[Skip to Content]

სიახლეების გამოწერა

ჯავახეთში კრიტიკული პოლიტიკის სკოლის მონაწილეების შერჩევა დაიწყო/Ջավախքում մեկնարկել է Քննադատական ​​քաղաքականության դպրոցի մասնակիցների ընտրությունը

 

Տե՛ս հայերեն թարգմանությունը ստորև

სოციალური სამართლიანობის ცენტრი აცხადებს მიღებას ჯავახეთის რეგიონში კრიტიკული პოლიტიკის სკოლის მონაწილეების შესარჩევად. 

კრიტიკული პოლიტიკის სკოლა, ჩვენი ხედვით, ნახევრად აკადემიური და პოლიტიკური სივრცეა, რომელიც მიზნად ისახავს სოციალური სამართლიანობის, თანასწორობის და დემოკრატიის საკითხებით დაინტერესებულ ახალგაზრდა აქტივისტებსა და თემის ლიდერებში კრიტიკული ცოდნის გაზიარებას და კოლექტიური მსჯელობისა და საერთო მოქმედების პლატფორმის შექმნას.

კრიტიკული პოლიტიკის სკოლა თეორიული ცოდნის გაზიარების გარდა, წარმოადგენს მისი მონაწილეების ურთიერთგაძლიერების, შეკავშირებისა და საერთო ბრძოლების გადაკვეთების ძიების ხელშემწყობ სივრცეს.

კრიტიკული პოლიტიკის სკოლის მონაწილეები შეიძლება გახდნენ ჯავახეთის რეგიონში (ახალქალაქის, ნინოწმინდისა და ახალციხის მუნიციპალიტეტებში) მოქმედი ან ამ რეგიონით დაინტერესებული სამოქალაქო აქტივისტები, თემის ლიდერები და ახალგაზრდები, რომლებიც უკვე მონაწილეობენ, ან აქვთ ინტერესი და მზადყოფნა მონაწილეობა მიიღონ დემოკრატიული, თანასწორი და სოლიდარობის იდეებზე დაფუძნებული საზოგადოების მშენებლობაში.  

პლატფორმის ფარგლებში წინასწარ მომზადებული სილაბუსის საფუძველზე ჩატარდება 16 თეორიული ლექცია/დისკუსია სოციალური, პოლიტიკური და ჰუმანიტარული მეცნიერებებიდან, რომელსაც სათანადო აკადემიური გამოცდილების მქონე პირები და აქტივისტები წაიკითხავენ.  პლატფორმის მონაწილეების საჭიროებების გათვალისწინებით, ასევე დაიგეგმება სემინარების ციკლი კოლექტიური მობილიზაციის, სოციალური ცვლილებებისთვის ბრძოლის სტრატეგიებსა და ინსტრუმენტებზე (4 სემინარი).

აღსანიშნავია, რომ სოციალური სამართლიანობის ცენტრს უკვე ჰქონდა ამგვარი კრიტიკული პოლიტიკის სკოლების ორგანიზების კარგი გამოცდილება თბილისში, მარნეულში, აჭარასა  და პანკისში.

კრიტიკული პოლიტიკის სკოლის ფარგლებში დაგეგმილი შეხვედრების ფორმატი:

  • თეორიული ლექცია/დისკუსია
  • გასვლითი ვიზიტები რეგიონებში
  • შერჩეული წიგნის/სტატიის კითხვის წრე
  • პრაქტიკული სემინარები

სკოლის ფარგლებში დაგეგმილ შეხვედრებთან დაკავშირებული ორგანიზაციული დეტალები:

  • სკოლის მონაწილეთა მაქსიმალური რაოდენობა: 25
  • ლექციებისა და სემინარების რაოდენობა: 20
  • სალექციო დროის ხანგრძლივობა: 8 საათი (თვეში 2 შეხვედრა)
  • ლექციათა ციკლის ხანგრძლივობა: 6 თვე (ივლისი-დეკემბერი)
  • ლექციების ჩატარების ძირითადი ადგილი: ნინოწმინდა, თბილისი
  • კრიტიკული სკოლის მონაწილეები უნდა დაესწრონ სალექციო საათების სულ მცირე 80%-ს.

