[Skip to Content]

სიახლეების გამოწერა

ჯავახეთში კრიტიკული პოლიტიკის სკოლის მონაწილეების შერჩევა დაიწყო/Ջավախքում մեկնարկել է Քննադատական ​​քաղաքականության դպրոցի մասնակիցների ընտրությունը

 

Տե՛ս հայերեն թարգմանությունը ստորև

სოციალური სამართლიანობის ცენტრი აცხადებს მიღებას ჯავახეთის რეგიონში კრიტიკული პოლიტიკის სკოლის მონაწილეების შესარჩევად. 

კრიტიკული პოლიტიკის სკოლა, ჩვენი ხედვით, ნახევრად აკადემიური და პოლიტიკური სივრცეა, რომელიც მიზნად ისახავს სოციალური სამართლიანობის, თანასწორობის და დემოკრატიის საკითხებით დაინტერესებულ ახალგაზრდა აქტივისტებსა და თემის ლიდერებში კრიტიკული ცოდნის გაზიარებას და კოლექტიური მსჯელობისა და საერთო მოქმედების პლატფორმის შექმნას.

კრიტიკული პოლიტიკის სკოლა თეორიული ცოდნის გაზიარების გარდა, წარმოადგენს მისი მონაწილეების ურთიერთგაძლიერების, შეკავშირებისა და საერთო ბრძოლების გადაკვეთების ძიების ხელშემწყობ სივრცეს.

კრიტიკული პოლიტიკის სკოლის მონაწილეები შეიძლება გახდნენ ჯავახეთის რეგიონში (ახალქალაქის, ნინოწმინდისა და ახალციხის მუნიციპალიტეტებში) მოქმედი ან ამ რეგიონით დაინტერესებული სამოქალაქო აქტივისტები, თემის ლიდერები და ახალგაზრდები, რომლებიც უკვე მონაწილეობენ, ან აქვთ ინტერესი და მზადყოფნა მონაწილეობა მიიღონ დემოკრატიული, თანასწორი და სოლიდარობის იდეებზე დაფუძნებული საზოგადოების მშენებლობაში.  

პლატფორმის ფარგლებში წინასწარ მომზადებული სილაბუსის საფუძველზე ჩატარდება 16 თეორიული ლექცია/დისკუსია სოციალური, პოლიტიკური და ჰუმანიტარული მეცნიერებებიდან, რომელსაც სათანადო აკადემიური გამოცდილების მქონე პირები და აქტივისტები წაიკითხავენ.  პლატფორმის მონაწილეების საჭიროებების გათვალისწინებით, ასევე დაიგეგმება სემინარების ციკლი კოლექტიური მობილიზაციის, სოციალური ცვლილებებისთვის ბრძოლის სტრატეგიებსა და ინსტრუმენტებზე (4 სემინარი).

აღსანიშნავია, რომ სოციალური სამართლიანობის ცენტრს უკვე ჰქონდა ამგვარი კრიტიკული პოლიტიკის სკოლების ორგანიზების კარგი გამოცდილება თბილისში, მარნეულში, აჭარასა  და პანკისში.

კრიტიკული პოლიტიკის სკოლის ფარგლებში დაგეგმილი შეხვედრების ფორმატი:

  • თეორიული ლექცია/დისკუსია
  • გასვლითი ვიზიტები რეგიონებში
  • შერჩეული წიგნის/სტატიის კითხვის წრე
  • პრაქტიკული სემინარები

სკოლის ფარგლებში დაგეგმილ შეხვედრებთან დაკავშირებული ორგანიზაციული დეტალები:

  • სკოლის მონაწილეთა მაქსიმალური რაოდენობა: 25
  • ლექციებისა და სემინარების რაოდენობა: 20
  • სალექციო დროის ხანგრძლივობა: 8 საათი (თვეში 2 შეხვედრა)
  • ლექციათა ციკლის ხანგრძლივობა: 6 თვე (ივლისი-დეკემბერი)
  • ლექციების ჩატარების ძირითადი ადგილი: ნინოწმინდა, თბილისი
  • კრიტიკული სკოლის მონაწილეები უნდა დაესწრონ სალექციო საათების სულ მცირე 80%-ს.

სოციალური სამართლიანობის ცენტრი სრულად დაფარავს  მონაწილეების ტრანსპორტირების ხარჯებს.

