[Skip to Content]

სიახლეების გამოწერა

ჯავახეთში კრიტიკული პოლიტიკის სკოლის მონაწილეების შერჩევა დაიწყო/Ջավախքում մեկնարկել է Քննադատական ​​քաղաքականության դպրոցի մասնակիցների ընտրությունը

 

Տե՛ս հայերեն թարգմանությունը ստորև

სოციალური სამართლიანობის ცენტრი აცხადებს მიღებას ჯავახეთის რეგიონში კრიტიკული პოლიტიკის სკოლის მონაწილეების შესარჩევად. 

კრიტიკული პოლიტიკის სკოლა, ჩვენი ხედვით, ნახევრად აკადემიური და პოლიტიკური სივრცეა, რომელიც მიზნად ისახავს სოციალური სამართლიანობის, თანასწორობის და დემოკრატიის საკითხებით დაინტერესებულ ახალგაზრდა აქტივისტებსა და თემის ლიდერებში კრიტიკული ცოდნის გაზიარებას და კოლექტიური მსჯელობისა და საერთო მოქმედების პლატფორმის შექმნას.

კრიტიკული პოლიტიკის სკოლა თეორიული ცოდნის გაზიარების გარდა, წარმოადგენს მისი მონაწილეების ურთიერთგაძლიერების, შეკავშირებისა და საერთო ბრძოლების გადაკვეთების ძიების ხელშემწყობ სივრცეს.

კრიტიკული პოლიტიკის სკოლის მონაწილეები შეიძლება გახდნენ ჯავახეთის რეგიონში (ახალქალაქის, ნინოწმინდისა და ახალციხის მუნიციპალიტეტებში) მოქმედი ან ამ რეგიონით დაინტერესებული სამოქალაქო აქტივისტები, თემის ლიდერები და ახალგაზრდები, რომლებიც უკვე მონაწილეობენ, ან აქვთ ინტერესი და მზადყოფნა მონაწილეობა მიიღონ დემოკრატიული, თანასწორი და სოლიდარობის იდეებზე დაფუძნებული საზოგადოების მშენებლობაში.  

პლატფორმის ფარგლებში წინასწარ მომზადებული სილაბუსის საფუძველზე ჩატარდება 16 თეორიული ლექცია/დისკუსია სოციალური, პოლიტიკური და ჰუმანიტარული მეცნიერებებიდან, რომელსაც სათანადო აკადემიური გამოცდილების მქონე პირები და აქტივისტები წაიკითხავენ.  პლატფორმის მონაწილეების საჭიროებების გათვალისწინებით, ასევე დაიგეგმება სემინარების ციკლი კოლექტიური მობილიზაციის, სოციალური ცვლილებებისთვის ბრძოლის სტრატეგიებსა და ინსტრუმენტებზე (4 სემინარი).

აღსანიშნავია, რომ სოციალური სამართლიანობის ცენტრს უკვე ჰქონდა ამგვარი კრიტიკული პოლიტიკის სკოლების ორგანიზების კარგი გამოცდილება თბილისში, მარნეულში, აჭარასა  და პანკისში.

კრიტიკული პოლიტიკის სკოლის ფარგლებში დაგეგმილი შეხვედრების ფორმატი:

  • თეორიული ლექცია/დისკუსია
  • გასვლითი ვიზიტები რეგიონებში
  • შერჩეული წიგნის/სტატიის კითხვის წრე
  • პრაქტიკული სემინარები

სკოლის ფარგლებში დაგეგმილ შეხვედრებთან დაკავშირებული ორგანიზაციული დეტალები:

  • სკოლის მონაწილეთა მაქსიმალური რაოდენობა: 25
  • ლექციებისა და სემინარების რაოდენობა: 20
  • სალექციო დროის ხანგრძლივობა: 8 საათი (თვეში 2 შეხვედრა)
  • ლექციათა ციკლის ხანგრძლივობა: 6 თვე (ივლისი-დეკემბერი)
  • ლექციების ჩატარების ძირითადი ადგილი: ნინოწმინდა, თბილისი
  • კრიტიკული სკოლის მონაწილეები უნდა დაესწრონ სალექციო საათების სულ მცირე 80%-ს.

სოციალური სამართლიანობის ცენტრი სრულად დაფარავს  მონაწილეების ტრანსპორტირების ხარჯებს.

შეხვედრებზე უზრუნველყოფილი იქნება სომხურ ენაზე თარგმანიც.