სოციალური სამართლიანობის ცენტრი სრულად დაფარავს  მონაწილეების ტრანსპორტირების ხარჯებს.

შეხვედრებზე უზრუნველყოფილი იქნება სომხურ ენაზე თარგმანიც.

შეხვედრების შინაარსი, გრაფიკი, ხანგრძლივობა და ასევე სხვა ორგანიზაციული დეტალები შეთანხმებული იქნება სკოლის მონაწილეებთან, ადგილობრივი კონტექსტისა და მათი ინტერესების გათვალისწინებით.

მონაწილეთა შერჩევის წესი

პლატფორმაში მონაწილეობის შესაძლებლობა ექნებათ უმაღლესი განათლების მქონე (ან დამამთავრებელი კრუსის) 20 წლიდან 35 წლამდე ასაკის ახალგაზრდებს. 

კრიტიკული პოლიტიკის სკოლაში მონაწილეობის სურვილის შემთხვევაში გთხოვთ, მიმდინარე წლის 30 ივნისამდე გამოგვიგზავნოთ თქვენი ავტობიოგრაფია და საკონტაქტო ინფორმაცია.

დოკუმენტაცია გამოგვიგზავნეთ შემდეგ მისამართზე: [email protected] 

გთხოვთ, სათაურის ველში მიუთითოთ: "კრიტიკული პოლიტიკის სკოლა ჯავახეთში"

ჯავახეთში კრიტიკული პოლიტიკის სკოლის განხორციელება შესაძლებელი გახდა პროექტის „საქართველოში თანასწორობის, სოლიდარობის და სოციალური მშვიდობის მხარდაჭერის“ ფარგლებში, რომელსაც საქართველოში შვეიცარიის საელჩოს მხარდაჭერით სოციალური სამართლიანობის ცენტრი ახორციელებს.

 

Սոցիալական արդարության կենտրոնը հայտարարում է Ջավախքի տարածաշրջանում բնակվող երիտասարդների ընդունելիություն «Քննադատական մտածողության դպրոցում»

Քննադատական մտածողության դպրոցը մեր տեսլականով կիսակադեմիական և քաղաքական տարածք է, որի նպատակն է կիսել քննադատական գիտելիքները երիտասարդ ակտիվիստների և համայնքի լիդեռների հետ, ովքեր հետաքրքրված են սոցիալական արդարությամբ, հավասարությամբ և ժողովրդավարությամբ, և ստեղծել կոլեկտիվ դատողությունների և ընդհանուր գործողությունների հարթակ:

Քննադատական մտածողության դպրոցը, բացի տեսական գիտելիքների տարածումից, ներկայացնում  է որպես տարածք փոխադարձ հնարավորությունների ընդլայնման, մասնակիցների միջև ընդհանուր պայքարի միջոցով խնդիրների հաղթահարման և համախմբման համար։

Քննադատական մտածողության դպրոցի մասնակից կարող են դառնալ Ջավախքի տարածաշրջանի (Նինոծմինդա, Ախալքալաքի, Ախալցիխեի) երտասարդները, ովքեր հետաքրքրված են քաղաքական աքտիվիզմով, գործող ակտիվիստներ, համայնքի լիդեռները և շրջանում բնակվող երտասարդները, ովքեր ունեն շահագրգռվածություն և պատրաստակամություն՝ կառուցելու ժողովրդավարական, հավասարազոր և համերաշխության վրա հիմնված հասարակություն։

Հիմնվելով հարթակի ներսում նախապես պատրաստված ուսումնական ծրագրի վրա՝ 16 տեսական դասախոսություններ/քննարկումներ կկազմակերպվեն սոցիալական, քաղաքական և հումանիտար գիտություններից՝ համապատասխան ակադեմիական փորձ ունեցող անհատների և ակտիվիստների կողմից: Հաշվի առնելով հարթակի մասնակիցների կարիքները՝ նախատեսվում է նաև սեմինարների շարք կոլեկտիվ մոբիլիզացիայի, սոցիալական փոփոխությունների դեմ պայքարի ռազմավարությունների և գործիքների վերաբերյալ  (4 սեմինար):