შეხვედრებზე უზრუნველყოფილი იქნება სომხურ ენაზე თარგმანიც.

შეხვედრების შინაარსი, გრაფიკი, ხანგრძლივობა და ასევე სხვა ორგანიზაციული დეტალები შეთანხმებული იქნება სკოლის მონაწილეებთან, ადგილობრივი კონტექსტისა და მათი ინტერესების გათვალისწინებით.

მონაწილეთა შერჩევის წესი

პლატფორმაში მონაწილეობის შესაძლებლობა ექნებათ უმაღლესი განათლების მქონე (ან დამამთავრებელი კრუსის) 20 წლიდან 35 წლამდე ასაკის ახალგაზრდებს. 

კრიტიკული პოლიტიკის სკოლაში მონაწილეობის სურვილის შემთხვევაში გთხოვთ, მიმდინარე წლის 30 ივნისამდე გამოგვიგზავნოთ თქვენი ავტობიოგრაფია და საკონტაქტო ინფორმაცია.

დოკუმენტაცია გამოგვიგზავნეთ შემდეგ მისამართზე: [email protected] 

გთხოვთ, სათაურის ველში მიუთითოთ: "კრიტიკული პოლიტიკის სკოლა ჯავახეთში"

ჯავახეთში კრიტიკული პოლიტიკის სკოლის განხორციელება შესაძლებელი გახდა პროექტის „საქართველოში თანასწორობის, სოლიდარობის და სოციალური მშვიდობის მხარდაჭერის“ ფარგლებში, რომელსაც საქართველოში შვეიცარიის საელჩოს მხარდაჭერით სოციალური სამართლიანობის ცენტრი ახორციელებს.

 

Սոցիալական արդարության կենտրոնը հայտարարում է Ջավախքի տարածաշրջանում բնակվող երիտասարդների ընդունելիություն «Քննադատական մտածողության դպրոցում»

Քննադատական մտածողության դպրոցը մեր տեսլականով կիսակադեմիական և քաղաքական տարածք է, որի նպատակն է կիսել քննադատական գիտելիքները երիտասարդ ակտիվիստների և համայնքի լիդեռների հետ, ովքեր հետաքրքրված են սոցիալական արդարությամբ, հավասարությամբ և ժողովրդավարությամբ, և ստեղծել կոլեկտիվ դատողությունների և ընդհանուր գործողությունների հարթակ:

Քննադատական մտածողության դպրոցը, բացի տեսական գիտելիքների տարածումից, ներկայացնում  է որպես տարածք փոխադարձ հնարավորությունների ընդլայնման, մասնակիցների միջև ընդհանուր պայքարի միջոցով խնդիրների հաղթահարման և համախմբման համար։

Քննադատական մտածողության դպրոցի մասնակից կարող են դառնալ Ջավախքի տարածաշրջանի (Նինոծմինդա, Ախալքալաքի, Ախալցիխեի) երտասարդները, ովքեր հետաքրքրված են քաղաքական աքտիվիզմով, գործող ակտիվիստներ, համայնքի լիդեռները և շրջանում բնակվող երտասարդները, ովքեր ունեն շահագրգռվածություն և պատրաստակամություն՝ կառուցելու ժողովրդավարական, հավասարազոր և համերաշխության վրա հիմնված հասարակություն։

Հիմնվելով հարթակի ներսում նախապես պատրաստված ուսումնական ծրագրի վրա՝ 16 տեսական դասախոսություններ/քննարկումներ կկազմակերպվեն սոցիալական, քաղաքական և հումանիտար գիտություններից՝ համապատասխան ակադեմիական փորձ ունեցող անհատների և ակտիվիստների կողմից: Հաշվի առնելով հարթակի մասնակիցների կարիքները՝ նախատեսվում է նաև սեմինարների շարք կոլեկտիվ մոբիլիզացիայի, սոցիալական փոփոխությունների դեմ պայքարի ռազմավարությունների և գործիքների վերաբերյալ  (4 սեմինար):

Հարկ է նշել, որ Սոցիալական արդարության կենտրոնն արդեն ունի նմանատիպ քննադատական քաղաքականության դպրոցներ կազմակերպելու լավ փորձ Թբիլիսիում, Մառնեուլիում, Աջարիայում և Պանկիսիում։

