[Skip to Content]

სიახლეების გამოწერა

ჯავახეთში კრიტიკული პოლიტიკის სკოლის მონაწილეების შერჩევა დაიწყო/Ջավախքում մեկնարկել է Քննադատական ​​քաղաքականության դպրոցի մասնակիցների ընտրությունը

 

Տե՛ս հայերեն թարգմանությունը ստորև

სოციალური სამართლიანობის ცენტრი აცხადებს მიღებას ჯავახეთის რეგიონში კრიტიკული პოლიტიკის სკოლის მონაწილეების შესარჩევად. 

კრიტიკული პოლიტიკის სკოლა, ჩვენი ხედვით, ნახევრად აკადემიური და პოლიტიკური სივრცეა, რომელიც მიზნად ისახავს სოციალური სამართლიანობის, თანასწორობის და დემოკრატიის საკითხებით დაინტერესებულ ახალგაზრდა აქტივისტებსა და თემის ლიდერებში კრიტიკული ცოდნის გაზიარებას და კოლექტიური მსჯელობისა და საერთო მოქმედების პლატფორმის შექმნას.

კრიტიკული პოლიტიკის სკოლა თეორიული ცოდნის გაზიარების გარდა, წარმოადგენს მისი მონაწილეების ურთიერთგაძლიერების, შეკავშირებისა და საერთო ბრძოლების გადაკვეთების ძიების ხელშემწყობ სივრცეს.

კრიტიკული პოლიტიკის სკოლის მონაწილეები შეიძლება გახდნენ ჯავახეთის რეგიონში (ახალქალაქის, ნინოწმინდისა და ახალციხის მუნიციპალიტეტებში) მოქმედი ან ამ რეგიონით დაინტერესებული სამოქალაქო აქტივისტები, თემის ლიდერები და ახალგაზრდები, რომლებიც უკვე მონაწილეობენ, ან აქვთ ინტერესი და მზადყოფნა მონაწილეობა მიიღონ დემოკრატიული, თანასწორი და სოლიდარობის იდეებზე დაფუძნებული საზოგადოების მშენებლობაში.  

პლატფორმის ფარგლებში წინასწარ მომზადებული სილაბუსის საფუძველზე ჩატარდება 16 თეორიული ლექცია/დისკუსია სოციალური, პოლიტიკური და ჰუმანიტარული მეცნიერებებიდან, რომელსაც სათანადო აკადემიური გამოცდილების მქონე პირები და აქტივისტები წაიკითხავენ.  პლატფორმის მონაწილეების საჭიროებების გათვალისწინებით, ასევე დაიგეგმება სემინარების ციკლი კოლექტიური მობილიზაციის, სოციალური ცვლილებებისთვის ბრძოლის სტრატეგიებსა და ინსტრუმენტებზე (4 სემინარი).

აღსანიშნავია, რომ სოციალური სამართლიანობის ცენტრს უკვე ჰქონდა ამგვარი კრიტიკული პოლიტიკის სკოლების ორგანიზების კარგი გამოცდილება თბილისში, მარნეულში, აჭარასა  და პანკისში.

კრიტიკული პოლიტიკის სკოლის ფარგლებში დაგეგმილი შეხვედრების ფორმატი:

  • თეორიული ლექცია/დისკუსია
  • გასვლითი ვიზიტები რეგიონებში
  • შერჩეული წიგნის/სტატიის კითხვის წრე
  • პრაქტიკული სემინარები

სკოლის ფარგლებში დაგეგმილ შეხვედრებთან დაკავშირებული ორგანიზაციული დეტალები:

  • სკოლის მონაწილეთა მაქსიმალური რაოდენობა: 25
  • ლექციებისა და სემინარების რაოდენობა: 20
  • სალექციო დროის ხანგრძლივობა: 8 საათი (თვეში 2 შეხვედრა)
  • ლექციათა ციკლის ხანგრძლივობა: 6 თვე (ივლისი-დეკემბერი)
  • ლექციების ჩატარების ძირითადი ადგილი: ნინოწმინდა, თბილისი
  • კრიტიკული სკოლის მონაწილეები უნდა დაესწრონ სალექციო საათების სულ მცირე 80%-ს.

სოციალური სამართლიანობის ცენტრი სრულად დაფარავს  მონაწილეების ტრანსპორტირების ხარჯებს.

