[Skip to Content]

სიახლეების გამოწერა

ჯავახეთში კრიტიკული პოლიტიკის სკოლის მონაწილეების შერჩევა დაიწყო/Ջավախքում մեկնարկել է Քննադատական ​​քաղաքականության դպրոցի մասնակիցների ընտրությունը

 

Տե՛ս հայերեն թարգմանությունը ստորև

სოციალური სამართლიანობის ცენტრი აცხადებს მიღებას ჯავახეთის რეგიონში კრიტიკული პოლიტიკის სკოლის მონაწილეების შესარჩევად. 

კრიტიკული პოლიტიკის სკოლა, ჩვენი ხედვით, ნახევრად აკადემიური და პოლიტიკური სივრცეა, რომელიც მიზნად ისახავს სოციალური სამართლიანობის, თანასწორობის და დემოკრატიის საკითხებით დაინტერესებულ ახალგაზრდა აქტივისტებსა და თემის ლიდერებში კრიტიკული ცოდნის გაზიარებას და კოლექტიური მსჯელობისა და საერთო მოქმედების პლატფორმის შექმნას.

კრიტიკული პოლიტიკის სკოლა თეორიული ცოდნის გაზიარების გარდა, წარმოადგენს მისი მონაწილეების ურთიერთგაძლიერების, შეკავშირებისა და საერთო ბრძოლების გადაკვეთების ძიების ხელშემწყობ სივრცეს.

კრიტიკული პოლიტიკის სკოლის მონაწილეები შეიძლება გახდნენ ჯავახეთის რეგიონში (ახალქალაქის, ნინოწმინდისა და ახალციხის მუნიციპალიტეტებში) მოქმედი ან ამ რეგიონით დაინტერესებული სამოქალაქო აქტივისტები, თემის ლიდერები და ახალგაზრდები, რომლებიც უკვე მონაწილეობენ, ან აქვთ ინტერესი და მზადყოფნა მონაწილეობა მიიღონ დემოკრატიული, თანასწორი და სოლიდარობის იდეებზე დაფუძნებული საზოგადოების მშენებლობაში.  

პლატფორმის ფარგლებში წინასწარ მომზადებული სილაბუსის საფუძველზე ჩატარდება 16 თეორიული ლექცია/დისკუსია სოციალური, პოლიტიკური და ჰუმანიტარული მეცნიერებებიდან, რომელსაც სათანადო აკადემიური გამოცდილების მქონე პირები და აქტივისტები წაიკითხავენ.  პლატფორმის მონაწილეების საჭიროებების გათვალისწინებით, ასევე დაიგეგმება სემინარების ციკლი კოლექტიური მობილიზაციის, სოციალური ცვლილებებისთვის ბრძოლის სტრატეგიებსა და ინსტრუმენტებზე (4 სემინარი).

აღსანიშნავია, რომ სოციალური სამართლიანობის ცენტრს უკვე ჰქონდა ამგვარი კრიტიკული პოლიტიკის სკოლების ორგანიზების კარგი გამოცდილება თბილისში, მარნეულში, აჭარასა  და პანკისში.

კრიტიკული პოლიტიკის სკოლის ფარგლებში დაგეგმილი შეხვედრების ფორმატი:

  • თეორიული ლექცია/დისკუსია
  • გასვლითი ვიზიტები რეგიონებში
  • შერჩეული წიგნის/სტატიის კითხვის წრე
  • პრაქტიკული სემინარები

სკოლის ფარგლებში დაგეგმილ შეხვედრებთან დაკავშირებული ორგანიზაციული დეტალები:

  • სკოლის მონაწილეთა მაქსიმალური რაოდენობა: 25
  • ლექციებისა და სემინარების რაოდენობა: 20
  • სალექციო დროის ხანგრძლივობა: 8 საათი (თვეში 2 შეხვედრა)
  • ლექციათა ციკლის ხანგრძლივობა: 6 თვე (ივლისი-დეკემბერი)
  • ლექციების ჩატარების ძირითადი ადგილი: ნინოწმინდა, თბილისი
  • კრიტიკული სკოლის მონაწილეები უნდა დაესწრონ სალექციო საათების სულ მცირე 80%-ს.

