[Skip to Content]

სიახლეების გამოწერა

ჯავახეთში კრიტიკული პოლიტიკის სკოლის მონაწილეების შერჩევა დაიწყო/Ջավախքում մեկնարկել է Քննադատական ​​քաղաքականության դպրոցի մասնակիցների ընտրությունը

 

Տե՛ս հայերեն թարգմանությունը ստորև

სოციალური სამართლიანობის ცენტრი აცხადებს მიღებას ჯავახეთის რეგიონში კრიტიკული პოლიტიკის სკოლის მონაწილეების შესარჩევად. 

კრიტიკული პოლიტიკის სკოლა, ჩვენი ხედვით, ნახევრად აკადემიური და პოლიტიკური სივრცეა, რომელიც მიზნად ისახავს სოციალური სამართლიანობის, თანასწორობის და დემოკრატიის საკითხებით დაინტერესებულ ახალგაზრდა აქტივისტებსა და თემის ლიდერებში კრიტიკული ცოდნის გაზიარებას და კოლექტიური მსჯელობისა და საერთო მოქმედების პლატფორმის შექმნას.

კრიტიკული პოლიტიკის სკოლა თეორიული ცოდნის გაზიარების გარდა, წარმოადგენს მისი მონაწილეების ურთიერთგაძლიერების, შეკავშირებისა და საერთო ბრძოლების გადაკვეთების ძიების ხელშემწყობ სივრცეს.

კრიტიკული პოლიტიკის სკოლის მონაწილეები შეიძლება გახდნენ ჯავახეთის რეგიონში (ახალქალაქის, ნინოწმინდისა და ახალციხის მუნიციპალიტეტებში) მოქმედი ან ამ რეგიონით დაინტერესებული სამოქალაქო აქტივისტები, თემის ლიდერები და ახალგაზრდები, რომლებიც უკვე მონაწილეობენ, ან აქვთ ინტერესი და მზადყოფნა მონაწილეობა მიიღონ დემოკრატიული, თანასწორი და სოლიდარობის იდეებზე დაფუძნებული საზოგადოების მშენებლობაში.  

პლატფორმის ფარგლებში წინასწარ მომზადებული სილაბუსის საფუძველზე ჩატარდება 16 თეორიული ლექცია/დისკუსია სოციალური, პოლიტიკური და ჰუმანიტარული მეცნიერებებიდან, რომელსაც სათანადო აკადემიური გამოცდილების მქონე პირები და აქტივისტები წაიკითხავენ.  პლატფორმის მონაწილეების საჭიროებების გათვალისწინებით, ასევე დაიგეგმება სემინარების ციკლი კოლექტიური მობილიზაციის, სოციალური ცვლილებებისთვის ბრძოლის სტრატეგიებსა და ინსტრუმენტებზე (4 სემინარი).

აღსანიშნავია, რომ სოციალური სამართლიანობის ცენტრს უკვე ჰქონდა ამგვარი კრიტიკული პოლიტიკის სკოლების ორგანიზების კარგი გამოცდილება თბილისში, მარნეულში, აჭარასა  და პანკისში.

კრიტიკული პოლიტიკის სკოლის ფარგლებში დაგეგმილი შეხვედრების ფორმატი:

  • თეორიული ლექცია/დისკუსია
  • გასვლითი ვიზიტები რეგიონებში
  • შერჩეული წიგნის/სტატიის კითხვის წრე
  • პრაქტიკული სემინარები

სკოლის ფარგლებში დაგეგმილ შეხვედრებთან დაკავშირებული ორგანიზაციული დეტალები:

  • სკოლის მონაწილეთა მაქსიმალური რაოდენობა: 25
  • ლექციებისა და სემინარების რაოდენობა: 20
  • სალექციო დროის ხანგრძლივობა: 8 საათი (თვეში 2 შეხვედრა)
  • ლექციათა ციკლის ხანგრძლივობა: 6 თვე (ივლისი-დეკემბერი)
  • ლექციების ჩატარების ძირითადი ადგილი: ნინოწმინდა, თბილისი
  • კრიტიკული სკოლის მონაწილეები უნდა დაესწრონ სალექციო საათების სულ მცირე 80%-ს.

სოციალური სამართლიანობის ცენტრი სრულად დაფარავს  მონაწილეების ტრანსპორტირების ხარჯებს.

