[Skip to Content]

სიახლეების გამოწერა

ჯავახეთში კრიტიკული პოლიტიკის სკოლის მონაწილეების შერჩევა დაიწყო/Ջավախքում մեկնարկել է Քննադատական ​​քաղաքականության դպրոցի մասնակիցների ընտրությունը

 

Տե՛ս հայերեն թարգմանությունը ստորև

სოციალური სამართლიანობის ცენტრი აცხადებს მიღებას ჯავახეთის რეგიონში კრიტიკული პოლიტიკის სკოლის მონაწილეების შესარჩევად. 

კრიტიკული პოლიტიკის სკოლა, ჩვენი ხედვით, ნახევრად აკადემიური და პოლიტიკური სივრცეა, რომელიც მიზნად ისახავს სოციალური სამართლიანობის, თანასწორობის და დემოკრატიის საკითხებით დაინტერესებულ ახალგაზრდა აქტივისტებსა და თემის ლიდერებში კრიტიკული ცოდნის გაზიარებას და კოლექტიური მსჯელობისა და საერთო მოქმედების პლატფორმის შექმნას.

კრიტიკული პოლიტიკის სკოლა თეორიული ცოდნის გაზიარების გარდა, წარმოადგენს მისი მონაწილეების ურთიერთგაძლიერების, შეკავშირებისა და საერთო ბრძოლების გადაკვეთების ძიების ხელშემწყობ სივრცეს.

კრიტიკული პოლიტიკის სკოლის მონაწილეები შეიძლება გახდნენ ჯავახეთის რეგიონში (ახალქალაქის, ნინოწმინდისა და ახალციხის მუნიციპალიტეტებში) მოქმედი ან ამ რეგიონით დაინტერესებული სამოქალაქო აქტივისტები, თემის ლიდერები და ახალგაზრდები, რომლებიც უკვე მონაწილეობენ, ან აქვთ ინტერესი და მზადყოფნა მონაწილეობა მიიღონ დემოკრატიული, თანასწორი და სოლიდარობის იდეებზე დაფუძნებული საზოგადოების მშენებლობაში.  

პლატფორმის ფარგლებში წინასწარ მომზადებული სილაბუსის საფუძველზე ჩატარდება 16 თეორიული ლექცია/დისკუსია სოციალური, პოლიტიკური და ჰუმანიტარული მეცნიერებებიდან, რომელსაც სათანადო აკადემიური გამოცდილების მქონე პირები და აქტივისტები წაიკითხავენ.  პლატფორმის მონაწილეების საჭიროებების გათვალისწინებით, ასევე დაიგეგმება სემინარების ციკლი კოლექტიური მობილიზაციის, სოციალური ცვლილებებისთვის ბრძოლის სტრატეგიებსა და ინსტრუმენტებზე (4 სემინარი).

აღსანიშნავია, რომ სოციალური სამართლიანობის ცენტრს უკვე ჰქონდა ამგვარი კრიტიკული პოლიტიკის სკოლების ორგანიზების კარგი გამოცდილება თბილისში, მარნეულში, აჭარასა  და პანკისში.

კრიტიკული პოლიტიკის სკოლის ფარგლებში დაგეგმილი შეხვედრების ფორმატი:

  • თეორიული ლექცია/დისკუსია
  • გასვლითი ვიზიტები რეგიონებში
  • შერჩეული წიგნის/სტატიის კითხვის წრე
  • პრაქტიკული სემინარები

სკოლის ფარგლებში დაგეგმილ შეხვედრებთან დაკავშირებული ორგანიზაციული დეტალები:

  • სკოლის მონაწილეთა მაქსიმალური რაოდენობა: 25
  • ლექციებისა და სემინარების რაოდენობა: 20
  • სალექციო დროის ხანგრძლივობა: 8 საათი (თვეში 2 შეხვედრა)
  • ლექციათა ციკლის ხანგრძლივობა: 6 თვე (ივლისი-დეკემბერი)
  • ლექციების ჩატარების ძირითადი ადგილი: ნინოწმინდა, თბილისი
  • კრიტიკული სკოლის მონაწილეები უნდა დაესწრონ სალექციო საათების სულ მცირე 80%-ს.

სოციალური სამართლიანობის ცენტრი სრულად დაფარავს  მონაწილეების ტრანსპორტირების ხარჯებს.

