[Skip to Content]

სიახლეების გამოწერა

ჯავახეთში კრიტიკული პოლიტიკის სკოლის მონაწილეების შერჩევა დაიწყო/Ջավախքում մեկնարկել է Քննադատական ​​քաղաքականության դպրոցի մասնակիցների ընտրությունը

 

Տե՛ս հայերեն թարգմանությունը ստորև

სოციალური სამართლიანობის ცენტრი აცხადებს მიღებას ჯავახეთის რეგიონში კრიტიკული პოლიტიკის სკოლის მონაწილეების შესარჩევად. 

კრიტიკული პოლიტიკის სკოლა, ჩვენი ხედვით, ნახევრად აკადემიური და პოლიტიკური სივრცეა, რომელიც მიზნად ისახავს სოციალური სამართლიანობის, თანასწორობის და დემოკრატიის საკითხებით დაინტერესებულ ახალგაზრდა აქტივისტებსა და თემის ლიდერებში კრიტიკული ცოდნის გაზიარებას და კოლექტიური მსჯელობისა და საერთო მოქმედების პლატფორმის შექმნას.

კრიტიკული პოლიტიკის სკოლა თეორიული ცოდნის გაზიარების გარდა, წარმოადგენს მისი მონაწილეების ურთიერთგაძლიერების, შეკავშირებისა და საერთო ბრძოლების გადაკვეთების ძიების ხელშემწყობ სივრცეს.

კრიტიკული პოლიტიკის სკოლის მონაწილეები შეიძლება გახდნენ ჯავახეთის რეგიონში (ახალქალაქის, ნინოწმინდისა და ახალციხის მუნიციპალიტეტებში) მოქმედი ან ამ რეგიონით დაინტერესებული სამოქალაქო აქტივისტები, თემის ლიდერები და ახალგაზრდები, რომლებიც უკვე მონაწილეობენ, ან აქვთ ინტერესი და მზადყოფნა მონაწილეობა მიიღონ დემოკრატიული, თანასწორი და სოლიდარობის იდეებზე დაფუძნებული საზოგადოების მშენებლობაში.  

პლატფორმის ფარგლებში წინასწარ მომზადებული სილაბუსის საფუძველზე ჩატარდება 16 თეორიული ლექცია/დისკუსია სოციალური, პოლიტიკური და ჰუმანიტარული მეცნიერებებიდან, რომელსაც სათანადო აკადემიური გამოცდილების მქონე პირები და აქტივისტები წაიკითხავენ.  პლატფორმის მონაწილეების საჭიროებების გათვალისწინებით, ასევე დაიგეგმება სემინარების ციკლი კოლექტიური მობილიზაციის, სოციალური ცვლილებებისთვის ბრძოლის სტრატეგიებსა და ინსტრუმენტებზე (4 სემინარი).

აღსანიშნავია, რომ სოციალური სამართლიანობის ცენტრს უკვე ჰქონდა ამგვარი კრიტიკული პოლიტიკის სკოლების ორგანიზების კარგი გამოცდილება თბილისში, მარნეულში, აჭარასა  და პანკისში.

კრიტიკული პოლიტიკის სკოლის ფარგლებში დაგეგმილი შეხვედრების ფორმატი:

  • თეორიული ლექცია/დისკუსია
  • გასვლითი ვიზიტები რეგიონებში
  • შერჩეული წიგნის/სტატიის კითხვის წრე
  • პრაქტიკული სემინარები

სკოლის ფარგლებში დაგეგმილ შეხვედრებთან დაკავშირებული ორგანიზაციული დეტალები:

  • სკოლის მონაწილეთა მაქსიმალური რაოდენობა: 25
  • ლექციებისა და სემინარების რაოდენობა: 20
  • სალექციო დროის ხანგრძლივობა: 8 საათი (თვეში 2 შეხვედრა)
  • ლექციათა ციკლის ხანგრძლივობა: 6 თვე (ივლისი-დეკემბერი)
  • ლექციების ჩატარების ძირითადი ადგილი: ნინოწმინდა, თბილისი
  • კრიტიკული სკოლის მონაწილეები უნდა დაესწრონ სალექციო საათების სულ მცირე 80%-ს.

