[Skip to Content]
ENG

სიახლეების გამოწერა

სოფლის თავყრილობა ითხვისში

თუ ცხოვრობ ჭიათურაში, ან მის რომელიმე სოფელში - ითხვისში, შუქრუთში, პერევისაში, და თუ შენც გაწუხებს ის, რაც გარშემო წიაღის მოპოვების შედეგად ხდება, მოდი სოფლის შეკრებაზე 21 მაისს, 2 საათზე, სოფელ ითხვისის დარბაზში. 
 
შეხვედრა სოციალური სამართლიანობის ცენტრისა და საქართველოს ახალგაზრდა იურისტთა ასოციაციის ორგანიზებით ტარდება. ჩვენი მიზანია სოფლის მოსახლეობამ და მათმა მხარდამჭერმა უფლებადამცველმა ორგანიზაციებმა ერთად ვიმსჯელოთ სოფელში არსებულ მდგომარეობაზე და ადგილობრივთა საჭიროებების გადაჭრის სამართლებრივ გზებზე.
 
ამ დრომდე უცნობია მერიის გეგმა უსახლკაროდ დარჩენილ ოჯახებთან დაკავშირებით. მრავალ კითხვას აჩენს მუნიციპალიტეტის და გარემოს ეროვნული სააგენტოს მიერ ამ დრომდე გადადგმული ნაბიჯები: მომზადებული წინასწარი გეოლოგიური დასკვნა ზედაპირულია, შემსწავლელი კომისიის კომპეტენცია და მათი მოკვლევის ფარგლები დაუზუსტებელია, სამხარაულის სახელობის ექსპერტიზის ბიუროს ჩართულობა კი ბუნდოვანია, ისევე როგორც კომპენსაციის დაანგარიშების პროცედურა. წერილი, რომელშიც ადგილობრივი მოსახლეობა სოფლის მეურნეობისა და გარემოს დაცვის სამინისტროს შეკითხვით მიმართავს მდგომარეობის შესწავლისა და უსაფრთხოების უზრუნველსაყოფად დაგეგმილი ღონისძიებების შესახებ ამ დრომდე პასუხგაუცემელია.
 
ამ ვითარებაში მნიშვნელოვანია ადგილობრივი მოსახლეობა სრულყოფილად იცნობდეს საკუთარ უფლებებს და მათ ხელთ არსებულ სამართლებრივ ბერკეტებს.
ეთნიკური უმცირესობები / ფოტო

გაზაფხულის ბუნიობა - როგორ აღნიშნავენ ნოვრუზ ბაირამს საქართველოში

გაზაფხულის დადგომას საქართველოს აზერბაიჯანელები განსაკუთრებულად ხვდებიან. ნოვრუზ ბაირამი ახალი წლისა და იმედების გაჩენის დღესასწაულია. ეროვნული ზეიმი, რომელიც ისტორიულად ზოროასტრიზმიდან და ცეცხლთაყვანისმცემლობიდან მოდის, თუმცა დღეს ის ახალი წლის მოსვლას უკავშირდება.
ოფიციალურად, 21 მარტია ნოვრუზ ბაირამის, იგივე - გაზაფხულის ბუნიობის თარიღი, თუმცა იქამდე საქართველოს აზერბაიჯანელები ოთხ ჩერშენბეს, ანუ ოთხშაბათს აღნიშნავენ. ესაა ოთხი სტიქიის: ცეცხლის, წყლის, ქარისა და ბოლოს, მიწის გამოღვიძების სიმბოლური დღეები.
ამ დღეებში ამზადებენ ტრადიციულ კერძებს, სუფრაზე უამრავი ტკბილეული ჩნდება. სპეციალურად ამ დღისთვის მზადდება სამი სახის ნამცხვარი: „შაქარბურა“, „გოღალი“ და „ფახლავა“. ჯეჯილი და შეღებილი კვერცები ყველა ოჯახშია; ბავშვები დადიან სახლებში და ტკბილეულს აგროვებენ, საღამოობით ანთებენ ცეცხლს და ერთმანეთს მხოლოდ კარგ სურვილებს უთქვამენ.
თუმცა, ყოველ ჯერზე, როცა საქართველოს აზერბაიჯანელებს მთავრობის წარმომადგენლები ნოვრუზს ულოცავენ, ისლამსა და რელიგიას ახსენებენ. საქართველოს აზერბაიჯანელებს კი, მუდმივად იმის ახსნა უწევთ, რომ ნოვრუზს არანაირი კავშირი არ აქვს რელიგიასთან და ეს წმინდად ეროვნული ზეიმი და დღესასწაულია.
2010 წელს გაეროს გენერალურმა ასამბლეამ ნოვრუზი საერთაშორისო დღედ აღიარა. 2009 წლის 28 სექტემბრის იუნესკოს სამიტზე ნოვრუზი ოფიციალურად იქნა შეტანილი კაცობრიობის არამატერიალური კულტურული მემკვიდრეობის სიაში. თუმცა, საქართველოში დღემდე არაა ნოვრუზი უქმედ გამოცხადებული.

ინსტრუქცია

  • საიტზე წინ მოძრაობისთვის უნდა გამოიყენოთ ღილაკი „tab“
  • უკან დასაბრუნებლად გამოიყენება ღილაკები „shift+tab“