შეხვედრებზე უზრუნველყოფილი იქნება სომხურ ენაზე თარგმანიც.

შეხვედრების შინაარსი, გრაფიკი, ხანგრძლივობა და ასევე სხვა ორგანიზაციული დეტალები შეთანხმებული იქნება სკოლის მონაწილეებთან, ადგილობრივი კონტექსტისა და მათი ინტერესების გათვალისწინებით.

მონაწილეთა შერჩევის წესი

პლატფორმაში მონაწილეობის შესაძლებლობა ექნებათ უმაღლესი განათლების მქონე (ან დამამთავრებელი კრუსის) 20 წლიდან 35 წლამდე ასაკის ახალგაზრდებს. 

კრიტიკული პოლიტიკის სკოლაში მონაწილეობის სურვილის შემთხვევაში გთხოვთ, მიმდინარე წლის 30 ივნისამდე გამოგვიგზავნოთ თქვენი ავტობიოგრაფია და საკონტაქტო ინფორმაცია.

დოკუმენტაცია გამოგვიგზავნეთ შემდეგ მისამართზე: [email protected] 

გთხოვთ, სათაურის ველში მიუთითოთ: "კრიტიკული პოლიტიკის სკოლა ჯავახეთში"

ჯავახეთში კრიტიკული პოლიტიკის სკოლის განხორციელება შესაძლებელი გახდა პროექტის „საქართველოში თანასწორობის, სოლიდარობის და სოციალური მშვიდობის მხარდაჭერის“ ფარგლებში, რომელსაც საქართველოში შვეიცარიის საელჩოს მხარდაჭერით სოციალური სამართლიანობის ცენტრი ახორციელებს.

 

Սոցիալական արդարության կենտրոնը հայտարարում է Ջավախքի տարածաշրջանում բնակվող երիտասարդների ընդունելիություն «Քննադատական մտածողության դպրոցում»

Քննադատական մտածողության դպրոցը մեր տեսլականով կիսակադեմիական և քաղաքական տարածք է, որի նպատակն է կիսել քննադատական գիտելիքները երիտասարդ ակտիվիստների և համայնքի լիդեռների հետ, ովքեր հետաքրքրված են սոցիալական արդարությամբ, հավասարությամբ և ժողովրդավարությամբ, և ստեղծել կոլեկտիվ դատողությունների և ընդհանուր գործողությունների հարթակ:

Քննադատական մտածողության դպրոցը, բացի տեսական գիտելիքների տարածումից, ներկայացնում  է որպես տարածք փոխադարձ հնարավորությունների ընդլայնման, մասնակիցների միջև ընդհանուր պայքարի միջոցով խնդիրների հաղթահարման և համախմբման համար։

Քննադատական մտածողության դպրոցի մասնակից կարող են դառնալ Ջավախքի տարածաշրջանի (Նինոծմինդա, Ախալքալաքի, Ախալցիխեի) երտասարդները, ովքեր հետաքրքրված են քաղաքական աքտիվիզմով, գործող ակտիվիստներ, համայնքի լիդեռները և շրջանում բնակվող երտասարդները, ովքեր ունեն շահագրգռվածություն և պատրաստակամություն՝ կառուցելու ժողովրդավարական, հավասարազոր և համերաշխության վրա հիմնված հասարակություն։

Հիմնվելով հարթակի ներսում նախապես պատրաստված ուսումնական ծրագրի վրա՝ 16 տեսական դասախոսություններ/քննարկումներ կկազմակերպվեն սոցիալական, քաղաքական և հումանիտար գիտություններից՝ համապատասխան ակադեմիական փորձ ունեցող անհատների և ակտիվիստների կողմից: Հաշվի առնելով հարթակի մասնակիցների կարիքները՝ նախատեսվում է նաև սեմինարների շարք կոլեկտիվ մոբիլիզացիայի, սոցիալական փոփոխությունների դեմ պայքարի ռազմավարությունների և գործիքների վերաբերյալ  (4 սեմինար):

Հարկ է նշել, որ Սոցիալական արդարության կենտրոնն արդեն ունի նմանատիպ քննադատական քաղաքականության դպրոցներ կազմակերպելու լավ փորձ Թբիլիսիում, Մառնեուլիում, Աջարիայում և Պանկիսիում։

