[Skip to Content]

სიახლეების გამოწერა

ჯავახეთში კრიტიკული პოლიტიკის სკოლის მონაწილეების შერჩევა დაიწყო/Ջավախքում մեկնարկել է Քննադատական ​​քաղաքականության դպրոցի մասնակիցների ընտրությունը

 

Տե՛ս հայերեն թարգմանությունը ստորև

სოციალური სამართლიანობის ცენტრი აცხადებს მიღებას ჯავახეთის რეგიონში კრიტიკული პოლიტიკის სკოლის მონაწილეების შესარჩევად. 

კრიტიკული პოლიტიკის სკოლა, ჩვენი ხედვით, ნახევრად აკადემიური და პოლიტიკური სივრცეა, რომელიც მიზნად ისახავს სოციალური სამართლიანობის, თანასწორობის და დემოკრატიის საკითხებით დაინტერესებულ ახალგაზრდა აქტივისტებსა და თემის ლიდერებში კრიტიკული ცოდნის გაზიარებას და კოლექტიური მსჯელობისა და საერთო მოქმედების პლატფორმის შექმნას.

კრიტიკული პოლიტიკის სკოლა თეორიული ცოდნის გაზიარების გარდა, წარმოადგენს მისი მონაწილეების ურთიერთგაძლიერების, შეკავშირებისა და საერთო ბრძოლების გადაკვეთების ძიების ხელშემწყობ სივრცეს.

კრიტიკული პოლიტიკის სკოლის მონაწილეები შეიძლება გახდნენ ჯავახეთის რეგიონში (ახალქალაქის, ნინოწმინდისა და ახალციხის მუნიციპალიტეტებში) მოქმედი ან ამ რეგიონით დაინტერესებული სამოქალაქო აქტივისტები, თემის ლიდერები და ახალგაზრდები, რომლებიც უკვე მონაწილეობენ, ან აქვთ ინტერესი და მზადყოფნა მონაწილეობა მიიღონ დემოკრატიული, თანასწორი და სოლიდარობის იდეებზე დაფუძნებული საზოგადოების მშენებლობაში.  

პლატფორმის ფარგლებში წინასწარ მომზადებული სილაბუსის საფუძველზე ჩატარდება 16 თეორიული ლექცია/დისკუსია სოციალური, პოლიტიკური და ჰუმანიტარული მეცნიერებებიდან, რომელსაც სათანადო აკადემიური გამოცდილების მქონე პირები და აქტივისტები წაიკითხავენ.  პლატფორმის მონაწილეების საჭიროებების გათვალისწინებით, ასევე დაიგეგმება სემინარების ციკლი კოლექტიური მობილიზაციის, სოციალური ცვლილებებისთვის ბრძოლის სტრატეგიებსა და ინსტრუმენტებზე (4 სემინარი).

აღსანიშნავია, რომ სოციალური სამართლიანობის ცენტრს უკვე ჰქონდა ამგვარი კრიტიკული პოლიტიკის სკოლების ორგანიზების კარგი გამოცდილება თბილისში, მარნეულში, აჭარასა  და პანკისში.

კრიტიკული პოლიტიკის სკოლის ფარგლებში დაგეგმილი შეხვედრების ფორმატი:

  • თეორიული ლექცია/დისკუსია
  • გასვლითი ვიზიტები რეგიონებში
  • შერჩეული წიგნის/სტატიის კითხვის წრე
  • პრაქტიკული სემინარები

სკოლის ფარგლებში დაგეგმილ შეხვედრებთან დაკავშირებული ორგანიზაციული დეტალები:

  • სკოლის მონაწილეთა მაქსიმალური რაოდენობა: 25
  • ლექციებისა და სემინარების რაოდენობა: 20
  • სალექციო დროის ხანგრძლივობა: 8 საათი (თვეში 2 შეხვედრა)
  • ლექციათა ციკლის ხანგრძლივობა: 6 თვე (ივლისი-დეკემბერი)
  • ლექციების ჩატარების ძირითადი ადგილი: ნინოწმინდა, თბილისი
  • კრიტიკული სკოლის მონაწილეები უნდა დაესწრონ სალექციო საათების სულ მცირე 80%-ს.

