საცხოვრისიდან იძულებითი გამოსახლება საქართველოში სერიოზულ პრობლემას წარმოადგენს. ამ გამოწვევის წინაშე ასობით შინამეურნეობა დგას.

მიუხედავად საერთაშორისო ვალდებულებებისა, საქართველოს კანონმდებლობა არ იცნობს გამოსახლებას დაქვემდებარებული პირების დაცვისა და მხარდაჭერის მექანიზმებს. კეკელიძის #1-ში განვითარებული მოვლენებიც ნათელი მაგალითია იმისა, თუ რამდენად ღირსების შემლახველი და მძიმე ფორმები შეიძლება მიიღოს გამოსახლების პროცესმა.

გამოსახლება მთელი რიგი პრობლემების კულმინაციაა, რომელიც ქვეყანაში მძიმე სოციალურ-ეკონომიკური პირობებითა და უსამართლო ფულად-საკრედიტო პოლიტიკითაა განპირობებული.

მიგვაჩნია, რომ გამოსახლებაზე მორატორიუმი ამ პირობებში ერთადერთ გამოსავალს წარმოადგენს, რომლის დროსაც სახელმწიფო მოახდენდა ფულად-საკრედიტო სისტემისა და სოციალური დაცვის პოლიტიკის რეფორმირებასა და საცხოვრისის პოლიტიკის შექმნას.

გაზიარება