Քննադատական քաղաքականության դպրոցի շրջանակներում նախատեսված հանդիպումների ձևաչափը

  • Տեսական դասախոսություն/քննարկում
  • Այցելություններ/հանդիպումներ տարբեր մարզերում
  • Ընթերցանության գիրք / հոդված ընթերցման շրջանակ
  • Գործնական սեմինարներ

Դպրոցի կողմից ծրագրված հանդիպումների կազմակերպչական մանրամասներ

  • Դպրոցի մասնակիցների առավելագույն թիվը՝ 25
  • Դասախոսությունների և սեմինարների քանակը՝ 20
  • Դասախոսության տևողությունը՝ 8 ժամ (ամսական 2 հանդիպում)
  • Դասախոսությունների տևողությունը՝ 6 ամիս (հուլիս-դեկտեմբեր)
  • Դասախոսությունների հիմնական վայրը՝ Նինոծմինդա, Թբիլիսի
  • Քննադատական դպրոցի մասնակիցները պետք է մասնակցեն դասախոսության ժամերի առնվազն 80%-ին:

Սոցիալական արդարության կենտրոնն ամբողջությամբ կհոգա մասնակիցների տրանսպորտային ծախսերը։

Հանդիպումների ժամանակ կապահովվի հայերեն լզվի թարգմանությունը։

Հանդիպումների բովանդակությունը, ժամանակացույցը, տևողությունը և կազմակերպչական այլ մանրամասներ կհամաձայնեցվեն դպրոցի մասնակիցների հետ՝ հաշվի առնելով տեղական համատեքստը և նրանց հետաքրքրությունները:

Մասնակիցների ընտրության ձևաչափը

Դպրոցում մասնակցելու հնարավորություն կնձեռվի բարձրագույն կրթություն ունեցող կամ ավարտական կուրսի 20-ից-35 տարեկան ուսանողներին/երտասարդներին։ 

Եթե ցանկանում եք մասնակցել քննադատական քաղաքականության դպրոցին, խնդրում ենք ուղարկել մեզ ձեր ինքնակենսագրությունը և կոնտակտային տվյալները մինչև հունիսի 30-ը։

Փաստաթղթերն ուղարկել հետևյալ հասցեով; [email protected]

Խնդրում ենք վերնագրի դաշտում նշել «Քննադատական մտածողության դպրոց Ջավախքում»:

Ջավախքում Քննադատական մտածողության դպրոցի իրականացումը հնարավոր է դարձել «Աջակցություն Վրաստանում հավասարության, համերաշխության և սոցիալական խաղաղության» ծրագրի շրջանակներում, որն իրականացվում է Սոցիալական արդարության կենտրոնի կողմից Վրաստանում Շվեյցարիայի դեսպանատան աջակցությամբ ։

პოლიტიკა და ადამიანის უფლებები კონფლიქტის რეგიონებში / განცხადება

სამოქალაქო საზოგადოების ხედვა და რეკომენდაციები წარსულის გააზრებისა და ნდობის აღდგენის შესაძლებლობების შესახებ

დამოუკიდებლობის მოპოვებიდან დღემდე მოუგვარებელი კონფლიქტები საქართველოსთვის ერთ-ერთ უმნიშვნელოვანეს გამოწვევად რჩება. მეოცე საუკუნის 90-იანი წლების დასაწყისიდან დღემდე როგორც აფხაზეთის, ისე სამხრეთ ოსეთის მიმართულებით, უმწვავესი სამხედრო დაპირისპირებებისა და შედარებით ნაკლები დაძაბულობის პერიოდების მონაცვლეობით განვითარებული მოვლენების შედეგები, როგორც პოლიტიკური, ასევე სოციალური, ეკონომიკური, პიროვნებათაშორისი ურთიერთობების თვალსაზრისით, არათუ მსუბუქდება, არამედ სულ უფრო ღრმა კრიზისულ ხასიათს იძენს, რაც ახლო მომავალში მათი მოგვარების შესაძლებლობებს კიდევ უფრო ართულებს.