სოციალური სამართლიანობის ცენტრი სრულად დაფარავს  მონაწილეების ტრანსპორტირების ხარჯებს.

შეხვედრებზე უზრუნველყოფილი იქნება სომხურ ენაზე თარგმანიც.

შეხვედრების შინაარსი, გრაფიკი, ხანგრძლივობა და ასევე სხვა ორგანიზაციული დეტალები შეთანხმებული იქნება სკოლის მონაწილეებთან, ადგილობრივი კონტექსტისა და მათი ინტერესების გათვალისწინებით.

მონაწილეთა შერჩევის წესი

პლატფორმაში მონაწილეობის შესაძლებლობა ექნებათ უმაღლესი განათლების მქონე (ან დამამთავრებელი კრუსის) 20 წლიდან 35 წლამდე ასაკის ახალგაზრდებს. 

კრიტიკული პოლიტიკის სკოლაში მონაწილეობის სურვილის შემთხვევაში გთხოვთ, მიმდინარე წლის 30 ივნისამდე გამოგვიგზავნოთ თქვენი ავტობიოგრაფია და საკონტაქტო ინფორმაცია.

დოკუმენტაცია გამოგვიგზავნეთ შემდეგ მისამართზე: [email protected] 

გთხოვთ, სათაურის ველში მიუთითოთ: "კრიტიკული პოლიტიკის სკოლა ჯავახეთში"

ჯავახეთში კრიტიკული პოლიტიკის სკოლის განხორციელება შესაძლებელი გახდა პროექტის „საქართველოში თანასწორობის, სოლიდარობის და სოციალური მშვიდობის მხარდაჭერის“ ფარგლებში, რომელსაც საქართველოში შვეიცარიის საელჩოს მხარდაჭერით სოციალური სამართლიანობის ცენტრი ახორციელებს.

 

Սոցիալական արդարության կենտրոնը հայտարարում է Ջավախքի տարածաշրջանում բնակվող երիտասարդների ընդունելիություն «Քննադատական մտածողության դպրոցում»

Քննադատական մտածողության դպրոցը մեր տեսլականով կիսակադեմիական և քաղաքական տարածք է, որի նպատակն է կիսել քննադատական գիտելիքները երիտասարդ ակտիվիստների և համայնքի լիդեռների հետ, ովքեր հետաքրքրված են սոցիալական արդարությամբ, հավասարությամբ և ժողովրդավարությամբ, և ստեղծել կոլեկտիվ դատողությունների և ընդհանուր գործողությունների հարթակ:

Քննադատական մտածողության դպրոցը, բացի տեսական գիտելիքների տարածումից, ներկայացնում  է որպես տարածք փոխադարձ հնարավորությունների ընդլայնման, մասնակիցների միջև ընդհանուր պայքարի միջոցով խնդիրների հաղթահարման և համախմբման համար։

Քննադատական մտածողության դպրոցի մասնակից կարող են դառնալ Ջավախքի տարածաշրջանի (Նինոծմինդա, Ախալքալաքի, Ախալցիխեի) երտասարդները, ովքեր հետաքրքրված են քաղաքական աքտիվիզմով, գործող ակտիվիստներ, համայնքի լիդեռները և շրջանում բնակվող երտասարդները, ովքեր ունեն շահագրգռվածություն և պատրաստակամություն՝ կառուցելու ժողովրդավարական, հավասարազոր և համերաշխության վրա հիմնված հասարակություն։

Հիմնվելով հարթակի ներսում նախապես պատրաստված ուսումնական ծրագրի վրա՝ 16 տեսական դասախոսություններ/քննարկումներ կկազմակերպվեն սոցիալական, քաղաքական և հումանիտար գիտություններից՝ համապատասխան ակադեմիական փորձ ունեցող անհատների և ակտիվիստների կողմից: Հաշվի առնելով հարթակի մասնակիցների կարիքները՝ նախատեսվում է նաև սեմինարների շարք կոլեկտիվ մոբիլիզացիայի, սոցիալական փոփոխությունների դեմ պայքարի ռազմավարությունների և գործիքների վերաբերյալ  (4 սեմինար):

