[Skip to Content]

სიახლეების გამოწერა

ჯავახეთში კრიტიკული პოლიტიკის სკოლის მონაწილეების შერჩევა დაიწყო/Ջավախքում մեկնարկել է Քննադատական ​​քաղաքականության դպրոցի մասնակիցների ընտրությունը

 

Տե՛ս հայերեն թարգմանությունը ստորև

სოციალური სამართლიანობის ცენტრი აცხადებს მიღებას ჯავახეთის რეგიონში კრიტიკული პოლიტიკის სკოლის მონაწილეების შესარჩევად. 

კრიტიკული პოლიტიკის სკოლა, ჩვენი ხედვით, ნახევრად აკადემიური და პოლიტიკური სივრცეა, რომელიც მიზნად ისახავს სოციალური სამართლიანობის, თანასწორობის და დემოკრატიის საკითხებით დაინტერესებულ ახალგაზრდა აქტივისტებსა და თემის ლიდერებში კრიტიკული ცოდნის გაზიარებას და კოლექტიური მსჯელობისა და საერთო მოქმედების პლატფორმის შექმნას.

კრიტიკული პოლიტიკის სკოლა თეორიული ცოდნის გაზიარების გარდა, წარმოადგენს მისი მონაწილეების ურთიერთგაძლიერების, შეკავშირებისა და საერთო ბრძოლების გადაკვეთების ძიების ხელშემწყობ სივრცეს.

კრიტიკული პოლიტიკის სკოლის მონაწილეები შეიძლება გახდნენ ჯავახეთის რეგიონში (ახალქალაქის, ნინოწმინდისა და ახალციხის მუნიციპალიტეტებში) მოქმედი ან ამ რეგიონით დაინტერესებული სამოქალაქო აქტივისტები, თემის ლიდერები და ახალგაზრდები, რომლებიც უკვე მონაწილეობენ, ან აქვთ ინტერესი და მზადყოფნა მონაწილეობა მიიღონ დემოკრატიული, თანასწორი და სოლიდარობის იდეებზე დაფუძნებული საზოგადოების მშენებლობაში.  

პლატფორმის ფარგლებში წინასწარ მომზადებული სილაბუსის საფუძველზე ჩატარდება 16 თეორიული ლექცია/დისკუსია სოციალური, პოლიტიკური და ჰუმანიტარული მეცნიერებებიდან, რომელსაც სათანადო აკადემიური გამოცდილების მქონე პირები და აქტივისტები წაიკითხავენ.  პლატფორმის მონაწილეების საჭიროებების გათვალისწინებით, ასევე დაიგეგმება სემინარების ციკლი კოლექტიური მობილიზაციის, სოციალური ცვლილებებისთვის ბრძოლის სტრატეგიებსა და ინსტრუმენტებზე (4 სემინარი).

აღსანიშნავია, რომ სოციალური სამართლიანობის ცენტრს უკვე ჰქონდა ამგვარი კრიტიკული პოლიტიკის სკოლების ორგანიზების კარგი გამოცდილება თბილისში, მარნეულში, აჭარასა  და პანკისში.

კრიტიკული პოლიტიკის სკოლის ფარგლებში დაგეგმილი შეხვედრების ფორმატი:

  • თეორიული ლექცია/დისკუსია
  • გასვლითი ვიზიტები რეგიონებში
  • შერჩეული წიგნის/სტატიის კითხვის წრე
  • პრაქტიკული სემინარები

სკოლის ფარგლებში დაგეგმილ შეხვედრებთან დაკავშირებული ორგანიზაციული დეტალები:

  • სკოლის მონაწილეთა მაქსიმალური რაოდენობა: 25
  • ლექციებისა და სემინარების რაოდენობა: 20
  • სალექციო დროის ხანგრძლივობა: 8 საათი (თვეში 2 შეხვედრა)
  • ლექციათა ციკლის ხანგრძლივობა: 6 თვე (ივლისი-დეკემბერი)
  • ლექციების ჩატარების ძირითადი ადგილი: ნინოწმინდა, თბილისი
  • კრიტიკული სკოლის მონაწილეები უნდა დაესწრონ სალექციო საათების სულ მცირე 80%-ს.