კონფლიქტების მოგვარების, შერიგების, მშვიდობის მშენებლობის მიმართულებით ჩვენმა მრავალწლიანმა მუშაობამ აშკარად დაგვანახა, რომ წარსულისა და დაშვებული შეცდომების თუ ხელიდან გაშვებული შესაძლებლობების გააზრების გარეშე შეუძლებელია ტრანსფორმაციასა და ნორმალიზაციაზე ორიენტირებული სამომავლო ქმედებების დასახვა და სიტუაციის მკვდარი წერტილიდან დაძვრა. სამწუხაროდ, დრო ჩვენს სასარგებლოდ არ მუშაობს. ომმა უკრაინაში და ახალმა გეოპოლიტიკურმა გამოწვევებმა კიდევ უფრო გაამწვავა ვითარება და ქმედებების დროულად, გადაუდებლად დაწყების აუცილებლობა დაგვანახა.

2022 წლის 14-15 ივნისს წარსულის გააზრების მნიშვნელობისა და კონკრეტული ქმედებების ფორმულირებისადმი მიძღვნილი კონფერენციის მსვლელობისას გამოიკვეთა რამდენიმე მნიშვნელოვანი რეკომენდაცია წარსულის გააზრების (DwP) ქმედითი პროცესის ინიცირებისათვის. რეკომენდაციები ეფუძნება მოსაზრებას, რომ წარსულის გააზრება (DwP) წარმოადგენს შერიგებისა და სამოქალაქო თანხმობის პროცესის ქვაკუთხედს. ამავე დროს, წარსულის გააზრება არის პოლიტიკური პროცესი, რომლის წარმართვაში აუცილებელია სამოქალაქო საზოგადოების აქტიურობა, დამყარებული ამ პროცესის მნიშვნელოვნებისა და ტრაგიკული მოვლენების მტკივნეული აღიარების აუცილებლობაზე.

წარსულის გადააზრება/წარსულთან გამკლავება და მომავალი ურთიერთობების შესაძლებლობების ფორმირება საფუძვლად დაედო შერიგებისა და სამოქალაქო თანხმობის პროცესებს მეორე მსოფლიო ომის შემდგომ ევროპაში, რაც, თავის მხრივ, თანამედროვე ევროპის ერთიანობის საფუძველი გახდა. შესაბამისად, ევროპული ოჯახის სრულფასოვანი წევრობის გზაზე მდგომი საქართველოსთვის მსგავსი მიდგომების გააქტიურება მისი კონფლიქტების ტრანსფორმაციისა და ნორმალიზაციის საფუძველი უნდა გახდეს.

წარსულის გააზრების პროცესი უნდა ემყარებოდეს:

  • კონფლიქტებში ჩართული ყველა მხარის თანასწორობისა და ადამიანის უფლებების უნივერსალურობის, ამ უფლებების დარღვევების აღიარებისა და მათი გამოძიების პრინციპებს უფლებების დამრღვევთა და უფლებადარღვეულთა ეთნიკური და პოლიტიკური კუთვნილების მიუხედავად;
  • კონფლიქტებში ჩართული ყველა მხარის მიერ განცდილი ტრავმების აღიარებას, და, ამავდროულად, ტრავმის უფლების მონოპოლიზაციის თავიდან არიდებას;
  • მხარეების მხრიდან წარსულის განსხვავებული ინტერპრეტაციის აღიარებას და ამ განსხვავებულობის მიზეზების ანალიზის გზით, მათი თავსებადობის უზრუნველყოფას;
  • წარსულის ტრაგიკული მოვლენების ობიექტურ გამოძიებას და მის საფუძველზე სამართლებრივ და პოლიტიკურ შეფასებას. ასევე, ამ შეფასების საფუძველზე, ტრაგედიების მსხვერპლთა თანაგრძნობისა და თანაგანცდის გაცხადებას სამოქალაქო და სახელმწიფო დონეზე;
  • წარსულის გააზრების, მასზე მუშაობის პროცესის დებატების სფეროდან ფართო საჯარო სადისკუსიო სფეროში გადატანას და აკადემიური კვლევების გაძლიერებას პროცესების ენდემური ხასიათის გათვალისწინებით;
  • საარქივო, მათ შორის გარკვეული პერიოდის განმავლობაში ობიექტური თუ სუბიექტური მიზეზების გამო დახურული მასალების, ინდივიდუალური მოგონებების ხელმისაწვდომობის უზრუნველყოფას წარსულის შესწავლისა და გააზრების, ასევე - საგანმანათლებლო მიზნებისათვის;
  • ამ ურთულეს და მტკივნეულ პროცესზე სამოქალაქო და პოლიტიკური პასუხისმგებლობების აღებას და სხვადასხვა მხარეს მიმდინარე პროცესების არასიმეტრიულობის აღიარებას.

