[Skip to Content]

სიახლეების გამოწერა

ჯავახეთში კრიტიკული პოლიტიკის სკოლის მონაწილეების შერჩევა დაიწყო/Ջավախքում մեկնարկել է Քննադատական ​​քաղաքականության դպրոցի մասնակիցների ընտրությունը

 

Տե՛ս հայերեն թարգմանությունը ստորև

სოციალური სამართლიანობის ცენტრი აცხადებს მიღებას ჯავახეთის რეგიონში კრიტიკული პოლიტიკის სკოლის მონაწილეების შესარჩევად. 

კრიტიკული პოლიტიკის სკოლა, ჩვენი ხედვით, ნახევრად აკადემიური და პოლიტიკური სივრცეა, რომელიც მიზნად ისახავს სოციალური სამართლიანობის, თანასწორობის და დემოკრატიის საკითხებით დაინტერესებულ ახალგაზრდა აქტივისტებსა და თემის ლიდერებში კრიტიკული ცოდნის გაზიარებას და კოლექტიური მსჯელობისა და საერთო მოქმედების პლატფორმის შექმნას.

კრიტიკული პოლიტიკის სკოლა თეორიული ცოდნის გაზიარების გარდა, წარმოადგენს მისი მონაწილეების ურთიერთგაძლიერების, შეკავშირებისა და საერთო ბრძოლების გადაკვეთების ძიების ხელშემწყობ სივრცეს.

კრიტიკული პოლიტიკის სკოლის მონაწილეები შეიძლება გახდნენ ჯავახეთის რეგიონში (ახალქალაქის, ნინოწმინდისა და ახალციხის მუნიციპალიტეტებში) მოქმედი ან ამ რეგიონით დაინტერესებული სამოქალაქო აქტივისტები, თემის ლიდერები და ახალგაზრდები, რომლებიც უკვე მონაწილეობენ, ან აქვთ ინტერესი და მზადყოფნა მონაწილეობა მიიღონ დემოკრატიული, თანასწორი და სოლიდარობის იდეებზე დაფუძნებული საზოგადოების მშენებლობაში.  

პლატფორმის ფარგლებში წინასწარ მომზადებული სილაბუსის საფუძველზე ჩატარდება 16 თეორიული ლექცია/დისკუსია სოციალური, პოლიტიკური და ჰუმანიტარული მეცნიერებებიდან, რომელსაც სათანადო აკადემიური გამოცდილების მქონე პირები და აქტივისტები წაიკითხავენ.  პლატფორმის მონაწილეების საჭიროებების გათვალისწინებით, ასევე დაიგეგმება სემინარების ციკლი კოლექტიური მობილიზაციის, სოციალური ცვლილებებისთვის ბრძოლის სტრატეგიებსა და ინსტრუმენტებზე (4 სემინარი).

აღსანიშნავია, რომ სოციალური სამართლიანობის ცენტრს უკვე ჰქონდა ამგვარი კრიტიკული პოლიტიკის სკოლების ორგანიზების კარგი გამოცდილება თბილისში, მარნეულში, აჭარასა  და პანკისში.

კრიტიკული პოლიტიკის სკოლის ფარგლებში დაგეგმილი შეხვედრების ფორმატი:

  • თეორიული ლექცია/დისკუსია
  • გასვლითი ვიზიტები რეგიონებში
  • შერჩეული წიგნის/სტატიის კითხვის წრე
  • პრაქტიკული სემინარები

სკოლის ფარგლებში დაგეგმილ შეხვედრებთან დაკავშირებული ორგანიზაციული დეტალები:

  • სკოლის მონაწილეთა მაქსიმალური რაოდენობა: 25
  • ლექციებისა და სემინარების რაოდენობა: 20
  • სალექციო დროის ხანგრძლივობა: 8 საათი (თვეში 2 შეხვედრა)
  • ლექციათა ციკლის ხანგრძლივობა: 6 თვე (ივლისი-დეკემბერი)
  • ლექციების ჩატარების ძირითადი ადგილი: ნინოწმინდა, თბილისი
  • კრიტიკული სკოლის მონაწილეები უნდა დაესწრონ სალექციო საათების სულ მცირე 80%-ს.

სოციალური სამართლიანობის ცენტრი სრულად დაფარავს  მონაწილეების ტრანსპორტირების ხარჯებს.

