[Skip to Content]
ENG
ENG

სიახლეების გამოწერა

ჯავახეთში კრიტიკული პოლიტიკის სკოლის მონაწილეების შერჩევა დაიწყო/Ջավախքում մեկնարկել է Քննադատական ​​քաղաքականության դպրոցի մասնակիցների ընտրությունը

 

Տե՛ս հայերեն թարգմանությունը ստորև

სოციალური სამართლიანობის ცენტრი აცხადებს მიღებას ჯავახეთის რეგიონში კრიტიკული პოლიტიკის სკოლის მონაწილეების შესარჩევად. 

კრიტიკული პოლიტიკის სკოლა, ჩვენი ხედვით, ნახევრად აკადემიური და პოლიტიკური სივრცეა, რომელიც მიზნად ისახავს სოციალური სამართლიანობის, თანასწორობის და დემოკრატიის საკითხებით დაინტერესებულ ახალგაზრდა აქტივისტებსა და თემის ლიდერებში კრიტიკული ცოდნის გაზიარებას და კოლექტიური მსჯელობისა და საერთო მოქმედების პლატფორმის შექმნას.

კრიტიკული პოლიტიკის სკოლა თეორიული ცოდნის გაზიარების გარდა, წარმოადგენს მისი მონაწილეების ურთიერთგაძლიერების, შეკავშირებისა და საერთო ბრძოლების გადაკვეთების ძიების ხელშემწყობ სივრცეს.

კრიტიკული პოლიტიკის სკოლის მონაწილეები შეიძლება გახდნენ ჯავახეთის რეგიონში (ახალქალაქის, ნინოწმინდისა და ახალციხის მუნიციპალიტეტებში) მოქმედი ან ამ რეგიონით დაინტერესებული სამოქალაქო აქტივისტები, თემის ლიდერები და ახალგაზრდები, რომლებიც უკვე მონაწილეობენ, ან აქვთ ინტერესი და მზადყოფნა მონაწილეობა მიიღონ დემოკრატიული, თანასწორი და სოლიდარობის იდეებზე დაფუძნებული საზოგადოების მშენებლობაში.  

პლატფორმის ფარგლებში წინასწარ მომზადებული სილაბუსის საფუძველზე ჩატარდება 16 თეორიული ლექცია/დისკუსია სოციალური, პოლიტიკური და ჰუმანიტარული მეცნიერებებიდან, რომელსაც სათანადო აკადემიური გამოცდილების მქონე პირები და აქტივისტები წაიკითხავენ.  პლატფორმის მონაწილეების საჭიროებების გათვალისწინებით, ასევე დაიგეგმება სემინარების ციკლი კოლექტიური მობილიზაციის, სოციალური ცვლილებებისთვის ბრძოლის სტრატეგიებსა და ინსტრუმენტებზე (4 სემინარი).

აღსანიშნავია, რომ სოციალური სამართლიანობის ცენტრს უკვე ჰქონდა ამგვარი კრიტიკული პოლიტიკის სკოლების ორგანიზების კარგი გამოცდილება თბილისში, მარნეულში, აჭარასა  და პანკისში.

კრიტიკული პოლიტიკის სკოლის ფარგლებში დაგეგმილი შეხვედრების ფორმატი:

  • თეორიული ლექცია/დისკუსია
  • გასვლითი ვიზიტები რეგიონებში
  • შერჩეული წიგნის/სტატიის კითხვის წრე
  • პრაქტიკული სემინარები

სკოლის ფარგლებში დაგეგმილ შეხვედრებთან დაკავშირებული ორგანიზაციული დეტალები:

  • სკოლის მონაწილეთა მაქსიმალური რაოდენობა: 25
  • ლექციებისა და სემინარების რაოდენობა: 20
  • სალექციო დროის ხანგრძლივობა: 8 საათი (თვეში 2 შეხვედრა)
  • ლექციათა ციკლის ხანგრძლივობა: 6 თვე (ივლისი-დეკემბერი)
  • ლექციების ჩატარების ძირითადი ადგილი: ნინოწმინდა, თბილისი
  • კრიტიკული სკოლის მონაწილეები უნდა დაესწრონ სალექციო საათების სულ მცირე 80%-ს.

სოციალური სამართლიანობის ცენტრი სრულად დაფარავს  მონაწილეების ტრანსპორტირების ხარჯებს.