შეხვედრების შინაარსი, გრაფიკი, ხანგრძლივობა და ასევე სხვა ორგანიზაციული დეტალები შეთანხმებული იქნება სკოლის მონაწილეებთან, ადგილობრივი კონტექსტისა და მათი ინტერესების გათვალისწინებით.

მონაწილეთა შერჩევის წესი

პლატფორმაში მონაწილეობის შესაძლებლობა ექნებათ უმაღლესი განათლების მქონე (ან დამამთავრებელი კრუსის) 20 წლიდან 35 წლამდე ასაკის ახალგაზრდებს. 

კრიტიკული პოლიტიკის სკოლაში მონაწილეობის სურვილის შემთხვევაში გთხოვთ, მიმდინარე წლის 30 ივნისამდე გამოგვიგზავნოთ თქვენი ავტობიოგრაფია და საკონტაქტო ინფორმაცია.

დოკუმენტაცია გამოგვიგზავნეთ შემდეგ მისამართზე: [email protected] 

გთხოვთ, სათაურის ველში მიუთითოთ: "კრიტიკული პოლიტიკის სკოლა ჯავახეთში"

ჯავახეთში კრიტიკული პოლიტიკის სკოლის განხორციელება შესაძლებელი გახდა პროექტის „საქართველოში თანასწორობის, სოლიდარობის და სოციალური მშვიდობის მხარდაჭერის“ ფარგლებში, რომელსაც საქართველოში შვეიცარიის საელჩოს მხარდაჭერით სოციალური სამართლიანობის ცენტრი ახორციელებს.

 

Սոցիալական արդարության կենտրոնը հայտարարում է Ջավախքի տարածաշրջանում բնակվող երիտասարդների ընդունելիություն «Քննադատական մտածողության դպրոցում»

Քննադատական մտածողության դպրոցը մեր տեսլականով կիսակադեմիական և քաղաքական տարածք է, որի նպատակն է կիսել քննադատական գիտելիքները երիտասարդ ակտիվիստների և համայնքի լիդեռների հետ, ովքեր հետաքրքրված են սոցիալական արդարությամբ, հավասարությամբ և ժողովրդավարությամբ, և ստեղծել կոլեկտիվ դատողությունների և ընդհանուր գործողությունների հարթակ:

Քննադատական մտածողության դպրոցը, բացի տեսական գիտելիքների տարածումից, ներկայացնում  է որպես տարածք փոխադարձ հնարավորությունների ընդլայնման, մասնակիցների միջև ընդհանուր պայքարի միջոցով խնդիրների հաղթահարման և համախմբման համար։

Քննադատական մտածողության դպրոցի մասնակից կարող են դառնալ Ջավախքի տարածաշրջանի (Նինոծմինդա, Ախալքալաքի, Ախալցիխեի) երտասարդները, ովքեր հետաքրքրված են քաղաքական աքտիվիզմով, գործող ակտիվիստներ, համայնքի լիդեռները և շրջանում բնակվող երտասարդները, ովքեր ունեն շահագրգռվածություն և պատրաստակամություն՝ կառուցելու ժողովրդավարական, հավասարազոր և համերաշխության վրա հիմնված հասարակություն։

Հիմնվելով հարթակի ներսում նախապես պատրաստված ուսումնական ծրագրի վրա՝ 16 տեսական դասախոսություններ/քննարկումներ կկազմակերպվեն սոցիալական, քաղաքական և հումանիտար գիտություններից՝ համապատասխան ակադեմիական փորձ ունեցող անհատների և ակտիվիստների կողմից: Հաշվի առնելով հարթակի մասնակիցների կարիքները՝ նախատեսվում է նաև սեմինարների շարք կոլեկտիվ մոբիլիզացիայի, սոցիալական փոփոխությունների դեմ պայքարի ռազմավարությունների և գործիքների վերաբերյալ  (4 սեմինար):

Հարկ է նշել, որ Սոցիալական արդարության կենտրոնն արդեն ունի նմանատիպ քննադատական քաղաքականության դպրոցներ կազմակերպելու լավ փորձ Թբիլիսիում, Մառնեուլիում, Աջարիայում և Պանկիսիում։

Քննադատական քաղաքականության դպրոցի շրջանակներում նախատեսված հանդիպումների ձևաչափը

  • Տեսական դասախոսություն/քննարկում
  • Այցելություններ/հանդիպումներ տարբեր մարզերում
  • Ընթերցանության գիրք / հոդված ընթերցման շրջանակ
  • Գործնական սեմինարներ