Հարկ է նշել, որ Սոցիալական արդարության կենտրոնն արդեն ունի նմանատիպ քննադատական քաղաքականության դպրոցներ կազմակերպելու լավ փորձ Թբիլիսիում, Մառնեուլիում, Աջարիայում և Պանկիսիում։

Քննադատական քաղաքականության դպրոցի շրջանակներում նախատեսված հանդիպումների ձևաչափը

  • Տեսական դասախոսություն/քննարկում
  • Այցելություններ/հանդիպումներ տարբեր մարզերում
  • Ընթերցանության գիրք / հոդված ընթերցման շրջանակ
  • Գործնական սեմինարներ

Դպրոցի կողմից ծրագրված հանդիպումների կազմակերպչական մանրամասներ

  • Դպրոցի մասնակիցների առավելագույն թիվը՝ 25
  • Դասախոսությունների և սեմինարների քանակը՝ 20
  • Դասախոսության տևողությունը՝ 8 ժամ (ամսական 2 հանդիպում)
  • Դասախոսությունների տևողությունը՝ 6 ամիս (հուլիս-դեկտեմբեր)
  • Դասախոսությունների հիմնական վայրը՝ Նինոծմինդա, Թբիլիսի
  • Քննադատական դպրոցի մասնակիցները պետք է մասնակցեն դասախոսության ժամերի առնվազն 80%-ին:

Սոցիալական արդարության կենտրոնն ամբողջությամբ կհոգա մասնակիցների տրանսպորտային ծախսերը։

Հանդիպումների ժամանակ կապահովվի հայերեն լզվի թարգմանությունը։

Հանդիպումների բովանդակությունը, ժամանակացույցը, տևողությունը և կազմակերպչական այլ մանրամասներ կհամաձայնեցվեն դպրոցի մասնակիցների հետ՝ հաշվի առնելով տեղական համատեքստը և նրանց հետաքրքրությունները:

Մասնակիցների ընտրության ձևաչափը

Դպրոցում մասնակցելու հնարավորություն կնձեռվի բարձրագույն կրթություն ունեցող կամ ավարտական կուրսի 20-ից-35 տարեկան ուսանողներին/երտասարդներին։ 

Եթե ցանկանում եք մասնակցել քննադատական քաղաքականության դպրոցին, խնդրում ենք ուղարկել մեզ ձեր ինքնակենսագրությունը և կոնտակտային տվյալները մինչև հունիսի 30-ը։

Փաստաթղթերն ուղարկել հետևյալ հասցեով; [email protected]

Խնդրում ենք վերնագրի դաշտում նշել «Քննադատական մտածողության դպրոց Ջավախքում»:

Ջավախքում Քննադատական մտածողության դպրոցի իրականացումը հնարավոր է դարձել «Աջակցություն Վրաստանում հավասարության, համերաշխության և սոցիալական խաղաղության» ծրագրի շրջանակներում, որն իրականացվում է Սոցիալական արդարության կենտրոնի կողմից Վրաստանում Շվեյցարիայի դեսպանատան աջակցությամբ ։

სხვა / ანალიტიკური დოკუმენტები

EMC 7 მუნიციპალიტეტს საბიუჯეტო რეკომენდაციებით და ინიციატივებით მიმართა

ფოტოს წყარო: allnews.ge

ადამიანის უფლებების სწავლებისა და მონიტორინგის ცენტრმა (EMC) ხულოს, შუახევისა და ქედის, ასევე ბოლნისის, მარნეულის, წალკისა და ახმეტის მუნიციპალიტეტებს ადგილობრივი თვითმმართველობის ბიუჯეტის მიღების პროცესში პრიორიტეტული რეკომენდაციებით და ზოგიერთ შემთხვევებში ადგილობრივ ორგანიზაციებთან და ერთობებთან ერთად, საბიუჯეტო ინიციატივებით მიმართა. წარდგენილი რეკომენდაციები ამ რელიგიური და ეთნიკური თვალსაზრისით მრავალფეროვან მუნიციპალიტეტებში უფრო ინკლუზიური, სამართლიანი და სოციალურად მგრძნობიარე პოლიტიკური და სოციალური გარემოს შექმნის ხელშეწყობას ისახავს მიზნად.