შეხვედრებზე უზრუნველყოფილი იქნება სომხურ ენაზე თარგმანიც.

შეხვედრების შინაარსი, გრაფიკი, ხანგრძლივობა და ასევე სხვა ორგანიზაციული დეტალები შეთანხმებული იქნება სკოლის მონაწილეებთან, ადგილობრივი კონტექსტისა და მათი ინტერესების გათვალისწინებით.

მონაწილეთა შერჩევის წესი

პლატფორმაში მონაწილეობის შესაძლებლობა ექნებათ უმაღლესი განათლების მქონე (ან დამამთავრებელი კრუსის) 20 წლიდან 35 წლამდე ასაკის ახალგაზრდებს. 

კრიტიკული პოლიტიკის სკოლაში მონაწილეობის სურვილის შემთხვევაში გთხოვთ, მიმდინარე წლის 30 ივნისამდე გამოგვიგზავნოთ თქვენი ავტობიოგრაფია და საკონტაქტო ინფორმაცია.

დოკუმენტაცია გამოგვიგზავნეთ შემდეგ მისამართზე: [email protected] 

გთხოვთ, სათაურის ველში მიუთითოთ: "კრიტიკული პოლიტიკის სკოლა ჯავახეთში"

ჯავახეთში კრიტიკული პოლიტიკის სკოლის განხორციელება შესაძლებელი გახდა პროექტის „საქართველოში თანასწორობის, სოლიდარობის და სოციალური მშვიდობის მხარდაჭერის“ ფარგლებში, რომელსაც საქართველოში შვეიცარიის საელჩოს მხარდაჭერით სოციალური სამართლიანობის ცენტრი ახორციელებს.

 

Սոցիալական արդարության կենտրոնը հայտարարում է Ջավախքի տարածաշրջանում բնակվող երիտասարդների ընդունելիություն «Քննադատական մտածողության դպրոցում»

Քննադատական մտածողության դպրոցը մեր տեսլականով կիսակադեմիական և քաղաքական տարածք է, որի նպատակն է կիսել քննադատական գիտելիքները երիտասարդ ակտիվիստների և համայնքի լիդեռների հետ, ովքեր հետաքրքրված են սոցիալական արդարությամբ, հավասարությամբ և ժողովրդավարությամբ, և ստեղծել կոլեկտիվ դատողությունների և ընդհանուր գործողությունների հարթակ:

Քննադատական մտածողության դպրոցը, բացի տեսական գիտելիքների տարածումից, ներկայացնում  է որպես տարածք փոխադարձ հնարավորությունների ընդլայնման, մասնակիցների միջև ընդհանուր պայքարի միջոցով խնդիրների հաղթահարման և համախմբման համար։

Քննադատական մտածողության դպրոցի մասնակից կարող են դառնալ Ջավախքի տարածաշրջանի (Նինոծմինդա, Ախալքալաքի, Ախալցիխեի) երտասարդները, ովքեր հետաքրքրված են քաղաքական աքտիվիզմով, գործող ակտիվիստներ, համայնքի լիդեռները և շրջանում բնակվող երտասարդները, ովքեր ունեն շահագրգռվածություն և պատրաստակամություն՝ կառուցելու ժողովրդավարական, հավասարազոր և համերաշխության վրա հիմնված հասարակություն։

Հիմնվելով հարթակի ներսում նախապես պատրաստված ուսումնական ծրագրի վրա՝ 16 տեսական դասախոսություններ/քննարկումներ կկազմակերպվեն սոցիալական, քաղաքական և հումանիտար գիտություններից՝ համապատասխան ակադեմիական փորձ ունեցող անհատների և ակտիվիստների կողմից: Հաշվի առնելով հարթակի մասնակիցների կարիքները՝ նախատեսվում է նաև սեմինարների շարք կոլեկտիվ մոբիլիզացիայի, սոցիալական փոփոխությունների դեմ պայքարի ռազմավարությունների և գործիքների վերաբերյալ  (4 սեմինար):

Հարկ է նշել, որ Սոցիալական արդարության կենտրոնն արդեն ունի նմանատիպ քննադատական քաղաքականության դպրոցներ կազմակերպելու լավ փորձ Թբիլիսիում, Մառնեուլիում, Աջարիայում և Պանկիսիում։

Քննադատական քաղաքականության դպրոցի շրջանակներում նախատեսված հանդիպումների ձևաչափը