შეხვედრებზე უზრუნველყოფილი იქნება სომხურ ენაზე თარგმანიც.

შეხვედრების შინაარსი, გრაფიკი, ხანგრძლივობა და ასევე სხვა ორგანიზაციული დეტალები შეთანხმებული იქნება სკოლის მონაწილეებთან, ადგილობრივი კონტექსტისა და მათი ინტერესების გათვალისწინებით.

მონაწილეთა შერჩევის წესი

პლატფორმაში მონაწილეობის შესაძლებლობა ექნებათ უმაღლესი განათლების მქონე (ან დამამთავრებელი კრუსის) 20 წლიდან 35 წლამდე ასაკის ახალგაზრდებს. 

კრიტიკული პოლიტიკის სკოლაში მონაწილეობის სურვილის შემთხვევაში გთხოვთ, მიმდინარე წლის 30 ივნისამდე გამოგვიგზავნოთ თქვენი ავტობიოგრაფია და საკონტაქტო ინფორმაცია.

დოკუმენტაცია გამოგვიგზავნეთ შემდეგ მისამართზე: [email protected] 

გთხოვთ, სათაურის ველში მიუთითოთ: "კრიტიკული პოლიტიკის სკოლა ჯავახეთში"

ჯავახეთში კრიტიკული პოლიტიკის სკოლის განხორციელება შესაძლებელი გახდა პროექტის „საქართველოში თანასწორობის, სოლიდარობის და სოციალური მშვიდობის მხარდაჭერის“ ფარგლებში, რომელსაც საქართველოში შვეიცარიის საელჩოს მხარდაჭერით სოციალური სამართლიანობის ცენტრი ახორციელებს.

 

Սոցիալական արդարության կենտրոնը հայտարարում է Ջավախքի տարածաշրջանում բնակվող երիտասարդների ընդունելիություն «Քննադատական մտածողության դպրոցում»

Քննադատական մտածողության դպրոցը մեր տեսլականով կիսակադեմիական և քաղաքական տարածք է, որի նպատակն է կիսել քննադատական գիտելիքները երիտասարդ ակտիվիստների և համայնքի լիդեռների հետ, ովքեր հետաքրքրված են սոցիալական արդարությամբ, հավասարությամբ և ժողովրդավարությամբ, և ստեղծել կոլեկտիվ դատողությունների և ընդհանուր գործողությունների հարթակ:

Քննադատական մտածողության դպրոցը, բացի տեսական գիտելիքների տարածումից, ներկայացնում  է որպես տարածք փոխադարձ հնարավորությունների ընդլայնման, մասնակիցների միջև ընդհանուր պայքարի միջոցով խնդիրների հաղթահարման և համախմբման համար։

Քննադատական մտածողության դպրոցի մասնակից կարող են դառնալ Ջավախքի տարածաշրջանի (Նինոծմինդա, Ախալքալաքի, Ախալցիխեի) երտասարդները, ովքեր հետաքրքրված են քաղաքական աքտիվիզմով, գործող ակտիվիստներ, համայնքի լիդեռները և շրջանում բնակվող երտասարդները, ովքեր ունեն շահագրգռվածություն և պատրաստակամություն՝ կառուցելու ժողովրդավարական, հավասարազոր և համերաշխության վրա հիմնված հասարակություն։

Հիմնվելով հարթակի ներսում նախապես պատրաստված ուսումնական ծրագրի վրա՝ 16 տեսական դասախոսություններ/քննարկումներ կկազմակերպվեն սոցիալական, քաղաքական և հումանիտար գիտություններից՝ համապատասխան ակադեմիական փորձ ունեցող անհատների և ակտիվիստների կողմից: Հաշվի առնելով հարթակի մասնակիցների կարիքները՝ նախատեսվում է նաև սեմինարների շարք կոլեկտիվ մոբիլիզացիայի, սոցիալական փոփոխությունների դեմ պայքարի ռազմավարությունների և գործիքների վերաբերյալ  (4 սեմինար):

Հարկ է նշել, որ Սոցիալական արդարության կենտրոնն արդեն ունի նմանատիպ քննադատական քաղաքականության դպրոցներ կազմակերպելու լավ փորձ Թբիլիսիում, Մառնեուլիում, Աջարիայում և Պանկիսիում։

Քննադատական քաղաքականության դպրոցի շրջանակներում նախատեսված հանդիպումների ձևաչափը

