[Skip to Content]

სიახლეების გამოწერა

ჯავახეთში კრიტიკული პოლიტიკის სკოლის მონაწილეების შერჩევა დაიწყო/Ջավախքում մեկնարկել է Քննադատական ​​քաղաքականության դպրոցի մասնակիցների ընտրությունը

 

Տե՛ս հայերեն թարգմանությունը ստորև

სოციალური სამართლიანობის ცენტრი აცხადებს მიღებას ჯავახეთის რეგიონში კრიტიკული პოლიტიკის სკოლის მონაწილეების შესარჩევად. 

კრიტიკული პოლიტიკის სკოლა, ჩვენი ხედვით, ნახევრად აკადემიური და პოლიტიკური სივრცეა, რომელიც მიზნად ისახავს სოციალური სამართლიანობის, თანასწორობის და დემოკრატიის საკითხებით დაინტერესებულ ახალგაზრდა აქტივისტებსა და თემის ლიდერებში კრიტიკული ცოდნის გაზიარებას და კოლექტიური მსჯელობისა და საერთო მოქმედების პლატფორმის შექმნას.

კრიტიკული პოლიტიკის სკოლა თეორიული ცოდნის გაზიარების გარდა, წარმოადგენს მისი მონაწილეების ურთიერთგაძლიერების, შეკავშირებისა და საერთო ბრძოლების გადაკვეთების ძიების ხელშემწყობ სივრცეს.

კრიტიკული პოლიტიკის სკოლის მონაწილეები შეიძლება გახდნენ ჯავახეთის რეგიონში (ახალქალაქის, ნინოწმინდისა და ახალციხის მუნიციპალიტეტებში) მოქმედი ან ამ რეგიონით დაინტერესებული სამოქალაქო აქტივისტები, თემის ლიდერები და ახალგაზრდები, რომლებიც უკვე მონაწილეობენ, ან აქვთ ინტერესი და მზადყოფნა მონაწილეობა მიიღონ დემოკრატიული, თანასწორი და სოლიდარობის იდეებზე დაფუძნებული საზოგადოების მშენებლობაში.  

პლატფორმის ფარგლებში წინასწარ მომზადებული სილაბუსის საფუძველზე ჩატარდება 16 თეორიული ლექცია/დისკუსია სოციალური, პოლიტიკური და ჰუმანიტარული მეცნიერებებიდან, რომელსაც სათანადო აკადემიური გამოცდილების მქონე პირები და აქტივისტები წაიკითხავენ.  პლატფორმის მონაწილეების საჭიროებების გათვალისწინებით, ასევე დაიგეგმება სემინარების ციკლი კოლექტიური მობილიზაციის, სოციალური ცვლილებებისთვის ბრძოლის სტრატეგიებსა და ინსტრუმენტებზე (4 სემინარი).

აღსანიშნავია, რომ სოციალური სამართლიანობის ცენტრს უკვე ჰქონდა ამგვარი კრიტიკული პოლიტიკის სკოლების ორგანიზების კარგი გამოცდილება თბილისში, მარნეულში, აჭარასა  და პანკისში.

კრიტიკული პოლიტიკის სკოლის ფარგლებში დაგეგმილი შეხვედრების ფორმატი:

  • თეორიული ლექცია/დისკუსია
  • გასვლითი ვიზიტები რეგიონებში
  • შერჩეული წიგნის/სტატიის კითხვის წრე
  • პრაქტიკული სემინარები

სკოლის ფარგლებში დაგეგმილ შეხვედრებთან დაკავშირებული ორგანიზაციული დეტალები:

  • სკოლის მონაწილეთა მაქსიმალური რაოდენობა: 25
  • ლექციებისა და სემინარების რაოდენობა: 20
  • სალექციო დროის ხანგრძლივობა: 8 საათი (თვეში 2 შეხვედრა)
  • ლექციათა ციკლის ხანგრძლივობა: 6 თვე (ივლისი-დეკემბერი)
  • ლექციების ჩატარების ძირითადი ადგილი: ნინოწმინდა, თბილისი
  • კრიტიკული სკოლის მონაწილეები უნდა დაესწრონ სალექციო საათების სულ მცირე 80%-ს.

სოციალური სამართლიანობის ცენტრი სრულად დაფარავს  მონაწილეების ტრანსპორტირების ხარჯებს.

შეხვედრებზე უზრუნველყოფილი იქნება სომხურ ენაზე თარგმანიც.