Դպրոցի կողմից ծրագրված հանդիպումների կազմակերպչական մանրամասներ

  • Դպրոցի մասնակիցների առավելագույն թիվը՝ 25
  • Դասախոսությունների և սեմինարների քանակը՝ 20
  • Դասախոսության տևողությունը՝ 8 ժամ (ամսական 2 հանդիպում)
  • Դասախոսությունների տևողությունը՝ 6 ամիս (հուլիս-դեկտեմբեր)
  • Դասախոսությունների հիմնական վայրը՝ Նինոծմինդա, Թբիլիսի
  • Քննադատական դպրոցի մասնակիցները պետք է մասնակցեն դասախոսության ժամերի առնվազն 80%-ին:

Սոցիալական արդարության կենտրոնն ամբողջությամբ կհոգա մասնակիցների տրանսպորտային ծախսերը։

Հանդիպումների ժամանակ կապահովվի հայերեն լզվի թարգմանությունը։

Հանդիպումների բովանդակությունը, ժամանակացույցը, տևողությունը և կազմակերպչական այլ մանրամասներ կհամաձայնեցվեն դպրոցի մասնակիցների հետ՝ հաշվի առնելով տեղական համատեքստը և նրանց հետաքրքրությունները:

Մասնակիցների ընտրության ձևաչափը

Դպրոցում մասնակցելու հնարավորություն կնձեռվի բարձրագույն կրթություն ունեցող կամ ավարտական կուրսի 20-ից-35 տարեկան ուսանողներին/երտասարդներին։ 

Եթե ցանկանում եք մասնակցել քննադատական քաղաքականության դպրոցին, խնդրում ենք ուղարկել մեզ ձեր ինքնակենսագրությունը և կոնտակտային տվյալները մինչև հունիսի 30-ը։

Փաստաթղթերն ուղարկել հետևյալ հասցեով; [email protected]

Խնդրում ենք վերնագրի դաշտում նշել «Քննադատական մտածողության դպրոց Ջավախքում»:

Ջավախքում Քննադատական մտածողության դպրոցի իրականացումը հնարավոր է դարձել «Աջակցություն Վրաստանում հավասարության, համերաշխության և սոցիալական խաղաղության» ծրագրի շրջանակներում, որն իրականացվում է Սոցիալական արդարության կենտրոնի կողմից Վրաստանում Շվեյցարիայի դեսպանատան աջակցությամբ ։