Քննադատական քաղաքականության դպրոցի շրջանակներում նախատեսված հանդիպումների ձևաչափը

  • Տեսական դասախոսություն/քննարկում
  • Այցելություններ/հանդիպումներ տարբեր մարզերում
  • Ընթերցանության գիրք / հոդված ընթերցման շրջանակ
  • Գործնական սեմինարներ

Դպրոցի կողմից ծրագրված հանդիպումների կազմակերպչական մանրամասներ

  • Դպրոցի մասնակիցների առավելագույն թիվը՝ 25
  • Դասախոսությունների և սեմինարների քանակը՝ 20
  • Դասախոսության տևողությունը՝ 8 ժամ (ամսական 2 հանդիպում)
  • Դասախոսությունների տևողությունը՝ 6 ամիս (հուլիս-դեկտեմբեր)
  • Դասախոսությունների հիմնական վայրը՝ Նինոծմինդա, Թբիլիսի
  • Քննադատական դպրոցի մասնակիցները պետք է մասնակցեն դասախոսության ժամերի առնվազն 80%-ին:

Սոցիալական արդարության կենտրոնն ամբողջությամբ կհոգա մասնակիցների տրանսպորտային ծախսերը։

Հանդիպումների ժամանակ կապահովվի հայերեն լզվի թարգմանությունը։

Հանդիպումների բովանդակությունը, ժամանակացույցը, տևողությունը և կազմակերպչական այլ մանրամասներ կհամաձայնեցվեն դպրոցի մասնակիցների հետ՝ հաշվի առնելով տեղական համատեքստը և նրանց հետաքրքրությունները:

Մասնակիցների ընտրության ձևաչափը

Դպրոցում մասնակցելու հնարավորություն կնձեռվի բարձրագույն կրթություն ունեցող կամ ավարտական կուրսի 20-ից-35 տարեկան ուսանողներին/երտասարդներին։ 

Եթե ցանկանում եք մասնակցել քննադատական քաղաքականության դպրոցին, խնդրում ենք ուղարկել մեզ ձեր ինքնակենսագրությունը և կոնտակտային տվյալները մինչև հունիսի 30-ը։

Փաստաթղթերն ուղարկել հետևյալ հասցեով; [email protected]

Խնդրում ենք վերնագրի դաշտում նշել «Քննադատական մտածողության դպրոց Ջավախքում»:

Ջավախքում Քննադատական մտածողության դպրոցի իրականացումը հնարավոր է դարձել «Աջակցություն Վրաստանում հավասարության, համերաշխության և սոցիալական խաղաղության» ծրագրի շրջանակներում, որն իրականացվում է Սոցիալական արդարության կենտրոնի կողմից Վրաստանում Շվեյցարիայի դեսպանատան աջակցությամբ ։

უფლება საცხოვრებელზე / ფოტო

ეკომიგრანტები სოფელ ვეძათხევში

ადამიანის უფლებების სწავლებისა და მონიტორინგის ცენტრმა (EMC) დუშეთის რაიონში, სოფელ ვეძათხევის მაცხოვრებელთა უფლებრივი მდგომარეობა შეისწავლა.

სოფელი ვეძათხევის მიმდებარე ტერიტორიაზე 2005 წლიდან გააქტიურდა გეოლოგიური პროცესები, რის შედეგადაც სახლები საცხოვრებლად უვარგისი გახდა. სოფელი იმყოფება მეწყერსაშიშ ზონაში და წარმოადგენს მუდმივ საფრთხეს იქ მცხოვრები ადამიანებისთვის. ამის გამო სოფელი უკვე დატოვა მაცხოვრებლების ნაწილმა. ამ დროისათვის ადგილზე მუდმივად ათამდე ოჯახია, რომელთაც არ გააჩნით ალტერნატიული საცხოვრებლის მოძიების შესაძლებლობა და იძულებულნი არიან დარჩნენ სოფელში.

სოფლის მაცხოვრებელთა მდგომარეობა უკიდურესად მძიმეა. სტიქიის გამო დაზიანებული ან განადგურებულია სახლები (დაზიანების I კატეგორია). ამის გამო უკლებლივ ყველა მოსახლეს საცხოვრებლად უვარგის ნაგებობებში უწევს ცხოვრება, ხოლო ზოგიერთი მათგანი იძულებული გახდა თუნუქის ნაჭრებით, ან წნელითა და ტალახით აგებულ საცხოვრებლებელ ქოხში შესახლებულიყო.