შეხვედრების შინაარსი, გრაფიკი, ხანგრძლივობა და ასევე სხვა ორგანიზაციული დეტალები შეთანხმებული იქნება სკოლის მონაწილეებთან, ადგილობრივი კონტექსტისა და მათი ინტერესების გათვალისწინებით.

მონაწილეთა შერჩევის წესი

პლატფორმაში მონაწილეობის შესაძლებლობა ექნებათ უმაღლესი განათლების მქონე (ან დამამთავრებელი კრუსის) 20 წლიდან 35 წლამდე ასაკის ახალგაზრდებს. 

კრიტიკული პოლიტიკის სკოლაში მონაწილეობის სურვილის შემთხვევაში გთხოვთ, მიმდინარე წლის 30 ივნისამდე გამოგვიგზავნოთ თქვენი ავტობიოგრაფია და საკონტაქტო ინფორმაცია.

დოკუმენტაცია გამოგვიგზავნეთ შემდეგ მისამართზე: [email protected] 

გთხოვთ, სათაურის ველში მიუთითოთ: "კრიტიკული პოლიტიკის სკოლა ჯავახეთში"

ჯავახეთში კრიტიკული პოლიტიკის სკოლის განხორციელება შესაძლებელი გახდა პროექტის „საქართველოში თანასწორობის, სოლიდარობის და სოციალური მშვიდობის მხარდაჭერის“ ფარგლებში, რომელსაც საქართველოში შვეიცარიის საელჩოს მხარდაჭერით სოციალური სამართლიანობის ცენტრი ახორციელებს.

 

Սոցիալական արդարության կենտրոնը հայտարարում է Ջավախքի տարածաշրջանում բնակվող երիտասարդների ընդունելիություն «Քննադատական մտածողության դպրոցում»

Քննադատական մտածողության դպրոցը մեր տեսլականով կիսակադեմիական և քաղաքական տարածք է, որի նպատակն է կիսել քննադատական գիտելիքները երիտասարդ ակտիվիստների և համայնքի լիդեռների հետ, ովքեր հետաքրքրված են սոցիալական արդարությամբ, հավասարությամբ և ժողովրդավարությամբ, և ստեղծել կոլեկտիվ դատողությունների և ընդհանուր գործողությունների հարթակ:

Քննադատական մտածողության դպրոցը, բացի տեսական գիտելիքների տարածումից, ներկայացնում  է որպես տարածք փոխադարձ հնարավորությունների ընդլայնման, մասնակիցների միջև ընդհանուր պայքարի միջոցով խնդիրների հաղթահարման և համախմբման համար։

Քննադատական մտածողության դպրոցի մասնակից կարող են դառնալ Ջավախքի տարածաշրջանի (Նինոծմինդա, Ախալքալաքի, Ախալցիխեի) երտասարդները, ովքեր հետաքրքրված են քաղաքական աքտիվիզմով, գործող ակտիվիստներ, համայնքի լիդեռները և շրջանում բնակվող երտասարդները, ովքեր ունեն շահագրգռվածություն և պատրաստակամություն՝ կառուցելու ժողովրդավարական, հավասարազոր և համերաշխության վրա հիմնված հասարակություն։

Հիմնվելով հարթակի ներսում նախապես պատրաստված ուսումնական ծրագրի վրա՝ 16 տեսական դասախոսություններ/քննարկումներ կկազմակերպվեն սոցիալական, քաղաքական և հումանիտար գիտություններից՝ համապատասխան ակադեմիական փորձ ունեցող անհատների և ակտիվիստների կողմից: Հաշվի առնելով հարթակի մասնակիցների կարիքները՝ նախատեսվում է նաև սեմինարների շարք կոլեկտիվ մոբիլիզացիայի, սոցիալական փոփոխությունների դեմ պայքարի ռազմավարությունների և գործիքների վերաբերյալ  (4 սեմինար):

Հարկ է նշել, որ Սոցիալական արդարության կենտրոնն արդեն ունի նմանատիպ քննադատական քաղաքականության դպրոցներ կազմակերպելու լավ փորձ Թբիլիսիում, Մառնեուլիում, Աջարիայում և Պանկիսիում։

Քննադատական քաղաքականության դպրոցի շրջանակներում նախատեսված հանդիպումների ձևաչափը

  • Տեսական դասախոսություն/քննարկում
  • Այցելություններ/հանդիպումներ տարբեր մարզերում
  • Ընթերցանության գիրք / հոդված ընթերցման շրջանակ
  • Գործնական սեմինարներ