სოციალური სამართლიანობის ცენტრი სრულად დაფარავს  მონაწილეების ტრანსპორტირების ხარჯებს.

შეხვედრებზე უზრუნველყოფილი იქნება სომხურ ენაზე თარგმანიც.

შეხვედრების შინაარსი, გრაფიკი, ხანგრძლივობა და ასევე სხვა ორგანიზაციული დეტალები შეთანხმებული იქნება სკოლის მონაწილეებთან, ადგილობრივი კონტექსტისა და მათი ინტერესების გათვალისწინებით.

მონაწილეთა შერჩევის წესი

პლატფორმაში მონაწილეობის შესაძლებლობა ექნებათ უმაღლესი განათლების მქონე (ან დამამთავრებელი კრუსის) 20 წლიდან 35 წლამდე ასაკის ახალგაზრდებს. 

კრიტიკული პოლიტიკის სკოლაში მონაწილეობის სურვილის შემთხვევაში გთხოვთ, მიმდინარე წლის 30 ივნისამდე გამოგვიგზავნოთ თქვენი ავტობიოგრაფია და საკონტაქტო ინფორმაცია.

დოკუმენტაცია გამოგვიგზავნეთ შემდეგ მისამართზე: [email protected] 

გთხოვთ, სათაურის ველში მიუთითოთ: "კრიტიკული პოლიტიკის სკოლა ჯავახეთში"

ჯავახეთში კრიტიკული პოლიტიკის სკოლის განხორციელება შესაძლებელი გახდა პროექტის „საქართველოში თანასწორობის, სოლიდარობის და სოციალური მშვიდობის მხარდაჭერის“ ფარგლებში, რომელსაც საქართველოში შვეიცარიის საელჩოს მხარდაჭერით სოციალური სამართლიანობის ცენტრი ახორციელებს.

 

Սոցիալական արդարության կենտրոնը հայտարարում է Ջավախքի տարածաշրջանում բնակվող երիտասարդների ընդունելիություն «Քննադատական մտածողության դպրոցում»

Քննադատական մտածողության դպրոցը մեր տեսլականով կիսակադեմիական և քաղաքական տարածք է, որի նպատակն է կիսել քննադատական գիտելիքները երիտասարդ ակտիվիստների և համայնքի լիդեռների հետ, ովքեր հետաքրքրված են սոցիալական արդարությամբ, հավասարությամբ և ժողովրդավարությամբ, և ստեղծել կոլեկտիվ դատողությունների և ընդհանուր գործողությունների հարթակ:

Քննադատական մտածողության դպրոցը, բացի տեսական գիտելիքների տարածումից, ներկայացնում  է որպես տարածք փոխադարձ հնարավորությունների ընդլայնման, մասնակիցների միջև ընդհանուր պայքարի միջոցով խնդիրների հաղթահարման և համախմբման համար։

Քննադատական մտածողության դպրոցի մասնակից կարող են դառնալ Ջավախքի տարածաշրջանի (Նինոծմինդա, Ախալքալաքի, Ախալցիխեի) երտասարդները, ովքեր հետաքրքրված են քաղաքական աքտիվիզմով, գործող ակտիվիստներ, համայնքի լիդեռները և շրջանում բնակվող երտասարդները, ովքեր ունեն շահագրգռվածություն և պատրաստակամություն՝ կառուցելու ժողովրդավարական, հավասարազոր և համերաշխության վրա հիմնված հասարակություն։

