[Skip to Content]
ENG

სიახლეების გამოწერა

სოფლის თავყრილობა ითხვისში

თუ ცხოვრობ ჭიათურაში, ან მის რომელიმე სოფელში - ითხვისში, შუქრუთში, პერევისაში, და თუ შენც გაწუხებს ის, რაც გარშემო წიაღის მოპოვების შედეგად ხდება, მოდი სოფლის შეკრებაზე 21 მაისს, 2 საათზე, სოფელ ითხვისის დარბაზში. 
 
შეხვედრა სოციალური სამართლიანობის ცენტრისა და საქართველოს ახალგაზრდა იურისტთა ასოციაციის ორგანიზებით ტარდება. ჩვენი მიზანია სოფლის მოსახლეობამ და მათმა მხარდამჭერმა უფლებადამცველმა ორგანიზაციებმა ერთად ვიმსჯელოთ სოფელში არსებულ მდგომარეობაზე და ადგილობრივთა საჭიროებების გადაჭრის სამართლებრივ გზებზე.
 
ამ დრომდე უცნობია მერიის გეგმა უსახლკაროდ დარჩენილ ოჯახებთან დაკავშირებით. მრავალ კითხვას აჩენს მუნიციპალიტეტის და გარემოს ეროვნული სააგენტოს მიერ ამ დრომდე გადადგმული ნაბიჯები: მომზადებული წინასწარი გეოლოგიური დასკვნა ზედაპირულია, შემსწავლელი კომისიის კომპეტენცია და მათი მოკვლევის ფარგლები დაუზუსტებელია, სამხარაულის სახელობის ექსპერტიზის ბიუროს ჩართულობა კი ბუნდოვანია, ისევე როგორც კომპენსაციის დაანგარიშების პროცედურა. წერილი, რომელშიც ადგილობრივი მოსახლეობა სოფლის მეურნეობისა და გარემოს დაცვის სამინისტროს შეკითხვით მიმართავს მდგომარეობის შესწავლისა და უსაფრთხოების უზრუნველსაყოფად დაგეგმილი ღონისძიებების შესახებ ამ დრომდე პასუხგაუცემელია.
 
ამ ვითარებაში მნიშვნელოვანია ადგილობრივი მოსახლეობა სრულყოფილად იცნობდეს საკუთარ უფლებებს და მათ ხელთ არსებულ სამართლებრივ ბერკეტებს.
შრომის უფლება / ინფოგრაფიკა

შრომის ინსპექციის საქმიანობის შეფასება - 2021

ჩვენი კვლევა შრომის ინსპექციის საქმიანობაზე: https://cutt.ly/kOtfCfH

2020 წლის 24 აგვისტოს ჭიათურის მაღაროში სამუშაოს შესრულების დროს 1 ადამიანი გარდაიცვალა. ამის მიუხედავად, ინსპექტირება მაინც არ ჩატარებულა.

შრომის ინსპექციამ საჯარო სამსახურები მხოლოდ გამონაკლის შემთხვევებში შეამოწმა. ერთ-ერთი იყო სოციალური მომსახურების სააგენტო, სადაც შრომის ინსპექცია მხოლოდ მას შემდეგ შევიდა, როცა თანამშრომლებმა შრომითი პირობების გაუმჯობესების მოთხოვნით, კოლექტიური პროტესტი დაიწყეს.

მეორე შემთხვევაში საქპატენტი შემოწმდა. ღია წყაროებით ხელმისაწვდომი ინფორმაციის მიხედვით, ინსპექტირება სავარაუდოდ, გამოყენებული იყო ხელმძღვანელი პირის პოლიტიკური დევნისთვის.

ბოლო ორი წლის განმავლობაში შრომის ინსპექციის საქმიანობის უდიდესი ნაწილი მიემართებოდა ობიექტების შემოწმებას იმ კუთხით, იყო თუ არა დაცული კორონავირუსთან დაკავშირებული რეგულაციები. ამ მასშტაბით კოვიდზე კონცენტრირებამ ინსპექციის მხრიდან ფაქტობრივად, შეუძლებელი გახადა იმ ძირითადი მოვალეობის შესრულება, რასაც მას კანონმდებლობა აკისრებს - შრომითი უფლებებისა და უსაფრთხოების მონიტორინგი.

2021 წლის იანვარ-აგვისტოს შრომის უფლებების ინსპექტირების ოქმების თანახმად, შრომის ინსპექციამ შრომითი უფლებების დარღვევის სიმძიმის მიუხედავად, ყველა ინსპექტირების შემთხვევაში სანქციად მხოლოდ გაფრთხილება გამოიყენა. აღსანიშნავია, რომ შრომის ინსპექციას გაფრთხილების გარდა, შეუძლია ჯარიმის დაკისრება ან დაწესებულებისთვის საქმიანობის შეჩერება.

შრომის ინსპექციის მიერ, დარღვევის სიმძიმის მიუხედავად, დამსაქმებლებისთვის მხოლოდ გაფრთხილების მიცემა, სახდელის თანაზომიერებასთან მიმართებით კითხვას აჩენს და აგრეთვე, დამსაქმებლებში შესაძლოა უსამართლობის განცდასაც ბადებდეს.

ინსტრუქცია

  • საიტზე წინ მოძრაობისთვის უნდა გამოიყენოთ ღილაკი „tab“
  • უკან დასაბრუნებლად გამოიყენება ღილაკები „shift+tab“