[Skip to Content]
ENG
ENG

სიახლეების გამოწერა

ჯავახეთში კრიტიკული პოლიტიკის სკოლის მონაწილეების შერჩევა დაიწყო/Ջավախքում մեկնարկել է Քննադատական ​​քաղաքականության դպրոցի մասնակիցների ընտրությունը

 

Տե՛ս հայերեն թարգմանությունը ստորև

სოციალური სამართლიანობის ცენტრი აცხადებს მიღებას ჯავახეთის რეგიონში კრიტიკული პოლიტიკის სკოლის მონაწილეების შესარჩევად. 

კრიტიკული პოლიტიკის სკოლა, ჩვენი ხედვით, ნახევრად აკადემიური და პოლიტიკური სივრცეა, რომელიც მიზნად ისახავს სოციალური სამართლიანობის, თანასწორობის და დემოკრატიის საკითხებით დაინტერესებულ ახალგაზრდა აქტივისტებსა და თემის ლიდერებში კრიტიკული ცოდნის გაზიარებას და კოლექტიური მსჯელობისა და საერთო მოქმედების პლატფორმის შექმნას.

კრიტიკული პოლიტიკის სკოლა თეორიული ცოდნის გაზიარების გარდა, წარმოადგენს მისი მონაწილეების ურთიერთგაძლიერების, შეკავშირებისა და საერთო ბრძოლების გადაკვეთების ძიების ხელშემწყობ სივრცეს.

კრიტიკული პოლიტიკის სკოლის მონაწილეები შეიძლება გახდნენ ჯავახეთის რეგიონში (ახალქალაქის, ნინოწმინდისა და ახალციხის მუნიციპალიტეტებში) მოქმედი ან ამ რეგიონით დაინტერესებული სამოქალაქო აქტივისტები, თემის ლიდერები და ახალგაზრდები, რომლებიც უკვე მონაწილეობენ, ან აქვთ ინტერესი და მზადყოფნა მონაწილეობა მიიღონ დემოკრატიული, თანასწორი და სოლიდარობის იდეებზე დაფუძნებული საზოგადოების მშენებლობაში.  

პლატფორმის ფარგლებში წინასწარ მომზადებული სილაბუსის საფუძველზე ჩატარდება 16 თეორიული ლექცია/დისკუსია სოციალური, პოლიტიკური და ჰუმანიტარული მეცნიერებებიდან, რომელსაც სათანადო აკადემიური გამოცდილების მქონე პირები და აქტივისტები წაიკითხავენ.  პლატფორმის მონაწილეების საჭიროებების გათვალისწინებით, ასევე დაიგეგმება სემინარების ციკლი კოლექტიური მობილიზაციის, სოციალური ცვლილებებისთვის ბრძოლის სტრატეგიებსა და ინსტრუმენტებზე (4 სემინარი).

აღსანიშნავია, რომ სოციალური სამართლიანობის ცენტრს უკვე ჰქონდა ამგვარი კრიტიკული პოლიტიკის სკოლების ორგანიზების კარგი გამოცდილება თბილისში, მარნეულში, აჭარასა  და პანკისში.

კრიტიკული პოლიტიკის სკოლის ფარგლებში დაგეგმილი შეხვედრების ფორმატი:

  • თეორიული ლექცია/დისკუსია
  • გასვლითი ვიზიტები რეგიონებში
  • შერჩეული წიგნის/სტატიის კითხვის წრე
  • პრაქტიკული სემინარები

სკოლის ფარგლებში დაგეგმილ შეხვედრებთან დაკავშირებული ორგანიზაციული დეტალები:

  • სკოლის მონაწილეთა მაქსიმალური რაოდენობა: 25
  • ლექციებისა და სემინარების რაოდენობა: 20
  • სალექციო დროის ხანგრძლივობა: 8 საათი (თვეში 2 შეხვედრა)
  • ლექციათა ციკლის ხანგრძლივობა: 6 თვე (ივლისი-დეკემბერი)
  • ლექციების ჩატარების ძირითადი ადგილი: ნინოწმინდა, თბილისი
  • კრიტიკული სკოლის მონაწილეები უნდა დაესწრონ სალექციო საათების სულ მცირე 80%-ს.

სოციალური სამართლიანობის ცენტრი სრულად დაფარავს  მონაწილეების ტრანსპორტირების ხარჯებს.

შეხვედრებზე უზრუნველყოფილი იქნება სომხურ ენაზე თარგმანიც.

შეხვედრების შინაარსი, გრაფიკი, ხანგრძლივობა და ასევე სხვა ორგანიზაციული დეტალები შეთანხმებული იქნება სკოლის მონაწილეებთან, ადგილობრივი კონტექსტისა და მათი ინტერესების გათვალისწინებით.