Հիմնվելով հարթակի ներսում նախապես պատրաստված ուսումնական ծրագրի վրա՝ 16 տեսական դասախոսություններ/քննարկումներ կկազմակերպվեն սոցիալական, քաղաքական և հումանիտար գիտություններից՝ համապատասխան ակադեմիական փորձ ունեցող անհատների և ակտիվիստների կողմից: Հաշվի առնելով հարթակի մասնակիցների կարիքները՝ նախատեսվում է նաև սեմինարների շարք կոլեկտիվ մոբիլիզացիայի, սոցիալական փոփոխությունների դեմ պայքարի ռազմավարությունների և գործիքների վերաբերյալ  (4 սեմինար):

Հարկ է նշել, որ Սոցիալական արդարության կենտրոնն արդեն ունի նմանատիպ քննադատական քաղաքականության դպրոցներ կազմակերպելու լավ փորձ Թբիլիսիում, Մառնեուլիում, Աջարիայում և Պանկիսիում։

Քննադատական քաղաքականության դպրոցի շրջանակներում նախատեսված հանդիպումների ձևաչափը

  • Տեսական դասախոսություն/քննարկում
  • Այցելություններ/հանդիպումներ տարբեր մարզերում
  • Ընթերցանության գիրք / հոդված ընթերցման շրջանակ
  • Գործնական սեմինարներ

Դպրոցի կողմից ծրագրված հանդիպումների կազմակերպչական մանրամասներ

  • Դպրոցի մասնակիցների առավելագույն թիվը՝ 25
  • Դասախոսությունների և սեմինարների քանակը՝ 20
  • Դասախոսության տևողությունը՝ 8 ժամ (ամսական 2 հանդիպում)
  • Դասախոսությունների տևողությունը՝ 6 ամիս (հուլիս-դեկտեմբեր)
  • Դասախոսությունների հիմնական վայրը՝ Նինոծմինդա, Թբիլիսի
  • Քննադատական դպրոցի մասնակիցները պետք է մասնակցեն դասախոսության ժամերի առնվազն 80%-ին:

Սոցիալական արդարության կենտրոնն ամբողջությամբ կհոգա մասնակիցների տրանսպորտային ծախսերը։

Հանդիպումների ժամանակ կապահովվի հայերեն լզվի թարգմանությունը։

Հանդիպումների բովանդակությունը, ժամանակացույցը, տևողությունը և կազմակերպչական այլ մանրամասներ կհամաձայնեցվեն դպրոցի մասնակիցների հետ՝ հաշվի առնելով տեղական համատեքստը և նրանց հետաքրքրությունները:

Մասնակիցների ընտրության ձևաչափը

Դպրոցում մասնակցելու հնարավորություն կնձեռվի բարձրագույն կրթություն ունեցող կամ ավարտական կուրսի 20-ից-35 տարեկան ուսանողներին/երտասարդներին։ 

Եթե ցանկանում եք մասնակցել քննադատական քաղաքականության դպրոցին, խնդրում ենք ուղարկել մեզ ձեր ինքնակենսագրությունը և կոնտակտային տվյալները մինչև հունիսի 30-ը։

Փաստաթղթերն ուղարկել հետևյալ հասցեով; [email protected]

Խնդրում ենք վերնագրի դաշտում նշել «Քննադատական մտածողության դպրոց Ջավախքում»:

Ջավախքում Քննադատական մտածողության դպրոցի իրականացումը հնարավոր է դարձել «Աջակցություն Վրաստանում հավասարության, համերաշխության և սոցիալական խաղաղության» ծրագրի շրջանակներում, որն իրականացվում է Սոցիալական արդարության կենտրոնի կողմից Վրաստանում Շվեյցարիայի դեսպանատան աջակցությամբ ։

