[Skip to Content]
ENG
ENG

სიახლეების გამოწერა

ჯავახეთში კრიტიკული პოლიტიკის სკოლის მონაწილეების შერჩევა დაიწყო/Ջավախքում մեկնարկել է Քննադատական ​​քաղաքականության դպրոցի մասնակիցների ընտրությունը

 

Տե՛ս հայերեն թարգմանությունը ստորև

სოციალური სამართლიანობის ცენტრი აცხადებს მიღებას ჯავახეთის რეგიონში კრიტიკული პოლიტიკის სკოლის მონაწილეების შესარჩევად. 

კრიტიკული პოლიტიკის სკოლა, ჩვენი ხედვით, ნახევრად აკადემიური და პოლიტიკური სივრცეა, რომელიც მიზნად ისახავს სოციალური სამართლიანობის, თანასწორობის და დემოკრატიის საკითხებით დაინტერესებულ ახალგაზრდა აქტივისტებსა და თემის ლიდერებში კრიტიკული ცოდნის გაზიარებას და კოლექტიური მსჯელობისა და საერთო მოქმედების პლატფორმის შექმნას.

კრიტიკული პოლიტიკის სკოლა თეორიული ცოდნის გაზიარების გარდა, წარმოადგენს მისი მონაწილეების ურთიერთგაძლიერების, შეკავშირებისა და საერთო ბრძოლების გადაკვეთების ძიების ხელშემწყობ სივრცეს.

კრიტიკული პოლიტიკის სკოლის მონაწილეები შეიძლება გახდნენ ჯავახეთის რეგიონში (ახალქალაქის, ნინოწმინდისა და ახალციხის მუნიციპალიტეტებში) მოქმედი ან ამ რეგიონით დაინტერესებული სამოქალაქო აქტივისტები, თემის ლიდერები და ახალგაზრდები, რომლებიც უკვე მონაწილეობენ, ან აქვთ ინტერესი და მზადყოფნა მონაწილეობა მიიღონ დემოკრატიული, თანასწორი და სოლიდარობის იდეებზე დაფუძნებული საზოგადოების მშენებლობაში.  

პლატფორმის ფარგლებში წინასწარ მომზადებული სილაბუსის საფუძველზე ჩატარდება 16 თეორიული ლექცია/დისკუსია სოციალური, პოლიტიკური და ჰუმანიტარული მეცნიერებებიდან, რომელსაც სათანადო აკადემიური გამოცდილების მქონე პირები და აქტივისტები წაიკითხავენ.  პლატფორმის მონაწილეების საჭიროებების გათვალისწინებით, ასევე დაიგეგმება სემინარების ციკლი კოლექტიური მობილიზაციის, სოციალური ცვლილებებისთვის ბრძოლის სტრატეგიებსა და ინსტრუმენტებზე (4 სემინარი).

აღსანიშნავია, რომ სოციალური სამართლიანობის ცენტრს უკვე ჰქონდა ამგვარი კრიტიკული პოლიტიკის სკოლების ორგანიზების კარგი გამოცდილება თბილისში, მარნეულში, აჭარასა  და პანკისში.

კრიტიკული პოლიტიკის სკოლის ფარგლებში დაგეგმილი შეხვედრების ფორმატი:

  • თეორიული ლექცია/დისკუსია
  • გასვლითი ვიზიტები რეგიონებში
  • შერჩეული წიგნის/სტატიის კითხვის წრე
  • პრაქტიკული სემინარები

სკოლის ფარგლებში დაგეგმილ შეხვედრებთან დაკავშირებული ორგანიზაციული დეტალები:

  • სკოლის მონაწილეთა მაქსიმალური რაოდენობა: 25
  • ლექციებისა და სემინარების რაოდენობა: 20
  • სალექციო დროის ხანგრძლივობა: 8 საათი (თვეში 2 შეხვედრა)
  • ლექციათა ციკლის ხანგრძლივობა: 6 თვე (ივლისი-დეკემბერი)
  • ლექციების ჩატარების ძირითადი ადგილი: ნინოწმინდა, თბილისი
  • კრიტიკული სკოლის მონაწილეები უნდა დაესწრონ სალექციო საათების სულ მცირე 80%-ს.