სოციალური სამართლიანობის ცენტრი სრულად დაფარავს  მონაწილეების ტრანსპორტირების ხარჯებს.

შეხვედრებზე უზრუნველყოფილი იქნება სომხურ ენაზე თარგმანიც.

შეხვედრების შინაარსი, გრაფიკი, ხანგრძლივობა და ასევე სხვა ორგანიზაციული დეტალები შეთანხმებული იქნება სკოლის მონაწილეებთან, ადგილობრივი კონტექსტისა და მათი ინტერესების გათვალისწინებით.

მონაწილეთა შერჩევის წესი

პლატფორმაში მონაწილეობის შესაძლებლობა ექნებათ უმაღლესი განათლების მქონე (ან დამამთავრებელი კრუსის) 20 წლიდან 35 წლამდე ასაკის ახალგაზრდებს. 

კრიტიკული პოლიტიკის სკოლაში მონაწილეობის სურვილის შემთხვევაში გთხოვთ, მიმდინარე წლის 30 ივნისამდე გამოგვიგზავნოთ თქვენი ავტობიოგრაფია და საკონტაქტო ინფორმაცია.

დოკუმენტაცია გამოგვიგზავნეთ შემდეგ მისამართზე: [email protected] 

გთხოვთ, სათაურის ველში მიუთითოთ: "კრიტიკული პოლიტიკის სკოლა ჯავახეთში"

ჯავახეთში კრიტიკული პოლიტიკის სკოლის განხორციელება შესაძლებელი გახდა პროექტის „საქართველოში თანასწორობის, სოლიდარობის და სოციალური მშვიდობის მხარდაჭერის“ ფარგლებში, რომელსაც საქართველოში შვეიცარიის საელჩოს მხარდაჭერით სოციალური სამართლიანობის ცენტრი ახორციელებს.

 

Սոցիալական արդարության կենտրոնը հայտարարում է Ջավախքի տարածաշրջանում բնակվող երիտասարդների ընդունելիություն «Քննադատական մտածողության դպրոցում»

Քննադատական մտածողության դպրոցը մեր տեսլականով կիսակադեմիական և քաղաքական տարածք է, որի նպատակն է կիսել քննադատական գիտելիքները երիտասարդ ակտիվիստների և համայնքի լիդեռների հետ, ովքեր հետաքրքրված են սոցիալական արդարությամբ, հավասարությամբ և ժողովրդավարությամբ, և ստեղծել կոլեկտիվ դատողությունների և ընդհանուր գործողությունների հարթակ:

Քննադատական մտածողության դպրոցը, բացի տեսական գիտելիքների տարածումից, ներկայացնում  է որպես տարածք փոխադարձ հնարավորությունների ընդլայնման, մասնակիցների միջև ընդհանուր պայքարի միջոցով խնդիրների հաղթահարման և համախմբման համար։

Քննադատական մտածողության դպրոցի մասնակից կարող են դառնալ Ջավախքի տարածաշրջանի (Նինոծմինդա, Ախալքալաքի, Ախալցիխեի) երտասարդները, ովքեր հետաքրքրված են քաղաքական աքտիվիզմով, գործող ակտիվիստներ, համայնքի լիդեռները և շրջանում բնակվող երտասարդները, ովքեր ունեն շահագրգռվածություն և պատրաստակամություն՝ կառուցելու ժողովրդավարական, հավասարազոր և համերաշխության վրա հիմնված հասարակություն։

Հիմնվելով հարթակի ներսում նախապես պատրաստված ուսումնական ծրագրի վրա՝ 16 տեսական դասախոսություններ/քննարկումներ կկազմակերպվեն սոցիալական, քաղաքական և հումանիտար գիտություններից՝ համապատասխան ակադեմիական փորձ ունեցող անհատների և ակտիվիստների կողմից: Հաշվի առնելով հարթակի մասնակիցների կարիքները՝ նախատեսվում է նաև սեմինարների շարք կոլեկտիվ մոբիլիզացիայի, սոցիալական փոփոխությունների դեմ պայքարի ռազմավարությունների և գործիքների վերաբերյալ  (4 սեմինար):

Հարկ է նշել, որ Սոցիալական արդարության կենտրոնն արդեն ունի նմանատիպ քննադատական քաղաքականության դպրոցներ կազմակերպելու լավ փորձ Թբիլիսիում, Մառնեուլիում, Աջարիայում և Պանկիսիում։