რელიგიის თავისუფლება / ანალიტიკური დოკუმენტები

2019 წელს იეჰოვას მოწმეთა მიმართ ჩადენილი დანაშაულების ანალიზი

ფოტოს წყარო: reginfo.ge

ადამიანის უფლებების სწავლებისა და მონიტორინგის ცენტრი (EMC) აფასებს საქართველოში იეჰოვას მოწმეთა ორგანიზაციის წევრების მიმართ 2019 წელს ჩადენილ დანაშაულებრივ ქმედებებს და მათზე სახელმწიფო უწყებების (შსს, პროკურატურა) სამართლებრივი რეაგირების ეფექტურობას ითხოვს. EMC-ის შეფასება არსებითად ეყრდნობა იეჰოვას მოწმეთა რელიგიური ორგანიზაციის მიერ მოწოდებულ ინფორმაციას. მოწოდებული მონაცემების მიხედვით, 2019 წელს თემს წევრების მიმართ, რელიგიური შეუწყნარებლობის ნიადაგზე ჩადენილი 20 დანაშაულებრივი ქმედება ფიქსირდება.  აგრეთვე 20 შემთხვევა დაფიქსირდა 2018 წელს, ხოლო 2017 წელს 16 შემთხვევას ჰქონდა ადგილი.[1]  

2019 წელს დაფიქსირებული შემთხვევებიდან 8 შემთხვევაში ადგილი ჰქონდა დევნას ძალადობით ან ძალადობის მუქარით (საქართველოს სისხლის სამართლის კოდექსის 156-ე მუხლის მე-2 ნაწილის ,,ა“ ქვეპუნქტი), 5 შემთხვევაში რელიგიური წესის აღსრულების უკანონო ხელშეშლას (სსკ-ის 155-ე მუხლი), 2 შემთხვევაში დაფიქსირდა ცემის ფაქტი (სსკ-ის 126-ე მუხლი), 1 შემთხვევაში ადგილი ჰქონდა თემის წევრის ჯანმრთელობის განზრახ ნაკლებად მძიმე დაზიანებას (სსკ-ის 118-ე მუხლი), ხოლო 3 შემთხვევაში სხვისი ნივთის დაზიანებას (სსკ-ის 187-ე მუხლი). ამასთან ერთად, დაფიქსირდა თემის წევრის მიმართ მუქარის 1 ფაქტი (სსკ-ის 151-ე მუხლი).

2019 წლის მონაცემების მიხედვით, იეჰოვას მოწმეთა მიმართ აგრესია უმეტესად კვლავ საჯარო სივრცეში ვლინდება და თემის წევრებს ქუჩაში მსახურების დროს უსწორდებიან. საანგარიშო წელს არ ფიქსირდება თემის წევრების საცხოვრებელ სახლებში შეჭრისა და პირადი ქონების დაზიანების შემთხვევები, თუმცა ადგილი აქვს იეჰოვას მოწმეთა სამეფო დარბაზების დაზიანებას. წინა წლებისგან განსხვავებით თემის წევრების მიმართ საჯარო მოხელეებისა და დომინანტი რელიგიური ჯგუფის სასულიერო პირთა მხრიდან ძალადობისა და სიტყვიერი შეურაცხყოფის შემთხვევები არ ფიქსირდება.

როგორც ცნობილია, იეჰოვას მოწმეები ყველაზე აქტიურად ეწევიან პროზელიტიზმს და აქედან გამომდინარე ხშირად განიცდიან ძალადობრივი, დისკრიმინაციული დამოკიდებულებას. ამდენად, მნიშვნელოვანია სახელმწიფო ეფექტურად რეაგირებდეს თემის წევრების მიმართ ჩადენილ თითოეულ დანაშაულებრივ ქმედებაზე. უნდა აღინიშნოს, რომ, ბოლო წლებში, რელიგიის თავისუფლების დაცვისა და სიძულვილით მოტივირებულ დანაშაულთან ბრძოლის კუთხით ქვეყანაში ინსტიტუციური ცვლილებები განხორციელდა, კერძოდ, შინაგან საქმეთა სამინისტროს ბაზაზე ჩამოყალიბდა ადამიანის უფლებათა დაცვისა და გამოძიების ხარისხის დეპარტამენტი (შემდგ. დეპარტამენტი), რომელიც მონიტორინგს უწევს სიძულვილის მოტივით ჩადენილ დანაშაულთა გამოძიების პროცესს და ხელს უწყობს საკითხთან დაკავშირებული სახელმძღვანელო პრინციპების შემუშავებას/დანერგვას. იეჰოვას მოწმეთა რელიგიური ორგანიზაციის შეფასებით, კი დეპარტამენტის ამგვარი ჩართულობა და კომუნიკაცია თემის წევრებთან პოზიტიურად აისახება გამოძიების ეფექტურობაზე და ხელს უწყობს საქმეზე ადეკვატური სამართლებრივი შედეგის დადგომას. თუმცა, გამოძიების, სისხლისსამართლებრივი დევნის და დაზარალებულის უფლებების რეალიზების კუთხით კვლავ მნიშვნელოვანი პრობლემებია, რასაც დეტალურად მიმოვიხილავთ.