  • Տեսական դասախոսություն/քննարկում
  • Այցելություններ/հանդիպումներ տարբեր մարզերում
  • Ընթերցանության գիրք / հոդված ընթերցման շրջանակ
  • Գործնական սեմինարներ

Դպրոցի կողմից ծրագրված հանդիպումների կազմակերպչական մանրամասներ

  • Դպրոցի մասնակիցների առավելագույն թիվը՝ 25
  • Դասախոսությունների և սեմինարների քանակը՝ 20
  • Դասախոսության տևողությունը՝ 8 ժամ (ամսական 2 հանդիպում)
  • Դասախոսությունների տևողությունը՝ 6 ամիս (հուլիս-դեկտեմբեր)
  • Դասախոսությունների հիմնական վայրը՝ Նինոծմինդա, Թբիլիսի
  • Քննադատական դպրոցի մասնակիցները պետք է մասնակցեն դասախոսության ժամերի առնվազն 80%-ին:

Սոցիալական արդարության կենտրոնն ամբողջությամբ կհոգա մասնակիցների տրանսպորտային ծախսերը։

Հանդիպումների ժամանակ կապահովվի հայերեն լզվի թարգմանությունը։

Հանդիպումների բովանդակությունը, ժամանակացույցը, տևողությունը և կազմակերպչական այլ մանրամասներ կհամաձայնեցվեն դպրոցի մասնակիցների հետ՝ հաշվի առնելով տեղական համատեքստը և նրանց հետաքրքրությունները:

Մասնակիցների ընտրության ձևաչափը

Դպրոցում մասնակցելու հնարավորություն կնձեռվի բարձրագույն կրթություն ունեցող կամ ավարտական կուրսի 20-ից-35 տարեկան ուսանողներին/երտասարդներին։ 

Եթե ցանկանում եք մասնակցել քննադատական քաղաքականության դպրոցին, խնդրում ենք ուղարկել մեզ ձեր ինքնակենսագրությունը և կոնտակտային տվյալները մինչև հունիսի 30-ը։

Փաստաթղթերն ուղարկել հետևյալ հասցեով; [email protected]

Խնդրում ենք վերնագրի դաշտում նշել «Քննադատական մտածողության դպրոց Ջավախքում»:

Ջավախքում Քննադատական մտածողության դպրոցի իրականացումը հնարավոր է դարձել «Աջակցություն Վրաստանում հավասարության, համերաշխության և սոցիալական խաղաղության» ծրագրի շրջանակներում, որն իրականացվում է Սոցիալական արդարության կենտրոնի կողմից Վրաստանում Շվեյցարիայի դեսպանատան աջակցությամբ ։

ლგბტი უფლებები / სტატია

17 მაისი: კოლექტიური მეხსიერების პოლიტიკური პოტენციალი

27 იანვარს, ჰოლოკოსტის მსხვერპლთა ხსოვნის დღეს, გერმანიაში, ნეონაცისტური აღლუმი აკრძალულია, რაც საზოგადოებრივი წესრიგის დაცვისთვის აუცილებელ პირობად ითვლება. ნეონაცისტურ ჯგუფებს რჩებათ შესაძლებლობა, აღლუმი გამართონ წლის ნებისმიერ სხვა დღეს. ამ დღეს, ნეონაცისტური აღლუმის გადადების პირობა გერმანიაში გამართლებულია მისი სიმბოლური მნიშვნელობით საზოგადოებისთვის, რომელიც წაშლილი იქნებოდა ნეონაცისტური აღლუმის დაშვებით.

საქართველოში კი, აიდაჰო დღეს (17 მაისი - ჰომოფობიასთან, ტრანსფობიასა და ბიფობიასთან ბრძოლის საერთაშორისო დღე), საჯარო სივრცეს იკავებენ ჯგუფები, რომლებიც სრულიად შლიან ამ დღის თავდაპირველ სიმბოლურ მნიშვნელობას. ის სრულდება ჰომოფობიის, ტრანსფობიის და ბიფობიის დემონსტრირებით. დღის სიმბოლური მნიშვნელობის გაუგულებელყოფის პარალელურად, ლგბტ თემისთვის არსებით მნიშვნელობას იძენს, სწორედ ამ დღეს, საჯარო სივრცის კვლავ მოპოვება.