Քննադատական քաղաքականության դպրոցի շրջանակներում նախատեսված հանդիպումների ձևաչափը

  • Տեսական դասախոսություն/քննարկում
  • Այցելություններ/հանդիպումներ տարբեր մարզերում
  • Ընթերցանության գիրք / հոդված ընթերցման շրջանակ
  • Գործնական սեմինարներ

Դպրոցի կողմից ծրագրված հանդիպումների կազմակերպչական մանրամասներ

  • Դպրոցի մասնակիցների առավելագույն թիվը՝ 25
  • Դասախոսությունների և սեմինարների քանակը՝ 20
  • Դասախոսության տևողությունը՝ 8 ժամ (ամսական 2 հանդիպում)
  • Դասախոսությունների տևողությունը՝ 6 ամիս (հուլիս-դեկտեմբեր)
  • Դասախոսությունների հիմնական վայրը՝ Նինոծմինդա, Թբիլիսի
  • Քննադատական դպրոցի մասնակիցները պետք է մասնակցեն դասախոսության ժամերի առնվազն 80%-ին:

Սոցիալական արդարության կենտրոնն ամբողջությամբ կհոգա մասնակիցների տրանսպորտային ծախսերը։

Հանդիպումների ժամանակ կապահովվի հայերեն լզվի թարգմանությունը։

Հանդիպումների բովանդակությունը, ժամանակացույցը, տևողությունը և կազմակերպչական այլ մանրամասներ կհամաձայնեցվեն դպրոցի մասնակիցների հետ՝ հաշվի առնելով տեղական համատեքստը և նրանց հետաքրքրությունները:

Մասնակիցների ընտրության ձևաչափը

Դպրոցում մասնակցելու հնարավորություն կնձեռվի բարձրագույն կրթություն ունեցող կամ ավարտական կուրսի 20-ից-35 տարեկան ուսանողներին/երտասարդներին։ 

Եթե ցանկանում եք մասնակցել քննադատական քաղաքականության դպրոցին, խնդրում ենք ուղարկել մեզ ձեր ինքնակենսագրությունը և կոնտակտային տվյալները մինչև հունիսի 30-ը։

Փաստաթղթերն ուղարկել հետևյալ հասցեով; [email protected]

Խնդրում ենք վերնագրի դաշտում նշել «Քննադատական մտածողության դպրոց Ջավախքում»:

Ջավախքում Քննադատական մտածողության դպրոցի իրականացումը հնարավոր է դարձել «Աջակցություն Վրաստանում հավասարության, համերաշխության և սոցիալական խաղաղության» ծրագրի շրջանակներում, որն իրականացվում է Սոցիալական արդարության կենտրոնի կողմից Վրաստանում Շվեյցարիայի դեսպանատան աջակցությամբ ։

რელიგიის თავისუფლება / ანალიტიკური დოკუმენტები

სახელმწიფო დეპარტამენტის ანგარიში საქართველოში რელიგიის თავისუფლების შესახებ

21 ივნისს ამერიკის შეერთებული შტატების სახელმწიფო დეპარტამენტმა გამოაქვეყნა ყოველწლიური ანგარიში საქართველოში რელიგიის თავისუფლების დაცვის კუთხით არსებული მდგომარეობის შესახებ.

ანგარიშის დასაწყისშივე, სახელმწიფო დეპარტამენტი მიუთითებს იმ უთანასწორობაზე რაც არსებობს დომინანტ რელიგიურ ორგანიზაციას და სხვა რელიგიებს შორის. მიუხედავად იმისა, რომ ახალი კონსტიტუციის თანახმად, საქართველოში რელიგიის თავისუფლება მაღალი ხარისხით არის დაცული, კანონმდებლობასა და პრაქტიკაში კვლავ შესამჩნევია ის პრივილეგიები, რაც მართლმადიდებლურ ეკლესიას აქვს.