 

2019 წელს გამოვლენილი შემთხვევების გამოძიების პროცესის შეფასება

იეჰოვას მოწმეთა რელიგიური ორგანიზაციის მიერ მოწოდებული სტატისტიკური მონაცემებით დგინდება, რომ 2019 წელს თემის წევრების მიმართ განხორციელებულ დანაშაულებრივ ქმედებებზე ყველა შემთხვევაში დაიწყო გამოძიება, თუმცა უმეტეს შემთხვევაში (13 შემთხვევაში) გამოძიება სამართლებრივი შედეგის დადგომის გარეშე წარიმართა. კერძოდ, გამოძიების მიუხედავად ადგილი არ ჰქონია კონკრეტულ პირთა სისხლისსამართლებრივ დევნასა და სისხლისსამართლებრივი პასუხისმგებლობის განსაზღვრას.

იეჰოვას მოწმეთა რელიგიური ორგანიზაციის მიერ მოწოდებული ინფორმაციით დასტურდება, რომ, წინა წლებთან შედარებით, ქმედების სწორი სისხლის სამართლებრივი კვალიფიკაციის საკითხი შედარებით გაუმჯობესდა, შემთხვევათა დიდი ნაწილი კვალიფიცირდება, როგორც დევნა რელიგიური ნიშნით ან რელიგიური წესის აღსრულების უკანონო ხელშეშლა, რაც გასულ წლებში პრობლემას წარმოადგენდა და საგამოძიებო ორგანოები თავს იკავებდნენ ცალკეული შემთხვევების, როგორც დევნის/რელიგიური წესის აღსრულების უკანონო ხელშეშლის კვალიფიკაციისგან. თუმცა, სხვა დანაშაულებრივ ქმედებებთან მიმართებით კვლავ პრობლემურია სიძულვილის მოტივის გამოკვეთა, რომელიც საქართველოს სისხლის სამართლის კოდექსის 53-ე პრიმა მუხლის მიხედვით სისხლისსამართლებრივი პასუხისმგებლობის დამამძიმებელ გარემოებას წარმოადგენს. იეჰოვას მოწმეთა რელიგიური ორგანიზაციის შეფასებით, თემის წევრების მიმართ უმეტესად დევნისა და რელიგიური წესის აღსრულების ხელშეშლის ფაქტები ფიქსირდება, რაც თავისთავად მოიაზრებს სიძულვილის მოტივს, თუმცა, სხვა შემთხვევებში, რომლებიც შეიძლება თემის წევრების ცემას და ორგანიზაციის ინვენტარის დაზიანებას უკავშირდებოდეს გართულებულია სიძულვილის მოტივის გამოკვეთა და საპროცესო დოკუმენტებში ასახვა, რაც ხელს უშლის სასამართლოს გამოკვეთოს სიძულვილის მოტივი.

