საქართველოში ეთნიკური უმცირესობები სოციალური იზოლაციისა და პოლიტიკური მარგინალიზაციის მძიმე პირობებში ცხოვრობენ. რთული პოლიტიკური მოვლენების დროს ისინი ხშირად ხდებიან საზოგადოებრივი დაძაბულობის სამიზნე და "განტევების ვაცი".

2024 წლის საპარლამენტო არჩევნები ჯავახეთში კვლავ გამოავლენს ამ რეგიონის რთულ პოლიტიკურ რეალობას. ჩვენ გიჩვენებთ, თუ როგორ მიმდინარეობდა არჩევნები, რა სტრატეგიებს იყენებდა ხელისუფლება ხმების მოსაპოვებლად და რა სახის ზეწოლას განიცდიდნენ ადგილობრივები. საინტერესოა, რეგიონში, სადაც 70% კაცების მიგრაციაშია და არა ერთი სოფელი დაცარიელებულია, როგორ დაფიქსირდა წარმოუდგენელი მასშტაბის აქტიურობა არჩევნებზე და პრაქტიკულად ყველა ხმა სახელისუფლებო პარტიამ მიიღო.

რეგიონი, რომელიც ათეული წლებია სამართავად პოლიტიკურ და ეკონომიკურ კლანებს აქვთ ჩაბარებული, რეალური არჩევანისა და პოლიტიკური ცხოვრების გარეშე ცხოვრობს. 2024 წლის არჩევნების დროს ოპოზიციური პარტიები ამ რეგიონში პრაქტიკულად არ მუშაობდნენ და სიაში ერთი ეთნიკურად სომეხი წარმომადგენელიც კი არ ჰყავდათ.

ჯავახეთი ისევ გახდა ხმების ბეღელი ხელისუფლებისთვის, რაც ამ რეგიონში დემოკრატიის უკუსვლას და ღრმა კრიზისს აჩვენებს.

გაზიარება