შრომის უფლება / ფოტო

ჭიათურა: საერთო ხედი სამოცდაათიოდე წლიანი ინტერვალით

სალომე ცოფურაშვილი 

1-0

თბილისის სახელმწიფო არქივიდან ამოღებული ქალაქ ჭიათურის ფოტოსურათების რაოდენობა მცირეა, უმეტესობა კი _ არაიდენტიფიცირებული. მხოლოდ ორი ადგილია დასახელებული: ნინოშვილის და სანაპიროს ქუჩები,თუმცა ჭიათურაში ჩასულს ხილის გამყიდველი ხალისით მაკვალიანებს და ზუსტად მიხსნის, რომელი ფოტო რა ადგილას არის გადაღებული. როგორც ირკვევა, ყველაფერი ერთმანეთის გვერდიგვერდ და პარალელურადაა განლაგებული: ყვირილის მარჯვენა და მარცხენა სანაპიროები და პარალელურ ქუჩაზე _ ჭიათურის თეატრი. იდეა ის არის, რომ ფოტოსურათებზე დაახლოებით ნახევარი საუკუნის წინ აღბეჭდილი ადგილები ხელახლა გადავიღო. ამისთვის ვცდილობ, მაქსიმალურად იდენტური წერტილი მოვძებნო გადასაღებად და დილით ადრე გავიდე, რომ ძველი ფოტოების მსგავსი ჩრდილები მივიღო მზიანი ამინდის შემთხვევაში. თუმცა გადაღების პროცესშივე ვხვდები, რომ, რაც გადავიღე, ის არ არის, რასაც მე ვხედავ. ძველ ფოტოებზე ჭიათურის საერთო ხედებია: ტრესტის შენობა ხიდიდან; კულტურის სასახლე პიონერთა ქუჩის საბაგიროდან; ჭავჭავაძის ქუჩა თეატრის შენების პროცესში; ზედა ხედი თხელიძისა და იაშვილის ქუჩებზე, სანაპიროს ხედი და ა.შ. ფოტოებს ვიღებ, ვუყურებ და კიდევ ერთხელ ვიაზრებ, რომ იმას არ ვიღებ, რასაც ვხედავ: ტრესტის შენობის იდენტური (მეტ-ნაკლებად იდენტური, რადგან ხიდი ახლა უფრო დიდი და განიერია) კადრში ქონგურებიანი, ცოტა ხნის წინ ყვითლად შეღებილი შენობა სასიამოვნოდ გამოიყურება ლურჯი ცის ფონზე. ხიდზე ხის ტოტებისა და ფარნის ჩრდილია, თუმცა ხიდის ბზარები, რომელთა შორისაც მდინარე ყვირილის დანახვა შეიძლება, არ ჩანს. სანაპიროს ქუჩად მონიშნულ გამარჯვების პარკში გადაღებული ფოტოს ახალი ვარიანტი (6.0) კიდევ უფრო მეტად პარადოქსულია: 60 წლის წინ დარგული ხეები გაზრდილა. ყველაფერი მწვანეა. მზიან დღეს მდინარე ლურჯ ცას ირეკლავს და ჩაშავებული, ტალახისფერი ყვირილა ლურჯად კამკამებს, ისე მაცდურად, რომ თვითონვე მეპარება ეჭვი, ეს ნამდვილად ის მდინარეა თუ არა, რომელიც დაბინძურების გამო, თითქმის არ მოძრაობს და უქარო ამინდში გუბესავით დგას. სასმელი წყალი ხომ ჭიათურაში საერთოდ არ არსებობს. მდინარის მსგავსად ისიც მანგანუმითაა დაბინძურებული და ყოველთვის არც მიეწოდება მოსახლეობას. ნინოშვილის ქუჩაზე მონიშნული შენობის (რომელშიც, თუ არ ვცდები, ადრე კინოთეატრი იყო) ძველ და ახალ ფოტოებზე კი, მართალია, ჩანს, ადრე დარგული ხეები რომ გაუჩეხავთ და მისი ადგილი შენობებს დაუკავებიათ, მაგრამ მაინც არ ასახავს იმას, რასაც ამ ქუჩაზე ნებისმიერი გამვლელი ხედავს. თეატრის გვერდით მდგომი სრულიად გავერანებული შენობები კი ხეების ტოტებსა და ფოთლებში საგულდაგულოდ შეფუთულ-დამალულა. რაც ყველაზე მთავარია, არ ჩანს ის, რაც მიტოვებულ, ჩამონგრეულ შენობებზე, დაბზარულ კედლებსა და ხიდებზე და საბაგიროს მეტალის მოღრჭიალე სარკოფაგებზე უარესი და შემზარავია: მანგანუმის ლურჯი მტვერი, რომელსაც საათში რამდენჯერმე ქალაქში გამავალი სატვირთო მანქანები გულუხვად აფრქვევენ შავ გამონაბოლქვთან ერთად. გადაღებისას ერთ-ერთი გარე მოვაჭრე იმასაც მეუბნება, რომ ეს ფოტოები ყალბი იქნება, რომ ისინი ვერ შეძლებს ჭიათურის რეალური სახის ჩვენებას: „გარეთ გამოტანილ ამდენ საქონელს რომ დაინახავს ადამიანი, ალბათ, იფიქრებს, რა უჭირთო. სინამდვილეში კი მთელ ქალაქში სულ რამდენიმე შეძლებული ადამიანი ცხოვრობს, ყველა დანარჩენი ღარიბ-ღატაკია. ძლივს გაგვაქვს თავი. წყალი ხომ საერთოდ არ არის. ბავშვები ბაღში რომ დადიან, ვინ უდუღებს იმათ წყალს, ან საჭმელს რა წყალზე უმზადებენ? როგორი ჯანმრთელობა ექნებათ, რომ გაიზრდებიან?“ ამ ყველაფერს ისიც ემატება, რომ მთელი ჭიათურა მოახლოებული არჩევნების წინ რიტუალად ქცეულ ფასადური გადაღებვის პროცესშია - „თითქოს ის არ გვეყოფა, მანგანუმს რომ ვსუნთქავთ, ახლა კიდევ ამის მტვერი დაგვიმატეს და ამოგვხუთეს მთელი ზაფხული“.