2019 წელს კვლავ პრობლემად რჩება იეჰოვას მოწმეთა სამეფო დარბაზების დაზიანების ფაქტებზე ეფექტური გამოძიების წარმოება. ამ წელს, სამ შემთხვევაში დაიწყო გამოძიება საქართველოს სისხლის სამართლის კოდექსის 187-ე მუხლით გათვალისწინებული დანაშაულის ფაქტზე, თუმცა, არც ერთ შემთხვევაში არ დადგა სამართლებრივი შედეგი და მიუხედავად იმისა, რომ ერთ შემთხვევაში, სავარაუდო, დამნაშავის ქმედება ვიდეო ჩანაწერზე იყო ასახული, საგამოძიებო ორგანომ არ უზრუნველყო იდენტიფიცირება და სისხლისსამართლებრივი დევნის დაწყება. 

არაეფექტური გამოძიების მიმდინარეობის პარალელურად, კვლავ პრობლემურია თემის წევრების დაზარალებულად ცნობის საკითხი. კერძოდ, მითითებულ 13 შემთხვევაში არ მომხდარა თემის წევრების/ რელიგიური ორგანიზაციის დაზარალებულად ცნობა, რაც, თავის მხრივ, დაზარალებულ პირს ართმევს სისხლის სამართლის საქმის მასალების გაცნობისა და გამოძიების მონიტორინგის შესაძლებლობას. იეჰოვას მოწმეთა რელიგიური ორგანიზაციის შეფასებით, ცალკეულ შემთხვევებში პროკურატურა დაუსაბუთებლად არ ანიჭებს პირს დაზარალებულის სტატუსს და როდესაც პროკურორის მიერ მიღებული გადაწყვეტილებას ასაჩივრებენ ზემდგომ ორგანო საჩივარს განსახილველად კვლავ ქვემდგომ ორგანოს უგზავნის, რაც გარდა იმისა, რომ კანონის მოთხოვნებს არღვევს, ცალსახად უშედეგოა.

თემის წევრების მიმართ გამოვლენილ შემთხვევებზე მიმდინარე სამართალწარმოების პროცესის ანალიზი აჩვენებს, რომ კონკრეტულ საქმეებზე სამართლებრივი შედეგის დადგომისა და ბრალდებულების მიმართ ლოალობის პრობლემა, წინა წლების შედეგების გათვალისწინებით, კვლავ არსებობს. როგორც ზემოთ აღინიშნა, საანგარიშო წელს განხორციელებული დანაშაულებრივი შემთხვევებიდან მხოლოდ 7 შემთხვევაში დადგა სამართლებრივი შედეგი და კონკრეტული პირების მიმართ განისაზღვრა სისხლისსამართლებრივი პასუხისმგებლობა. ორგანიზაციის შეფასებით, ზოგიერთ შემთხვევაში, მიუხედავად იმისა, რომ ჩატარებულია სრულყოფილი გამოძიება, მოპოვებულია მტკიცებულებები და დადგენილია დანაშაულის ჩამდენი სავარაუდო პირის ვინაობა, პროკურატურა დაუსაბუთებლად არ იწყებს სისხლისსამართლებრივ დევნას.

2019 წლის განმავლობაში დაფიქსირებული შემთხვევებზე სამართლებრივი რეაგირების ანალიზი აჩვენებს, რომ თემის წევრების მიმართ დანაშაულის ჩამდენი პირების უმეტეს შემთხვევაში ადგილი ჰქონდა თავისუფლების აღკვეთის სახით დანიშნული სასჯელის პირობითად ჩათვლას ან ჯარიმას. თუმცა, თავის მხრივ, იეჰოვას მოწმეთა რელიგიური ორგანიზაციის შეფასებით, მათი სურვილი არასდროს არ არის ბრალდებულების მკაცრად დასჯა და ყოველთვის ორიენტირებულები არიან სასჯელის ალტერნატიული მექანიზმების გამოყენებაზე, რაც, მათი შეფასებით, ხელს უწყობს დანაშაულის პრევენციას.