სოციალური სამართლიანობის ცენტრი სრულად დაფარავს  მონაწილეების ტრანსპორტირების ხარჯებს.

შეხვედრებზე უზრუნველყოფილი იქნება სომხურ ენაზე თარგმანიც.

შეხვედრების შინაარსი, გრაფიკი, ხანგრძლივობა და ასევე სხვა ორგანიზაციული დეტალები შეთანხმებული იქნება სკოლის მონაწილეებთან, ადგილობრივი კონტექსტისა და მათი ინტერესების გათვალისწინებით.

მონაწილეთა შერჩევის წესი

პლატფორმაში მონაწილეობის შესაძლებლობა ექნებათ უმაღლესი განათლების მქონე (ან დამამთავრებელი კრუსის) 20 წლიდან 35 წლამდე ასაკის ახალგაზრდებს. 

კრიტიკული პოლიტიკის სკოლაში მონაწილეობის სურვილის შემთხვევაში გთხოვთ, მიმდინარე წლის 30 ივნისამდე გამოგვიგზავნოთ თქვენი ავტობიოგრაფია და საკონტაქტო ინფორმაცია.

დოკუმენტაცია გამოგვიგზავნეთ შემდეგ მისამართზე: [email protected] 

გთხოვთ, სათაურის ველში მიუთითოთ: "კრიტიკული პოლიტიკის სკოლა ჯავახეთში"

ჯავახეთში კრიტიკული პოლიტიკის სკოლის განხორციელება შესაძლებელი გახდა პროექტის „საქართველოში თანასწორობის, სოლიდარობის და სოციალური მშვიდობის მხარდაჭერის“ ფარგლებში, რომელსაც საქართველოში შვეიცარიის საელჩოს მხარდაჭერით სოციალური სამართლიანობის ცენტრი ახორციელებს.

 

Սոցիալական արդարության կենտրոնը հայտարարում է Ջավախքի տարածաշրջանում բնակվող երիտասարդների ընդունելիություն «Քննադատական մտածողության դպրոցում»

Քննադատական մտածողության դպրոցը մեր տեսլականով կիսակադեմիական և քաղաքական տարածք է, որի նպատակն է կիսել քննադատական գիտելիքները երիտասարդ ակտիվիստների և համայնքի լիդեռների հետ, ովքեր հետաքրքրված են սոցիալական արդարությամբ, հավասարությամբ և ժողովրդավարությամբ, և ստեղծել կոլեկտիվ դատողությունների և ընդհանուր գործողությունների հարթակ:

Քննադատական մտածողության դպրոցը, բացի տեսական գիտելիքների տարածումից, ներկայացնում  է որպես տարածք փոխադարձ հնարավորությունների ընդլայնման, մասնակիցների միջև ընդհանուր պայքարի միջոցով խնդիրների հաղթահարման և համախմբման համար։

Քննադատական մտածողության դպրոցի մասնակից կարող են դառնալ Ջավախքի տարածաշրջանի (Նինոծմինդա, Ախալքալաքի, Ախալցիխեի) երտասարդները, ովքեր հետաքրքրված են քաղաքական աքտիվիզմով, գործող ակտիվիստներ, համայնքի լիդեռները և շրջանում բնակվող երտասարդները, ովքեր ունեն շահագրգռվածություն և պատրաստակամություն՝ կառուցելու ժողովրդավարական, հավասարազոր և համերաշխության վրա հիմնված հասարակություն։

Հիմնվելով հարթակի ներսում նախապես պատրաստված ուսումնական ծրագրի վրա՝ 16 տեսական դասախոսություններ/քննարկումներ կկազմակերպվեն սոցիալական, քաղաքական և հումանիտար գիտություններից՝ համապատասխան ակադեմիական փորձ ունեցող անհատների և ակտիվիստների կողմից: Հաշվի առնելով հարթակի մասնակիցների կարիքները՝ նախատեսվում է նաև սեմինարների շարք կոլեկտիվ մոբիլիզացիայի, սոցիալական փոփոխությունների դեմ պայքարի ռազմավարությունների և գործիքների վերաբերյալ  (4 սեմինար):

Հարկ է նշել, որ Սոցիալական արդարության կենտրոնն արդեն ունի նմանատիպ քննադատական քաղաքականության դպրոցներ կազմակերպելու լավ փորձ Թբիլիսիում, Մառնեուլիում, Աջարիայում և Պանկիսիում։