Հարկ է նշել, որ Սոցիալական արդարության կենտրոնն արդեն ունի նմանատիպ քննադատական քաղաքականության դպրոցներ կազմակերպելու լավ փորձ Թբիլիսիում, Մառնեուլիում, Աջարիայում և Պանկիսիում։

Քննադատական քաղաքականության դպրոցի շրջանակներում նախատեսված հանդիպումների ձևաչափը

  • Տեսական դասախոսություն/քննարկում
  • Այցելություններ/հանդիպումներ տարբեր մարզերում
  • Ընթերցանության գիրք / հոդված ընթերցման շրջանակ
  • Գործնական սեմինարներ

Դպրոցի կողմից ծրագրված հանդիպումների կազմակերպչական մանրամասներ

  • Դպրոցի մասնակիցների առավելագույն թիվը՝ 25
  • Դասախոսությունների և սեմինարների քանակը՝ 20
  • Դասախոսության տևողությունը՝ 8 ժամ (ամսական 2 հանդիպում)
  • Դասախոսությունների տևողությունը՝ 6 ամիս (հուլիս-դեկտեմբեր)
  • Դասախոսությունների հիմնական վայրը՝ Նինոծմինդա, Թբիլիսի
  • Քննադատական դպրոցի մասնակիցները պետք է մասնակցեն դասախոսության ժամերի առնվազն 80%-ին:

Սոցիալական արդարության կենտրոնն ամբողջությամբ կհոգա մասնակիցների տրանսպորտային ծախսերը։

Հանդիպումների ժամանակ կապահովվի հայերեն լզվի թարգմանությունը։

Հանդիպումների բովանդակությունը, ժամանակացույցը, տևողությունը և կազմակերպչական այլ մանրամասներ կհամաձայնեցվեն դպրոցի մասնակիցների հետ՝ հաշվի առնելով տեղական համատեքստը և նրանց հետաքրքրությունները:

Մասնակիցների ընտրության ձևաչափը

Դպրոցում մասնակցելու հնարավորություն կնձեռվի բարձրագույն կրթություն ունեցող կամ ավարտական կուրսի 20-ից-35 տարեկան ուսանողներին/երտասարդներին։ 

Եթե ցանկանում եք մասնակցել քննադատական քաղաքականության դպրոցին, խնդրում ենք ուղարկել մեզ ձեր ինքնակենսագրությունը և կոնտակտային տվյալները մինչև հունիսի 30-ը։

Փաստաթղթերն ուղարկել հետևյալ հասցեով; [email protected]

Խնդրում ենք վերնագրի դաշտում նշել «Քննադատական մտածողության դպրոց Ջավախքում»:

Ջավախքում Քննադատական մտածողության դպրոցի իրականացումը հնարավոր է դարձել «Աջակցություն Վրաստանում հավասարության, համերաշխության և սոցիալական խաղաղության» ծրագրի շրջանակներում, որն իրականացվում է Սոցիալական արդարության կենտրոնի կողմից Վրաստանում Շվեյցարիայի դեսպանատան աջակցությամբ ։

სამართალდამცავი სისტემა / განცხადება

EMC პოლიციის მხრიდან ძალადობის შესაძლო შემთხვევებს ეხმაურება

EMC ეხმიანება მედიაში გავრცელებულ ინფორმაციას პოლიციის მხრიდან ძალის გადამეტების შესაძლო შემთხვევებზე და მოუწოდებს სამართალდამცავი ორგანოების ხელმძღვანელობას, უზრუნველყოს პოლიციის თანამშრომლების მხრიდან მოვალეობების კანონიერად შესრულება, რა დროსაც მაქსიმალურად იქნება დაცული ადამიანის უფლებები და თავისუფლებები.