მონაწილეთა შერჩევის წესი

პლატფორმაში მონაწილეობის შესაძლებლობა ექნებათ უმაღლესი განათლების მქონე (ან დამამთავრებელი კრუსის) 20 წლიდან 35 წლამდე ასაკის ახალგაზრდებს. 

კრიტიკული პოლიტიკის სკოლაში მონაწილეობის სურვილის შემთხვევაში გთხოვთ, მიმდინარე წლის 30 ივნისამდე გამოგვიგზავნოთ თქვენი ავტობიოგრაფია და საკონტაქტო ინფორმაცია.

დოკუმენტაცია გამოგვიგზავნეთ შემდეგ მისამართზე: [email protected] 

გთხოვთ, სათაურის ველში მიუთითოთ: "კრიტიკული პოლიტიკის სკოლა ჯავახეთში"

ჯავახეთში კრიტიკული პოლიტიკის სკოლის განხორციელება შესაძლებელი გახდა პროექტის „საქართველოში თანასწორობის, სოლიდარობის და სოციალური მშვიდობის მხარდაჭერის“ ფარგლებში, რომელსაც საქართველოში შვეიცარიის საელჩოს მხარდაჭერით სოციალური სამართლიანობის ცენტრი ახორციელებს.

 

Սոցիալական արդարության կենտրոնը հայտարարում է Ջավախքի տարածաշրջանում բնակվող երիտասարդների ընդունելիություն «Քննադատական մտածողության դպրոցում»

Քննադատական մտածողության դպրոցը մեր տեսլականով կիսակադեմիական և քաղաքական տարածք է, որի նպատակն է կիսել քննադատական գիտելիքները երիտասարդ ակտիվիստների և համայնքի լիդեռների հետ, ովքեր հետաքրքրված են սոցիալական արդարությամբ, հավասարությամբ և ժողովրդավարությամբ, և ստեղծել կոլեկտիվ դատողությունների և ընդհանուր գործողությունների հարթակ:

Քննադատական մտածողության դպրոցը, բացի տեսական գիտելիքների տարածումից, ներկայացնում  է որպես տարածք փոխադարձ հնարավորությունների ընդլայնման, մասնակիցների միջև ընդհանուր պայքարի միջոցով խնդիրների հաղթահարման և համախմբման համար։

Քննադատական մտածողության դպրոցի մասնակից կարող են դառնալ Ջավախքի տարածաշրջանի (Նինոծմինդա, Ախալքալաքի, Ախալցիխեի) երտասարդները, ովքեր հետաքրքրված են քաղաքական աքտիվիզմով, գործող ակտիվիստներ, համայնքի լիդեռները և շրջանում բնակվող երտասարդները, ովքեր ունեն շահագրգռվածություն և պատրաստակամություն՝ կառուցելու ժողովրդավարական, հավասարազոր և համերաշխության վրա հիմնված հասարակություն։

Հիմնվելով հարթակի ներսում նախապես պատրաստված ուսումնական ծրագրի վրա՝ 16 տեսական դասախոսություններ/քննարկումներ կկազմակերպվեն սոցիալական, քաղաքական և հումանիտար գիտություններից՝ համապատասխան ակադեմիական փորձ ունեցող անհատների և ակտիվիստների կողմից: Հաշվի առնելով հարթակի մասնակիցների կարիքները՝ նախատեսվում է նաև սեմինարների շարք կոլեկտիվ մոբիլիզացիայի, սոցիալական փոփոխությունների դեմ պայքարի ռազմավարությունների և գործիքների վերաբերյալ  (4 սեմինար):

Հարկ է նշել, որ Սոցիալական արդարության կենտրոնն արդեն ունի նմանատիպ քննադատական քաղաքականության դպրոցներ կազմակերպելու լավ փորձ Թբիլիսիում, Մառնեուլիում, Աջարիայում և Պանկիսիում։

Քննադատական քաղաքականության դպրոցի շրջանակներում նախատեսված հանդիպումների ձևաչափը

  • Տեսական դասախոսություն/քննարկում
  • Այցելություններ/հանդիպումներ տարբեր մարզերում
  • Ընթերցանության գիրք / հոդված ընթերցման շրջանակ
  • Գործնական սեմինարներ

Դպրոցի կողմից ծրագրված հանդիպումների կազմակերպչական մանրամասներ

  • Դպրոցի մասնակիցների առավելագույն թիվը՝ 25
  • Դասախոսությունների և սեմինարների քանակը՝ 20
  • Դասախոսության տևողությունը՝ 8 ժամ (ամսական 2 հանդիպում)
  • Դասախոսությունների տևողությունը՝ 6 ամիս (հուլիս-դեկտեմբեր)
  • Դասախոսությունների հիմնական վայրը՝ Նինոծմինդա, Թբիլիսի
  • Քննադատական դպրոցի մասնակիցները պետք է մասնակցեն դասախոսության ժամերի առնվազն 80%-ին:

