წინასიტყვაობა

ულტრამემარჯვენე რადიკალიზაცია და ექსტრემიზმი, თანამედროვე სამყაროში, მოზარდთა ჯანმრთელობისა და საზოგადოებრივი უსაფრთხოების დაცვის მნიშვნელოვან გამოწვევად იქცა. მოზარდთა ასაკობრივი განვითარების თავისებურებები ზრდის მათ მოწყვლადობას ულტრამემარჯვენე რადიკალიზაციის პოტენციურად მძიმე შედეგების მიმართ.

სკოლის მისიაა უსაფრთხო და ინკლუზიური გარემოს შექმნა, რომელიც ავითარებს მოქალაქეობრივ ცნობიერებას, კრიტიკულ აზროვნებას და ხელს უწყობს მოზარდის იდენტობის ფორმირებას. სკოლის მანდატურსა და მასწავლებელს, როგორც ქცევის პოტენციურ ცვლილებებზე ყოველდღიური დამკვირვებლებს, შეუძლიათ, რომ წვლილი შეიტანონ რადიკალიზაციისკენ მიმართული მოზარდის ქცევის ტრაექტორიის შეცვლაში.

მოცემული გზამკვლევი შექმნილია ულტრამემარჯვენე რადიკალიზაციისა და ექსტრემიზმის შესახებ სკოლის პერსონალის ინფორმირებულობის გაზრდის და პოტენციური საფრთხის პრევენციაში მათი როლის გამოსავლენად.

გაზიარება