მაცხოვრებლები ცხოვრობენ უკიდურესი სიღარიბის ზღვარს მიღმა. ყველა გამოკითხული ოჯახი რეგისტრირებულია სოციალურად დაუცველთა ბაზაში და იღებს საარსებო შემწეობას.

სოფელში მცხოვრებლებს არ აქვთ სათანადო წვდომა სამედიცინო სერვისებზე, რადგან საჭიროების შემთხვევაში სასწრაფო-სამედიცინო დახმარების მანქანა სოფელში მისვლას ვერ ახერხებს. გართულებულია წვდომა საგანმანათლებლო დაწესებულებებზეც. გამგეობის მიერ სპეციალური ავტობუსის დანიშვნის შემთხვევაშიც კი ვეძათხევში მცხოვრებ ბავშვებს ფეხით დაახლოებით ხუთი კილომეტრის გავლა უწევთ, რაც ზამთრის პერიოდში გააქტიურებული მეწყერებისა და ადიდებული მდინარის გამო სიცოცხლისათვის საშიშია. სკოლასთან წვდომის სირთულიდან გამომდინარე, ზოგიერთ მოჯახს ბავშვები სხვა სოფელში ან ქალაქში ნათესავებთან ჰყავთ გაგზავნილი და მათ ნახვას იშვიათად ახერხებენ. სოფელში არ განხორციელებულა გაზიფიკაცია. ზამთარში გასათბობად შეშა გამოიყენება, თუმცა, ვინაიდან სახლების უმეტესობის მთლიანობა დარღვეულია, ასეთი გათბობა არაეფექტურია.

მოსახლეობა იძულებულია პროდუქტის, პირველადი მოხმარების ნივთებისა და წამლების შესაძენად დუშეთში იმგზავროს, თუმცა დაზიანებული გზის გამო ტრანსპორტირება გართულებულია. მიუხედავად იმისა, რომ სოფელს წყალი მილით მიეწოდება, იგი შეყვანილი არაა სახლებში და მოსახლეობა იძულებულია ხელით გადაზიდოს წყლის საჭირო რაოდენობა. ვინაიდან სოფელში მცხოვრებთა დიდ ნაწილს მარტოხელა მოხუცები ან ჯანმრთელობასთან დაკავშირებული პრობლემების მქონენი შეადგენენ, წყლის ხელით გადაზიდვის საჭიროება სერიოზული პრობლემაა. ასეთი საყოფაცხოვრებო პირობების გამო სოფლის მაცხოვრებლებს, მათ შორის, ბავშვებს, უწევთ მძიმე ფიზიკური შრომა.

სოფელს მუდმივად აქვს გარესამყაროსთან სათანადო წვდომის სირთულე. დაზიანებულია სოფლამდე მისასვლელი გზა. გამგეობის მიერ ჩატარებული სამუშაოების შედეგად გზა ნაწილობრივ მოიხრეშა, მაგრამ ზოგიერთ მონაკვეთზე იგი მთლიანადაა დაფარული ტალახით ან საერთოდ გადაშლილია, შედეგად სოფლამდე მისვლა წვიმიან ამინდში მანქანითაც შეუძლებელია.

მოსახლეობამ 2005 წლიდან მოყოლებული არაერთხელ მიმართა ადგილობრივ და ცენტრალურ ხელისუფლებას განსახლების მოთხოვნით. ერთ მაცხოვრებელს დაუკმაყოფილდა განაცხადი და მიეცა სოფლის დატოვების შესაძლებლობა. განსახლების საკითხთა მარეგულირებელმა კომისიამ განაცხადის დაკმაყოფილებაზე წერილობითი უარი უთხრა გიორგი ზვიადაურს, რომელიც მხოლოდ წნელისა და ტალახისაგან აგებულ ქოხში ცხოვრობს, ხანშიშესულია და აქვს ჯანმრთელობის პრობლემები. სოფლის სხვა მაცხოვრებლებს კომისიიდან ამ დრომდე პასუხიც არ მიუღიათ.

ინსტრუქცია

  • საიტზე წინ მოძრაობისთვის უნდა გამოიყენოთ ღილაკი „tab“
  • უკან დასაბრუნებლად გამოიყენება ღილაკები „shift+tab“