საერთო ცხელი ხაზი +995 577 07 05 63
14 / 20
![ტრენინგი შრომის უფლებისა და გარემოს დაცვის საკითხებზე - ზესტაფონი [photo]](https://socialjustice.org.ge/uploads/slider/default-cover.png)
ტრენინგი შრომის უფლებისა და გარემოს დაცვის საკითხებზე - ზესტაფონი [photo]
11354792_10152967017843161_1890217132_n
11650495_10152967018103161_636189611_n
11657553_10152967017958161_410497063_n
11667163_10152967018133161_1850909020_n
IMG_4017
IMG_4018
IMG_4021
IMG_4022
IMG_4352
IMG_20150624_151207
IMG_20150624_153414
IMG_20150624_153515
შრომის უფლება / ფოტო
ტრენინგი შრომის უფლებისა და გარემოს დაცვის საკითხებზე - ზესტაფონი
24-26 ივნისს „ადამიანის უფლებების სწავლებისა და მონიტორინგის ცენტრმა (EMC)”, პარტნიორ ორგანიზაციებთან (მწვანე ალტერნატივა, საქართველოს პროფესიული კავშირების გაერთიანება) ერთად, ზესტაფონში, „ჯორჯიან მანგანეზის“ ზესტაფონის ფეროშენადნობთა ქარხანაში დასაქმებულთათვის 3-დღიანი ტრენინგი ჩაატარა.
ტრენინგის დროს ფეროში დასაქმებულებს მიეწოდათ ინფორმაცია შრომის უფლებების, სამუშაო გარემოს უსაფრთხოების, დავასთან და გაფიცვასთან დაკავშირებული საკითხების, ზესტაფონის ფეროშენადნობთა ქარხნის გარემოსდაცვითი ვალდებულებების, უსაფრთხო გარემოში ცხოვრების უფლების, სოციალური მოძრაობების, მედიასთან კომუნიკაციებისა და სოციალური მედიის ეფექტურად გამოყენების სტრატეგიების შესახებ.
ტრენინგის პარალელურად ახალგაზრდა სამოქალაქო აქტივისტები შეხვდნენ ფეროში დასაქმებულებსა და ადგილობრივ მაცხოვრებლებს. აქტივისტებს ჰქონდათ საშუალება უშუალოდ მოესმინათ რეგიონში არსებული შრომითი თუ ეკოლოგიური პრობლემების შესახებ, მოემზადებინათ სხვადასხვა ტიპის მულტიმედია პროდუქტი და მოესმინათ ექსპერტების მოსაზრებები დღეისათვის ზესტაფონის წინაშე მდგარი პრობლემების შესახებ.
EMC-ისთან ერთად, ზესტაფონში არსებული პრობლემების შესახებ მუშაობდა საზოგადოებრივი მაუწყებლის გადაცემა „რეალური სივრცის“ ჟურნალისტი.პროექტი „ინდუსტრიულ ზონებში დასაქმებულთა და ახალგაზრდა სამოქალაქო აქტივისტთა გაძლიერება შრომითი უფლებებისა და გარემოს დასაცავად“ ხორციელდება „ადამიანის უფლებების სწავლებისა და მონიტორინგის ცენტრის“ (EMC) ადმინისტრირებით, „მწვანე ალტერნატივასთან” თანამშრომლობით და ჰაინრიჰ ბიოლის ფონდის სამხრეთ კავკასიის წარმომადგენლობის დაფინანსებით.