  • Տեսական դասախոսություն/քննարկում
  • Այցելություններ/հանդիպումներ տարբեր մարզերում
  • Ընթերցանության գիրք / հոդված ընթերցման շրջանակ
  • Գործնական սեմինարներ

Դպրոցի կողմից ծրագրված հանդիպումների կազմակերպչական մանրամասներ

  • Դպրոցի մասնակիցների առավելագույն թիվը՝ 25
  • Դասախոսությունների և սեմինարների քանակը՝ 20
  • Դասախոսության տևողությունը՝ 8 ժամ (ամսական 2 հանդիպում)
  • Դասախոսությունների տևողությունը՝ 6 ամիս (հուլիս-դեկտեմբեր)
  • Դասախոսությունների հիմնական վայրը՝ Նինոծմինդա, Թբիլիսի
  • Քննադատական դպրոցի մասնակիցները պետք է մասնակցեն դասախոսության ժամերի առնվազն 80%-ին:

Սոցիալական արդարության կենտրոնն ամբողջությամբ կհոգա մասնակիցների տրանսպորտային ծախսերը։

Հանդիպումների ժամանակ կապահովվի հայերեն լզվի թարգմանությունը։

Հանդիպումների բովանդակությունը, ժամանակացույցը, տևողությունը և կազմակերպչական այլ մանրամասներ կհամաձայնեցվեն դպրոցի մասնակիցների հետ՝ հաշվի առնելով տեղական համատեքստը և նրանց հետաքրքրությունները:

Մասնակիցների ընտրության ձևաչափը

Դպրոցում մասնակցելու հնարավորություն կնձեռվի բարձրագույն կրթություն ունեցող կամ ավարտական կուրսի 20-ից-35 տարեկան ուսանողներին/երտասարդներին։ 

Եթե ցանկանում եք մասնակցել քննադատական քաղաքականության դպրոցին, խնդրում ենք ուղարկել մեզ ձեր ինքնակենսագրությունը և կոնտակտային տվյալները մինչև հունիսի 30-ը։

Փաստաթղթերն ուղարկել հետևյալ հասցեով; [email protected]

Խնդրում ենք վերնագրի դաշտում նշել «Քննադատական մտածողության դպրոց Ջավախքում»:

Ջավախքում Քննադատական մտածողության դպրոցի իրականացումը հնարավոր է դարձել «Աջակցություն Վրաստանում հավասարության, համերաշխության և սոցիալական խաղաղության» ծրագրի շրջանակներում, որն իրականացվում է Սոցիալական արդարության կենտրոնի կողմից Վրաստանում Շվեյցարիայի դեսպանատան աջակցությամբ ։

პოლიტიკა და ადამიანის უფლებები კონფლიქტის რეგიონებში / განცხადება

აგვისტოს ომიდან 14 წელი გავიდა!

ჩვენ კიდევ ერთხელ პატივს მივაგებთ ომის მსხვერპლებს და მათ ოჯახებსა და ახლობლებს თანაგრძნობას და სოლიდარობას ვუცხადებთ!

2008 წლის აგვისტოს ომი ჩვენი ქვეყნის უახლესი ისტორიის გამორჩეულად მძიმე თარიღია. ომს უკავშირდება უმძიმესი ადამიანური და ჰუმანიტარული მსხვერპლი - ომის დროს საქართველოს მხარეს დაიღუპა 170 სამხედრო მოსამსახურე, 14 პოლიციელი, 228 სამოქალაქო პირი; დაიჭრა 1747 ადამიანი; 35 000 ადამიანი კი ამ დრომდე ვერ ბრუნდება საკუთარ საცხოვრებელ სახლში, რომელთა დიდი ნაწილი უკვე გავერანდა და მიწასთან გასწორდა. მძიმე ადამიანურ მსხვერპლს მიღმა, ომს საქართველოსთვის მძიმე პოლიტიკური და სოციალური შედეგები მოჰყვა. ომის უმძიმესი შედეგების აღწერა ვრცელია:

ომის შემდეგ კიდევ უფრო გაფართოვდა ის ტერიტორიები, რომელზეც საქართველომ კონტროლი დაკარგა, ოკუპირებულ ტერიტორიებზე კი რუსული სამხედრო ბაზები (გუდაუთაში მე-7 სამხედრო ბაზა და ცხინვალსა და ჯავაში მე-4 სამხედრო ბაზა, სადაც მთლიანობაში 10 000-მდე სამხედრო მოსამსახურე იმყოფება) განთავსდა;

