[Skip to Content]

სიახლეების გამოწერა

ჯავახეთში კრიტიკული პოლიტიკის სკოლის მონაწილეების შერჩევა დაიწყო/Ջավախքում մեկնարկել է Քննադատական ​​քաղաքականության դպրոցի մասնակիցների ընտրությունը

 

Տե՛ս հայերեն թարգմանությունը ստորև

სოციალური სამართლიანობის ცენტრი აცხადებს მიღებას ჯავახეთის რეგიონში კრიტიკული პოლიტიკის სკოლის მონაწილეების შესარჩევად. 

კრიტიკული პოლიტიკის სკოლა, ჩვენი ხედვით, ნახევრად აკადემიური და პოლიტიკური სივრცეა, რომელიც მიზნად ისახავს სოციალური სამართლიანობის, თანასწორობის და დემოკრატიის საკითხებით დაინტერესებულ ახალგაზრდა აქტივისტებსა და თემის ლიდერებში კრიტიკული ცოდნის გაზიარებას და კოლექტიური მსჯელობისა და საერთო მოქმედების პლატფორმის შექმნას.

კრიტიკული პოლიტიკის სკოლა თეორიული ცოდნის გაზიარების გარდა, წარმოადგენს მისი მონაწილეების ურთიერთგაძლიერების, შეკავშირებისა და საერთო ბრძოლების გადაკვეთების ძიების ხელშემწყობ სივრცეს.

კრიტიკული პოლიტიკის სკოლის მონაწილეები შეიძლება გახდნენ ჯავახეთის რეგიონში (ახალქალაქის, ნინოწმინდისა და ახალციხის მუნიციპალიტეტებში) მოქმედი ან ამ რეგიონით დაინტერესებული სამოქალაქო აქტივისტები, თემის ლიდერები და ახალგაზრდები, რომლებიც უკვე მონაწილეობენ, ან აქვთ ინტერესი და მზადყოფნა მონაწილეობა მიიღონ დემოკრატიული, თანასწორი და სოლიდარობის იდეებზე დაფუძნებული საზოგადოების მშენებლობაში.  

პლატფორმის ფარგლებში წინასწარ მომზადებული სილაბუსის საფუძველზე ჩატარდება 16 თეორიული ლექცია/დისკუსია სოციალური, პოლიტიკური და ჰუმანიტარული მეცნიერებებიდან, რომელსაც სათანადო აკადემიური გამოცდილების მქონე პირები და აქტივისტები წაიკითხავენ.  პლატფორმის მონაწილეების საჭიროებების გათვალისწინებით, ასევე დაიგეგმება სემინარების ციკლი კოლექტიური მობილიზაციის, სოციალური ცვლილებებისთვის ბრძოლის სტრატეგიებსა და ინსტრუმენტებზე (4 სემინარი).

აღსანიშნავია, რომ სოციალური სამართლიანობის ცენტრს უკვე ჰქონდა ამგვარი კრიტიკული პოლიტიკის სკოლების ორგანიზების კარგი გამოცდილება თბილისში, მარნეულში, აჭარასა  და პანკისში.

კრიტიკული პოლიტიკის სკოლის ფარგლებში დაგეგმილი შეხვედრების ფორმატი:

  • თეორიული ლექცია/დისკუსია
  • გასვლითი ვიზიტები რეგიონებში
  • შერჩეული წიგნის/სტატიის კითხვის წრე
  • პრაქტიკული სემინარები

სკოლის ფარგლებში დაგეგმილ შეხვედრებთან დაკავშირებული ორგანიზაციული დეტალები:

  • სკოლის მონაწილეთა მაქსიმალური რაოდენობა: 25
  • ლექციებისა და სემინარების რაოდენობა: 20
  • სალექციო დროის ხანგრძლივობა: 8 საათი (თვეში 2 შეხვედრა)
  • ლექციათა ციკლის ხანგრძლივობა: 6 თვე (ივლისი-დეკემბერი)
  • ლექციების ჩატარების ძირითადი ადგილი: ნინოწმინდა, თბილისი
  • კრიტიკული სკოლის მონაწილეები უნდა დაესწრონ სალექციო საათების სულ მცირე 80%-ს.

სოციალური სამართლიანობის ცენტრი სრულად დაფარავს  მონაწილეების ტრანსპორტირების ხარჯებს.

შეხვედრებზე უზრუნველყოფილი იქნება სომხურ ენაზე თარგმანიც.