ორივე შემთხვევაში, წლის ერთი კონკრეტული დღის მნიშვნელობა გამოწვეულია შესაძლებლობით, რომ შეკრების გამართვით რეალურ დროსა და სივრცეში, განსხვავებულად ფორმირდეს კოლექტიური მეხსიერება. ჰოლოკოსტის მსხვერპლთა ხსოვნის დღეს ნეონაცისტური აღლუმი ცვლის ამ დღის უკვე არსებულ კოლექტიურ აღქმას ჩადენილი დანაშაულების აღიარებაზე და დაზარალებული ჯგუფის ღირსების უკომპრომისო დაცვაზე. 17 მაისს საჯარო სივრცის თემის მიერ დაკავებაც, ასევე, ერთი დღით ცვლის აღქმას საზოგადოებრივ ცხოვრებაში მათი ადგილის შესახებ.

ასეთი შეკრებების დროს, საზოგადოებრივ ცხოვრებაში მისი სხვადასხვა სეგმენტის ადგილის შესახებ კოლექტიური მეხსიერების შეცვლის შესაძლებლობა, მის გარეგნულ (წმინდა შინაარსისგან დამოუკიდებელ) მახასიათებლებს განსაკუთრებულ მნიშვნელობას სძენს. ნეონაცისტური შეკრების ჰოლოკოსტის დაზარალებულთა ხსოვნის დღეს აკრძალვა ხაზს უსვამს ნეონაცისტური იდეებისთვის მხოლოდ გამოხატვის თავისუფლების დონეზე და ისიც იმ ზღვრამდე აღიარებას, რომ მან რაიმე ფორმით (ამ შემთხვევაში, განსაკუთრებული დღის გამო) ზედმეტად იმოქმედოს დაზარალებული პირების ღირსებაზე, ახლოს აღმოჩნდეს „მტკივნეულ წარსულთან,“ ან მისი უპირობო არაღიარების შთაბეჭდილება შექმნას. 17 მაისის შემთხვევაში, თუ ის არ შეიძენს „საჯაროობის“ საკმარის გარეგნულ ნიშნებს, 27 იანვარს ნეონაცისტური აღლუმის დაშვებისგან განსხვავებით, მისი კოლექტიურ მეხსიერებაზე გავლენის ამბიცია მხოლოდ ილუზორული დარჩება. ცალკე საკითხია, რომელ მხარეს დგას სახელმწიფო. თუ გერმანიაში ეჭვს არ იწვევს სისტემის მისწრაფება, რაც შეიძლება დაშორდეს „მტკივნეულ წარსულს“ და უკომპრომისო იყოს ამ კუთხით, ქართულ რეალობაში, 17 მაისის შეკრების „დახურულ“ საჯარო სივრცეში უზრუნველყოფას, მიზანმიმართულად თუ თავისდაუნებურად, მხოლოდ იმის მისწრაფება თუ ექნება, რომ უცვლელად დატოვოს „განსხვავებულობის“ გამო თემის მხოლოდ პრივატულ სივრცეში „დაშვების“ პირობა.

წინამდებარე სტატია შეეხება აიდაჰო დღეს და უფრო ზოგად კონტექსტში შეკრების სოციალურ-პოლიტიკურ მნიშვნელობასა და მასთან კავშირში შეკრების თავისუფლების სამართლებრივ ცნებას. სტატია ცდილობს აჩვენოს, რომ შეკრების თავისუფლებას ინდივიდუალურ გამოხატვაზე უფრო ძლევამოსილი ბუნება აქვს კოლექტიური მეხსიერების შექმნის, გაღვიძების, ტრანსფორმირების სახით, განსხვავებით სხვა უფლებებისგან, რომელთაც მათი დაცვის ისეთი რაციონალური საფუძვლები გააჩნია, როგორიცაა, მაგალითად, გამოხატვის თავისუფლების მნიშვნელობა დემოკრატიისთვის, პოლიტიკის საჯაროობისთვის. შეკრების თავისუფლებაზე მსჯელობისას შეუძლებელია, ვერ შეამჩნიო მისი კოლექტიური ასპექტი, თუმცა, როგორც წესი ის გამოხატვის მასშტაბურობიდან გამომდინარე, კოლექტიური პეტიციის შესაძლებლობისთვის არის „დაფასებული“. სტატია ცდილობს, შეკრება დაინახოს როგორც თავად მიზანი, რომელიც ყველაზე ახლოს არის საზოგადოებრივ კოლექტიურ მეხსიერებასთან, რომელიც იცვლება ემოციებით და გამოცდილებებით დღეს და ამავე დროს, ატარებს რესურსს მომავალში საერთო მეხსიერებების მქონე უფრო ფართო ჯგუფების სოციალურ მოძრაობებში ჩართვის, სოლიდარობის შექმნის, ახლად ფორმირებულ კოლექტიურ მეხსიერებაში საზოგადოების გარიყული ჯგუფების ისტორიის დამატებისთვის.