სოციალური სამართლიანობის ცენტრი სრულად დაფარავს  მონაწილეების ტრანსპორტირების ხარჯებს.

შეხვედრებზე უზრუნველყოფილი იქნება სომხურ ენაზე თარგმანიც.

შეხვედრების შინაარსი, გრაფიკი, ხანგრძლივობა და ასევე სხვა ორგანიზაციული დეტალები შეთანხმებული იქნება სკოლის მონაწილეებთან, ადგილობრივი კონტექსტისა და მათი ინტერესების გათვალისწინებით.

მონაწილეთა შერჩევის წესი

პლატფორმაში მონაწილეობის შესაძლებლობა ექნებათ უმაღლესი განათლების მქონე (ან დამამთავრებელი კრუსის) 20 წლიდან 35 წლამდე ასაკის ახალგაზრდებს. 

კრიტიკული პოლიტიკის სკოლაში მონაწილეობის სურვილის შემთხვევაში გთხოვთ, მიმდინარე წლის 30 ივნისამდე გამოგვიგზავნოთ თქვენი ავტობიოგრაფია და საკონტაქტო ინფორმაცია.

დოკუმენტაცია გამოგვიგზავნეთ შემდეგ მისამართზე: [email protected] 

გთხოვთ, სათაურის ველში მიუთითოთ: "კრიტიკული პოლიტიკის სკოლა ჯავახეთში"

ჯავახეთში კრიტიკული პოლიტიკის სკოლის განხორციელება შესაძლებელი გახდა პროექტის „საქართველოში თანასწორობის, სოლიდარობის და სოციალური მშვიდობის მხარდაჭერის“ ფარგლებში, რომელსაც საქართველოში შვეიცარიის საელჩოს მხარდაჭერით სოციალური სამართლიანობის ცენტრი ახორციელებს.

 

Սոցիալական արդարության կենտրոնը հայտարարում է Ջավախքի տարածաշրջանում բնակվող երիտասարդների ընդունելիություն «Քննադատական մտածողության դպրոցում»

Քննադատական մտածողության դպրոցը մեր տեսլականով կիսակադեմիական և քաղաքական տարածք է, որի նպատակն է կիսել քննադատական գիտելիքները երիտասարդ ակտիվիստների և համայնքի լիդեռների հետ, ովքեր հետաքրքրված են սոցիալական արդարությամբ, հավասարությամբ և ժողովրդավարությամբ, և ստեղծել կոլեկտիվ դատողությունների և ընդհանուր գործողությունների հարթակ:

Քննադատական մտածողության դպրոցը, բացի տեսական գիտելիքների տարածումից, ներկայացնում  է որպես տարածք փոխադարձ հնարավորությունների ընդլայնման, մասնակիցների միջև ընդհանուր պայքարի միջոցով խնդիրների հաղթահարման և համախմբման համար։

Քննադատական մտածողության դպրոցի մասնակից կարող են դառնալ Ջավախքի տարածաշրջանի (Նինոծմինդա, Ախալքալաքի, Ախալցիխեի) երտասարդները, ովքեր հետաքրքրված են քաղաքական աքտիվիզմով, գործող ակտիվիստներ, համայնքի լիդեռները և շրջանում բնակվող երտասարդները, ովքեր ունեն շահագրգռվածություն և պատրաստակամություն՝ կառուցելու ժողովրդավարական, հավասարազոր և համերաշխության վրա հիմնված հասարակություն։

Հիմնվելով հարթակի ներսում նախապես պատրաստված ուսումնական ծրագրի վրա՝ 16 տեսական դասախոսություններ/քննարկումներ կկազմակերպվեն սոցիալական, քաղաքական և հումանիտար գիտություններից՝ համապատասխան ակադեմիական փորձ ունեցող անհատների և ակտիվիստների կողմից: Հաշվի առնելով հարթակի մասնակիցների կարիքները՝ նախատեսվում է նաև սեմինարների շարք կոլեկտիվ մոբիլիզացիայի, սոցիալական փոփոխությունների դեմ պայքարի ռազմավարությունների և գործիքների վերաբերյալ  (4 սեմինար):