Քննադատական քաղաքականության դպրոցի շրջանակներում նախատեսված հանդիպումների ձևաչափը

  • Տեսական դասախոսություն/քննարկում
  • Այցելություններ/հանդիպումներ տարբեր մարզերում
  • Ընթերցանության գիրք / հոդված ընթերցման շրջանակ
  • Գործնական սեմինարներ

Դպրոցի կողմից ծրագրված հանդիպումների կազմակերպչական մանրամասներ

  • Դպրոցի մասնակիցների առավելագույն թիվը՝ 25
  • Դասախոսությունների և սեմինարների քանակը՝ 20
  • Դասախոսության տևողությունը՝ 8 ժամ (ամսական 2 հանդիպում)
  • Դասախոսությունների տևողությունը՝ 6 ամիս (հուլիս-դեկտեմբեր)
  • Դասախոսությունների հիմնական վայրը՝ Նինոծմինդա, Թբիլիսի
  • Քննադատական դպրոցի մասնակիցները պետք է մասնակցեն դասախոսության ժամերի առնվազն 80%-ին:

Սոցիալական արդարության կենտրոնն ամբողջությամբ կհոգա մասնակիցների տրանսպորտային ծախսերը։

Հանդիպումների ժամանակ կապահովվի հայերեն լզվի թարգմանությունը։

Հանդիպումների բովանդակությունը, ժամանակացույցը, տևողությունը և կազմակերպչական այլ մանրամասներ կհամաձայնեցվեն դպրոցի մասնակիցների հետ՝ հաշվի առնելով տեղական համատեքստը և նրանց հետաքրքրությունները:

Մասնակիցների ընտրության ձևաչափը

Դպրոցում մասնակցելու հնարավորություն կնձեռվի բարձրագույն կրթություն ունեցող կամ ավարտական կուրսի 20-ից-35 տարեկան ուսանողներին/երտասարդներին։ 

Եթե ցանկանում եք մասնակցել քննադատական քաղաքականության դպրոցին, խնդրում ենք ուղարկել մեզ ձեր ինքնակենսագրությունը և կոնտակտային տվյալները մինչև հունիսի 30-ը։

Փաստաթղթերն ուղարկել հետևյալ հասցեով; [email protected]

Խնդրում ենք վերնագրի դաշտում նշել «Քննադատական մտածողության դպրոց Ջավախքում»:

Ջավախքում Քննադատական մտածողության դպրոցի իրականացումը հնարավոր է դարձել «Աջակցություն Վրաստանում հավասարության, համերաշխության և սոցիալական խաղաղության» ծրագրի շրջանակներում, որն իրականացվում է Սոցիալական արդարության կենտրոնի կողմից Վրաստանում Շվեյցարիայի դեսպանատան աջակցությամբ ։

შეზღუდული შესაძლებლობის მქონე პირთა უფლებები / სტატია

ხელმისაწვდომობის უფლება შეზღუდული შესაძლებლობის მქონე პირთათვის

ნინო გურული 

გაეროს შეზღუდული შესაძლებლობის მქონე პირთა უფლებების კონვენციის დაცვის საგანს წარმოადგენს შეზღუდული შესაძლებლობის მქონე პირების უფლება იცხოვრონ დამოუკიდებლად და სრულყოფილად იყვნენ ჩართულნი ცხოვრების ყველა სფეროში. მონაწილე სახელმწიფოებს კონვენცია აკისრებს ვალდებულებას, მიიღონ შესაბამისი ზომები ამ უფლებების რეალიზების ხელშესაწყობად. მათი ძალისხმევა მიმართული უნდა იყოს ფიზიკური გარემოს, ტრანსპორტის, ინფორმაციისა და კომუნიკაციის, მათ შორის ინფორმაციისა და საკომუნიკაციო ტექნოლოგიებისა და სისტემების, ასევე სხვა, საზოგადოებისათვის ღია ობიექტებისა და მომსახურების თანაბარ მისაწვდომობაზე როგორც ქალაქის, ასევე სოფლის პირობებში. ეს ზომები მოიცავს არსებული წინააღმდეგობებისა და ბარიერების გამოვლენა-აღმოფხვრას და ვრცელდება შენობა-ნაგებობებზე, გზებზე, ტრანსპორტზე, შიდა და გარე ობიექტებზე, სკოლებზე, საცხოვრებელ სახლებზე, სამედიცინო დაწესებულებებსა და სამუშაო ადგილებზე; ასევე, ინფორმაციაზე, კომუნიკაციასა და სხვა სამსახურებზე, ელექტრონულ და სასწრაფო-საავარიო სამსახურებზე.