სწორედ კოლექტიური მეხსიერების შექმნის ამ რესურსის გამო, პირველ რიგში, მნიშვნელოვანია, ის საერთოდ ქმნიდეს არსებული საზოგადოებრივი წესრიგის ალტერნატივას. მაგალითად, თემის შეკრება არ რჩებოდეს ერთი დღით მკაცრად მათთვის გამოყოფილ დახურულ სივრცეში და ის საჯარო სივრცის ინკლუზიურად გარდაქმნის შესაძლებლობა იყოს. ამის გარეშე, ვერც „უმრავლესობა“ იძენს საჯარო პლურალურ საზოგადოებაში ოპერირების გამოცდილებას. უკვე მეორე ეტაპია, თავად ამ ტრანსფორმირებულ, ინკლუზიურ საჯარო სივრცეში თემის „ხილვადობის“ მიღმა შეკრების ვრცელ პოლიტიკურ მესიჯებად გარდაქმნა, მათ შორის, თემის გამოცდილების საზოგადოებრივთან დაკავშირება. ამ შემთხვევაში, მოხდება უკვე საჯარო სივრცეში შეკრების სრულად განსაჯაროება იმ გაგებითაც, რომ მისი მთავარი სათქმელი საზოგადოებისთვისაც გახდება აღქმადი. თუმცა, პირველის გარეშე, იმის გარდა, რომ საზოგადოებრივი ჯგუფებისთვის გაუგებარი რჩება თემის საჭიროებები, მოთხოვნები და მათი რეალურობა, თავად კოლექტიური მეხსიერების დონეზეც არაფერი იცვლება, უცვლელად იწარმოება თემის პირად სივრცესთან ასოცირებული აღქმა.

სტატიაში, პირველ რიგში, მოკლედ იქნება მიმოხილული საქართველოში აიდაჰო დღეს ლგბტ თემის შეკრების ისტორია და ის კოლექტიური მეხსიერება, რომელიც აქტივისტებს დღესაც აერთიანებთ 17 მაისის გარშემო. როდესაც უსაფრთხოების დაცვის გარანტიების მოპოვებისთვის თემის წევრებს, საზოგადოების სხვა ჯგუფებისგან განსხვავებით, არაერთ კომპრომისებზე უწევთ წასვლა, ხდება საჯარო სივრცისთვის ბრძოლის ჩაგვრის საერთო გამოცდილებად ფორმირება. სტატიაში წარმოდგენილი პოლონეთის გამოცდილებაც წარმოაჩენს კოლექტიურობის მნიშვნელობას მოვლენებზე ემოციების, მეხსიერების ფორმირებისას, ასევე მის საზოგადოებრივ მეხსიერებასთან დაკავშირებისას. თემის ჩაგვრის გამოცდილებების დაკავშირება საჯარო სივრცისთვის ბრძოლის პროცესში მნიშვნელოვანია, დასრულდეს მისი არტიკულირებით და საზოგადოების სხვა ჯგუფებამდე მინიმუმ გაზიარების, მაქსიმუმ კი მათი ჩაგვრის გამოცდილებებთან ასოციაციის მცდელობით.

ბოლოს, სტატია განხილულ სოციალურ-პოლიტიკურ კონტექსტს დაუკავშირებს შეკრების თავისუფლების სამართლებრივ ცნებას, რომლის გადააზრებაც დღეს თემის მიერ შეკრების თავისუფლებით სარგებლობის მდგომარეობას, მათ შორის, სამართლებრივი პერსპექტივიდან მის ილუზორულობას გამოკვეთს.

გაეცანით სტატიის სრულ ვერსიას⇓

კოლექტიური_მეხსიერების_პოტენციალი_1526481025.pdf

ინსტრუქცია

  • საიტზე წინ მოძრაობისთვის უნდა გამოიყენოთ ღილაკი „tab“
  • უკან დასაბრუნებლად გამოიყენება ღილაკები „shift+tab“