შეხვედრებზე უზრუნველყოფილი იქნება სომხურ ენაზე თარგმანიც.

შეხვედრების შინაარსი, გრაფიკი, ხანგრძლივობა და ასევე სხვა ორგანიზაციული დეტალები შეთანხმებული იქნება სკოლის მონაწილეებთან, ადგილობრივი კონტექსტისა და მათი ინტერესების გათვალისწინებით.

მონაწილეთა შერჩევის წესი

პლატფორმაში მონაწილეობის შესაძლებლობა ექნებათ უმაღლესი განათლების მქონე (ან დამამთავრებელი კრუსის) 20 წლიდან 35 წლამდე ასაკის ახალგაზრდებს. 

კრიტიკული პოლიტიკის სკოლაში მონაწილეობის სურვილის შემთხვევაში გთხოვთ, მიმდინარე წლის 30 ივნისამდე გამოგვიგზავნოთ თქვენი ავტობიოგრაფია და საკონტაქტო ინფორმაცია.

დოკუმენტაცია გამოგვიგზავნეთ შემდეგ მისამართზე: [email protected] 

გთხოვთ, სათაურის ველში მიუთითოთ: "კრიტიკული პოლიტიკის სკოლა ჯავახეთში"

ჯავახეთში კრიტიკული პოლიტიკის სკოლის განხორციელება შესაძლებელი გახდა პროექტის „საქართველოში თანასწორობის, სოლიდარობის და სოციალური მშვიდობის მხარდაჭერის“ ფარგლებში, რომელსაც საქართველოში შვეიცარიის საელჩოს მხარდაჭერით სოციალური სამართლიანობის ცენტრი ახორციელებს.

 

Սոցիալական արդարության կենտրոնը հայտարարում է Ջավախքի տարածաշրջանում բնակվող երիտասարդների ընդունելիություն «Քննադատական մտածողության դպրոցում»

Քննադատական մտածողության դպրոցը մեր տեսլականով կիսակադեմիական և քաղաքական տարածք է, որի նպատակն է կիսել քննադատական գիտելիքները երիտասարդ ակտիվիստների և համայնքի լիդեռների հետ, ովքեր հետաքրքրված են սոցիալական արդարությամբ, հավասարությամբ և ժողովրդավարությամբ, և ստեղծել կոլեկտիվ դատողությունների և ընդհանուր գործողությունների հարթակ:

Քննադատական մտածողության դպրոցը, բացի տեսական գիտելիքների տարածումից, ներկայացնում  է որպես տարածք փոխադարձ հնարավորությունների ընդլայնման, մասնակիցների միջև ընդհանուր պայքարի միջոցով խնդիրների հաղթահարման և համախմբման համար։

Քննադատական մտածողության դպրոցի մասնակից կարող են դառնալ Ջավախքի տարածաշրջանի (Նինոծմինդա, Ախալքալաքի, Ախալցիխեի) երտասարդները, ովքեր հետաքրքրված են քաղաքական աքտիվիզմով, գործող ակտիվիստներ, համայնքի լիդեռները և շրջանում բնակվող երտասարդները, ովքեր ունեն շահագրգռվածություն և պատրաստակամություն՝ կառուցելու ժողովրդավարական, հավասարազոր և համերաշխության վրա հիմնված հասարակություն։

Հիմնվելով հարթակի ներսում նախապես պատրաստված ուսումնական ծրագրի վրա՝ 16 տեսական դասախոսություններ/քննարկումներ կկազմակերպվեն սոցիալական, քաղաքական և հումանիտար գիտություններից՝ համապատասխան ակադեմիական փորձ ունեցող անհատների և ակտիվիստների կողմից: Հաշվի առնելով հարթակի մասնակիցների կարիքները՝ նախատեսվում է նաև սեմինարների շարք կոլեկտիվ մոբիլիզացիայի, սոցիալական փոփոխությունների դեմ պայքարի ռազմավարությունների և գործիքների վերաբերյալ  (4 սեմինար):

Հարկ է նշել, որ Սոցիալական արդարության կենտրոնն արդեն ունի նմանատիպ քննադատական քաղաքականության դպրոցներ կազմակերպելու լավ փորձ Թբիլիսիում, Մառնեուլիում, Աջարիայում և Պանկիսիում։

Քննադատական քաղաքականության դպրոցի շրջանակներում նախատեսված հանդիպումների ձևաչափը

