[Skip to Content]

სიახლეების გამოწერა

ჯავახეთში კრიტიკული პოლიტიკის სკოლის მონაწილეების შერჩევა დაიწყო/Ջավախքում մեկնարկել է Քննադատական ​​քաղաքականության դպրոցի մասնակիցների ընտրությունը

 

Տե՛ս հայերեն թարգմանությունը ստորև

სოციალური სამართლიანობის ცენტრი აცხადებს მიღებას ჯავახეთის რეგიონში კრიტიკული პოლიტიკის სკოლის მონაწილეების შესარჩევად. 

კრიტიკული პოლიტიკის სკოლა, ჩვენი ხედვით, ნახევრად აკადემიური და პოლიტიკური სივრცეა, რომელიც მიზნად ისახავს სოციალური სამართლიანობის, თანასწორობის და დემოკრატიის საკითხებით დაინტერესებულ ახალგაზრდა აქტივისტებსა და თემის ლიდერებში კრიტიკული ცოდნის გაზიარებას და კოლექტიური მსჯელობისა და საერთო მოქმედების პლატფორმის შექმნას.

კრიტიკული პოლიტიკის სკოლა თეორიული ცოდნის გაზიარების გარდა, წარმოადგენს მისი მონაწილეების ურთიერთგაძლიერების, შეკავშირებისა და საერთო ბრძოლების გადაკვეთების ძიების ხელშემწყობ სივრცეს.

კრიტიკული პოლიტიკის სკოლის მონაწილეები შეიძლება გახდნენ ჯავახეთის რეგიონში (ახალქალაქის, ნინოწმინდისა და ახალციხის მუნიციპალიტეტებში) მოქმედი ან ამ რეგიონით დაინტერესებული სამოქალაქო აქტივისტები, თემის ლიდერები და ახალგაზრდები, რომლებიც უკვე მონაწილეობენ, ან აქვთ ინტერესი და მზადყოფნა მონაწილეობა მიიღონ დემოკრატიული, თანასწორი და სოლიდარობის იდეებზე დაფუძნებული საზოგადოების მშენებლობაში.  

პლატფორმის ფარგლებში წინასწარ მომზადებული სილაბუსის საფუძველზე ჩატარდება 16 თეორიული ლექცია/დისკუსია სოციალური, პოლიტიკური და ჰუმანიტარული მეცნიერებებიდან, რომელსაც სათანადო აკადემიური გამოცდილების მქონე პირები და აქტივისტები წაიკითხავენ.  პლატფორმის მონაწილეების საჭიროებების გათვალისწინებით, ასევე დაიგეგმება სემინარების ციკლი კოლექტიური მობილიზაციის, სოციალური ცვლილებებისთვის ბრძოლის სტრატეგიებსა და ინსტრუმენტებზე (4 სემინარი).

აღსანიშნავია, რომ სოციალური სამართლიანობის ცენტრს უკვე ჰქონდა ამგვარი კრიტიკული პოლიტიკის სკოლების ორგანიზების კარგი გამოცდილება თბილისში, მარნეულში, აჭარასა  და პანკისში.

კრიტიკული პოლიტიკის სკოლის ფარგლებში დაგეგმილი შეხვედრების ფორმატი:

  • თეორიული ლექცია/დისკუსია
  • გასვლითი ვიზიტები რეგიონებში
  • შერჩეული წიგნის/სტატიის კითხვის წრე
  • პრაქტიკული სემინარები

სკოლის ფარგლებში დაგეგმილ შეხვედრებთან დაკავშირებული ორგანიზაციული დეტალები:

  • სკოლის მონაწილეთა მაქსიმალური რაოდენობა: 25
  • ლექციებისა და სემინარების რაოდენობა: 20
  • სალექციო დროის ხანგრძლივობა: 8 საათი (თვეში 2 შეხვედრა)
  • ლექციათა ციკლის ხანგრძლივობა: 6 თვე (ივლისი-დეკემბერი)
  • ლექციების ჩატარების ძირითადი ადგილი: ნინოწმინდა, თბილისი
  • კრიტიკული სკოლის მონაწილეები უნდა დაესწრონ სალექციო საათების სულ მცირე 80%-ს.