Հարկ է նշել, որ Սոցիալական արդարության կենտրոնն արդեն ունի նմանատիպ քննադատական քաղաքականության դպրոցներ կազմակերպելու լավ փորձ Թբիլիսիում, Մառնեուլիում, Աջարիայում և Պանկիսիում։

Քննադատական քաղաքականության դպրոցի շրջանակներում նախատեսված հանդիպումների ձևաչափը

  • Տեսական դասախոսություն/քննարկում
  • Այցելություններ/հանդիպումներ տարբեր մարզերում
  • Ընթերցանության գիրք / հոդված ընթերցման շրջանակ
  • Գործնական սեմինարներ

Դպրոցի կողմից ծրագրված հանդիպումների կազմակերպչական մանրամասներ

  • Դպրոցի մասնակիցների առավելագույն թիվը՝ 25
  • Դասախոսությունների և սեմինարների քանակը՝ 20
  • Դասախոսության տևողությունը՝ 8 ժամ (ամսական 2 հանդիպում)
  • Դասախոսությունների տևողությունը՝ 6 ամիս (հուլիս-դեկտեմբեր)
  • Դասախոսությունների հիմնական վայրը՝ Նինոծմինդա, Թբիլիսի
  • Քննադատական դպրոցի մասնակիցները պետք է մասնակցեն դասախոսության ժամերի առնվազն 80%-ին:

Սոցիալական արդարության կենտրոնն ամբողջությամբ կհոգա մասնակիցների տրանսպորտային ծախսերը։

Հանդիպումների ժամանակ կապահովվի հայերեն լզվի թարգմանությունը։

Հանդիպումների բովանդակությունը, ժամանակացույցը, տևողությունը և կազմակերպչական այլ մանրամասներ կհամաձայնեցվեն դպրոցի մասնակիցների հետ՝ հաշվի առնելով տեղական համատեքստը և նրանց հետաքրքրությունները:

Մասնակիցների ընտրության ձևաչափը

Դպրոցում մասնակցելու հնարավորություն կնձեռվի բարձրագույն կրթություն ունեցող կամ ավարտական կուրսի 20-ից-35 տարեկան ուսանողներին/երտասարդներին։ 

Եթե ցանկանում եք մասնակցել քննադատական քաղաքականության դպրոցին, խնդրում ենք ուղարկել մեզ ձեր ինքնակենսագրությունը և կոնտակտային տվյալները մինչև հունիսի 30-ը։

Փաստաթղթերն ուղարկել հետևյալ հասցեով; [email protected]

Խնդրում ենք վերնագրի դաշտում նշել «Քննադատական մտածողության դպրոց Ջավախքում»:

Ջավախքում Քննադատական մտածողության դպրոցի իրականացումը հնարավոր է դարձել «Աջակցություն Վրաստանում հավասարության, համերաշխության և սոցիալական խաղաղության» ծրագրի շրջանակներում, որն իրականացվում է Սոցիալական արդարության կենտրոնի կողմից Վրաստանում Շվեյցարիայի դեսպանատան աջակցությամբ ։

მწვანე პოლიტიკა / განცხადება

სოციალური სამართლიანობის ცენტრი ნამახვანიჰესზე ეკონომიკის სამინისტროს მორიგ მანიპულაციურ განცხადებას ეხმაურება

გუშინ, 19 ოქტომბერს მედიაში გავრცელდა ინფორმაცია საქართველოს ეკონომიკის სამინისტროს მიერ გაკეთებული განმარტების შესახებ, რომლითაც ეკონომიკის სამინისტრომ ნამახვანი ჰესის თაობაზე ფინანსთა სამინისტროს დასკვნის არარსებობის სამართლებრივი დასაბუთება, კანონის საკუთარი შეხედულებისამებრ ინტერპრეტაცია და კვლავ საზოგადოების შეცდომაში შეყვანა სცადა.