ევროპის ქვეყნებს მრავალწლიანი პრაქტიკა აქვთ შეზღუდული შესაძლებლობის მქონე პირებისთვის საზოგადოებრივ ცხოვრებაში ჩართულობის და თანასწორობის პრინციპის უზრუნველსაყოფი ღონისძიებების გატარების თვალსაზრისით.

შვედეთში განსაკუთრებულად ბოლო წლებში ინტენსიური ყურადღება ეთმობა სამოქალაქო სერვისების ხელმისაწვდომობას, სამშენებლო გარემოში ადვილად აღმოფხვრადი დაბრკოლებების მოგვარებას და საზოგადოებრივი ტრანსპორტის ყველასთვის ხელმისაწვდომობის ხელშეწყობას.

ხელმისაწვდომობის უზრუნველყოფას 1998 წლის უნგრეთის შეზღუდული შესაძლებლობის მქონე პირთა აქტიც ითვალისწინებს. ხელმისაწვდომობა შეეხება სამ კატეგორიას: ხელმისაწვდომობას მომსახურებაზე, შენობებსა და ინფორმაციაზე.

დასახული მიზნების ეფექტური განხორციელების და ხელმისაწვდომობის პროცესის გააქტიურების მიზნით, შვედეთში მიიღეს სხვადასხვა საკანონმდებლო აქტი, მაგალითად, დაგეგმარების და მშენებლობის აქტი, ასევე აქტი სახლების ადაპტაციისთვის გრანტების გამოყოფის შესახებ. აღსანიშნავია, რომ შეზღუდული შესაძლებლობის მქონე და ხანდაზმული პირების სახლების ადაპტაციისათვის 2008 წელს გრანტი გაიცა დაახლოებით 75 000 სახლისთვის და ამ მიზნისთვის გახარჯულმა თანხამ 959 მილიონ დოლარს მიაღწია.

დანიაში შეზღუდული შესაძლებლობის მქონე პირებისთვის შენობების სპეციალური მოწყობილობით აღჭურვა 2010 წლიდან რეგულირდება მშენებლობების შესახებ სპეციალური აქტით. აქტის თანახმად, ეტლის მომხმარებლებს უნდა შეეძლოთ ბარიერების გარეშე შევიდნენ ყველა შენობაში. აღნიშნული აქტის მიხედვით, შესაბამისი ასოციაცია, რომელიც შეზღუდული შესაძლებლობის მქონე პირებისთვის შენობის ადაპტაციაზე მუშაობს, ახორციელებს ყველა შენობის კატეგორიზაციას ხელმისაწვდომობის მიხედვით. მაგალითისთვის, C - ნიშნული მიუთითებს, რომ შენობა ნაკლებად არის ადაპტირებული შეზღუდული შესაძლებლობის მქონე პირებისთვის, B -არის სტანდარტული დაშვებადობის განმსაზღვრელი, ხოლო A - უმაღლესი სტანდარტია.

გერმანიის კანონმდებლობა ასევე ითვალისწინებს საჯარო შენობების ხელმისაწვდომობას. ეს წესი ეხება როგორც ახალ შენობებს, ასევე ძველი შენობების კონსტრუქციებს. თექვსმეტივე ფედერალურ მიწას იდენტური კანონები აქვს, რომლებიც არეგულირებენ შეზღუდული შესაძლებლობის მქონე პირებისთვის შენობის ხელმისაწვდომობას.