საკონსტიტუციო სასამართლო, 2018 წლის ივლისში მიღებული გადაწყვეტილებით შეეცადა დაებალანსებინა ის დისკრიმინაცია, რაც არსებობდა საქართველოს საგადასახადო კოდექსში და სახელმწიფო ქონების შესახებ კანონში. თუმცა საკანონმდებლო დონეზე ეს დისკრიმინაციული მიდგომა კვლავ არ არის აღმოფხვრილი. პარლამენტს ცვლილებების შესატანად 2018 წლის 31 დეკემბრამდე ჰქონდა ვადა, თუმცა არცერთ საკანონმდებლო აქტში არ არის შეტანილი შესაბამისი ცვლილება, რომელიც ასახავდა საკონსტიტუციო სასამართლოს გადაწყვეტილებებს. ანგარიშში ასევე ხაზგასმულია, რომ ახალი კონსტიტუცია არ ცვლის ძველი კონსტიტუციის მიდგომებს და აღიარებს მართლმადიდებელი ეკლესიის განსაკუთრებულ როლს საქართველოს ისტორიაში, რაც საბოლოოდ, წყარო ხდება კონსტიტუციური შეთანხმების საფუძველზე ისეთი პრივილეგიების მინიჭების, როგორიცაა პატრიარქის იმუნიტეტი, სამხედრო სამსახურისგან გათავისუფლება, მთავრობაში საკონსულტაციო როლი, განსაკუთრებით განათლების საკითხებში.

განათლების საკითხებთან დაკავშირებით, ანგარიშში გაკრიტიკებულია კონსტიტუციური შეთანხმების ჩანაწერი, რომლის თანახმადაც საქართველოს მართლმადიდებელ ეკლესიას აქვს საჯარო სკოლებში რელიგიური სწავლების უფლება. თუმცა აქვე აღნიშნულია, რომ 2018 წლის დეკემბრის მონაცემებით არც ერთ საჯარო სკოლაში არ ისწავლება რელიგია ოფიციალურად. ანგარიში ასევე ნახსენებია, არასამთავრობო ორგანიზაციების დაკვირვებები იმასთან დაკავშირებით, რომ მართლმადიდებელი ეკლესიის სამღვდელო პირები ხშირად სტუმრობენ სკოლებს და ატარებენ გაკვეთილებს, მასწავლებლების და სკოლის ადმინისტრაციის მიწვევით.

ანგარიშში აღნიშნულია, რომ რელიგიური ორგანიზაციები საანგარიშო პერიოდში კვლავ არაერთხელ გახდნენ რელიგიური შეუწყნარებლობით მოტივირებული დანაშაულის მსხვერპლები. სახალხო დამცველის მიერ განხილული იყო ასეთი 19 საქმე, რაც წინა წლის მონაცემთან შედარებით, 5-ით მეტია (2017 წელს 14 საქმე). აქვე აღნიშნულია, რომ გამოძიების ხარისხი უმჯობესდება, თუმცა ის კვლავ არ არის ეფექტიანი. აღსანიშნავია რომ ყველა ეს საქმე ეხებოდა იეჰოვას მოწმეებს.

ანგარიშში ხაზი აქვს გასმული იმ დისკრიმინაციულ პრაქტიკებს, რასაც რელიგიური უმცირესობები აწყდებიან მუნიციპალიტეტების მიერ მშენებლობის ნებართვების გაცემასთან დაკავშირებით. მიუხედავად იმისა, რომ ამ მხრივ კანონმდებლობა არის ნეიტრალური, პრაქტიკა აშკარად მიუთითებს უთანასწორო მოპყრობაზე და მიკერძოებაზე, დომინანტი რელიგიური ჯგუფის მიმართ. ამ მხრივ პრობლემურია რელიგიის საქმეთა სახელმწიფო სააგენტოს როლიც, რომელიც „ლეგიტიმური მიზნის და სამართლებრივი საფუძვლის გარეშე“ ერევა ადგილობრივი თვითმმართველობების საქმიანობაში.

მშენებლობის ნებართვის გაცემის პროცედურის დისკრიმინაციულობაზე მიუთითებს ასევე მუსლიმი თემი, რომლებიც ამგვარ პრობლემებს სისტემატიურად აწყდება ქვემო ქართლში, აჭარაში და ადიგენში. ანგარიშში დეტალურად არის აღწერილი ის დროში გაჭიანურებული პროცესები, რომელიც უკავშირდება ბათუმში ახალი მეჩეთის მშენებულობის საქმეს. არადომინანტური რელიგიური ჯგუფების მიმართ არსებულ დისკრიმინაციულ მიდგომებს ავლენს ასევე მოხეში (სამცხე ჯავახეთში) მეჩეთის მშენებლობის საქმე, რომელთან დაკავშირებითაც ადამიანის უფლებების სწავლების და მონიტორინგის ცენტრმა გაეროს ადამიანის უფლებათა კომიტეტში წარადგინა საქმე და მიუთითა პაქტის არაერთი უფლების, მათ შორის რელიგიის თავისუფლების დარღევვაზე.