  • Տեսական դասախոսություն/քննարկում
  • Այցելություններ/հանդիպումներ տարբեր մարզերում
  • Ընթերցանության գիրք / հոդված ընթերցման շրջանակ
  • Գործնական սեմինարներ

Դպրոցի կողմից ծրագրված հանդիպումների կազմակերպչական մանրամասներ

  • Դպրոցի մասնակիցների առավելագույն թիվը՝ 25
  • Դասախոսությունների և սեմինարների քանակը՝ 20
  • Դասախոսության տևողությունը՝ 8 ժամ (ամսական 2 հանդիպում)
  • Դասախոսությունների տևողությունը՝ 6 ամիս (հուլիս-դեկտեմբեր)
  • Դասախոսությունների հիմնական վայրը՝ Նինոծմինդա, Թբիլիսի
  • Քննադատական դպրոցի մասնակիցները պետք է մասնակցեն դասախոսության ժամերի առնվազն 80%-ին:

Սոցիալական արդարության կենտրոնն ամբողջությամբ կհոգա մասնակիցների տրանսպորտային ծախսերը։

Հանդիպումների ժամանակ կապահովվի հայերեն լզվի թարգմանությունը։

Հանդիպումների բովանդակությունը, ժամանակացույցը, տևողությունը և կազմակերպչական այլ մանրամասներ կհամաձայնեցվեն դպրոցի մասնակիցների հետ՝ հաշվի առնելով տեղական համատեքստը և նրանց հետաքրքրությունները:

Մասնակիցների ընտրության ձևաչափը

Դպրոցում մասնակցելու հնարավորություն կնձեռվի բարձրագույն կրթություն ունեցող կամ ավարտական կուրսի 20-ից-35 տարեկան ուսանողներին/երտասարդներին։ 

Եթե ցանկանում եք մասնակցել քննադատական քաղաքականության դպրոցին, խնդրում ենք ուղարկել մեզ ձեր ինքնակենսագրությունը և կոնտակտային տվյալները մինչև հունիսի 30-ը։

Փաստաթղթերն ուղարկել հետևյալ հասցեով; [email protected]

Խնդրում ենք վերնագրի դաշտում նշել «Քննադատական մտածողության դպրոց Ջավախքում»:

Ջավախքում Քննադատական մտածողության դպրոցի իրականացումը հնարավոր է դարձել «Աջակցություն Վրաստանում հավասարության, համերաշխության և սոցիալական խաղաղության» ծրագրի շրջանակներում, որն իրականացվում է Սոցիալական արդարության կենտրոնի կողմից Վրաստանում Շվեյցարիայի դեսպանատան աջակցությամբ ։

ეთნიკური უმცირესობები / ანალიტიკური დოკუმენტები

ეთნიკური უმცირესობებისთვის პოლიტიკურ ცხოვრებაში მონაწილეობა კვლავ მნიშვნელოვან გამოწვევად რჩება

საჯარო ცხოვრებაში და პოლიტიკაში ეთნიკური უმცირესობების მონაწილეობა კვლავ მნიშვნელოვან გამოწვევად რჩება. ეთნიკური უმცირესობების წარმომადგენლობა პარლამენტში კვლავ დაბალია და 2020 წლის არჩევნების შემდეგ სიტუაცია ამ მიმართულებით მკვეთრად გაუარესებულია. 2020 წლის არჩევნების შემდეგ ეთნიკური უმცირესობების რაოდენობა პარლამენტში 6 დეპუტატს აღწევს. 2016 წელს ეს მონაცემი იყო 11, 2012 წელს კი 8. თუმცა, 2016 წელსაც კი, როცა ეთნიკური უმცირესობების დეპუტატების რაოდენობა პარლამენტში ბოლო წლებში ყველაზე მაღალი იყო (7,3%), ის მაინც ორჯერ ნაკლებია ვიდრე საერთო პოპულაციაში ეთნიკური უმცირესობების (13,2 %) რაოდენობა.