შეხვედრებზე უზრუნველყოფილი იქნება სომხურ ენაზე თარგმანიც.

შეხვედრების შინაარსი, გრაფიკი, ხანგრძლივობა და ასევე სხვა ორგანიზაციული დეტალები შეთანხმებული იქნება სკოლის მონაწილეებთან, ადგილობრივი კონტექსტისა და მათი ინტერესების გათვალისწინებით.

მონაწილეთა შერჩევის წესი

პლატფორმაში მონაწილეობის შესაძლებლობა ექნებათ უმაღლესი განათლების მქონე (ან დამამთავრებელი კრუსის) 20 წლიდან 35 წლამდე ასაკის ახალგაზრდებს. 

კრიტიკული პოლიტიკის სკოლაში მონაწილეობის სურვილის შემთხვევაში გთხოვთ, მიმდინარე წლის 30 ივნისამდე გამოგვიგზავნოთ თქვენი ავტობიოგრაფია და საკონტაქტო ინფორმაცია.

დოკუმენტაცია გამოგვიგზავნეთ შემდეგ მისამართზე: [email protected] 

გთხოვთ, სათაურის ველში მიუთითოთ: "კრიტიკული პოლიტიკის სკოლა ჯავახეთში"

ჯავახეთში კრიტიკული პოლიტიკის სკოლის განხორციელება შესაძლებელი გახდა პროექტის „საქართველოში თანასწორობის, სოლიდარობის და სოციალური მშვიდობის მხარდაჭერის“ ფარგლებში, რომელსაც საქართველოში შვეიცარიის საელჩოს მხარდაჭერით სოციალური სამართლიანობის ცენტრი ახორციელებს.

 

Սոցիալական արդարության կենտրոնը հայտարարում է Ջավախքի տարածաշրջանում բնակվող երիտասարդների ընդունելիություն «Քննադատական մտածողության դպրոցում»

Քննադատական մտածողության դպրոցը մեր տեսլականով կիսակադեմիական և քաղաքական տարածք է, որի նպատակն է կիսել քննադատական գիտելիքները երիտասարդ ակտիվիստների և համայնքի լիդեռների հետ, ովքեր հետաքրքրված են սոցիալական արդարությամբ, հավասարությամբ և ժողովրդավարությամբ, և ստեղծել կոլեկտիվ դատողությունների և ընդհանուր գործողությունների հարթակ:

Քննադատական մտածողության դպրոցը, բացի տեսական գիտելիքների տարածումից, ներկայացնում  է որպես տարածք փոխադարձ հնարավորությունների ընդլայնման, մասնակիցների միջև ընդհանուր պայքարի միջոցով խնդիրների հաղթահարման և համախմբման համար։

Քննադատական մտածողության դպրոցի մասնակից կարող են դառնալ Ջավախքի տարածաշրջանի (Նինոծմինդա, Ախալքալաքի, Ախալցիխեի) երտասարդները, ովքեր հետաքրքրված են քաղաքական աքտիվիզմով, գործող ակտիվիստներ, համայնքի լիդեռները և շրջանում բնակվող երտասարդները, ովքեր ունեն շահագրգռվածություն և պատրաստակամություն՝ կառուցելու ժողովրդավարական, հավասարազոր և համերաշխության վրա հիմնված հասարակություն։

Հիմնվելով հարթակի ներսում նախապես պատրաստված ուսումնական ծրագրի վրա՝ 16 տեսական դասախոսություններ/քննարկումներ կկազմակերպվեն սոցիալական, քաղաքական և հումանիտար գիտություններից՝ համապատասխան ակադեմիական փորձ ունեցող անհատների և ակտիվիստների կողմից: Հաշվի առնելով հարթակի մասնակիցների կարիքները՝ նախատեսվում է նաև սեմինարների շարք կոլեկտիվ մոբիլիզացիայի, սոցիալական փոփոխությունների դեմ պայքարի ռազմավարությունների և գործիքների վերաբերյալ  (4 սեմինար):

Հարկ է նշել, որ Սոցիալական արդարության կենտրոնն արդեն ունի նմանատիպ քննադատական քաղաքականության դպրոցներ կազմակերպելու լավ փորձ Թբիլիսիում, Մառնեուլիում, Աջարիայում և Պանկիսիում։