შორიდან, საერთო ხედით აღებული ყველაფერი ლამაზი და ფერადია, ხოლო რაც არ არის _ თეატრის გვერდით მდგომი შენობები, მაგალითად, _ ამასობაში წამოზრდილ ხეებში ჩამალულა. ქუჩებში იშვიათად, რომ ოც წელს ზემოთ ახალგაზრდა დაინახოთ. დანარჩენები ან წასულები არიან, ან მაღაროში მუშაობენ, ძირითადად, მამაკაცები. თუკი ვინმე არის კიდევაც, ათი წლით უფროსს მაინც ჰგავს, თავის ასაკთან შედარებით _ მძიმე შრომისა და ცხოვრების გამო. საბაგიროზე ვაგონის მოლოდინში ერთი ახალგაზრდა ქალი მეუბნება, რომ ვინც მაღაროში არ მუშაობს, ყველა ქალაქიდან მიდის, რადგან სხვაგან სამუშაო ადგილი არაა. მისი ქმარიც წასულია მშენებლობაზე უკვე რამდენიმე თვეა, ის კი ელოდება, როდის დაბრუნდება. თვითონ არ მუშაობს, ძალიან კი უნდა, მაგრამ აბა, სად?

იმისათვის, რომ მეჩვენებინა ყველაფერი, რასაც ვხედავდი, გადავწყვიტე, ობიექტივი საერთო საერთო ხედის ირგვლივ შემომეტარებინა და დამევიწროებინა. ჭიათურის სამ ქუჩაზე მოგზაურობა იწყება ასე: პირველი მშვიდობის საბაგიროა (1.0); საბაგიროდან რამდენიმე მეტრის შემდეგ ტრესტის შენობა (2.0) დგას; ტრესტის შენობის პირდაპირ, ყვირილის მეორე ნაპირზე კულტურის სასახლეა (3.0); კულტურის სასახლის გვერდით გაუქმებული, მაგრამ აღდგენის პროცესში არსებული ქალაქის საბაგიროა (4.0) (დღეს მხოლოდ მაღაროს საბაგიროები მუშაობენ. ქალაქის ყველა გაუქმებულია); საბაგიროსთან სადგურზე გადასასვლელი ხიდით გადასვლისას ჭავჭავაძის ქუჩაზე თეატრია (5.0), ხოლო თუ მდინარეზე გადასასვლელი ხიდით გადახვალთ, იქვე, მარჯვნივ „გამარჯვების პარკია“ (6.0), მარცხნივ კი _ ერთი არქივში, სანაპიროს ქუჩად წოდებული ნაპირის გაგრძელება, რომელიც, თუ არ ვცდები, ნინოშვილს ეკუთვნის (7.0); უძრავი მდინარის დინების მიმართულებით ხიდით გადადიხარ თხელიძის ქუჩაზე, მის უკან კი იაშვილის ქუჩაა (8.0); საპირისპირო მიმართულებით წამოსვლისას ნინოშვილის ქუჩაზე ორი ლოკაციაა, ერთი სავარაუდო ძველი კინოთეატრი (9.0), ხოლო მეორე _ ნინოშვილის ქუჩის დასაწყისი ტრესტის შენობის გვერდით (10.0). ძველ ფოტოებში ასახული ჭიათურა შემოვლილია, წრე _ შეკრული.

მშვიდობის საბაგირო (1.0)

1-0

ტრესტის შენობა (2.0)

2.0.jpg

სასახლე (3.0)

3.0.jpg

ქალაქის საბაგირო (4.04-0

თეატრი (5.0)

5.0.jpg

გამარჯვების პარკი (6.0)

6.0.jpg

სანაპიროს ქუჩა (7.0)

7.0.jpg

თხელიძის და იაშვილის ქუჩა (8.0)

8-0

ძველი კონოთეატრი (9.0)

9-0

ნინოშვილის ქუჩის დასაწყისი ტრესტის შენობის გვერდით (10.0)

10-0

პუბლიკაცია და ფოტო პროექტი მომზადდა პროექტის „მძიმე მრეწველობა ყურადღების ცენტრში: ჭიათურის მაგალითი“ ფარგლებში, რომელიც დაფინანსებულია "ფონდი ღია საზოგადოება საქართველოს" მიერ. პუბლიკაციის შინაარსი შესაძლოა არ გამოხატავდეს EMC-ისა და ფონდი ღია საზოგადოება საქართველოს პოზიციას.

ინსტრუქცია

  • საიტზე წინ მოძრაობისთვის უნდა გამოიყენოთ ღილაკი „tab“
  • უკან დასაბრუნებლად გამოიყენება ღილაკები „shift+tab“