Դպրոցի կողմից ծրագրված հանդիպումների կազմակերպչական մանրամասներ

  • Դպրոցի մասնակիցների առավելագույն թիվը՝ 25
  • Դասախոսությունների և սեմինարների քանակը՝ 20
  • Դասախոսության տևողությունը՝ 8 ժամ (ամսական 2 հանդիպում)
  • Դասախոսությունների տևողությունը՝ 6 ամիս (հուլիս-դեկտեմբեր)
  • Դասախոսությունների հիմնական վայրը՝ Նինոծմինդա, Թբիլիսի
  • Քննադատական դպրոցի մասնակիցները պետք է մասնակցեն դասախոսության ժամերի առնվազն 80%-ին:

Սոցիալական արդարության կենտրոնն ամբողջությամբ կհոգա մասնակիցների տրանսպորտային ծախսերը։

Հանդիպումների ժամանակ կապահովվի հայերեն լզվի թարգմանությունը։

Հանդիպումների բովանդակությունը, ժամանակացույցը, տևողությունը և կազմակերպչական այլ մանրամասներ կհամաձայնեցվեն դպրոցի մասնակիցների հետ՝ հաշվի առնելով տեղական համատեքստը և նրանց հետաքրքրությունները:

Մասնակիցների ընտրության ձևաչափը

Դպրոցում մասնակցելու հնարավորություն կնձեռվի բարձրագույն կրթություն ունեցող կամ ավարտական կուրսի 20-ից-35 տարեկան ուսանողներին/երտասարդներին։ 

Եթե ցանկանում եք մասնակցել քննադատական քաղաքականության դպրոցին, խնդրում ենք ուղարկել մեզ ձեր ինքնակենսագրությունը և կոնտակտային տվյալները մինչև հունիսի 30-ը։

Փաստաթղթերն ուղարկել հետևյալ հասցեով; [email protected]

Խնդրում ենք վերնագրի դաշտում նշել «Քննադատական մտածողության դպրոց Ջավախքում»:

Ջավախքում Քննադատական մտածողության դպրոցի իրականացումը հնարավոր է դարձել «Աջակցություն Վրաստանում հավասարության, համերաշխության և սոցիալական խաղաղության» ծրագրի շրջանակներում, որն իրականացվում է Սոցիալական արդարության կենտրոնի կողմից Վրաստանում Շվեյցարիայի դեսպանատան աջակցությամբ ։

სამართალდამცავი სისტემა / ანალიტიკური დოკუმენტები

საკადრო პოლიტიკა შინაგან საქმეთა სამინისტროში - საკანონმდებლო ბაზის მიმოხილვა

„ადამიანის უფლებების სწავლებისა და მონიტორინგის ცენტრი (EMC)“ აქვეყნებს ანალიზს, რომელშიც განხილულია შინაგან საქმეთა სამინისტროში არსებული საკადრო პოლიტიკა, მასთან დაკავშირებული ძირითადი სამართლებრივი რეგულირებები და არსებული გამოწვევები.

დოკუმენტში განხილულია:

  • თანამშრომელთა სამუშაოდ აყვანის წინაპირობები და პროცედურები;
  • მათი დაწინაურების, დაქვეითებისა და თანამდებობრივი გადაადგილების წესები;
  • თანამშრომელთა ეთიკის, დისციპლინირებისა და წახალისების საკითხები.

აღნიშნული საკითხები განხილულია პოლიციის სისტემაში პოლიტიკური ნეიტრალიტეტის დაცვის ჭრილში და შეფასებულია ის გარემოებები, რამაც შესაძლოა პოლიციელთა საქმიანობაში პოლიტიკური ზეგავლენების რისკების გაზრდას შეუწყოს ხელი.

ზოგადად, პოლიტიკური ნეიტრალიტეტი მეტად ფართო თემაა და აღნიშნული პრინციპის კანონის დონეზე გამყარება ჯერ კიდევ არ ნიშნავს პრაქტიკაში მის უპირობო აღსრულებას. პოლიციელთა მიერ პოლიტიკური ნეიტრალიტეტის ყოველდღიურ საქმიანობაში დაცვა სხვადასხვა ფაქტორს უკავშირდება. ერთ-ერთი ასეთი ფაქტორია სწორედ უწყების საკადრო პოლიტიკა. კერძოდ, რამდენად გამჭვირვალე და სამართლიანი წესებით ხდება სამსახურში თანამშრომელთა აყვანა, მათი დაწინაურება თუ დაქვეითება, როგორია ამ პროცესებში პოლიტიკური ფიგურების (ამ შემთხვევაში - მინისტრის) ჩართულობა.