ანგარიშში შევიდა ასევე ქობულეთის პანსიონატის საქმე, სადაც მუსლიმმა თემა 2014 წლის შემდგომ ვერ შეძლო ადგილობრივი მექანიზმების გამოყენებით დარღვეული უფლებების აღდგენა, აქედან გამომდინარე EMC-იმ მიმართა ადამიანის უფლებათა ევროპულ სასამართლოს.

საკუთრების უფლებასთან დაკავშირებით, აღნიშნულია სომხური კათოლიკური ეკლესიისთვის მის მფლობელობაში არსებული ეკლესიების საკუთრებაში გადაცემაზე სისტემატიური უარი სახელმწიფოს მხრიდან. ანგარიშში ნათქვამია, რომ სომხური ეკლესია ფუნქციონირებს 57 ეკლესიაში, რომელიც ისტორიულად მას ეკუთვნის, თუმცა არც ერთი არ არის მის საკუთრებაში. სომხური ეკლესია უშედეგოდ ითხოვს ახალციხეში არსებული ერთი ეკლესიის და თბილისში არსებული ხუთი ეკლესიის გადაცემას.

ხელისუფლება კვლავ განაგრძობდა ოთხი რელიგიური ორგანიზაციისთვის სუბსიდიების გაცემას, საბჭოთა დროს მიყენებული ზარალის კომპენსაციის სახით. ეს პრაქტიკა სისტემატიური კრიტიკის საგანია არასამთავრობო ორგანიზაციების მხრიდან, რომელის მიხედვითაც ოთხ შერჩეულ დენომინაციას უსამართლოდ ენიჭება უპირატესობა სხვა რელიგიური თემებთან შედარებით. საანგარიშო პერიოდში მართლმადიდებელმა ეკლესიამ მიიიღო 25 მილიონი ლარი, ხოლო დანარჩენმა ოთხ ორგანიზაციას ჯამში 4.5 მილიონი ლარი გადაეცა.

წინა წლების მსგავსად, ანგარიშში ყურადღებაა გამახვილებული რელიგიური საქმიანობის შეზღუდვის ინციდენტებზე აფხაზეთსა და სამხრეთ ოსეთში, რომელიც ცენტრალური მთავრობის ფაქტობრივ კონტროლის მიღმა რჩება.

ანგარიში მიუთითებს ევროპის საბჭოს შეფასებაზე, რომ საქართველოში ყველაზე მეტად დისკრიმინირებული ჯგუფები არიან იეჰოვას მოწმეები. სწორედ ამ რელიგიური ჯგუფის მიმართ ხდება ყველაზე მეტი რელიგიური შეუწყნარებლობის დანაშაული. ამასთანავე, მიმოხილულია საზოგადოებრივი განწყობებიც, და აღნიშნულია რომ 2018 წლის სექტემბრის მონაცემებით მედიის განვითარების ფონდის მიერ დაფიქსირდა 140-ზე მეტი რელიგიურ შეუწყნარებლობის შემთხვევა, როგორც ტელევიზიით, ასევე ონლაინ და ბეჭდურ მედიაში. 90 განცხადება იყო ისლამოფობიური, 35 კი მიემართებოდა მუსლიმ მიგრანტებს, 29 განცხადება კი იეჰოვას მოწმეებს ეხებოდა.

დეტალურად სახელმწიფო დეპარამენტის ანგარიშს შეგიძლიათ გაეცნოთ ბმულზე: https://www.state.gov/reports/2018-report-on-international-religious-freedom/georgia/

ინსტრუქცია

  • საიტზე წინ მოძრაობისთვის უნდა გამოიყენოთ ღილაკი „tab“
  • უკან დასაბრუნებლად გამოიყენება ღილაკები „shift+tab“