სოციალური სამართლიანობის ცენტრი სრულად დაფარავს  მონაწილეების ტრანსპორტირების ხარჯებს.

შეხვედრებზე უზრუნველყოფილი იქნება სომხურ ენაზე თარგმანიც.

შეხვედრების შინაარსი, გრაფიკი, ხანგრძლივობა და ასევე სხვა ორგანიზაციული დეტალები შეთანხმებული იქნება სკოლის მონაწილეებთან, ადგილობრივი კონტექსტისა და მათი ინტერესების გათვალისწინებით.

მონაწილეთა შერჩევის წესი

პლატფორმაში მონაწილეობის შესაძლებლობა ექნებათ უმაღლესი განათლების მქონე (ან დამამთავრებელი კრუსის) 20 წლიდან 35 წლამდე ასაკის ახალგაზრდებს. 

კრიტიკული პოლიტიკის სკოლაში მონაწილეობის სურვილის შემთხვევაში გთხოვთ, მიმდინარე წლის 30 ივნისამდე გამოგვიგზავნოთ თქვენი ავტობიოგრაფია და საკონტაქტო ინფორმაცია.

დოკუმენტაცია გამოგვიგზავნეთ შემდეგ მისამართზე: [email protected] 

გთხოვთ, სათაურის ველში მიუთითოთ: "კრიტიკული პოლიტიკის სკოლა ჯავახეთში"

ჯავახეთში კრიტიკული პოლიტიკის სკოლის განხორციელება შესაძლებელი გახდა პროექტის „საქართველოში თანასწორობის, სოლიდარობის და სოციალური მშვიდობის მხარდაჭერის“ ფარგლებში, რომელსაც საქართველოში შვეიცარიის საელჩოს მხარდაჭერით სოციალური სამართლიანობის ცენტრი ახორციელებს.

 

Սոցիալական արդարության կենտրոնը հայտարարում է Ջավախքի տարածաշրջանում բնակվող երիտասարդների ընդունելիություն «Քննադատական մտածողության դպրոցում»

Քննադատական մտածողության դպրոցը մեր տեսլականով կիսակադեմիական և քաղաքական տարածք է, որի նպատակն է կիսել քննադատական գիտելիքները երիտասարդ ակտիվիստների և համայնքի լիդեռների հետ, ովքեր հետաքրքրված են սոցիալական արդարությամբ, հավասարությամբ և ժողովրդավարությամբ, և ստեղծել կոլեկտիվ դատողությունների և ընդհանուր գործողությունների հարթակ:

Քննադատական մտածողության դպրոցը, բացի տեսական գիտելիքների տարածումից, ներկայացնում  է որպես տարածք փոխադարձ հնարավորությունների ընդլայնման, մասնակիցների միջև ընդհանուր պայքարի միջոցով խնդիրների հաղթահարման և համախմբման համար։

Քննադատական մտածողության դպրոցի մասնակից կարող են դառնալ Ջավախքի տարածաշրջանի (Նինոծմինդա, Ախալքալաքի, Ախալցիխեի) երտասարդները, ովքեր հետաքրքրված են քաղաքական աքտիվիզմով, գործող ակտիվիստներ, համայնքի լիդեռները և շրջանում բնակվող երտասարդները, ովքեր ունեն շահագրգռվածություն և պատրաստակամություն՝ կառուցելու ժողովրդավարական, հավասարազոր և համերաշխության վրա հիմնված հասարակություն։

Հիմնվելով հարթակի ներսում նախապես պատրաստված ուսումնական ծրագրի վրա՝ 16 տեսական դասախոսություններ/քննարկումներ կկազմակերպվեն սոցիալական, քաղաքական և հումանիտար գիտություններից՝ համապատասխան ակադեմիական փորձ ունեցող անհատների և ակտիվիստների կողմից: Հաշվի առնելով հարթակի մասնակիցների կարիքները՝ նախատեսվում է նաև սեմինարների շարք կոլեկտիվ մոբիլիզացիայի, սոցիալական փոփոխությունների դեմ պայքարի ռազմավարությունների և գործիքների վերաբերյալ  (4 սեմինար):