ეთნიკური უმცირესობების წარმომადგენლობა მკვეთრად დაბალია ეთნიკური უმცირესობებით კომპაქტურად დასახლებული მუნიციპალიტეტების საკრებულოების დონეებზეც კი. CSEM-ის 2017 წლის კვლევა აჩვენებს, რომ ეთნიკური უმცირესობებით კომპაქტურად დასახლებულ 8 მუნიციპალიტეტშიც კი (გარდაბანი, მარნეული, ბოლნისი, დმანისი, წალკა, ახალქალაქი, ახალციხე, ნინოწმინდა) საკრებულოების დონეზე ეთნიკურ უმცირესობების გაცილებით სუსტად არიან წარმოდგენილები. ამ მუნიციპალიტეტებში საშუალოდ 779 ეთნიკურად ქართველს ჰყავს ერთი წარმომადგენელი საკრებულოში, მაშინ როდესაც 1,116 ეთნიკურად სომეხსაც და 2,945 ეთნიკურად აზერბაიჯანელსაც თითო-თითო წარმომადგენელი ჰყავს საკრებულოში.

შექმნილი რეალობის მიუხედავად და საერთაშორისო ორგანიზაციების არა ერთი რეკომენდაციის მიუხედავად, ჩვენ არ გვაქვს სპეციალური მექანიზმები, რომელიც ეთნიკური უმცირესობების პოლიტიკურ რეპრეზენტაციისა და მონაწილეობის გაზრდას შეუწყობდა ხელს, მათ შორის, კვოტირების სისტემა, ფინანსური მხარდაჭერის სქემა იმ პარტიებისთვის ვინც წაახალისებს პარტიულ სიაში ეთნიკური უმცირესობების ჩართვას.

პარლამენტისა და მთავრობის დონეზე არ არსებობს დემოკრატიული საკონსულტაციო მექანიზმები, რომელიც ეთნიკური უმცირესობების აქტივისტებს, თემის ლიდერებსა და ორგანიზაციებს მნიშვნელოვანი გადაწყვეტილებების მიღების პროცესში რეგულარული და ინსტიტუციონალიზებული მონაწილეობისა და გავლენის მოხდენის შესაძლებლობას მისცემს. ამის ნაცვლად, 15 მარტს საქართველოს პარლამენტის დიასპორისა და კავკასიის საკითხთა კომიტეტმა ეროვნული უმცირესობების სამეცნიერო-საკონსულტაციო საბჭო მის ბაზაზე შექმნა, რითაც ეთნიკური უმცირესობების სხვებად, სტუმრებად მონიშვნის დისკურსი კიდევ უფრო გააძლიერა.

რეგიონალურ და მუნიციპალურ დონეზე პოლიტიკური მონაწილეობისა და სახელმწიფო ორგანოებთან კომუნიკაციისთვის ხელშემშლელ ფაქტორს წარმოადგენს ენის არსებული პოლიტიკა (განსაკუთრებით ქვემო ქართლის რეგიონში). სოციალური კვლევისა და ანალიზის ინტიტუტის 2012 წლის კვლევის შესაბამისად, ქვემო ქართლში მცხოვრები 6 წელზე ზევით ასაკის ეროვნული უმცირესობების 71.5 % ვერ ლაპარაკობს სახელმწიფო ენაზე. ეს მაჩვენებელი განსაკუთრებით მაღალია ეთნიკურ აზერბაიჯანელებში - 78, 3 %, ხოლო სომეხ მოსახლეობაში - 36.6 %. ამ რეალობისა და საკანონმდებლო მოთხოვნების მიუხედავად (მათ შორის, სახელმწიფო ენის შესახებ კანონის მე-11 და მე-12 მუხლები, ეროვნულ უმცირესობათა დაცვის ევროპული ჩარჩო კონვენციის (FCNM), მე-10 მუხლი), ადმინისტრაციული ორგანოები (მათ შორის, ადგილობრივი თვითმმართველობა, სერვისის მიმწოდებელი ტერიტორიული სახელმწიფო ორგანოები) არ უზრუნველყოფს ეთნიკური უმცირესობების ენაზე თარგმანის რესურსების შექმნას სერვისების მიწოდების, ადმინისტრაციული წარმოებისა და მოქალაქეებისთვის საჯარო ინფორმაციის გაცემის დროს.

