უძრავი ქონებიდან/საცხოვრისებიდან გამოსახლებების სტატისტიკა

მიმდინარე წელს უძრავი ქონებიდან და საცხოვრისებიდან გამოსახლების სტატისტიკური მონაცემები წინა წლებთან შედარებით უპრეცედენტოდაა გაზრდილი.

გაზრდილია ასევე, აღსრულების შედეგად გამოთავისუფლებული ქონების საერთო ღირებულების მონაცემიც.

ეს დიდი ალბათობით, იძულებით გამოსახლებებზე მორატორიუმის რეჟიმის გაუქმებას უკავშირდება, რომელიც ძალაში 2020 წლის მარტიდან 2022 წლის 1 მარტამდე იყო.

გამოსახლებაზე მორატორიუმის შეწყვეტის გადაწყვეტილებამ ასობით შინამეურნეობა ქუჩაში, უსახლკაროდ დარჩენის რისკის ქვეშ დააყენა.

იქიდან გამომდინარე, რომ ამჟამად აღსრულების ეროვნული ბიუროს წარმოებაში გამოსახლების 2200-ზე მეტი საქმე აქვს, უახლოეს მომავალში ქვეყანაში გამოსახლების სტატისტიკური მაჩვენებლების კიდევ უფრო რადიკალური ზრდა არის მოსალოდნელი.