Հարկ է նշել, որ Սոցիալական արդարության կենտրոնն արդեն ունի նմանատիպ քննադատական քաղաքականության դպրոցներ կազմակերպելու լավ փորձ Թբիլիսիում, Մառնեուլիում, Աջարիայում և Պանկիսիում։

Քննադատական քաղաքականության դպրոցի շրջանակներում նախատեսված հանդիպումների ձևաչափը

  • Տեսական դասախոսություն/քննարկում
  • Այցելություններ/հանդիպումներ տարբեր մարզերում
  • Ընթերցանության գիրք / հոդված ընթերցման շրջանակ
  • Գործնական սեմինարներ

Դպրոցի կողմից ծրագրված հանդիպումների կազմակերպչական մանրամասներ

  • Դպրոցի մասնակիցների առավելագույն թիվը՝ 25
  • Դասախոսությունների և սեմինարների քանակը՝ 20
  • Դասախոսության տևողությունը՝ 8 ժամ (ամսական 2 հանդիպում)
  • Դասախոսությունների տևողությունը՝ 6 ամիս (հուլիս-դեկտեմբեր)
  • Դասախոսությունների հիմնական վայրը՝ Նինոծմինդա, Թբիլիսի
  • Քննադատական դպրոցի մասնակիցները պետք է մասնակցեն դասախոսության ժամերի առնվազն 80%-ին:

Սոցիալական արդարության կենտրոնն ամբողջությամբ կհոգա մասնակիցների տրանսպորտային ծախսերը։

Հանդիպումների ժամանակ կապահովվի հայերեն լզվի թարգմանությունը։

Հանդիպումների բովանդակությունը, ժամանակացույցը, տևողությունը և կազմակերպչական այլ մանրամասներ կհամաձայնեցվեն դպրոցի մասնակիցների հետ՝ հաշվի առնելով տեղական համատեքստը և նրանց հետաքրքրությունները:

Մասնակիցների ընտրության ձևաչափը

Դպրոցում մասնակցելու հնարավորություն կնձեռվի բարձրագույն կրթություն ունեցող կամ ավարտական կուրսի 20-ից-35 տարեկան ուսանողներին/երտասարդներին։ 

Եթե ցանկանում եք մասնակցել քննադատական քաղաքականության դպրոցին, խնդրում ենք ուղարկել մեզ ձեր ինքնակենսագրությունը և կոնտակտային տվյալները մինչև հունիսի 30-ը։

Փաստաթղթերն ուղարկել հետևյալ հասցեով; [email protected]

Խնդրում ենք վերնագրի դաշտում նշել «Քննադատական մտածողության դպրոց Ջավախքում»:

Ջավախքում Քննադատական մտածողության դպրոցի իրականացումը հնարավոր է դարձել «Աջակցություն Վրաստանում հավասարության, համերաշխության և սոցիալական խաղաղության» ծրագրի շրջանակներում, որն իրականացվում է Սոցիալական արդարության կենտրոնի կողմից Վրաստանում Շվեյցարիայի դեսպանատան աջակցությամբ ։

სასამართლო სისტემა / ანალიტიკური დოკუმენტები

რატომ არის მნიშვნელოვანი იუსტიციის უმაღლესი სკოლის დამოუკიდებლობა?

სასამართლოს მიმართ საზოგადოების ნდობას, მის ლეგიტიმაციას და დამოუკიდებლობის აღქმას დიდ წილად მოსამართლეების დანიშვნა განაპირობებს. საზოგადოებას აინტერესებს ვინ და როგორ ინიშნება მოსამართლის თანამდებობაზე. ბოლო წლებში ნათლად გამოჩნდა, რომ ცალკეული მიმართულებებით სტატისტიკური მაჩვენებლების ზრდის პოზიტიური დინამიკის მიუხედავად, საზოგადოებას კრიტიკულად განაწყობს და ღრმა უნდობლობას უქმნის სწორედ სასამართლო სისტემის დაკომპლექტების პროცესი. ამ თვალსაზრისით, მრავალი წელია საზოგადოების, მედიის თუ პროფესიული ჯგუფების გაძლიერებული ყურადღება სამართლიანად იუსტიციის უმაღლეს საბჭოსკენ არის მიმართული, თუმცა გარკვეულწილად ყურადღების მიღმა რჩება არანაკლებ მნიშვნელოვანი ორგანო - იუსტიციის უმაღლესი სკოლა.   