 

იეჰოვას მოწმეთა მიმართ ჩადენილი დანაშაულის პრევენციის მიზნით განხორციელებული აქტივობები და კომუნიკაცია სახელმწიფო უწყებებთან

იეჰოვას მოწმეთა რელიგიური ორგანიზაციის შეფასებით, შსს ადამიანის უფლებათა დაცვის დეპარტამენტის ჩამოყალიბებამ და ორგანიზაციასთან აქტიურმა კომუნიკაციამ მნიშვნელოვნად შეუწყო ხელი თემის წევრების მიმართ ჩადენილ დანაშაულზე ეფექტური გამოძიების წარმოებასა და პოლიციის თანამშრომელთა სენსიტიურობის გაზრდას. ორგანიზაციის განმარტებით, დეპარტამენტის ჩამოყალიბების შემდგომ, დეპარტამენტის ინიციატივით განხორციელდა რელიგიურ ორგანიზაციასთან კომუნიკაცია, გამოიყო საკონტაქტო პირი და ყოველ კონკრეტულ შემთხვევაში დეპარტამენტის თანამშრომლები უწევენ მონიტორინგს გამოძიების პროცესს. შედეგად, პოლიციის თანამშრომლები, გამოკითხვის დროს მაქსიმალურად ზუსტად აფიქსირებენ გამოსაკითხი პირის მიერ მიწოდებულ ინფორმაციას, აგროვებენ მტკიცებულებებს და აღარ გამოხატავენ ნეგატიურ განწყობას თემის წევრების მიმართ.

რელიგიური ორგანიზაციის განმარტებით, დეპარტამენტთან ეფექტური კომუნიკაციის შედეგად დანაშაულის პრევენციის მიზნითაც ხორციელდება სხვადასხვა აქტივობა, კერძოდ, იყო შემთხვევები, როდესაც რელიგიური ორგანიზაციის შენობა დაზიანდა და შემდგომ პერიოდებში საპატრულო პოლიციის თანამშრომლებმა უფრო ხშირად დაიწყეს პატრულირება მიმდებარე ტერიტორიაზე, აგრეთვე, როდესაც თემის წევრები გეგმავენ მასშტაბურ რელიგიურ ღონისძიებას აქვთ შესაძლებლობა წინასწარ შეატყობინოს შსს-ს და სხვადასხვა ინციდენტის პრევენციის მიზნით ადგილზე ხდება პოლიციის მობილიზება.

შსს დეპარტამენტთან პოზიტიური კომუნიკაციის გამოცდილებისგან განსხვავებული გამოცდილება აქვს იეჰოვას მოწმეთა რელიგიურ ორგანიზაციას გენერალური პროკურატურის ადამიანის უფლებათა დაცვის სამმართველოსთან ურთიერთობის დროს. სამმართველოს ერთ-ერთ ფუნქციას აგრეთვე პროკურატურის სისტემაში სიძულვილით მოტივირებული დანაშაულზე სისხლისსამართლებრივი დევნის მონიტორინგი წარმოადგენს, თუმცა, იეჰოვას მოწმეთა რელიგიური ორგანიზაციის შეფასებით, სამმართველო უმეტეს შემთხვევაში მათ მიმართვებზე და საჩივრებზე არ რეაგირებს და წარდგენილ საჩივრებს უმეტესად საქმის ზედამხედველ პროკურორს უბრუნებს, რაც, რა თქმა უნდა, სამართლებრივი რეაგირების გარეშე რჩება.

რელიგიური ორგანიზაციის განმარტებით, მათ სცადეს სამმართველოსთან კომუნიკაციის დაწყება, მათ შორის, შეხვედრა და პრობლემებზე საუბარი, თუმცა ამ შემთხვევაშიც სრულ უმოქმედობას წააწყდნენ. შესაბამისად, თემის წევრების შეფასებით, პროკურატურის არაეფექტური ზედამხედველობა საქმის გამოძიებისა და სისხლისსამართლებრივი დევნის პროცესზე გავლენას ახდენს სამართლებრივ შედეგზე და უმეტესად, სწორედ პროკურატურის უმოქმედობის გამო არ ხერხდება საქმეზე სამართლებრივი შედეგის დადგომა.