ეს ინსტიტუციური ბარიერი არსებითად ართულებს უმცირესობებისთვის სახელმწიფო სერვისებისა და სხვა პროგრამული ბენეფიტების მიღებასა და სახელმწიფო უწყებების მიმართ ნდობის შექმნას. ISSA უახლესი კვლევის შესაბამისად, გამოკითხული ეთნიკური უმცირესობების 69,9 % აცხადებს, რომ მათ საკუთარი და მისი ოჯახის საჭიროებების არასდროს მიუმართავს ადგილობრივი ხელისუფლებისთვის. საჯარო ინტერესების შემთხვევაში მიმართვიანობა კიდევ უფრო მაღალია და 76,5 %-ს აღწევს. მკვეთრად სუსტია ეთნიკური უმცირესობების საჯარო სამსახურში დასაქმების მაჩვენებელიც. CCIIR-ის 2017 წლის კვლევის შესაბამისად, 1+4 პროგრამის ბენეფიციარები მიიჩნევენ, რომ არადომინანტური ეთნიკური ჯგუფების საჯარო დაწესებულებაში დასაქმება ერთ-ერთი ყველაზე მნიშვნელოვანი გამოწვევაა. კვლევის გამოკითხულთა 50,8% მიიჩნევს, რომ მათი დასაქმების მთავარ ბარიერს დამსაქმებლის მიკერძოებული/ნეგატიური დამოკიდებულება წარმოადგენს ეთნიკური უმცირესობების მიმართ.

2016 წელს მწვანე კავკასიის მიერ ქვემო ქართლში ჩატარებულმა კვლევამ აჩვენა, რომ ეთნიკური უმცირესობები ამ რეგიონის მუნიციპალიტეტების საჯარო მოხელეების მხოლოდ 17%-ს შეადგენენ, მაშინ როცა არადომინანტური ეთნიკური ჯგუფები ამ მუნიციპალიტეტებში მცხოვრები მოქალაქეების 49%-ს წარმოადგენენ.

2021 წლის ზაფხულში ადგილობრივი თვითმმართველობის ორგანოებიდან გამოთხოვილი ინფორმაცია საჯარო სამსახურში ეთნიკური უმცირესობების დასაქმების პრობლემას მწვავედ ავლენს

მარნეულის მუნიციპალიტეტის მერიაში დასაქმებულთა ჯამური რაოდენობა 232 შეადგენს, აქედან ეთნიკური უმცირესობის წარმომადგენელი - 84. მათი დიდი ნაწილი ადმინისტრაციული ერთეულის წარმომადგენელზე და სპეციალისტზე მოდის (ჯამში 55 დასაქმებული). ანუ დასაქმებულთა მხოლოდ 36 %-ია ეთნიკური უმცირესეობა, ეს მაშინ როდესაც მარნეულის მუნიციპალიტეტში ეთნიკური უმცირესობების საერთო რაოდენობა მოსახლეობის 91,4 % შეადგენს, მათგან ყველაზე დიდი ჯგუფი კი საქართველოს აზერბაიჯანელები არიან (83,8%).

ბოლნისის მუნიციპალიტეტის მერიაში დასაქმებულთა ჯამური რაოდენობა 190 აქედან 27 ეთნიკური უმცირესობის წარმომადგენელი. მათი დიდი ნაწილი ადმინისტრაციული ერთეულის წარმომადგენელზე მოდის (16 დასაქმებული). ანუ დასაქმებულთა მხოლოდ 14 %-ია ეთნიკური უმცირესობა, ეს მაშინ როდესაც ბოლნისის მუნიციპალიტეტის 69,1 % ეთნიკური უმცირესობები შეადგენენ, მათგან ყველაზე დიდი ჯგუფი კი საქართველოს აზერბაიჯანელები არიან (63,4 %).

დმანისის მუნიციპალიტეტის მერიაში საჯარო მოსამსახურეთა ჯამური რაოდენობა 107, აქედან 23 ეთნიკური უმცირესობაა. მათი დიდი ნაწილი ადმინისტრაციული ერთეულის წარმომადგენელზე და სპეციალისტზე მოდის (21 დასაქმებული). ანუ დასაქმებულთა მხოლოდ 21,5 % ეთნიკური უმცირესობა, ეს მაშინ როდესაც დმანისის მუნიციპალიტეტის 66,9 % ეთნიკური უმცირესობები შეადგენენ, მათგან ყველაზე დიდი ჯგუფი კი საქართველოს აზერბაიჯანელები არიან (65,5 %).