სკოლის მთავარ მიზანს საერთო სასამართლოების სისტემაში მოსამართლედ დასანიშნი პირის – იუსტიციის მსმენელის პროფესიული მომზადება წარმოადგენს. იმ მოთხოვნათაგან, რომელიც წაეყენება მოსამართლეობის კანდიდატს ერთ-ერთი  სწორედ იუსტიციის უმაღლესი სკოლის სრული სასწავლო კურსის გავლას გულისხმობს. სკოლა, მცირე გამონაკლისების გარდა, ერთადერთი და ძირითადი გზაა სასამართლო სისტემაში ახალი კადრების შედინებისთვის. ამდენად, თუკი ეს მექანიზმი გამართულად ფუნქციონირებს, იზრდება სასამართლო შემადგენლობის განახლების, გაძლიერების, კვალიფიკაციის ზრდის შესაძლებლობა.  

სტატისტიკური მონაცემები აჩვენებს, რომ 2013-2018 წლებში, მოსამართლეთა შერჩევა-დანიშვნის მიზნით, ჩატარებული 11  კონკურსის  შედეგად დანიშნულ 264 მოსამართლეს შორის მხოლოდ 65-ია იუსტიციის უმაღლესი სკოლის მსმენელი,[1] ხოლო უდიდეს ნაწილს მოქმედი ან ყოფილი მოსამართლეები წარმოადგენენ.

სასამართლოს თემით დაინტერესებული ჯგუფებისთვის ცნობილია, რა მნიშვნელობა ჰქონდა ამ წლებს სასამართლოს შემადგენლობის განახლებისა და სასამართლოს მიმართ საზოგადოების დაკარგული ნდობის დაბრუნებისთვის, განსაკუთრებით იმ პირობებში, როცა მოსამართლეთა საკმაოდ დიდ ნაწილს, უფლებამოსილების ვადა სწორედ ამ პერიოდში ეწურებოდა და სისტემის დემოკრატიულად, სამართლიანად და ღირსეულად განახლების შესაძლებლობა იქმნებოდა.

თუმცა სწორედ ამ პერიოდში, როდესაც ახალი კადრების მიმართ მოთხოვნა განსაკუთრებით მაღალი უნდა ყოფილიყო, იუსტიციის უმაღლესი საბჭოს მიერ იუსტიციის უმაღლესი სკოლის მსმენელთა შესარჩევი კონკურსი მხოლოდ 4-ჯერ გამოცხადდა. ამასთან, რამდენიმე შემთხვევაში,[2] კანდიდატების რეგისტრაციისთვის განსაზღვრული ვადის გასვლიდან რამდენიმე თვიანი ინტერვალის შემდგომ, განაცხადების მიღებისთვის დამატებითი ვადები განისაზღვრა, რამაც საერთო ჯამში კონკურსების გაჭიანურება გამოიწვია. საბჭოს გადაწყვეტილებები კანდიდატთა რეგისტრაციისთვის დამატებითი ვადის დადგენის შესახებ საფუძვლიან ვარაუდს ქმნიდა, რომ საბჭოს განზრახული ჰქონდა მსმენელთა შერჩევის  პროცესის ხელოვნურად გაჭიანურება, რაც საბოლოოდ, მოსამართლეთა ვაკანსიებზე ახალ და ძველ კადრებს შორის კონკურენციას მაქსიმალურად შეამცირებდა და სასამართლოში ძველი მოსამართლეების გადანიშვნის “ლეგიტიმურ” საფუძველს შექმნიდა. 

