე პირთა უფლებები / განცხადება

მთავრობა კვლავ ვერ გვთავაზობს შშმ პირთა კონვენციის განხორციელების მექანიზმის ფუნქციონირების გარანტიებს

3 დეკემბერს შშმ პირთა საერთაშორისო დღე აღინიშნება. ხელმომწერი ორგანიზაციები და აქტივისტები ამ დღეს კიდევ ერთხელ ვაჯამებთ სახელმწიფო პოლიტიკას შშმ პირთა უფლებების დაცვისა და მხარდაჭერის მიმართულებით და გამოვყოფთ იმ საკითხებს, რაც დღეის მდგომარეობით განსაკუთრებულ პრობლემას წარმოადგენს ქვეყანაში. მიმდინარე პროცესების გათვალისწინებით, ამჯერად ვეხმაურებით მთავრობის მიერ შშმ პირთა უფლებების კონვენციის (შემდგომში - „კონვენცია“) განხორციელების მექანიზმის შექმნის და დღევანდელ დღეს მის პირველ სხდომაზე შშმ თემისა და საზოგადოებრივი ორგანიზაციების მოწვევის ფაქტს. ხელმომწერი ორგანიზაციები კრიტიკულად ვაფასებთ აღნიშნული მექანიზმის შვიდწლიანი დაგვიანებით შექმნას ისე,  რომ  მისი ეფექტიანი ფუნქციონირების სათანადო გარანტიები არ შექმნილა. აღმასრულებელ ხელისუფლებას მოვუწოდებთ, გაატაროს მაქსიმალური ღონისძიებები აღნიშნული ინსტიტუტის ეფექტიანი ფუნქციონირებისა და მისი შემდგომი დახვეწისათვის.

მიმდინარე წლის 29 ნოემბერს, მთავრობის დადგენილებით დამტკიცდა უწყებათაშორისი საკოორდინაციო კომიტეტი, რომლის მთავარ ფუნქციებსაც კონვენციის იმპლემენტაცია, „შშმ პირთა უფლებების შესახებ“ საქართველოს კანონის აღსრულების კოორდინაცია, შშმ პირთა უფლებების სფეროში საქართველოს მიერ ნაკისრი საერთაშორისო და ეროვნული ვალდებულებების შესრულების უზრუნველყოფა და კოორდინაცია, შშმ პირთა უფლებების შესახებ საზოგადოების ცნობიერების ამაღლება წარმოადგენს.

მოცემული მექანიზმის შექმნის პროცესი წლების მანძილზე არათანამიმდევრულად მიმდინარეობდა. ამგვარი პლატფორმის შექმნის ვალდებულება საქართველოს ჯერ კიდევ 2014 წელს - ქვეყანაში კონვენციის ამოქმედებისას წარმოეშვა. „შეზღუდული შესაძლებლობის მქონე პირთა უფლებების შესახებ“ კანონმა მისი ამოქმედების ბოლო ვადად 2021 წლის 1 იანვარი მიუთითა, რომელიც ასევე დაირღვა. საბოლოო ჯამში, შშმ თემისა და ორგანიზაციების არაერთი რეკომენდაციის მიუხედავად, მთავრობამ ვალდებულება შვიდწლიანი დაგვიანებით შეასრულა.

მექანიზმის შემუშავების პროცესის ბოლო თვეებში შშმ პირებსა და მათ უფლებებზე მომუშავე ორგანიზაციებს შესაძლებლობა ჰქონდათ, მონაწილეობა მიეღოთ ერთ შეხვედრაში და მთავრობის ადმინისტრაციისთვის წარედგინათ მათი რეკომენდაციები და მოსაზრებები. მიუხედავად ამისა, უწყებათაშორისი პლატფორმის დებულების დამტკიცება იმგვარად მოხდა, რომ შშმ პირებსა და ორგანიზაციებს არ მიუღიათ მათი წინადადებებისა და რეკომენდაციების გათვალისწინების შესახებ უკუკავშირი. ამასთან, არსებობდა მოლოდინი, რომ აღნიშნული უკუკავშირის მიწოდება და უწყებათაშორისი კომიტეტის დებულების საბოლოო ვერსიის განხილვა ინკლუზიური სამუშაო შეხვედრის/შეხვედრების საგანი იქნებოდა, თუმცა პროცესი ამგვარად არ წარიმართა - შშმ თემმა და ორგანიზაციებმა მთავრობის გადაწყვეტილების შესახებ დებულების დამტკიცებიდან მხოლოდ მეორე დღეს მიიღეს ამის შესახებ ინფორმაცია.