წალკის მუნიციპალიტეტის მერიაში დასაქმებულთა ჯამური რაოდენობა 45, აქედან 10 ეთნიკური უმცირესობის წარმომადგენელი. მათი დიდი ნაწილი ადმინისტრაციული ერთეულის წარმომადგენელზე და სპეციალისტზე მოდის. ანუ დასაქმებულა მხოლოდ 22% ეთნიკური უმცირესობა, ეს მაშინ როდესაც დმანისის მუნიციპალიტეტის 53,5 % ეთნიკური უმცირესობები შეადგენენ, მათგან ყველაზე დიდი ჯგუფი კი საქართველოს აზერბაიჯანელები არიან.

ახალქალაქისა და ნინწომინდის მუნიციპალიტეტებში დასაქმებულთა უმრავლესობას ადგილობრივი ეთნიკური სომხები წარმოადგენენ.

შექმნილი მძიმე ვითარების მიუხედავად, სახელმწიფოს არ აქვს სპეციალური პოლიტიკები და მექანიზმები, რომელიც ეთნიკური უმცირესობების დასაქმების შეუწყობდა ხელს და საჯარო სამსახურში მათი დასაქმების პროცესში საშეღავათო პირობებს დაადგენდა. სომხურენოვან და აზერბაიჯანულენოვან სექტორებში განათლების, მათ შორის, სახელმწიფო ენის სწავლების ხარისხის მკვეთრი ჩავარდნის გათვალისწინებით, ეს მოცემულობა უსამართლო ტვირთად იქცევა ეთნიკური უმცირესობებისთვის.

ეთნიკური უმცირესობების პოლიტიკურ მონაწილეობას ინსტიტუციური გამოწვევების მიღმა აფერხებს რეგიონებში არსებული კლანური მმართველობის ნიშნები და პოლიტიკაზე სხვადასხვა ინტერესთა ჯგუფების, მათ შორის, უსაფრთხოების სამსახურების, საპატრიარქოს ჭარბი გავლენები.

სამწუხაროდ ეთნიკური უმცირესობებით კომპაქტურად დასახლებულ რეგიონში სუსტია პოლიტიკური პარტიების მუშაობაც. როგორც წესი პოლიტიკურ პარტიებს არ აქვთ ადგილობრივი ოფისები უმცირესობების რეგიონებში და საკრებულოებსა და პარტიულ საქმიანობაში ჩართული ადგილობრივი პოლიტიკოსები აქტიური დემოკრატიული მუშაობითა და ტრანფორმაციული პოლიტიკის წარმოების გამოცდილებით არ გამოირჩევიან. ISSA 2019 წლის კვლევის შესაბამისად, გამოკითხული ეთნიკური უმცირესობების 46 % მიიჩნევს, რომ პოლიტიკური პარტიების დღის წესრიგში მათი ინტერესები ასახული არ არის. მიუხედავად იმისა, რომ ბოლო წლებში გაზრდილია ეთნიკური უმცირესობების მხრიდან ოპოზიციური პარტიების მხარდაჭერა (2008 წლიდან 2016 წლამდე ოპოზიციური პარტიების ხმების წილი ეთნიკური უმცირესობებით კომპაქტურად დასახლებულ მუნიციპალიტეტებში 3.5-ზე მეტჯერ გაიზარდა, CSEM), ეს რეალობა პარტიების სამუშაო სტრატეგიების ცვლილებას არ იწვევს.

იმედის მომცემია ის, რომ ბოლო წლებში ეთნიკური უმცირესობების თემებში ჩნდება არა ერთი თვითორგანიზებული ჯგუფები, რომელიც ღიად, კრიტიკულად და დემოკრატიული მექანიზმების გამოყენებით ცდილობს საკუთარი გარიყულობისა და გამოწვევების პოლიტიკურ დღის წესრიგში დაყენებას. თუმცა, ეთნიკური უმცირესობების მიმართ ფორმალური პოლიტიკის ჩაკეტილობა, ასევე ამ რეგიონების დემოკრატიული მეთოდების მართვის ნაცვლად, არსებითად უსაფრთხოებისა და კონტროლის პერსპექტივით მართვის გამოცდილების გამო, ამ ჯგუფებისთვის ცვლილებების მიღწევა რთული ხდება. უფრო მეტიც, არსებულმა რეალობა შეიძლება ფრუსტრაციაც კი გამოიწვიოს მათში.