შეზღუდული შესაძლებლობის მქონე პირებისთვის საჯარო ტრანსპორტის ხელმისაწვდომობასთან დაკავშირებით საინტერესოა შვედეთის პრაქტიკა. ამ ქვეყანაში არსებობს სპეციალური სატრანსპორტო აქტი და ასევე სპეციალური რეგულაცია ტრანსპორტის ხელმისაწვდომობის შესახებ. შვედეთის სატრანსპორტო ადმინისტრაცია, შვედეთის საზღვაო ადმინისტრაცია და შვედეთის სატრანსპორტო სააგენტო თანამშრომლობენ და შეიმუშავებენ ინიციატივებს, გეგმებს და ახდენენ ხელმისაწვდომობის მონიტორინგს. ისინი ასევე პასუხისმგებელნი არიან შესაბამისი რეგულაციის შემუშავებაზე.

ავსტრიაში საჯარო ტრანსპორტის კომპანიები ვალდებულნი არიან 2015 წლამდე ყველა სატრანსპორტო საშუალება ხელმისაწვდომი გახადონ შეზღუდული შესაძლებლობის მქონე პირებისთვის. აქტის მიხედვით გათვალისწინებულია ფინანსური სანქციის დაკისრება შეზღუდული შესაძლებლობის მქონე პირისათვის მატერიალური თუ არამატერიალური ზიანის მიყენების შემთხვევაში.

ინფორმაციის ხელმისაწვდომობის თვალსაზრისით საინტერესოა შვედეთში მოქმედი რეგულაცია, რომელიც შესაბამის სამთავრობო დაწესებულებების წარმომადგენლებს ავალდებულებს, ინფორმაცია შეზღუდული შესაძლებლობის მქონე პირების პოლიტიკის იმპლემენტაციის მიმართულებით მათი მოქმედებებისა, თუ ინიციატივების შესახებ მისაწვდომი იყოს შეზღუდული შესაძლებლობის მქონე პირებისთვის.

შვედეთში ასევე მნიშვნელოვანი ყურადღება ეთმობა ვებ-გვერდების ხელმისაწვდომობას. ამ მიზნით მთავრობამ სპეციალური გაიდლაინიც შეიმუშავა.

შეზღუდული შესაძლებლობის მქონე პირებისთვის მართლმსაჯულებაზე ეფექტური ხელმისაწვდომობის გარანტირების მიზნით ბელგიაში გატარდა სხვადასხვა ზომა: მათ შორის, უფასო სამართლებრივ დახმარებაზე ხელმისაწვდომობა, სამართლებრივი პროცესების დროს ინტერპრეტატორის და თარჯიმანის ხელმისაწვდომობა და სხვა. გარანტირებულია სასამართლოს ყველა შენობა-ნაგებობაზე ფიზიკური ხელმისაწვდომობა.

შვედეთის სასამართლო მნიშვნელოვან ყურადღებას უთმობს შშმ პირებისთვის სასამართლო ღონისძიებებში და საქმიანობაში ჩართვას. ამ თვალსაზრისით მნიშვნელოვანია ეროვნული სასამართლოს ადმინისტრაციის მიერ განვითარებული სამოქმედო გეგმა. შვედეთის ყველა სასამართლოს ვებ-გვერდი ადაპტირებულია და მისაწვდომია შეზღუდული შესაძლებლობის მქონე პირებისთვისაც. ზოგადი ინფორმაცია განთავსებულია ხელმისაწვდომ ფორმატში და აქვს ხმოვანი კითხვის რეჟიმიც.

შეზღუდული შესაძლებლობის მქონე პირებისთვის ხელმისაწვდომობის უფლების გარანტირების მიზნით სხვადასხვა სახელმწიფოს მიერ გატარებული ღონისძიებების სიმრავლე და მათი ძალისხმევის სიმძლავრე მკაფიოდ აჩვენებს ამ უფლების რეალიზების აქტუალობას და პრინციპულ მნიშვნელობას.

ბლოგი მომზადებულია ადამიანის უფლებების სწავლებისა და მონიტორინგის ცენტრის (EMC) მიერ განხორციელებული კვლევის „შეზღუდული შესაძლებლობის მქონე პირთა უფლებების კონვენციის იმპლემენტაციის პრაქტიკა ევროკავშირის ქვეყნებში“ საფუძველზე

ინსტრუქცია

  • საიტზე წინ მოძრაობისთვის უნდა გამოიყენოთ ღილაკი „tab“
  • უკან დასაბრუნებლად გამოიყენება ღილაკები „shift+tab“