სამცხე ჯავახეთი და ქვემო ქართლი სოფლის მეურნეობის პროდუქტებით ლამის მთელს ქვეყანას ამარაგებს. ამ რეგიონებში ეთნიკური სომეხი და აზერბაიჯანელი გლეხები ფაქტობრივად, შიშველი ხელებით შრომობენ:

• მათ ხელი არ მიუწვდებათ მიწის დასამუშავებლად საჭირო თანამედროვე ტექნიკაზე,
• უმცირესობების 85%-ზე მეტს მონაწილეობა არასოდეს მიუღია ისეთ სახელმწიფო პროგრამებში, როგორიცაა: აწარმოე საქართველოში, დანერგე მომავალი, აგროდაზღვევის პროგრამა და სხვა.

სოფლების დიდ ნაწილში სარწყავი წყლის სისტემაც კი არ არის გამართული. გლეხები ხშირად საუბრობენ მიწის რესურსების უსამართლო და დისკრიმინაციულ გადანაწილებაზეც, რომელიც 90-იანებისა და ასევე, ბოლო წლების პრივატიზების ფრაგმენტული და უკონტროლო პროცესის შედეგია.

ამ ყველაფრის მიუხედავად, გლეხები თვითორგანიზებით, საკუთარი შრომითა და მეურნეობის წარმოების ტრადიციული მეთოდებით აგრძელებენ მუშაობას და ქვეყნის მასშტაბით რიგი პროდუქტების წარმოების მაჩვენებლით ლიდერობენ კიდეც.

• ვიდეოში გაგაცნობთ გლეხებს და მათ ყოველდღიურ შრომას. ამავე თემაზე ჩვენ მიერ მომზადებული კვლევა შეგიძლიათ იხილოთ ბმულზე: https://bit.ly/43MHpfO

გაზიარება