EMC-ის საბიუჯეტო რეკომენდაციები 1 წელზე მეტი ხნის განმავლობაში შესაბამისი მუნიციპალიტეტების ცენტრსა და სოფლებში ადგილობრივი თემების უფლებრივი და სოციალური მდგომარეობის სისტემურ შესწავლას ეფუძნება და მაქსიმალურად ცდილობს მოიცვას ადგილობრივი მოსახლეობის სოციალური საჭიროებები, წუხილები და ინტერესები.

EMC მიიჩნევს, რომ ბიუჯეტი მნიშვნელოვანი პოლიტიკური დოკუმენტი და ის საჯარო რესურსების და სიკეთების საზოგადოებრივი ინტერესების და სოციალური საჭიროებების მიხედვით სამართლიანი გადანაწილების მექანიზმია. სწორედ ამიტომ მნიშვნელოვანია ის, ერთი მხრივ ადგილობრივი საჭიროებების რეალურ შესწავლას და მეორეს მხრივ, თავად ადგილობრივი თემის აქტიურ ჩართულობას და მონაწილეობას დაეფუძნოს.

სამწუხაროა, რომ ადგილობრივი თვითმმართველობის ორგანოების ხედვა და საქმიანობა ძირითადად დაცლილია დემოკრატიული და ტრანსფორმაციული პრაქტიკებისგან და ნაცვლად ამისა, მუნიციპალიტეტის როლი და მანდატი ინფრასტრუქტული პროექტების ტექნიკური შესრულებითა, დემოკრატიული მექანიზმების ფორმალური გამოყენებისა და ერთჯერადი სოციალური დახმარებების გამოცდილებით შემოიფარგლება.

ადგილობრივი თვითმმართველობების დიდ ნაწილს მუნიციპალიტეტის სოციალური და ეკონომიკური განვითრების გრძელვადიანი გეგმები, ისევე როგორც პრიორიტეტების დოკუმენტები არ აქვთ, რაც ბიუჯეტებისა საერთო სურათში და სტრატეგიულ მიზნებთან კავშირში დანახვის შესაძლებლობას არ იძლევა. ამასთან ბიუჯეტის პროექტებს მეტწილად ტექნიკური შინაარსი და ფორმა აქვს და ის არ ზომავს სოციალური და სხვა ტიპის გავლენებს კონკრეტულ ჯგუფებზე, რაც მისი სოციალური მნიშვნელობისა და შედეგების სათანადო გააზრებისა და გაზომვის შესაძლებლობას არ იძლევა.

EMC მიერ წარდგენილი რეკომენდაციები სამ ძირითად კატეგორიად შეიძლება დაიყოს: 1. ინკლუზიაზე და სამართლიანობაზე დაფუძნებული მდგრადი სოციალური პოლიტიკის მშენებლობის ხელშეწყობა; 2. მოქალაქეების პოლიტიკური მონაწილეობის ხელშეწყობის მხარდაჭერაზე მიმართული ინიციატივები; 3. მუნიციპალიტეტებში მულტიკულტურული და თანასწორი სოციალური გარემოს შექმნის ხელშეწყობა.

  • კერძოდ,

ინკლუზიაზე და სამართლიანობაზე დაფუძნებული მდგრადი სოციალური პოლიტიკის მშენებლობის მიზნის ქვეშ ჩვენ მოვითხოვეთ, რომ მუნიციპალიტეტებში შემუშავდეს სოციალური პოლიტიკის სტრატეგია და სამოქმედო გეგმა, რაც სოციალური დაცვის სფეროში ადგილობრივი თვითმმართელობის დონეზე მდგრადი და მგრძნობიარე პრაქტიკების დანერგვას გულისხმობს, მათ შორის, სოციალური საჭიროებების ჩაშლილი და მრავალშლიანი ბაზის შექმნას, სოციალური სამსახურების თანამშრომლების ცოდნისა და მგრძნობელობის სისტემურ გაძლიერებას, ეროვნული და ადგილობრივი სოციალური და ჯანდაცვის პროგრამების შესახებ კამპანიებს, მდგრადი სერვისებისა და რესურსების (მაგალითად, დღის ცენტრების, აფთიაქების) შექმნის ხელშეწყობას, მოწყვლად სოციალურ ჯგუფებზე ორიენტირებული მხარდაჭერის კონკრეტულ აქტივობებს.

