გიორგი ენუქიძე უსინათლოთა კავშირის ხელმძღვანელის მოადგილის თანამდებობიდან რამდენიმე თვის წინ გაანთავისუფლეს.

მის სამსახურში დაბრუნებაზე უსინათლოთა კავშირი უკომპრომისოდ უარს აცხადებს. მიუხედავად იმისა, რომ პროტესტი, ერთი შეხედვით, დარღვეულ შრომით უფლებებზე კონცენტრირდება, მისი სათავის ძიება უსინათლოთა კავშირში წლების განმავლობაში შექმნილ მდგომარეობაში უნდა მოხდეს.

გიორგი, ისევე, როგორც პროტესტის სხვა მონაწილეები, მიუთითებენ უსინათლოთა კავშირში არსებულ არადემოკრატიულ მმართველობაზე, ასევე, თანამშრომელთა მიმართ განსხვავებული აზრის გამო დისკრიმინაციაზე. მეტიც, ისინი მიუთითებენ სავარაუდო სისხლის სამართლის დანაშაულებზე, რომელთა გამოძიებაც წლების მანძილზე არ მომხდარა.

უსინათლოთა კავშირში არსებული მრავალშრიანი გამოწვევების გათვალისწინებით, არსებითია, სახელმწიფომ შეასრულოს მედიატორის ფუნქცია, შექმნას ისეთი სივრცე, სადაც ყველა მხარეს ექნება შესაძლებლობა, დააფიქსიროს საკუთარი პოზიცია და უზრუნველყოს შექმნილი კრიზისის დაძლევა.

გაზიარება