საკოორდინაციო კომიტეტის ფუნქციებიდან და დანიშნულებიდან გამომდინარე, ცალსახად მნიშვნელოვნად მივიჩნევთ მის შექმნასა და ამუშავებას, თუმცა, პლატფორმის დებულებაში კვლავ გვხვდება პრობლემური საკითხები და ბუნდოვანებები,[1] რომელთა განხილვისა და გადაჭრის გარეშე ამგვარი მექანიზმის ეფექტიანი ფუნქციონირება ფაქტობრივად შეუძლებლად მიგვაჩნია.

ერთ-ერთ ასეთ მნიშვნელოვან საკითხს წარმოადგენს პლატფორმის უზრუნველყოფა ადეკვატური ფინანსური, მატერიალური, ადამიანური და ექსპერტული რესურსებით. დებულებაში მითითებულია, რომ კომიტეტის საქმიანობის ადმინისტრირებას, ორგანიზაციულ-სამართლებრივ და ანალიტიკურ მხარდაჭერას მთავრობის ადმინისტრაციის ადამიანის უფლებათა სამდივნო განახორციელებს, რომელიც შესაბამისი მატერიალური, ადმინისტრაციული და ადამიანური რესურსით არის უზრუნველყოფილი, თუმცა მთავრობა ვერ უთითებს, თუ რა ტიპის დამატებითი რესურსი გაითვალისწინა აღნიშნული მექანიზმის შექმნისა და ამოქმედებისათვის.

გვსურს, ყურადღება გავამახვილოთ იმ მექანიზმების შესახებ ინფორმაციის ნაკლებობაზეც/ბუნდოვანებაზეც, რომელთა შექმნაც უწყებათაშორისი კომიტეტის ფარგლებში იგეგმება:

  • საკონსულტაციო საბჭო - მისი შექმნა მიზნად ისახავს კომიტეტის საქმიანობაში შშმ პირთა და ორგანიზაციების ჩართულობას, თუმცა, დებულებიდან არ იკვეთება, თუ რა ფუნქცია გააჩნია საკონსულტაციო საბჭოს, საკოორდინაციო კომიტეტის შეხვედრებზე (რომელიც, თავის მხრივ, წელიწადში ორჯერ ჩატარდება) დასწრების გარდა და რა მექანიზმებს გამოიყენებს მთავრობა საბჭოს წევრებთან ეფექტიანი კომუნიკაციისა და გადაწყვეტილების მიღების პროცესებში მათი ჩართულობის უზრუნველსაყოფად.
  • თემატური ჯგუფები - ჯგუფები შეიქმნება კომიტეტის საქმიანობის ხელშეწყობისთვის, უმეტესწილად, მისთვის თემატური მოსაზრებების, წინადადებებისა და რეკომენდაციების შემუშავებისა და წარდგენისათვის. მიუხედავად აღნიშნული ჯგუფების პოტენციური მნიშვნელობისა, დებულების პროექტი არ ითვალისწინებს ჯგუფის წევრებში ინტერესთა შესაძლო კონფლიქტების დაზღვევის მექანიზმებს, რაც სამართლიანი, გამჭვირვალე და ადამიანის უფლებათა სტანდარტებზე დაფუძნებული პროცესის განხორციელებას უპირობოდ დააბრკოლებს.