Սոցիալական արդարության կենտրոնն ամբողջությամբ կհոգա մասնակիցների տրանսպորտային ծախսերը։

Հանդիպումների ժամանակ կապահովվի հայերեն լզվի թարգմանությունը։

Հանդիպումների բովանդակությունը, ժամանակացույցը, տևողությունը և կազմակերպչական այլ մանրամասներ կհամաձայնեցվեն դպրոցի մասնակիցների հետ՝ հաշվի առնելով տեղական համատեքստը և նրանց հետաքրքրությունները:

Մասնակիցների ընտրության ձևաչափը

Դպրոցում մասնակցելու հնարավորություն կնձեռվի բարձրագույն կրթություն ունեցող կամ ավարտական կուրսի 20-ից-35 տարեկան ուսանողներին/երտասարդներին։ 

Եթե ցանկանում եք մասնակցել քննադատական քաղաքականության դպրոցին, խնդրում ենք ուղարկել մեզ ձեր ինքնակենսագրությունը և կոնտակտային տվյալները մինչև հունիսի 30-ը։

Փաստաթղթերն ուղարկել հետևյալ հասցեով; [email protected]

Խնդրում ենք վերնագրի դաշտում նշել «Քննադատական մտածողության դպրոց Ջավախքում»:

Ջավախքում Քննադատական մտածողության դպրոցի իրականացումը հնարավոր է դարձել «Աջակցություն Վրաստանում հավասարության, համերաշխության և սոցիալական խաղաղության» ծրագրի շրջանակներում, որն իրականացվում է Սոցիալական արդարության կենտրոնի կողմից Վրաստանում Շվեյցարիայի դեսպանատան աջակցությամբ ։

მწვანე პოლიტიკა / განცხადება

სოციალური სამართლიანობის ცენტრი დაუსრულებელი მშენებლობების განახლებას ეხმაურება და ყიფშიძეზე დაგეგმილ მშენებლობას ასაჩივრებს 

 

თბილისში, ყიფშიძის ქუჩაზე 25, 19 და 16 სართულიანი სამი ახალი საცხოვრებელი კორპუსის მშენებლობა იგეგმება.  მშენებლობა თბილისის მერიის არასამართლიანი, კერძო და არა საჯარო ინტერესით ნაკარნახევი პოლიტიკის გამოვლინებაა და ცხადყოფს იმ რისკებს, რაც უახლოეს მომავალში დაუმთავრებელი მშენებლობების განახლების გეგმას ახლავს მთელი თბილისის მასშტაბით. ყიფშიძის ქუჩის პროექტის მასალების შესწავლიდან ირკვევა, რომ თბილისის მერიას სამშენებლო ნებართვის გაცემისას არ შეუსწავლია სადაო პროექტის გავლენა მიმდებარე ნაგებობებსა და საჯარო სივრცეებზე, სატრანსპორტო გზებსა და სხვა სოციალური ინფრასტრუქტურაზე. მშენებლობის ნებართვა მთელი რიგი კანონდარღვევებით 2021 წლის 20 ივნისს მიიღო კომპანია „გუმბათი ჰოლდინგი+მა”. დაუშვებელია,  ქალაქის მერიის უსამართლო მიდგომის, კანონსაწინააღმდეგო ქმედებებითა და გადაწყვეტილების მიღების პროცესიდან მოსახლეობის გამორიცხვით ზიანი ადგებოდეს ერთი მხრივ დაუსრულებელი მშენებლობების განახლების გეგმას და მეორე მხრივ, თბილისის უბნებში მდგრადი განვითარების შესაძლებლობას.

შეგახსენებთ, რომ თბილისის საკრებულომ 2019 წელს მერიას შეჩერებული მშენებლობების დასრულების ხელშეწყობა დაავალა. შესაბამისად, თბილისის არაერთ უბანში, სადაც სამშენებლო ნებართვების გამარტივებული წესით გაცემის რამდენიმე ტალღის შემდეგ უკონტროლო განაშენიანება მივიღეთ, დღეს დაემატება განახლებული მშენებლობების ახალი ნაკადი. შედეგად ისეთი სივრცეების განაშენიანება იგეგმება, რომლებიც 2006 და 2008 წლების ე.წ. სამშენებლო ბუმის დროს ისედაც უკიდურესად გადაიტვირთა.  