შეხვედრების შინაარსი, გრაფიკი, ხანგრძლივობა და ასევე სხვა ორგანიზაციული დეტალები შეთანხმებული იქნება სკოლის მონაწილეებთან, ადგილობრივი კონტექსტისა და მათი ინტერესების გათვალისწინებით.

მონაწილეთა შერჩევის წესი

პლატფორმაში მონაწილეობის შესაძლებლობა ექნებათ უმაღლესი განათლების მქონე (ან დამამთავრებელი კრუსის) 20 წლიდან 35 წლამდე ასაკის ახალგაზრდებს. 

კრიტიკული პოლიტიკის სკოლაში მონაწილეობის სურვილის შემთხვევაში გთხოვთ, მიმდინარე წლის 30 ივნისამდე გამოგვიგზავნოთ თქვენი ავტობიოგრაფია და საკონტაქტო ინფორმაცია.

დოკუმენტაცია გამოგვიგზავნეთ შემდეგ მისამართზე: [email protected] 

გთხოვთ, სათაურის ველში მიუთითოთ: "კრიტიკული პოლიტიკის სკოლა ჯავახეთში"

ჯავახეთში კრიტიკული პოლიტიკის სკოლის განხორციელება შესაძლებელი გახდა პროექტის „საქართველოში თანასწორობის, სოლიდარობის და სოციალური მშვიდობის მხარდაჭერის“ ფარგლებში, რომელსაც საქართველოში შვეიცარიის საელჩოს მხარდაჭერით სოციალური სამართლიანობის ცენტრი ახორციელებს.

 

Սոցիալական արդարության կենտրոնը հայտարարում է Ջավախքի տարածաշրջանում բնակվող երիտասարդների ընդունելիություն «Քննադատական մտածողության դպրոցում»

Քննադատական մտածողության դպրոցը մեր տեսլականով կիսակադեմիական և քաղաքական տարածք է, որի նպատակն է կիսել քննադատական գիտելիքները երիտասարդ ակտիվիստների և համայնքի լիդեռների հետ, ովքեր հետաքրքրված են սոցիալական արդարությամբ, հավասարությամբ և ժողովրդավարությամբ, և ստեղծել կոլեկտիվ դատողությունների և ընդհանուր գործողությունների հարթակ:

Քննադատական մտածողության դպրոցը, բացի տեսական գիտելիքների տարածումից, ներկայացնում  է որպես տարածք փոխադարձ հնարավորությունների ընդլայնման, մասնակիցների միջև ընդհանուր պայքարի միջոցով խնդիրների հաղթահարման և համախմբման համար։

Քննադատական մտածողության դպրոցի մասնակից կարող են դառնալ Ջավախքի տարածաշրջանի (Նինոծմինդա, Ախալքալաքի, Ախալցիխեի) երտասարդները, ովքեր հետաքրքրված են քաղաքական աքտիվիզմով, գործող ակտիվիստներ, համայնքի լիդեռները և շրջանում բնակվող երտասարդները, ովքեր ունեն շահագրգռվածություն և պատրաստակամություն՝ կառուցելու ժողովրդավարական, հավասարազոր և համերաշխության վրա հիմնված հասարակություն։

Հիմնվելով հարթակի ներսում նախապես պատրաստված ուսումնական ծրագրի վրա՝ 16 տեսական դասախոսություններ/քննարկումներ կկազմակերպվեն սոցիալական, քաղաքական և հումանիտար գիտություններից՝ համապատասխան ակադեմիական փորձ ունեցող անհատների և ակտիվիստների կողմից: Հաշվի առնելով հարթակի մասնակիցների կարիքները՝ նախատեսվում է նաև սեմինարների շարք կոլեկտիվ մոբիլիզացիայի, սոցիալական փոփոխությունների դեմ պայքարի ռազմավարությունների և գործիքների վերաբերյալ  (4 սեմինար):

Հարկ է նշել, որ Սոցիալական արդարության կենտրոնն արդեն ունի նմանատիպ քննադատական քաղաքականության դպրոցներ կազմակերպելու լավ փորձ Թբիլիսիում, Մառնեուլիում, Աջարիայում և Պանկիսիում։

Քննադատական քաղաքականության դպրոցի շրջանակներում նախատեսված հանդիպումների ձևաչափը

  • Տեսական դասախոսություն/քննարկում
  • Այցելություններ/հանդիպումներ տարբեր մարզերում
  • Ընթերցանության գիրք / հոդված ընթերցման շրջանակ
  • Գործնական սեմինարներ

