[Skip to Content]
ENG

სიახლეების გამოწერა

სოფლის თავყრილობა ითხვისში

თუ ცხოვრობ ჭიათურაში, ან მის რომელიმე სოფელში - ითხვისში, შუქრუთში, პერევისაში, და თუ შენც გაწუხებს ის, რაც გარშემო წიაღის მოპოვების შედეგად ხდება, მოდი სოფლის შეკრებაზე 21 მაისს, 2 საათზე, სოფელ ითხვისის დარბაზში. 
 
შეხვედრა სოციალური სამართლიანობის ცენტრისა და საქართველოს ახალგაზრდა იურისტთა ასოციაციის ორგანიზებით ტარდება. ჩვენი მიზანია სოფლის მოსახლეობამ და მათმა მხარდამჭერმა უფლებადამცველმა ორგანიზაციებმა ერთად ვიმსჯელოთ სოფელში არსებულ მდგომარეობაზე და ადგილობრივთა საჭიროებების გადაჭრის სამართლებრივ გზებზე.
 
ამ დრომდე უცნობია მერიის გეგმა უსახლკაროდ დარჩენილ ოჯახებთან დაკავშირებით. მრავალ კითხვას აჩენს მუნიციპალიტეტის და გარემოს ეროვნული სააგენტოს მიერ ამ დრომდე გადადგმული ნაბიჯები: მომზადებული წინასწარი გეოლოგიური დასკვნა ზედაპირულია, შემსწავლელი კომისიის კომპეტენცია და მათი მოკვლევის ფარგლები დაუზუსტებელია, სამხარაულის სახელობის ექსპერტიზის ბიუროს ჩართულობა კი ბუნდოვანია, ისევე როგორც კომპენსაციის დაანგარიშების პროცედურა. წერილი, რომელშიც ადგილობრივი მოსახლეობა სოფლის მეურნეობისა და გარემოს დაცვის სამინისტროს შეკითხვით მიმართავს მდგომარეობის შესწავლისა და უსაფრთხოების უზრუნველსაყოფად დაგეგმილი ღონისძიებების შესახებ ამ დრომდე პასუხგაუცემელია.
 
ამ ვითარებაში მნიშვნელოვანია ადგილობრივი მოსახლეობა სრულყოფილად იცნობდეს საკუთარ უფლებებს და მათ ხელთ არსებულ სამართლებრივ ბერკეტებს.
სამართალდამცავი სისტემა / ვიდეო / რეპორტაჟი

„ყველა პოლიციელის ჩვენება ერთნაირია" - გიორგი არობელიძის საქმე

„პოლიციის ჩვენებები ბევრ ფაქტობრივ უზუსტობას შეიცავს და საერთოდ არ ასახავს იმ ღამის რეალობას", - ჟურნალისტი გიორგი არობელიძე იხსენებს 17 დეკემბრის ღამეს, როცა დაკავების შემდეგ, მეგობართან ერთად პოლიციის მხრიდან სხვა მოქალაქეზე ძალადობის ფაქტს შეესწრო.

ძალადობის ფაქტის გაპროტესტებისას ბათუმის მე-6 განყოფილების პოლიციამ გიორგისა და მის მეგობარსაც სცემეს. სასამართლოში გიორგი არობელიძის ინტერესებს სოციალური სამართლიანობის ცენტრი იცავს.

ვიდეოში ჟურნალისტი ყვება სასამართლო პროცესის მიმდინარეობის შესახებ - რატომ აქვს ყველა პოლიციას ერთი და იმავე შინაარსის ჩვენება და რატომ ამბობს ბათუმის მე-6 განყოფილება, რომ იმ ღამეს ვიდეოგადაღება არ ხდებოდა?

ინსტრუქცია

  • საიტზე წინ მოძრაობისთვის უნდა გამოიყენოთ ღილაკი „tab“
  • უკან დასაბრუნებლად გამოიყენება ღილაკები „shift+tab“