ცხადია, პოლიტიკის პროცესებთან და სახელმწიფო ინსტიტუტებთან ეთნიკური უმცირესობების გაუცხოება, მათი დაბალი ნდობა, რეპრეზენტაცია და მონაწილეობა ინსტიტუციურ პროცესებში არსებითად აზიანებს ინკლუზიური დემოკრატიის მშენებლობას ჩვენს ქვეყანაში. ამასთან პოლიტიკურ დღის წესრიგზე და სახელმწიფო უწყებების გადაწყვეტილებებზე გავლენის მოხდენის დაბალი შესაძლებლობები, ეთნიკური უმცირესობების უფლებრივ და სოციალურ მდგომარეობას ამძიმებს და მოწყვლადს ხდის.

პოლიტიკური მონაწილეობა ინტეგრაციისა და თემთა შორის დიალოგის, თანამშრომლობისა და ერთობის შექმნის მნიშვნელოვანი ინსტრუმენტია, თუმცა, სამწუხაროდ საქართველოს დამოუკიდებლობის შემდეგ ჩვენმა პოლიტიკურმა ელიტამ ვერ შეძლო იმგვარი გამაერთიანებელი პოლიტიკური პროექტებისა და პროცესების შექმნა, რომელიც სხვადასხვა ეთნიკური, რელიგიური და კულტურული ჯგუფებისთვის ღია, საერთო და დამაკავშირებელი გახდებოდა. CRRC-ის 2021 წლის კვლევა აჩვენებს, რომ საზოგადოების 47 % ფიქრობს, რომ საქართველოში დამოუკიდებლობის მიღების შემდეგ მომხდარი სეპარატისტული ომები გაჩვენებს, რომ ეთნიკური და ენობრივი უმცირესობების წარმომადგენლები ქვეყნის „უსაფრთხოების პოტენციურ საფრთხეა”. ამავე კვლევის თანახმად, მოსახლეობის დიდი ნაწილისთვის საქართველოს მოქალაქეობა დაიყვანება ენამდე, რელიგიამდე და ქართველობამდე: მოსახლეობის 91%-ს მიაჩნია, რომ საქართველოს მოქალაქემ უნდა იცოდეს ქართული, 50%-ს სურს, რომ ის აუცილებლად იყოს მართლმადიდებელი ქრისტიანი, 30% კი ამბობს, მხოლოდ ქართველი უნდა იყოსო.

სამწუხაროდ, ეთნო-რელიგიური ნაციონალიზმი კვლავ ჩვენი კოლექტიური თვითიდენტიფიკაციის წამყვან და ძირითად ჩარჩოდ რჩება და ის მუდმივ სოციალურ იერარქიებს ქმნის სხვადასხვა ჯგუფებს შორის. მართალია, შექმნილი პოლიტიკური კრიზისის ფონზე პოლიტიკური პროცესებიდან მოქალაქეების გაუცხოება და მოსახლეობის საჭიროებებსა და პოლიტიკურ დღის წესრიგს შორის აცდენა ჩვენი პოლიტიკური სისტემისა და რეალობის საერთო მახასიათებელია, თუმცა ეთნიკური უმცირესობების პოლიტიკურ მონაწილეობას აფერხებს მთელი რიგი სტრუქტურული მიზეზები, რომელიც სახელმწიფოს და პოლიტიკურ ჯგუფებს ტრანფორმაციული, რეალური ცვლილებებისკენ მიმართული პოლიტიკის გატარებისკენ უნდა უბიძგებდეს. სამწუხაროდ, ეს საკითხები პოლიტიკური დღის წესრიგის ნაწილი არ ხდება და ამ კუთხით დაინტერესება დაბალია თითქმის ყველა პოლიტიკურ პარტიაში.

12 საბაზისო რეკომენდაცია, ეთნიკური უმცირესობების პოლიტიკური მონაწილეობის გაძლიერებისთვის

1. პარლამენტისა და საკრებულოების დონეებზე ეთნიკური უმცირესობების რეპრეზენტაციისა და მონაწილეობის გაძლიერების მიზნით სპეციალური მექანიზმებისა და პოლიტიკის შემუშავება, რომელიც საერთაშორისო ორგანიზაციებთან (მათ შორის, FCNM, OSCE, CoE), ადამიანის უფლებათა აქტორებთან და თემის აქტივისტებთან კონსულტაციებს დაეფუძნება;

2. პარლამენტისა და მთავრობის დონეზე ეთნიკური უმცირესობების დემოკრატიული, ინკლუზიური და ქმედითი რეგულარული საკონსულტაციო მექანიზმის შექმნა, რომელიც უფლებამოსილი იქნება ჩაერთოს და გავლენა მოახდენის, მათ შორის, ზოგად სახელმწიფოებრივი მნიშვნელობის პოლიტიკური და სამართლებრივი გადაწყვეტილებების მიღების პროცესზე.