Դպրոցի կողմից ծրագրված հանդիպումների կազմակերպչական մանրամասներ

  • Դպրոցի մասնակիցների առավելագույն թիվը՝ 25
  • Դասախոսությունների և սեմինարների քանակը՝ 20
  • Դասախոսության տևողությունը՝ 8 ժամ (ամսական 2 հանդիպում)
  • Դասախոսությունների տևողությունը՝ 6 ամիս (հուլիս-դեկտեմբեր)
  • Դասախոսությունների հիմնական վայրը՝ Նինոծմինդա, Թբիլիսի
  • Քննադատական դպրոցի մասնակիցները պետք է մասնակցեն դասախոսության ժամերի առնվազն 80%-ին:

Սոցիալական արդարության կենտրոնն ամբողջությամբ կհոգա մասնակիցների տրանսպորտային ծախսերը։

Հանդիպումների ժամանակ կապահովվի հայերեն լզվի թարգմանությունը։

Հանդիպումների բովանդակությունը, ժամանակացույցը, տևողությունը և կազմակերպչական այլ մանրամասներ կհամաձայնեցվեն դպրոցի մասնակիցների հետ՝ հաշվի առնելով տեղական համատեքստը և նրանց հետաքրքրությունները:

Մասնակիցների ընտրության ձևաչափը

Դպրոցում մասնակցելու հնարավորություն կնձեռվի բարձրագույն կրթություն ունեցող կամ ավարտական կուրսի 20-ից-35 տարեկան ուսանողներին/երտասարդներին։ 

Եթե ցանկանում եք մասնակցել քննադատական քաղաքականության դպրոցին, խնդրում ենք ուղարկել մեզ ձեր ինքնակենսագրությունը և կոնտակտային տվյալները մինչև հունիսի 30-ը։

Փաստաթղթերն ուղարկել հետևյալ հասցեով; [email protected]

Խնդրում ենք վերնագրի դաշտում նշել «Քննադատական մտածողության դպրոց Ջավախքում»:

Ջավախքում Քննադատական մտածողության դպրոցի իրականացումը հնարավոր է դարձել «Աջակցություն Վրաստանում հավասարության, համերաշխության և սոցիալական խաղաղության» ծրագրի շրջանակներում, որն իրականացվում է Սոցիալական արդարության կենտրոնի կողմից Վրաստանում Շվեյցարիայի դեսպանատան աջակցությամբ ։

მწვანე პოლიტიკა / განცხადება

ხელისუფლების მხრიდან გარემოსდამცველებზე თავდასხმა სახიფათო ტენდენციად იქცა

სოციალური სამართლიანობის ცენტრი ეხმაურება ბოლო პერიოდში გარემოსდამცველებზე, კერძოდ კი, „რიონის ხეობის მცველებზე“, გახშირებულ თავდასხმებს და სოლიდარობას და მხარდაჭერას უცხადებს  ყველა ადგილობრივ გარემოსდაცვით აქტივისტს საქართველოს სხვადასხვა რეგიონიდან, რომლებიც საკუთარ საცხოვრებელ გარემოს იცავენ და სხვადასხვა მასშტაბური პროექტის მიმართ ლეგიტიმურ და დასაბუთებულ შეკითხვებს აჟღერებენ.

საზოგადოებას შევახსენებთ, რომ „ქართული ოცნების“ ლიდერები სადავოდ გამხდარი „რუსული კანონის“ საჭიროების დასაბუთებისას მიუთითებდნენ „ნამახვანი ჰესის“ პროექტის მიმართ წინააღმდეგობის, მათ შორის, რუსული წყაროებიდან დაფინანსებაზე. ეს არგუმენტი არახალია და პროექტის ირგვლივ საჯარო დისკუსიებისას ხშირად გაჟღერებულა, თუმცა არც მაშინ და არც ამჯერად ხელისუფლებას  საზოგადოებისთვის არ წარმოუდგენია არც ერთი ფაქტობრივი გარემოება და მტკიცებულება  ამ ბრალდების გასამყარებლად. 

შესაბამისად, იმ პირობებში, როდესაც ხელისუფლების წარმომადგენლები თავს ვალდებულად არ თვლიან, საკუთარი განცხადებები კონკრეტული მტკიცებულებებით დაასაბუთონ, მსგავსი ბრალდება შეიძლება გაჟღერდეს ნებისმიერი ჯგუფის მიმართ, რომელიც ხელისუფლების მიერ მიღებული გადაწყვეტილების მართებულებას ეჭვქვეშ დააყენებს.