 

შემაჯამებელი შეფასება და რეკომენდაციები

მიუხედავად იმისა, რომ 2019 წელს იეჰოვას მოწმეთა მიმართ დანაშაულებრივი შემთხვევების მკვეთრი მატება არ ფიქსირდება, შემაშფოთებელია შემთხვევათა უმეტეს ნაწილში მიმდინარე გამოძიების/სისხლისსამართლებრივი დევნის არაეფექტურობა, პროკურატურის უმოქმედობა, რაც, თავის მხრივ, რელიგიური ნიშნით ჩადენილი დანაშაულთან ბრძოლის არაეფექტურობაზე და ამ ნიშნით ცალკეულ პირთა მიმართ ლოიალობაზე მიუთითებს. აღნიშნული კი, მათ შორის, წინააღმდეგობაში მოდის სახელმწიფოს მიერ ადამიანის უფლებათა ევროპულ სასამართლოსა და ევროპის საბჭოს მინისტრთა კომიტეტის წინაშე აღებულ ვალდებულებებთან. ამ ეტაპზე, სიძულვილით მოტივირებულ დანაშაულებზე სახელმწიფო პოლიტიკა მინისტრთა კომიტეტის ზედამხედველობას, მათ შორის, "გლდანის კონგრეგაციის 97 წევრი და ოთხი სხვა პირი საქართველოს წინააღმდეგ"  (2007 წ) და "ბეღელური და სხვები საქართველოს წინააღმდეგ" (2014 წ) საქმეებზე მიღებული გადაწყვეტილებების აღსრულების მონიტორინგის ფარგლებში ექცევა, რომელშიც ადამიანის უფლებათა ევროპულმა სასამართლომ სახელმწიფოს არასათანადო მოპყრობაზე, გამოძიებასა და  არაეფექტური პოლიტიკის წარმოებაზე მიუთითა და ეფექტიანი მექანიზმების შექმნა მოსთხოვა.  

აღნიშნულის გათვალისწინებით, მნიშვნელოვანია, რომ

 

საქართველოს შინაგან საქმეთა სამინისტრომ

  • უზრუნველყოს თემის წევრების მიმართ ჩადენილ დანაშაულებზე ყველა საჭირო საგამოძიებო მოქმედების ჩატარება;
  • უზრუნველყოს პროკურატურასთან ადეკვატური კომუნიკაცია და კანონით მინიჭებული უფლებამოსილების ფარგლებში იმოქმედოს საქმეზე სამართლებრივი შედეგის დროულად დადგომის მოთხოვნით;

 საქართველოს გენერალურმა პროკურატურამ

  • უზრუნველყოს თემის წევრებისთვის დაზარალებულის სტატუსის მინიჭების პრობლემური პრაქტიკის აღმოფხვრა და დაზარალებულის უფლებების რეალიზაციისთვის სათანადო პირობების შექმნა;
  • უზრუნველყოს თემის წევრების მიმართ ჩადენილ დანაშაულებზე ეფექტური სისხლისსამართლებრივი დევნის განხორცილება;
  • უზრუნველყოს ადამიანის უფლებათა დაცვის სამმართველოსა და იეჰოვას მოწმეთა რელიგიურ ორგანიზაციას შორის კომუნიკაცია და თემის პრობლემებზე, საჭიროებებზე ინფორმაციის მიღება.

სქოლიო და ბიბლიოგრაფია

[1] 2016 წლის და წინა წლების სტატისტიკა იხილეთ აქ https://emc.org.ge/ka/products/2016-tsels-iehovas-motsmeta-mimart-chadenili-danashaulebis-analizi

ინსტრუქცია

  • საიტზე წინ მოძრაობისთვის უნდა გამოიყენოთ ღილაკი „tab“
  • უკან დასაბრუნებლად გამოიყენება ღილაკები „shift+tab“