საზოგადოებაში თანაცხოვრებისას ადამიანებს ხშირად გვაქვს კონფლიქტი ერთმანეთთან ან სახელმწიფოსთან. უთანხმოების მიზეზები შესაძლოა მრავალფეროვანი იყოს:

• გაგვათავისუფლეს სამსახურიდან;
• გაგვირთულდა ჯანმრთელობის მდგომარეობა, რადგან ჩვენი ექიმი არაპროფესიონალი ან უყურადღებო აღმოჩნდა;
• განქორწინება გვსურს, თუმცა მეუღლესთან ვერ ვთანხმდებით შვილთან დაკავშირებულ უფლებებსა და ვალდებულებებზე;
• პოლიციამ უსაფუძვლოდ დაგვაჯარიმა და ა.შ.

თანამედროვე საზოგადოებაში აუცილებელია, გვქონდეს შესაძლებლობა, უთანხმოებები მშვიდობიანად და კანონის საფუძველზე გადავწყვიტოთ. ასეთ შესაძლებლობას კი დამოუკიდებელი, მიუკერძოებელი, გამჭვირვალე და ანგარიშვალდებული სასამართლო ქმნის !

წინამდებარე ბროშურის მიზანია მოკლედ პასუხი გასცეს საზოგადოებისთვის მნიშვნელოვან კითხვებს: რატომ არის სასამართლო მნიშვნელოვანი ჩვენთვის? როგორ იცავს ის ჩვენს უფლებებს და კანონის უზენაესობას? როგორი უნდა იყოს სასამართლო და მოსამართლე, რომელიც ჩვენს უფლებებს ეფექტურად დაიცავს?

გაზიარება