საზოგადოებას შევახსენებთ, რომ საუბარია 18 ოქტომბერს ფინანსთა სამინისტროს მიერ გავრცელებულ წერილზე, რომლითაც სამინისტრომ ნამახვანი ჰესის პროექტზე საქართველოს კანონმდებლობით მოთხოვნილი დასკვნის არარსებობის ფაქტი აღიარა. აღსანიშნავია, რომ ჩვენი ორგანიზაცია აღნიშნული ინფორმაციის მოპოვების მიზნით სასამართლო დავას აწარმოებდა, რომლის სხდომაც მიმდინარე წლის 28 ოქტომბერს იყო ჩანიშნული.

ფინანსთა სამინისტროს დასკვნის არარსებობა ნამახვანი ჰესის ხელშეკრულების გაფორმების კანონიერებას კითხვის ნიშნის ქვეშ აყენებს და მნიშვნელოვან იურიდიულ შედეგებს უკავშირდება. შესაძლოა, სწორედ ამიტომ, ეკონომიკის სამინისტრომ საჭიროდ ჩათვალა, გამოხმაურებოდა ცნობას ფინანსთა სამინისტროს დასკვნის არარსებობის შესახებ და ფინანსთა სამინისტროს წერილი, საკუთარი ინტერპრეტაციით განემარტა. ეკონომიკის სამინისტრო თავის განცხადებაში აღნიშნავს, რომ ნამახვანი ჰესის ინვესტორი კომპანიის შერჩევის მიზნით ტენდერი „საჯარო და კერძო თანამშრომლობის შესახებ“ საქართველოს კანონის ამოქმედებამდე ჩატარდა, შესაბამისად პროექტზე ფინანსთა სამინისტრო დასკვნა ვერ იარსებებდა. Ეკონომიკის სამინისტროს აღნიშნული განცხადება ნამახვანის პროექტზე არსებულ საკანონმდებლო დარღვევების დაფარვისა და არასწორი ინფორმაციის გავრცელების კიდევ ერთ მცდელობას წარმოადგენს.

საჯარო და კერძო თანამშრომლობის შესახებსაქართველოს კანონის შესაბამისად, თუ საჯარო და კერძო თანამშრომლობის (PPP) პროექტის შემუშავება კანონის ამოქმედებამდეა (2018 წელი) დაწყებული, უფლებამოსილი ორგანო (ამ შემთხვევაში ეკონომიკის სამინისტრო) ვალდებულია პროექტი ამ კანონით გათვალისწინებული განხორციელების ეტაპის განსაზღვრის მიზნით საქართველოს მთავრობას წარუდგინოს. როგორც ცნობილია, ნამახვანი ჰესის ხელშეკრულების თაობაზე მოლაპარაკება 2019 წლის მარტში დასრულდა, როდესაც PPP კანონი უკვე თითქმის ერთი წლის ამოქმედებული იყო. შესაბამისად, სწორედ პროექტის ეტაპის განსაზღვრის მიზნით ეკონომიკის სამინისტრომ საქართველოს მთავრობას მიმართა, რომლის 2019 წლის 23 აპრილის განკარგულებით დადგინდა, რომ ნამახვანი ჰესის პროექტი უნდა განსაზღვრულიყო მომზადების ეტაპზე.

ზემოაღნიშნულის გათვალისწინებით, გაურკვეველია ეკონომიკის სამინისტროს მტკიცება იმის შესახებ, რომ პროექტის ეს ეტაპი საჯარო და კერძო თანამშრომლობის შესახებ კანონის ძალაში შესვლამდე იყო დასრულებული.“ საქართველოს მთავრობის 2019 წლის 23 აპრილის განკარგულება ცალსახად ადასტურებს, რომ მთავრობამ ჯერ საჯარო და კერძო თანამშრომლობის შესახებ კანონის მიხედვით შეაფასა და განსაზღვრა პროექტის ეტაპი, შემდეგ კი მოიწონა. შესაბამისად სწორედ ამ პერიოდიდან მასზესაჯარო და კერძო თანამშრომლობის შესახებსაქართველოს კანონის მოთხოვნები გავრცელდა, რაც მათ შორის საქართველოს ფინანსთა სამინისტროს მიერ პროექტზე დასკვნის მომზადებასა და მის სავალდებულო გათვალისწინებას გულისხმობდა.