საგანგებო მდგომარეობის პერიოდში, არაერთხელ გავრცელდა ინფორმაცია სამართალდამცავების მხრიდან ძალის გადამეტების და მოქალაქეებზე ძალადობის შესაძლო ფაქტებზე. შემთხვევები ძირითადად უკავშირდება რეგიონებში პოლიციის ქმედებებს, კონკრეტულად კი მარნეულის რაიონში,[1] ბათუმში,[2] ჭიათურასა[3] და ფოთში[4] პოლიციის მიერ საგანგებო მდგომარეობით დადგენილი წესების აღსრულებას.

აუცილებელია, რომ მსგავსი შემთხვევები არ დარჩეს სათანადო რეაგირების გარეშე და პოლიციის მხრიდან ძალის გადამეტების თითოეული შემთხვევა მოკლე დროში იყოს შესწავლილი სრულად და ობიექტურად. ამ მხრივ, დადებითად უნდა შეფასდეს ის ფაქტი, რომ სახელმწიფო ინსპექტორის სამსახურმა უკვე დაიწყო კონკრეტულ შემთხვევების გამოძიება.[5] ამავდროულად, მნიშვნელოვანია, რომ ინსპექტორმა პროაქტიულად მიაწოდოს გამოძიების მსვლელობის თაობაზე მოსახლეობას ინფორმაცია და საგამოძიებო უწყებასთან დაზარალებულ პირთა თანამშრომლობის მზაობის მიუხედავად, კანონმდებლობით მინიჭებული ყველა ბერკეტის გამოყენებით, დროულად გამოავლინოს დანაშაულში შესაძლო პასუხისმგებელი პირები.

აგრეთვე, მოქალაქეების უფლებების უსაფუძვლოდ შეზღუდვის პრევენციისთვის, კრიტიკულად მნიშვნელოვანია, არსებობდეს ნათელი ინსტრუქციები, თუ როგორ მოქმედებენ საგანგებო მდგომარეობის პირობებში პოლიციელები, რა საფუძვლებით შეუძლიათ მოქალაქეთა უფლებების შეზღუდვა და რა ვალდებულებები აქვთ მათ ამ დროს. მსგავსი შინაარსის  ინსტრუქციები პოლიციის საქმიანობას მეტად განჭვრეტადს გახდის და უზრუნველყოფს მოქალაქეების ინფორმირებულობას. აღსანიშნავია, რომ EMC-მ ჯერ კიდევ 30 მარტს მიმართა შინაგან საქმეთა სამინისტროს და უწყებიდან გამოითხოვა ინფორმაცია, თუ რა ტიპის შიდა-ინსტრუქციები აქვთ სამართალდამცავებს  საგანგებო მდგომარეობაში უფლებამოსილებების განხორციელებასთან დაკავშირებით. აღნიშნული ინფორმაციის დაინტერესებული აქტორებისთვის დროული მიწოდება განსაკუთრებით მნიშნველოვანია საგანგებო მდგომარეობის არსებობის პირობებში, როდესაც მოქალაქეებთან სამართალდამცავი ორგანოს წარმომადგენელთა ყოველდღიური კონტაქტი ინტენსიურ ხასიათს ატარებს.

სამწუხაროა, რომ შინაგან საქმეთა სამინისტროს ხელმძღვანელობას ამ დრომდე არ გაუკეთებია რაიმე კომენტარი მედიაში გავრცელებულ სავარაუდო არასათანადო მოპყრობის შემთხვევებთან დაკავშირებით, მეტიც, პოლიციის თანამშრომლების მხრიდან მოქალაქის მიმართ ჭიათურაში მომხდარი სავარაუდო ძალადობის ფაქტი შინაგან საქმეთა მინისტრმა წინასწარ უარყო[6] იმ პირობებში, როდესაც საქმეზე გამოძიება და საბოლოო დასკვნების გამოტანა სხვა საგამოძიებო უწყების კომპეტენციაა.