Քննադատական քաղաքականության դպրոցի շրջանակներում նախատեսված հանդիպումների ձևաչափը

  • Տեսական դասախոսություն/քննարկում
  • Այցելություններ/հանդիպումներ տարբեր մարզերում
  • Ընթերցանության գիրք / հոդված ընթերցման շրջանակ
  • Գործնական սեմինարներ

Դպրոցի կողմից ծրագրված հանդիպումների կազմակերպչական մանրամասներ

  • Դպրոցի մասնակիցների առավելագույն թիվը՝ 25
  • Դասախոսությունների և սեմինարների քանակը՝ 20
  • Դասախոսության տևողությունը՝ 8 ժամ (ամսական 2 հանդիպում)
  • Դասախոսությունների տևողությունը՝ 6 ամիս (հուլիս-դեկտեմբեր)
  • Դասախոսությունների հիմնական վայրը՝ Նինոծմինդա, Թբիլիսի
  • Քննադատական դպրոցի մասնակիցները պետք է մասնակցեն դասախոսության ժամերի առնվազն 80%-ին:

Սոցիալական արդարության կենտրոնն ամբողջությամբ կհոգա մասնակիցների տրանսպորտային ծախսերը։

Հանդիպումների ժամանակ կապահովվի հայերեն լզվի թարգմանությունը։

Հանդիպումների բովանդակությունը, ժամանակացույցը, տևողությունը և կազմակերպչական այլ մանրամասներ կհամաձայնեցվեն դպրոցի մասնակիցների հետ՝ հաշվի առնելով տեղական համատեքստը և նրանց հետաքրքրությունները:

Մասնակիցների ընտրության ձևաչափը

Դպրոցում մասնակցելու հնարավորություն կնձեռվի բարձրագույն կրթություն ունեցող կամ ավարտական կուրսի 20-ից-35 տարեկան ուսանողներին/երտասարդներին։ 

Եթե ցանկանում եք մասնակցել քննադատական քաղաքականության դպրոցին, խնդրում ենք ուղարկել մեզ ձեր ինքնակենսագրությունը և կոնտակտային տվյալները մինչև հունիսի 30-ը։

Փաստաթղթերն ուղարկել հետևյալ հասցեով; [email protected]

Խնդրում ենք վերնագրի դաշտում նշել «Քննադատական մտածողության դպրոց Ջավախքում»:

Ջավախքում Քննադատական մտածողության դպրոցի իրականացումը հնարավոր է դարձել «Աջակցություն Վրաստանում հավասարության, համերաշխության և սոցիալական խաղաղության» ծրագրի շրջանակներում, որն իրականացվում է Սոցիալական արդարության կենտրոնի կողմից Վրաստանում Շվեյցարիայի դեսպանատան աջակցությամբ ։

ლგბტი უფლებები / განცხადება

სოციალური სამართლიანობის ცენტრმა საქმეზე "იდენტობა და სხვები საქართველოს წინააღმდეგ" ევროსაბჭოს მინისტრთა კომიტეტს ანგარიში ამ წელსაც წარუდგინა

სოციალური სამართლიანობის ცენტრმა ევროპის საბჭოს მინისტრთა კომიტეტს საქართველოში ლგბტ ადამიანების უფლებრივი მდგომარეობის შესახებ ანგარიში წარუდგინა. როგორც ცნობილია, საქმეზე „იდენტობა და სხვები საქართველოს წინააღმდეგ“ ევროპის ადამიანის უფლებათა სასამართლოს გადაწყვეტილების აღსრულება მინისტრთა კომიტეტს ჯერ არ დაუხურავს და ყოველწლიურად ამოწმებს  საქართველოში ლგბტ პირთა უფლებრივ მდგომარეობას.

წარდგენილ ანგარიშში სოციალური სამართლიანობის ცენტრი კრიტიკულად მიმოიხილავს უკანასკნელ პერიოდში ლგბტ თემის მიმართ გამოვლენილ ძალადობრივ ქმედებებზე სახელმწიფოს რეაგირებას, ულტრა-მემარჯვენე ჯგუფების მხრიდან ჩადენილი სიძულვილით მოტივირებული დანაშაულების არაეფექტურ გამოძიებებს და იმ ინსტიტუციურ ხარვეზებს, რომლებიც აფერხებს ქვეყანაში ლგბტ პირთა უფლებების დაცვას.