საბიუჯეტო ინიციატივები ასე მოიცავს მუნიციპალიტეტებში სატრანსპორტო და გარემოს დაცვაზე ორიენტირებული პოლიტიკების შემუშავებას. რაც გულისხმობს, ერთის მხრივ მუნიციპალიტეტის ბიუჯეტში თანხის გამოყოფას ახალი საზოგადოებრივი ტრანსპორტის შესაძენად და მოსახლეობის საჭიროებების გათვალისწინებით, ტრანსპორტის მოძრაობის სქემის შემუშავებას. მეორეს მხრივ კი ნარჩენების მართვის ეფექტური გეგმის შექმნას და განხორციელებას.

რეკომენდაციებში განსაკუთრებული აქცენტი გაკეთდა მუნიციპალიტეტებში სასმელი და სარწყავი წყლის ინფრასტრუქტურის შექმნასა და განვითარებაზე. მნიშვნელოვანია მუნიციპალიტეტებმა უზრუნველყონ რეალისტური გეგმის შედგენა და სასმელი წყლის გარეშე დარჩენილი სოფლების წყლით ეტაპობრივი დაკმაყოფილებისთვის.

მოქალაქეების პოლიტიკური მონაწილეობის ხელშეწყობის მხარდაჭერაზე მიმართული ინიციატივების ქვეშ, ჩვენ მივიჩნევთ, რომ მნიშვნელოვანია, მუნიციპალიტეტებში მოხდეს იმგვარი საკონსულტაციო მექანიზმების გაძლიერება და შემუშავება, რომელიც ხელს შეუწყობს ეთნიკური უმცირესობების, ქალების პოლიტიკური წარმომადგენლობის გაძლიერებას. ასევე ჩვენ ვითხოვთ, თვითმმართველობის სერვისებისა და სამუშაოების გენდერული და ეთნიკური პერსპექტივით გაზომვის ინსტრუმენტის შექმნასა და მუდმივ ანგარიშგებას.

არადომინანტური ეთნიკური ჯგუფებით კომპაქტურად დასახლებულ რეგიონებში, განსაკუთრებით კი მარნეულსა და ბოლნისში განსაკუთრებული ყურადღება გამახვილდა საინფორმაციო პოლიტიკაზე და თვითმმართველობის ორგანოების ოფიციალური ვებ-გვერდების ეთნიკური უმცირესობების ენაზე ამუშავებას, პოლიტიკის დოკუმენტების თარგმნასა და პროაქტიულ გავრცელებას, ადმინისტრაციულ წარმოებაში მოქალაქეებისთვის თარგმანის რესურსების შექმნასა და მათი გაუცხოების დაძლევას.

მუნიციპალიტეტებში მულტიკულტურული და თანასწორი სოციალური გარემოს შექმნის ხელშეწყობის მიზნის ქვეშ, ჩვენი ძირითადი რეკომენდაციები ინტერ-ეთნიკური საკონსულტაციო პლატფორმების შექმნას, უმცირესობების კულტურის მდგრადი განვითარებასა და პოპულარიზებას, ადგილობრივი რეწვის მხარდაჭერას, სოფლად კულტურული სივრცეების ორგანიზებას უკავშირდება.

მუნიციპლიატეტებში ბიუჯეტის მიღების პროცესი არ დასრულება და EMC იმედს გამოთქვამს, რომ მისი რეკომენდაციების ნაწილი ბიუჯეტის შემუშავების დროს და უკვე შემდგომში მისი აღსრულების პროცესში თვითმმართველობების მიერ გაზიარებული იქნება.

დოკუმენტები შეგიძლიათ იხ. მიმაგრებულ ფაილში.

ხულო_1609239188.pdf

ქედა_1609239201.pdf

შუახევი_1609239219.pdf

ახმეტა_1609239234.pdf

წალკა_1609239248.pdf

ბოლნისი_1609239263.pdf

მარნეული_1609239285.pdf

ინსტრუქცია

  • საიტზე წინ მოძრაობისთვის უნდა გამოიყენოთ ღილაკი „tab“
  • უკან დასაბრუნებლად გამოიყენება ღილაკები „shift+tab“