დასასრულს, გვსურს, ხაზი გავუსვათ იმ სავალალო მდგომარეობას, რაც ქვეყანაში შშმ პირთა უფლებების დაცვის მიმართულებით არსებობს. უცვლელ პრობლემათა შორისაა, შშმ პირთა შეფასებისა და მათ მიმართ პოლიტიკის განხორციელების სამედიცინო მოდელიდან სოციალურ პარადიგმაზე გადასვლის წლების მანძილზე შეფერხებული პროცესი, შშმ პირთა სუსტი სოციალურ-ეკონომიკური გარანტიები, მონაცემების შეგროვებისა და დამუშავების - სტატისტიკის სტანდარტის არქონა, რაც აუცილებელი პირობაა ხსენებული პლატფორმის მიერ სამოქმედო გეგმების შემუშავებისთვის, ფსიქოსოციალური და ინტელექტუალური ნიშნით შშმ პირთა ინსტიტუციონალიზაციის უმძიმესი პრაქტიკა, ქმედუნარიანობის ჩავარდნილი რეფორმა და სხვა. ფაქტობრივად სტატიკურ მდგომარეობაში არსებული სიტუაცია COVID-19-ის პანდემიამ უფრო დაამძიმა და გააუარესა. ამგვარი უმძიმესი გამოწვევების გათვალისწინებით, უწყებათაშორისი პლატფორმის შექმნა და ფუნქციონირება შშმ პირთა უფლებების დაცვის მიმართულებით უპირობოდ წინ გადადგმული ნაბიჯი იქნებოდა. თუმცა აღმასრულებელი ხელისუფლების მიერ პლატფორმის ეფექტიანი ფუნქციონირების უზრუნველყოფისა და განცხადებაში დასმული პრობლემური საკითხების მოგვარების გარეშე შესაძლებელია, იგი მხოლოდ ფორმალურ მექანიზმად იქცეს და არსებითად ვერ შეცვალოს შშმ პირთა უფლებრივი მდგომარეობა.

ყოველივე აქედან გამომდინარე, მოვუწოდებთ საქართველოს მთავრობას:

  • უწყებათაშორისი კომიტეტი უზრუნველყოს ადეკვატური ფინანსური, ადამიანური და ექსპერტული რესურსებით, რაც მისი ფუნქციების დაუბრკოლებლად და ეფექტიანად განხორციელებისთვის არის აუცილებელი;
  • შეიმუშავოს საკონსულტაციო საბჭოს წევრებთან ეფექტიანი კომუნიკაციისა და გადაწყვეტილების მიღების პროცესში მათი ეფექტიანი და რეალური ჩართულობის მექანიზმი, ასევე, ნათლად გაწეროს საკონსულტაციო საბჭოს ფუნქციები;
  • თემატური ჯგუფების ფუნქციონირების წესის განსაზღვრისას უპირობოდ გაითვალისწინოს ინტერესთა კონფლიქტის პრევენციის მექანიზმები;
  • შეიმუშავოს შშმ თემისა და ორგანიზაციების ჩართულობის ერთგვაროვანი სტანდარტი, რომელიც კონვენციასთან იქნება შესაბამისობაში და რომელსაც შემდგომში უწყებათაშორისი პლატფორმა და სახელმწიფო უწყებები საქმიანობის პროცესში გამოიყენებენ.

 

ხელმომწერი ორგანიზაციები და აქტივისტები:

  • სოციალური სამართლიანობის ცენტრი
  • პლატფორმა ახალი შესაძლებლობებისთვის
  • პარტნიორობა ადამიანის უფლებებისთვის (PHR)
  • მოძრაობა ხელმისაწვდომი გარემო ყველასთვის
  • ფსიქიატრიის სერვის მომხმარებელთა და გადარჩენილთა საქართველოს ქსელი
  • საქართველოს დაუნის სინდრომის ასოციაცია
  • ოჯახები დისკრიმინაციის წინააღმდეგ - FAD
  • საქართველოს ფსიქიკური ჯანმრთელობის ასოციაცია
  • საქართველოს ყრუთა კავშირი
  • სიღნაღის შშმ პირთა მშობელთა კავშირი
  • ფონდი აურეს
  • სტუდია ეიდისი
  • მშობელთა საინფორმაციო ცენტრი
  • გლობალური ინიციატივა ფსიქიატრიაში - თბილისი
  • ასოციაცია დეა
  • ასოციაცია ანიკა
  • ა(ა)იპ "მშობელთა ხიდი"
  • ა(ა)იპ "ბავშვი, ოჯახი, საზოგადოება"
  • ბავშვთა ასაკის შეზღუდულ შესაძლებლობათა საქართველოს აკადემია
  • კობა ნადირაძე
  • გია ჯვარშეიშვილი
  • დავით ყვირილიანი

სქოლიო და ბიბლიოგრაფია

[1] მოცემულ განცხადებაში ყურადღება მხოლოდ რამდენიმე მსხვილ საკითხზე მახვილდება.

ინსტრუქცია

  • საიტზე წინ მოძრაობისთვის უნდა გამოიყენოთ ღილაკი „tab“
  • უკან დასაბრუნებლად გამოიყენება ღილაკები „shift+tab“