ანგარიშში ხაზგასმულია, რომ სახელმწიფი უწყებები ლოიალურ დამოკიდებულებას ავლენენ ულტრა-მემარჯვენე რადიკალური ჯგუფების, „ალტ-ინფოსა“ და „კონსერვატიული მოძრაობის“ მიმართ და მათ მიერ ჩადენილი ძალადობრივი ქმედებები არასათანადოდ არის გამოძიებული. 2021-2022 წლებში არაერთი მძიმე ძალადობრივი ქმედების მიუხედავად, საქართველოს შინაგან საქმეთა სამინისტრომ და პროკურატურამ არ უზრუნველყვეს ძალადობრივ ქმედებებზე პასუხისმგებელ ორგანიზატორთა გამოვლენა და დასჯა. ჩვენი შეფასებით, „ალტ-ინფოსა“ და „კონსერვატიული მოძრაობის“ მიერ ჩადენილი ძალადობის საქმეებზე არაეფექტიანია სასამართლოს რეაგირებაც. უმეტეს შემთხვევაში ბრალდებული პირების სისხლისსამართლებრივი პასუხისმგებლობა დგება ნაკლებად მძიმე დანაშაულის ჩადენის გამო და სასამართლო მინიმალური სასჯელის დაკისრებით შემოიფარგლება.

უფრო ზუსტად,

  • ანგარიშში აღწერილია 2021 წლის 5-6 ივლისს ლგბტ ჯგუფზე და ჟურნალისტებზე ძალადობის მძიმე ფაქტებზე მიმდინარე გამოძიების შედეგები და აღნიშნულია, რომ პროკურატურამ მხოლოდ რამდენიმე პირის სისხლისსამართლებრივი პასუხისმგებლობა გამოავლინა, რომელთა მიმართაც სასამართლომ მინიმალური სასჯელები გამოიყენა, ცალკეულ შემთხვევაში კი საერთოდ ვერ დაინახა ქმედებებში სიძულვილის მოტივი. ამ დრომდე კი ძალადობის ორგანიზატორების პასუხისმგებლობა არ დამდგარა;
  • ანგარიშში აგრეთვე დეტალურად არის აღწერილი „ალტ-ინფოსა“ და „კონსერვატიული მოძრაობის“ პროფილი, მუშაობის სტრატეგიები და მათი შესაძლო კავშირები ხელისუფლებასთან. ამასთან ჩვენს დოკუმენტში მითითებულია, რომ არსებობს ეჭვები, რომ 2021 წლის 5 ივლისს ძალადობრივი ინციდენტები მართული იყო საქართველოს სახელმწიფო უსაფრთხოების სამსახურის მხრიდან. აღნიშნულ ვარაუდს ჩვენი შეფასებით აძლიერებს, 2022 წლის 11 ივნისს და 2 ივლისს, ტელეკომპანია "პირველის" გადაცემაში "ნოდარ მელაძის შაბათი" გასული სიუჟეტები, სადაც წარმოდგენილი იყო სავარაუდოდ სახელმწიფო უსაფრთხოების სამსახურის თანამშრომლებს შორის მიმოწერა და გაგზავნილი აუდიოფაილები, სადაც ჩანს ინფორმაცია, თუ სავარაუდოდ სახელმწიფო უსაფრთხოების სამსახურის თანამშრომლები როგორ ორგანიზებას უწევდნენ მიმდინარე პროცესებს და ახდენდნენ ძალადობაში ჩართული ადამიანების მობილიზებას, მათ ანაწილებდნენ ლოკაციებზე და აძლევდნენ ინსტრუქციებს.[1]
  • 2021 წლის 5-6 ივლისის მოვლენების გარდა, ანგარიშში ყურადღება გამახვილებულია ულტრა-მემარჯვენე ჯგუფების მხრიდან 2022 წლის განმავლობაში, განსაკუთრბით უკრაინაში ომის დაწყების შემდეგ, საქართველოს სხვადასხვა რეგიონში მათი სამუშაო ოფისების გახსნის პარალელურად, სამოქალაქო აქტივისტების მიმართ ჩადენილ ძალადობრივ ქმედებებზე. ანგარიშში ნიუანსირებულად არის აღწერილი გამოვლენილი ძალადობების ჯაჭვი და აღნიშნულია, რომ სამართალდამცავმა უწყებებმა ეს შემთხვევებიც არაეფექტურად გამოიძიეს და მომხდარი 5 ინციდენტიდან მხოლოდ ერთ შემთხვევაში გამოიკვეთა კონკრეტულ პირთა სისხლისსამართლებრივი პასუხისმგებლობა. თუმცა ამ შემთხვევებშიც არ მომხდარა უშუალო ორგანიზატორების გამოვლენა და პოლიციის თანამშრომლებმა ულტრა-მემარჯვენე ჯგუფების რამდენიმე ლიდერი მხოლოდ ადმინისტრაციული წესით დააკავეს 2022 წლის 2 ივლისს თბილისში "პრიდ-ფესტის" ჩაშლის მცდელობის გამო. 