გამყოფი ხაზის სოფლების მაცხოვრებლები განგრძობადი ბორდერიზაციისა და მასთან დაკავშირებული მძიმე შედეგების და დანაკარგების გამო მუდმივად საგანგებო მდგომარეობის და დაუცველობის რეჟიმში ცხოვრობენ; ომის შემდეგ კონფლიქტის რეგიონებთან მიმოსვლის შეთანხმებული და განჭვრეტადი რეჟიმის არარსებობის გამო გალისა და ახალგორის რეგიონები ხშირად ჰუმანიტარული კრიზისიების წინაშე დგება, რაც მძიმე გავლენას ახდენს იქ მცხოვრები ადამიანების ყოფასა და ყოველდღიურობაზე;

ომის შემდეგ კონფლიქტის რეგიონები რუსეთის ანექსიის მიმართ კიდევ უფრო მოწყვლადები აღმოჩნდნენ და ადგილობრივი ელიტები თითქმის ვეღარ ახერხებენ ადგილობრივი ინტერესების დაცვას;

ომის შემდეგ რუსეთის მიერ კონფლიქტის რეგიონების აღიარებას კონფლიქტების მოგვარების ინტერესის შემცირება მოჰყვა და ინტერ-ეთნიკური გაუცხოება კიდევ უფრო გაღრმავდა;

2008 წლის ომს ჩვენი საზოგადოების შიგნით კიდევ უფრო მძიმე პოლარიზება და კონფლიქტები მოჰყვა; ოკუპაცია საქართველოს სახელმწიფოზე პირდაპირი სამხედრო და პოლიტიკური გავლენის იარაღი გახდა რუსეთის ხელში, რომელიც ქვეყნის უსაფრთხოების სისტემას მედეგობას აცლის.

2022 წელს რუსეთის მიერ უკრაინაში დაწყებულმა სასტიკმა ომმა ჩვენში 2008 წლის ომის ტკივილი გააღვიძა, რუსეთთან დაკავშირებული საფრთხეების მასშტაბი კი კიდევ უფრო თვალსაჩინო გახადა. ამ მოვლენების შემდეგ, საერთაშორისო საზოგადოებისთვის ნათელი გახდა, რომ 2008 წლის აგვისტოს ომის დროს რუსეთის პასუხისმგებლობა სათანადოდ ვერ შეფასდა და რუსეთისგან მომდინარე სამხედრო საფრთხეები და იმპერიული ამბიციები კიდევ უფრო მასშტაბურია. ამ მძიმე იმპერიულ განხრახვებს ჩვენი ქვეყანა ერთ-ერთი პირველი შეხვდა, 14 წლის წინ.

სამწუხაროდ, დღევანდელი ხელისუფლება უკრაინის ომის მოვლენების ფონზე გლობალურ დონეზე საქართველოს საკითხის აქტიურ დაყენებას ნაკლებად ცდილობს და დემონსტრაციულად დუმს რუსეთთისგან მომდინარე ისტორიული დარტყმებისა და დღევანდელი საფრთხეების შესახებ, რაც მკვეთრად ასუსტებს უსაფრთხოების შეცვლილ კონტექსტში ჩვენი ქვეყნისთვის დამატებითი გარანტიების მიღების შესაძლებლობას.

უფრო მეტიც, რუსეთთან ურთიერთობის ნორმალიზების პოლიტიკამ, რომელსაც ქართული ოცნების მმართველობის პირველ წლებში ანტირუსული რიტორიკის შემცირება და სავაჭრო ურთიერთობებში რუსეთთან თანამშრომლობის დაწყება მოჰყვა, ქართული ოცნების მმართველობის ბოლო წლებში ევროპეიზაციის პროცესის მკვეთრი დასუსტებისა და აგრესიული ანტიდასავლური რიტორიკის ფორმა მიიღო. სამწუხაროდ, ამ დროისთვის საქართველოს ფიზიკური, ეკონომიკური, საინფორმაციო და სოციალური უსაფრთხოების სისტემის მედეგობასთან დაკავშირებით ბევრი კითხვის ნიშანი ჩნდება:

სახელმწიფოში მოშლილია უსაფრთხოების სისტემის ანგარიშვალდებულება თითქმის ყველა დონეზე. უკრაინაში ომის დაწყებიდან რამდენიმე თვის შემდეგაც კი საზოგადოებას არ მოუსმენია მთავრობისა და ეროვნული უსაფრთხოების საბჭოს ანგარიში რუსეთიდან მომდინარე სამხედრო და უსაფრხოების სხვა რისკებთან დაკავშირებით;

რუსულ პროპაგანდსთან გამკლავების პოლიტიკა სახელმწიფოს არ გააჩნია და სახელმწიფოს სტრატეგიული კომუნიკაციის პრაქტიკებიც კი ზოგჯერ ამ პროგანდის ნარატივებს იყენებს. აშკარაა, რომ ხელისუფლება ცდილობს ომგამოვლილი საზოგადოების მოწყვლადობის პოლიტიკურ ინსტრუმენტალიზებას და ომში ჩათრევის შესახებ რიტორიკით, მის მიმართ მიმართული ყველა კრიტიკისთვის გვერდის აქცევას ცდილობს;

საქართველოში შეუზრუდავად მოქმედებენ და დანაშაულს სჩადიან პრორუსული ჯგუფები და მათ მიმართ სახელმწიფო დემონსტრაციულ ლოილობას იჩენს;

ქვეყანას არ გააჩნია რუსეთზე ეკონომიკური დამოკიდებულების შემცირების სტრატეგიული გეგმა;

ხელისუფლებაში ყოფნის 10 წლის თავზეც კი ხელისუფლებას არ აქვს დეოკუპაციის სტრატეგია და არც განახლებული სამშვიდობო პოლიტიკა, რომელიც შეცვლილ კონტექსტებსა და რეალიებს მოერგებოდა;

სუსტია სახელმწიფოს სოციალური მხარდაჭერა ომით დაზარალებული ოჯახებისა და სოფლების მიმართ. ომიდან 14 წლის შემდეგაც გამყოფ ხაზებთან მცხოვრები მოსახლეობის ნაწილი კვლავ ომის შედეგად დანგრეულ სახლებში ცხოვრობს. სიღარიბის და მძიმე სოციალური მდგომარეობის გამო, აფხაზეთის და ცხინვალის რეგიონების გამყოფ ხაზებთან მცხოვრები მოსახლეობა 33%ით შემცირდა. გამყოფ ხაზებთან მცხოვრები მოსახლეობის 76% არ მიუღია ომის შედეგად მიყენებული ზიანის ანაზღაურება. საქართველოში დევნილების თითქმის ნახევარი კვლავ არ არის უზრუნველყოფილი საცხოვრებელი სახლებით.

სამწუხაროდ, ამ კრიტიკის საპასუხოდ ხელისუფლებას არ შეუქმნია პოლიტიკური და საზოგადოებრივი სივრცეები, სადაც დაგროვებულ კითხვებსა და წუხილებზე პასუხის მიღებისა და გავლენის მოხდენის შესაძლებლობა იქნებოდა. ცხადია, რომ ეს რეალობა ხელისუფლების საგარეო პოლიტიკური კურსის მიმართ ღრმა უნდობლობასა და ეჭვებს წარმოშობს.

დღეს, როგორც არასდროს, გეოპოლიტიკის საკითხებს პირდაპირი გავლენას აქვს ქვეყნის შიდა პოლიტიკასა და უსაფრთხოებაზე და მნიშვნელოვანია, ამ რეალობას სახელმწიფომ უსაფრთხოების პოლიტიკის დემოკრატიზაციითა და ანგარიშვალდებულებით უპასუხოს. სამწუხაროდ, ამ დროისთვის ჩვენს პოლიტიკურ სისტემაში ამგვარი პროცესების დაწყების ნიშნებიც კი არ ჩანს. მნიშვნელოვანია, რომ ომის მემკვიდრეობასთან დაკავშირებულ განხილვებში ჩვენ, საზოგადოებრივმა აქტორებმა და მედია ორგანიზაციებმა სწორედ უსაფრთხოების პოლიტიკაზე ძირეული კითხვების დასმას, მოთხოვნების დაყენებას და ანგარიშის მოსმენას დავუთმოთ.

ინსტრუქცია

  • საიტზე წინ მოძრაობისთვის უნდა გამოიყენოთ ღილაკი „tab“
  • უკან დასაბრუნებლად გამოიყენება ღილაკები „shift+tab“