სწორედ ამ წლებში, სასამართლოს ჰქონდა შესაძლებლობა აღედგინა საზოგადოების ნდობა, თუმცა სისტემის გავლენიანმა ჯგუფმა კიდევ ერთხელ მოახერხა, მათ ინტერესებზე მორგებული პროცესი წარემართა, სისტემაში ახალი კადრების შესვლის პროცესი შეფერხებულიყო და შედეგად მოსამართლის თანამდებობაზე ხელახლა განწესებულიყო არაერთი მოსამართლე, რომელთა კეთილსინდისიერება და პროფესიონალიზმი წარსულში მძიმე და სამართლიან კრიტიკას იწვევდა საზოგადოებაში.

რა გამოწვევების წინაშე დგას იუსტიციის უმაღლესი სკოლა?

კანონმდებლობა ვერ უზრუნველყოფს იუსტიციის უმაღლესი სკოლის სათანადო ინსტიტუციურ და ფუნქციურ დამოუკიდებლობას იუსტიციის უმაღლესი საბჭოსგან. მსმენელთა შერჩევა-მიღების პროცესის ნებისმიერ ეტაპზე საკვანძო როლი იუსტიციის უმაღლეს საბჭოს ენიჭება.

იუსტიციის უმაღლესი სკოლის დამოუკიდებლობის დაბალი ხარისხი სკოლის მსმენელთა მიღების პროცესში სასამართლო სისტემის ჩაკეტვისა და იუსტიციის უმაღლესი საბჭოს მიერ მსმენელთა მიღებისა და მომზადების პროცესზე არასათანადო გავლენის მოხდენისა და საბჭოს თვითნებობის რეალურ საფრთხეს ქმნის.

რა უნდა შეიცვალოს?

იუსტიციის უმაღლესი სკოლის ძირეული და სისტემური რეფორმის აუცილებლობა დამოუკიდებელი სასამართლოს და ხარისხიანი მართლმსაჯულების უზრუნველსაყოფად აუცილებელი წინაპირობაა.

ჯერ კიდევ 2018 წლის დასაწყისში, საერთო სასამართლოების სისტემის “მეოთხე ტალღის” რეფორმის ერთ-ერთ მიმართულებად იუსტიციის უმაღლესი სკოლის რეფორმა დასახელდა. იუსტიციის უმაღლესი სკოლის, როგორც დამოუკიდებელი უწყების, ეფექტიანი ფუნქციონირებისთვის და მსმენელთა შერჩევის პროცესის სათანადოდ წარმართვისთვის:

  • მოსამართლეთა საკვალიფიკაციო გამოცდის დანიშვნის და ჩატარების უფლებამოსილება უნდა გადაეცეს იუსტიციის უმაღლეს სკოლას;
  • იუსტიციის უმაღლეს სკოლას უნდა მიენიჭოს სკოლაში მისაღებ მსმენელთა ოდენობის განსაზღვრის, მსმენელთა შესარჩევი კონკურსის გამოცხადების, ჩატარების და მსმენელთა შერჩევის თაობაზე დასაბუთებული გადაწყვეტილების მიღების უფლებამოსილება;
  • საკანონმდებლო დონეზე უნდა განისაზღვროს სკოლის მსმენელთა შერჩევის ნათელი და ობიექტური კრიტერიუმები და შეფასებისთვის საჭირო წყაროები/საშუალებები და გადაწყვეტილების გასაჩივრების წესი.

სკოლის დამოუკიდებლობის გაზრდამ და სკოლის მსმენელთა მიღების პროცესის სამართლიანმა რეგულირებამ, უნდა გაზარდოს ნდობა პროცესის მიმართ, რაც სისტემაში ახალი კადრების შესვლის წინაპირობა შეიძლება გახდეს.

სქოლიო და ბიბლიოგრაფია

 

[1]საქართველოს იუსტიციის უმაღლესი საბჭოს წერილი №505/577-03-ო.

[2] საქართველოს იუსტიციის უმაღლესი საბჭოს წერილი №495/576-03-ო.

ინსტრუქცია

  • საიტზე წინ მოძრაობისთვის უნდა გამოიყენოთ ღილაკი „tab“
  • უკან დასაბრუნებლად გამოიყენება ღილაკები „shift+tab“