ყოველივე ზემოაღნიშნულის ფონზე, EMC მოუწოდებს:

საქართველოს შინაგან საქმეთა სამინისტროს:

  • პოლიციამ კრიზისულ ვითარებაში კანონით მინიჭებული უფლებამოსილებების განხორციელებისას იხელმძღვანელოს ადამიანის უფლებების მაღალი სტანდარტებით;
  • უზრუნველყოს პოლიციის მხრიდან მოქალაქეთა უფლებების დაუსაბუთებელი შეზღუდვის პრაქტიკების აღკვეთა, აქტიურად გამოიყენოს შიდა-ინსპექტირების მექანიზმები სამართალდამცავთა დისციპლინური გადაცდომების გამოსავლენად და მათზე რეაგირებისთვის, ასევე მიაწოდოს საზოგადოებას ინფორმაცია გატარებული ღონისძიებებთან დაკავშირებით;
  • უწყებამ გაასაჯაროოს საგანგებო მდგომარეობის ფარგლებში სამართალდამცავ პირთა სამოქმედო შიდა ინსტრუქციები, ასეთის არსებობის პირობებში.

სახელმწიფო ინსპექტორის სამსახურს:

  • დროულად და ეფექტიანად გამოიძიოს პოლიციის მხრიდან შესაძლო დანაშაულის ის შემთხვევები, რომლებიც სამსახურის საგამოძიებო კომპეტენციას ექვემდებარება;
  • საგამოძიები ინტერესებისა და პერსონალური მონაცემების დაცვით, უზრუნველყოს საზოგადოების ინფორმირება კონკრეტულ საქმეებზე გატარებული ღონისძიებების და მათზე დამდგარი შედეგების თაობაზე.

სქოლიო და ბიბლიოგრაფია

[1] მიმდინარე წლის 28 მარტის შემთხვევა, სადაც მოქალაქე აცხადებს, რომ მას უსაფუძვლოდ გამოუწერა პოლიციამ ადმინისტრაციული ჯარიმა, EMC, 31.03.2020. https://emc.org.ge/ka/products/emc-bolnissa-da-marneulshi-politsias-temze-da-adamianis-uflebebze-orientirenuli-mushaobis-gadzlierebisken-moutsodebs

[2] მიმდინარე წლის 2 აპრილს მომხდარი შემთხვევა, სადაც მოქალაქე საუბრობს პოლიციის მხრიდან ფიზიკურ ძალადობაზე, ჟურნალი ბათუმელები, 03.04.2020. https://batumelebi.netgazeti.ge/news/266594/

[3] ჭიათურაში მომხდარი შემთხვევა, სადაც ასევე შესაძლოა იკვეთებოდეს პოლიციის მხრიდან ძალის გადამეგება, Newposts.ge, 09.04.2020. https://www.newposts.ge/?l=G&id=228581-%E1%83%AB%E1%83%90%E1%83%9A%E1%83%90%E1%83%93%E1%83%9D%E1%83%91%E1%83%90,%20%E1%83%9E%E1%83%9D%E1%83%9A%E1%83%98%E1%83%AA%E1%83%98%E1%83%90&fbclid=IwAR1ayBl_V7DN_Y1STohfU83xm9VL-VJQrKGXZILZuHxT8XGp0ef_fPoYadg

[4] პოლიციის მხრიდან ფოთში მცხოვრებ მოქალაქეზე შესაძლო ძალადობის შემთხვევა, ტელეკომპანია მთავარი, 09.04.2020.   https://www.facebook.com/groups/995944447165975/permalink/2966799963413737/;

[5] სახელმწიფო ინსპექტორის სამსახურმა სისხლის სამართლის კოდექსის 333-ე მუხლით დაიწყო გამოძიება ფოთსა და ჭიათურაში მომხდარ შემთხვევებზე.

[6] საქართველოს შინაგან საქმეთა მინისტრის მიმდინარე წლის 9 აპრილის განცხადება, ხელმისაწვდომია: https://netgazeti.ge/news/441936/.

ინსტრუქცია

  • საიტზე წინ მოძრაობისთვის უნდა გამოიყენოთ ღილაკი „tab“
  • უკან დასაბრუნებლად გამოიყენება ღილაკები „shift+tab“