ანგარიშში აგრეთვე ხაზგასმულია, რომ სახელმწიფოში არ არის შემუშავებული ულტრა-მემარჯვენე ჯგუფების რადიკალურ ძალადობრივ ქმედებებთან გამკლავების სისტემური პოლიტიკა, რომლითაც გამოავლენს ძალადობის მიზეზებს და მოახდენს მათ პრევენციას.

ამასთან ერთად, სახელმწიფოს კვლავ არ გააჩნია ეფექტიანი გეგმა, რომლითაც უზრუნველყოფს ლგბტ პირთა შეკრების თავისუფლების დაცვას და ჰომოფობიის სისტემურ დაძლევას ჩვენს საზოგადოებაში.

2021-2022 წელს გამოვლენილ ინციდენტებზე სახელმწიფოს რეაგირების კრიტიკულ მიმოხილვასთან ერთად, სოციალური სამართლიანობის ცენტრმა მინისტრთა საბჭოს საკუთარი რეკომენდაციებიც წარუდგინა და მიუთითა, რომ საქართველოს ხელისუფლებამ უნდა უზრუნველყოს ლგბტქ+ აქტივისტების მშვიდობიანი შეკრება/მანიფესტაცია და მიიღოს სათანადო პრევენციული ზომები, რათა თავიდან იქნეს არიდებული შეკრების მონაწილეების მიმართ ძალადობა. ჩვენი შეფასებით, მნიშვნელოვანია, რომ ხელისუფლებამ უზრუნველყოს ულტრა-ნაციონალისტური ჯგუფების წევრების მიერ ჩადენილი დანაშაულების ობიექტური გამოძიება, ორგანიზატორთა გამოვლენა და სისხლისსამართლებრივი პასუხისმგებლობის დაკისრება. სოციალური სამართლიანობის ცენტრი არა ერთ რეკომენდაციებს აძლევს სახელმწიფოს ჰომოფობიის სისტემური გამკლავებისა და ულტრა-ნაციონალისტური ჯგუფების მხრიდან მომდინარე ძალადობრივი ექსტრემიზმის ეფექტიანი პრევენციის მიმართულებითაც.

იმედი გვაქვს, რომ მინისტრთა კომიტეტი მხედველობაში მიიღებს ჩვენს ანგარიშში მითითებულ გარემოებებს, რეკომენდაციებს და გააგრძელებს გადაწყვეტილების აღსრულებაზე გაძლიერებულ ზედამხედველობას.

სქოლიო და ბიბლიოგრაფია

[1] შენიშვნა: სიუჟეტების გასვლის შემდგომ სოციალური სამართლიანობის ცენტრმა მოამზადა განცხადება და 2022 წლის აგვისტოს თვეში მიმართა საქართველოს პროკურატურას გამოძიების დაწყების მოთხოვნით, თუმცა ამ დრომდე პროკურატურა არ უზრუნველყოფს გამოძიების დაწყებას და 5 ივლისს ძალადობრივ ქმედებებში სუს-ის თანამშრომლების სავარუდო მონაწილეობის საკითხის გარკვევას.

ინსტრუქცია

  • საიტზე წინ მოძრაობისთვის უნდა გამოიყენოთ ღილაკი „tab“
  • უკან დასაბრუნებლად გამოიყენება ღილაკები „shift+tab“