ყიფშიძის ქუჩის ამ ტერიტორიაზე მშენებლობა ჯერ კიდევ 2000-იან წლებში იგეგმებოდა. თუმცა, პროექტის განახლების შემდგომ დაგეგმილი მშენებლობის მასშტაბი ბევრად უფრო დიდია, ვიდრე ამას პირვანდელი პროექტი ითვალისწინებდა. ამასთან, პირვანდელი პროექტის დაგეგმარების შემდეგ არსებითად შეიცვალა მიმდებარე ტერიტორიაც - ყიფშიძის ქუჩა დღეს ბევრად უფრო მჭიდროდაა განაშენიანებული, ვიდრე საწყისი პროექტის შემუშავებისას იყო 2000-იანი წლების დასაწყისში. მიუხედავად ამისა,  სამშენებლო ნებართვის შესწავლით ირკვევა, რომ პროექტის შეთანხმებისას წარმოდგენილი საექსპერტო კვლევებიდან არც ერთი არ ეთმობა იმის შესწავლას თუ რა გავლენა ექნება მშენებლობას მომიჯნავე შენობებზე, უბნის სატრანსპორტო ქსელსა და მის უსაფრთხოებაზე. ამ ფაქტორების შესწავლა კანონით სავალდებულოა.

გარდა იმისა, რომ ყიფშიძის ქუჩაზე გაცემული ნებართვა კანონის მოთხოვნებს ვერ აკმაყოფილებს, და ნებართვის ბათილობის საფუძველს ქმნის, პრობლემურია ისიც, რომ სადავო სამშენებლო ნებართვის გაცემისას, სახელმწიფო ორგანოებმა სრულად გაუუქმეს დეველოპერს სიმაღლის შეზღუდვა  , რითიც უგულებელყვეს მომიჯნავე შენობებში მცხოვრებთა და უბნის მოსახლეობის ინტერესები და დაარღვიეს მათი უფლებები.

[1]

მისასალმებელია, რომ მერიამ შეიმუშავა დაუმთავრებელი მშენებლობებით დაზარალებული მოსახლეობის განსახლების გეგმა. თუმცა ყიფშიძის ქუჩის მაცხოვრებლებს დაუშვებლად მიაჩნიათ აღნიშნული გეგმის ფარგლებში ქალაქის მიერ სრულად იყოს იგნორირებული კანონის მოთხოვნები, რომელთა მიხედვითაც ნებართვის გამცემ ორგანოს უნდა ემსჯელა დასახლების განვითარების, საზოგადოების კეთილდღეობის, სოციალურად სამართლიანი მიწათსარგებლობის, ღირსეული და უსაფრთხო გარემოს შექმნისა და არქიტექტურული და ლანდშაფტური სახის მდგრადობის შენარჩუნების შესახებ. იმისთვის, რომ დაზარალებული მოსახლეობის დაკმაყოფილებას ქალაქში ზიანის და საფრთხისშემცვლელი მშენებლობის ახალი ტალღა არ მოჰყვეს, რაც სხვადასხვა უბანი დაზარალებული მოსახლეობის ახალ ჯგუფებს გააჩენს, მნიშვნელოვანია, რომ შეჩერებული მშენებლობების განახლება კანონის დაცვით და საჯარო ინტერესის გათვალისწინებით განხორციელდეს.

ყიფშიძის ქუჩაზე მშენებლობას „გუმბათი ჰოლდინგი+“ ახორციელებს. კომპანია რუსთავის ყოფილ მერს, (1995-2005 წლებში) და მე-5 მოწვევის პარლამენტის წევრს, მერაბ ტყეშელაშვილს ეკუთვნის, რომელიც დეველოპერულ კომპანიას ბიზნესმენ თამაზ ბალაძესთან ერთად ფლობს.

მიგვაჩნია, რომ არსებული ვითარების გათვალისწინებით, ყიფშიძის ქუჩაზე მსგავსი მასშტაბის მშენებლობა ყოვლად დაუშვებელი და უკანონოა. ქალაქმა უნდა გამონახოს შესაძლებლობა და საშუალება, რომ მომჩივანთა და სხვა მომიჯნავე ბინებში მცხოვრებ პირთა უფლებების დარღვევის გარეშე უზრუნველყოს დაუმთავრებელი მშენებლობით დაზარალებულთა მხარდაჭერა როგორც ყიფშიძის ქუჩაზე არსებული ობიექტის, ისე სხვა პროექტების შემთხვევაში ქალაქის მასშტაბით. სხვა შემთხვევაში განახლებული მშენებლობების ტალღა ქალაქგეგმარების არამდგრადი, საფრთხის შემცველი და უკანონო პოლიტიკის გაგრძელება გახდება.

სქოლიო და ბიბლიოგრაფია

[1] მოქალაქეთა  ინიციატივა საჯარო სივრცისათვის

[1] ფოტო: ინსოლაციის ანალიზი ყიფშიძე-აბულაძის ქუჩების მიმდებარე ტერიტორია სპეციალისტი სალომე ბერეჩიკიძე, 2021

ინსტრუქცია

  • საიტზე წინ მოძრაობისთვის უნდა გამოიყენოთ ღილაკი „tab“
  • უკან დასაბრუნებლად გამოიყენება ღილაკები „shift+tab“