როგორც მომზადებული დოკუმენტი აჩვენებს, პოლიტიკური გავლენების საფრთხეები განსაკუთრებით მაშინ იზრდება, როდესაც ზემოაღნიშნულ პროცესებში პოლიტიკური თანამდებობის პირია ჩართული და მისი მონაწილეობა ხორციელდება არა კანონით მკაფიოდ გაწერილი წესებისა და პროცედურების ფარგლებში, არამედ ექსკლუზიური უფლებამოსილებების ან ერთპიროვნული გადაწყვეტილებების საფუძველზე, რის უფლებამოსილებასაც კანონი არაერთ შემთხვევაში ითვალისწინებს.

EMC-ის მომზადებულ დოკუმენტში გამოყოფილია შემდეგი მნიშვნელოვანი ხარვეზები:

  • ზოგადად კანონმდებლობაში არსებული ბუნდოვანებები, მათ შორის თანამშრომელთა აყვანა/გათავისუფლების, მათი დაწინაურების და დაქვეითების ნაწილში, რაც არაერთგვაროვანი პრაქტიკის განვითარების საფრთხეს ქმნის;
  • შინაგან საქმეთა მინისტრის ზედმეტად ფართო კომპეტენცია საკადრო პოლიტიკის განხორციელებისას, რომლის ფარგლებშიც:
    • მას შეუძლია ექსკლუზიურად მიიღოს თანამშრომლის კონკრეტულ თანამდებობაზე დანიშვნის თაობაზე გადაწყვეტილება ისე, რომ ამ უკანასკნელს არ ჰქონდეს სავალდებულო სასწავლო კურსები გავლილი;
    • პროფესიული შეფასების გარეშე, ერთპიროვნულად მიიღოს თანამშრომლის თანამდებობრივი თუ სამსახურებრივი გადაადგილების, დაწინაურებისა და დაქვეითების შესახებ გადაწყვეტილება;
    • მინისტრს აგრეთვე შეუძლია მიიღოს თანამშრომლისთვის დისციპლინური სახდელის დაკისრების, მათ შორის სამსახურიდან გათავისუფლების თაობაზე გადაწყვეტილება;
  • თანამშრომელთა წახალისებისა პროცედურების ბუნდოვანება, რა დროსაც არ ხდება კოლეგიური ორგანოს მიერ თანამშრომელთა პროფესიული კუთხით შეფასება;
  • გენერალური ინსპექციის არასაკმარისი დისტანცირება სამინისტროს ხელმძღვანელობისგან, ასევე დისციპლინური წარმოებისას თანამშრომლების არასაკმარისი სამართლებრივი დაცვის გარანტიებით აღჭურვა, რა დროსაც შესაძლებელია, სახდელის უსამართლოდ დაკისრება მოხდეს.

გასათვალისწინებელია ისიც, რომ მნიშვნელოვანი საკითხები მოწესრიგებულია არა კანონით, არამედ შინაგან საქმეთა მინისტრის ბრძანებით, რომელიც მის გამომცემსვე რიგ საკითხებზე ექსკლუზიურ და საგამონაკლისო უფლებამოსილებებს ანიჭებს.

გაეცანით დოკუმენტის სრულ ვერსიას ⇓

საინფორმაციო ბიულეტენი მომზადებულია “ადამიანის უფლებების ავლებისა და მონიტორინგის ცენტრის (EMC)” მიერ პროექტის ფარგლებში “პოლიტიკური ნეიტრალიტეტის დაცვა პოლიციის საქმიანობაში”.

პროექტს აფინანსებს ნიდერლანდების სამეფოს საელჩოს პროგრამა “მატრა”. საინფორმაციო ბიულეტენში გამოთქმული მოსაზრებები შესაძლოა არ გამოხატავდეს საელჩოს პოზიციას. მასალის შინაარსზე პასუხისმგებელია EMC.

საინფორმაციო-ბიულეტენი-საკადრო-პოლიტიკა-შინაგან-საქმეთა-სამინისტროში.pdf

ინსტრუქცია

  • საიტზე წინ მოძრაობისთვის უნდა გამოიყენოთ ღილაკი „tab“
  • უკან დასაბრუნებლად გამოიყენება ღილაკები „shift+tab“