„რიონის ხეობის მცველების“ შეთავაზებას ამ საკითხზე დებატების შესახებ „ქართული ოცნებამ“  შეურაცხმყოფელი განცხადებით უპასუხა, რითაც კიდევ ერთხელ, გამოჩნდა რომ საგნობრივი, კონკრეტულ ფაქტებზე და მტკიცებულებებზე დაფუძნებული მსჯელობის ნაცვლად, ხელისუფლების მიზანი კრიტიკული აზრის „გაშავებაა“. როგორც ბოლო პერიოდშიც გამოჩნდა, კრიტიკულად განწყობილი ჯგუფებისთვის იარლიყის მიკერება და დისკრედიტაცია სწორედ  ის სტრატეგიაა, რომელსაც „ქართული ოცნების“ ხელისუფლება იყენებს.

ჩვენი ორგანიზაცია სრულად იზიარებს ქვეყნის ენერგოუსაფრთოეხების და საქართველოს ეკონომიკაში, მათ შორის, ენერგოობიექტებში რუსული კაპიტალის[1] გონივრული კონტროლის ინტერესებს, თუმცა ამ საკითხზე ხელისუფლების საჯარო განცხადებები და ნაბიჯები არ გვახსოვს. ამის ნაცვლად, ვხედავთ იმ ჯგუფების შევიწროების მცდელობას, რომელთა წუხილების და არგუმენტების ნაწილის მართებულობაც თავის დროზე, თავად პრემიერ-მინისტრმაც დაადასტურა, რომელმაც, გაიზიარა რა ხელშეკრულების მიმართ არსებული კრიტიკა, აღნიშნა, რომ პროექტი არსებული პირობებით არ გაგრძელდებოდა. აღარაფერს ვამბობთ, ნამახვანი ჰესის ხელშეკრულებაზე იუსტიციის სამინისტროს კრიტიკულ დასკვნაზე და იმ გარემოებაზე, რომ ფინანსთა სამინისტროს აღიარებით, მას პროექტზე კანონმდებლობით მოთხოვნილი  დადებითი დასკვნა არ გაუცია.

მიგვაჩნია, რომ ამგვარი ბრალდებები ხელისუფლების და მმართველი პარტიის ლიდერების მხრიდან ეწინააღმდეგება საქართველოს კონსტიტუციით გარანტირებულ გარემოს დაცვის და მონაწილეობის უფლებებს, ისევე როგორც საქართველოს მიერ სავალდებულოდ აღიარებულ საერთაშორისო კონვენციებს,  რომლებიც მოითხოვს, რომ პირები, რომლებიც გარემოსდაცვით უფლებებს ახორციელებენ, არ უნდა იყვნენ დასჯილი; დევნილი ან რაიმე ფორმით შევიწროებული.[2]

მტკიცედ გვჯერა, რომ ადგილობრივი მოსახლეობის ინტერესების და უფლებების უგულებელყოფით, სამართლებრივი დარღვევებით და საჯარო ინტერესთან შესაბამისობის  შეფასების გარეშე დაგეგმილი ნებისმიერი პროექტი  არ შეესაბამება ქვეყნის ეროვნულ ინტერესებს და არსებული პრობლემების გრძელვადიან და მდგრად გადაწყვეტას ვერ უზრუნველყოფს.

ზემოაღნიშნულიდან გამომდინარე, მოვუწოდებთ ხელისუფლებას შეწყვიტოს დაუსაბუთებელი ბრალდებები გარემოსდამცველების მიმართ და პატივი სცეს, საქართველოს კონსტიტუციითა და საერთაშორისო ხელშეკრულებებით გარანტირებულ ძირითად უფლებებს.

სქოლიო და ბიბლიოგრაფია

[1] იხ., IDFI, „რუსული კაპიტალი ქართულ ბიზნესში “, 2022 წელი. ხელმისაწვდომია:  https://bit.ly/3Z4V5Q1.

[2] იხ., კონვენცია გარემოსდაცვით საკითხებთან დაკავშირებული ინფორმაციის ხელმისაწვდომობის, გადაწყვეტილებების მიღების პროცესში საზოგადოების მონაწილეობისა და ამ სფეროში მართლმსაჯულების საკითხებზე ხელმისაწვდომობის შესახებ, მუხლი 3.8. ქართულ ენაზე ხელმისაწვდომია: https://matsne.gov.ge/document/view/1210443?publication=0.

ინსტრუქცია

  • საიტზე წინ მოძრაობისთვის უნდა გამოიყენოთ ღილაკი „tab“
  • უკან დასაბრუნებლად გამოიყენება ღილაკები „shift+tab“