3. ეთნიკური უმცირესობებით კომპაქტურად და ტრადიციულად დასახლებული ადგილობრივი თვითმმართველობებისა და სერვისის მიმწოდებელი სხვა ორგანოების დონეზე უმცირესობების ენებზე თარგმანის რესურსების შექმნა და ინფორმაციის პროაქტიული მიწოდების ეფექტიანი ინსტრუმენტების დანერგვა. მოქალაქების რეალურ საჭიროებებზე ორიენტირენული პოლიტიკის გატარებისთვის;

4. ეთნიკური უმცირესობებით კომპაქტურად და ტრადიციულად დასახლებული ადგილობრივი თვითმმართველობების ვებ-გვერდებისა და სხვა სოციალური ქსელების უმცირესობების ენებზე თარგმნის პრაქტიკის დანერგვა, რაც მოქალაქეებისთვის საჯარო პოლიტიკაზე და სერვისებზე წვდომის მნიშვნელოვანი პირობა იქნება;

5. ადგილობრივი თვითმმართველობის დონეზე ინტერ-ეთნიკური დიალოგისა და თანამშრომლობის გამოცდილებების შექმნა და თემთა შორისი სოციალური იზოლაციის დაძლევისკენ მიმართული პოზიტიური სამუშაოების გაწევა;

6. საჯარო სამსახურში ეთნიკური უმცირესობების დასაქმების გაძლიერების ხელშეწყობა განათლების, პროფესიული გადამზადების, სტაჟირების, წახალისებისა და სპეციალური კრიტერიუმების დაწესების გზით;

7. ადგილობრივ თვითმმართველობაში არჩეული წარმომადგენლებისთვის და საჯარო მოხელეებისთვის სახელმწიფო ენის სწავლების გაძლიერების პროგრამების დანერგვა;

8. ცენტრალური და ადგილობრივი ხელისუფლების ორგანოების მხრიდან ახალგაზრდების საჯარო ცხოვრებაში ჩართულობისა და მონაწილეობის პრიორიტეტიზაცია და მათ შორის, საკონსულატაციო მექანიზმების, მათზე ორიენტირებული საგრანტო პროგრამების გზით მათი მხარდაჭერის ხელშეწყობა, ამ პროცესში პარტიული ნეიტრალიტეტის და პოლიტიკური პლურალიზმის პრინციპების განუხრელი დაცვით;

9. საზოგადოებრივი მაუწყებლის მხრიდან უმცირესობების ენებზე მაუწყებლობის ვალდებულების ჯეროვანი შესრულების უზრუნველყოფა და თანასწორობაზე, მრავალფეროვნებაზე, დიალოგზე მიმართული გადაცემების გაძლიერება;

10. კერძო მედია ორგანიზაციების მიერ ეთნიკური უმცირესობების საჭიროებების, წუხილებისა და კულტურის მიმართ ინტერესის გაძლიერება, ამ თემატიკის მდგრადი (არა მხოლოდ კრიზისული) გაშუქების პრაქტიკების შექმნა და საკუთარ ორგანიზაციებში ეთნიკური უმცირესობების დასაქმებისა და ინკლუზიური და თანასწორი სამუშაო გარემოს ხელშეწყობა;

11. ეთნიკური უმცირესობებით კომპაქტურად დასახლებულ რეგიონებში პოლიტიკური პარტიების მუშაობის ინსტიტუციური გაძლიერება და თემზე, სოციალურ ტრანსფორმაციებზე ორიენტირებული პოლიტიკური პროცესების წახალისება;

12. პოლიტიკური პარტიების მხრიდან მოქალაქეობაზე, თანასწორობაზე და ინკლუზიაზე დაფუძნებული იდეების მხარდაჭერა და კულტივირება საინფორმაციო კამპანიებისა და სათანადო შიდა პარტიული პოლიტიკის და პროცედურების დანერგვის გზით.

ინსტრუქცია

  • საიტზე წინ მოძრაობისთვის უნდა გამოიყენოთ ღილაკი „tab“
  • უკან დასაბრუნებლად გამოიყენება ღილაკები „shift+tab“