უფრო მეტიც, კანონმდებლობის მიხედვით, ეკონომიკის სამინისტროს, არა მხოლოდ ხსენებული დასკვნის მოპოვება, არამედ ფინანსთა სამინისტროს პოზიციის სრულად გათვალისწინება ევალებოდა; საჯარო და კერძო თანამშრომლობის შესახებ საქართველოს კანონმდებლობა ფინანსთა სამინისტროს დასკვნას განსაკუთრებულ მნიშვნელობას ანიჭებს და მისი დადებითი პოზიციის გარეშე პროექტის განხორციელებას დაუშვებლად მიიჩნევს. ამდენად, ფინანსთა სამინისტროს დასკვნის არარსებობა კანონმდებლობის არსებითი დარღვევაა და მიუთითებს, რომ ნამახვანი ჰესის ხელშეკრულება უკანონოდ გაფორმდა.

Აღსანიშნავია, რომ სოციალური სამართლიანობის ცენტრმა ეკონომიკის სამინისტროსგან ფინანსთა სამინისტროს დასკვნის არსებობის შესახებ ინფორმაცია ჯერ კიდევ 2021 წლის 7 ივნისს გამოითხოვა, თუმცა პასუხი 18 ოქტომბერს მიიღო; აღნიშნული გარემოების იურიდიული მნიშვნელობის გათვალისწინებით, საგულისხმოა, ეკონომიკის სამინისტროს პოზიცია აღნიშნული დასკვნის არასავალდებულოების შესახებ მხოლოდ მას შემდეგ გახდა ცნობილი, რაც ფინანსთა სამინისტრომ გაამჟღავნა, რომ მას ნამახვანის პროექტზე კანონმდებლობით გათვალისწინებული დასკვნა არ გაუცია.

მრავლისმეტყველია ის გარემოებაც, რომ თავის მხრივ ფინანსთა სამინისტრომ ფისკალური რისკების შესახებ დასკვნის არარსებობის შესახებ მხოლოდ მას შემდეგ გაამხილა, რაც კომპანიამ ხელშეკრულების შეწყვეტის შესახებ გადაწყვეტილება მიიღო - სოციალური სამართლიანობის ცენტრის მიერ შესაბამისი ინფორმაციის მოთხოვნიდან ზუსტად 7 თვის შემდეგ.

თვეების განმავლობაში ნამახვანი ჰესის პროექტის ირგვლივ ინფორმაციის უკანონოდ დამალვის ფონზე, სამწუხაროა, რომ ეკონომიკის სამინისტრომ საჭიროდ ჩათვალა, საჯაროდ გაევრცელებინა კანონის მცდარი ინტერპრეტაცია სხვა სამინისტროს დასკვნის არასავალდებულოების შესახებ, მაშინ, როდესაც თავად ფინანსთა სამინისტროს აღნიშნული საკითხი თავის პასუხში სადავოდ არ გაუხდია. მიგვაჩნია, რომ ინვესტორის მიერ ხელშეკრულების შეწყვეტის გადაწყვეტილების მიღების შემდეგ, ეკონომიკის სამინისტრო განსაკუთრებული სიფრთხილით უნდა მოეკიდოს საჯარო განცხადებებს პროექტის ირგვლივ არსებული ყველა სამართლებრივად რელევანტური გარემოების შესახებ, რომლებმაც შესაძლოა, გარკვეული როლი ითამაშოს ინვესტორთან მომავალ მოლაპარაკებაში/საარბიტრაჟო დავაში. როგორც აღინიშნა, ფინანსთა სამინისტროს დასკვნის არარსებობა მნიშვნელოვანი სამართლებრივი გარემოებაა, რის გამოც საქართველოს ეკონომიკის სამინისტროს მოვუწოდებთ, იხელმძღვანელოს სახელმწიფო ინტერესებით და თავი შეიკავოს ნაჩქარევი განცხადებებისგან, რომლებმაც შესაძლოა, დააზარალოს საქართველოს პოზიციები მომავალ დავაში.

ინსტრუქცია

  • საიტზე წინ მოძრაობისთვის უნდა გამოიყენოთ ღილაკი „tab“
  • უკან დასაბრუნებლად გამოიყენება ღილაკები „shift+tab“