ამ პრინციპებზე დაყრდნობით წარსულის გააზრების პროცესის გააქტიურებისათვის აუცილებლად მიგვაჩნია:

  • გარდამავალი მართლმსაჯულების ხელშეწყობა როგორც შესაბამისი პროცესების შემსწავლელი სამოქალაქო კომისიის შექმნით, ასევე სახელმწიფო ინსტიტუტების გააქტიურებით მსხვერპლთა უფლებრივი მდგომარეობის აღდგენის მიმართულებით;
  • სიმბოლური დატვირთვის მქონე პროცესების გააქტიურება, როგორც საერთო და ინდივიდუალური ტრაგედიების გაზიარების აქტებისა და სახელმწიფოს მხრიდან გაზიარების თანამონაწილეობისა და თანაგანცდის გამოვლინება;
  • კონფლიქტების წინარე და შემდგომი პერიოდის არქივების აღდგენა- დიგიტალიზაცია და ინდივიდუალური მოგონენების დოკუმენტირება, შეძლებისდაგვარად მათი საჯარო სადისკუსიო სივრცეში გატანა და აკადემიური და ანალიტიკური კვლევითი მიმართულებების გააქტიურება;
  • კონფლიქტების მხარეებს შორის დიალოგის, მათ შორის არსებული Track 2 და Track 1,5 ფორმატების გააქტიურება და ახალი ფორმატების ფორმირება - წარსულზე მუშაობის საკითხების პოლიტიზაციიდან ადამიანის უფლებების გადატანა სამართლებრივ და ტრანსფორმაციის დღის წესრიგში;
  • საგანმანათლებლო და აკადემიური ინსტიტუტების ჩართულობის გააქტიურება როგორც წარსულის გააზრებისა და ანალიზის პროცესებში, ასევე კონფლიქტ-სენსიტიური სწავლების განვითარებისა და სასკოლო და საუნივერსიტეტო სასწავლო პროგრამების განახლების კუთხით;
  • კონფლიქტებთან მიმართებაში საქართველოს სახელმწიფო სტრატეგიის გადახედვის პროცესში წარსულის გადააზრების (DwP) მიდგომებისა და საჭიროებების იმპლემენტაცია როგორც შერიგების, ასევე სამართლებრივი მიმართულებით.

მოვუწოდებთ საქართველოს სახელმწიფო ინსტიტუტებს, საერთაშორისო ორგანიზაციებსა და გაერთიანებებს, კონფლიქტების დარეგულირებაზე, შერიგებასა და მშვიდობის მშენებლობის საკითხებზე მომუშავე ორგანიზაციებსა და ჯგუფებს, აქტიურად ჩაერთონ შერიგების ერთ-ერთი უმთავრესი და ქმედითი ინსტრუმენტის - წარსულის შესწავლისა და კრიტიკული გააზრების პროცესში.

ხელმომწერები:

  • ადამიანის უფლებათა ცენტრი (HRC)
  • კონფლიქტებისა და ნაციონალიზმის კვლევის ინსტიტუტი (ISNC)
  • დემოკრატიის კვლევის ინსტიტუტი (DRI),
  • სოციალური სამართლიანობის ცენტრი,
  • გეოპოლიტიკური კვლევების საერთაშორისო ცენტრი,
  • საქართველოს ახალგაზრდა იურისტთა ასოციაცია (GYLA),
  • მშვიდობისა და სამოქალაქო განვითარების ცენტრი (CPCD),
  • ქალთა საინფორმაციო ცენტრი,
  • კოალიცია დევნილთა უფლებებისთვის,
  • საქართველოს ოსთა ასოციაცია „ირონი“,
  • ახალგაზრდული ალტერნატივა,
  • სტუდია რე,
  • ასოციაცია „თანხმობა“,
  • ქალთა ფონდი „სოხუმი“,
  • საქველმოქმედო ჰუმანიტარული ცენტრი „აფხაზეთი“,
  • საქართველოს ქურთული ასოციაცია „რონაი“,
  • კულტურული მრავალფეროვნების ჰარმონიული განვითარების ცენტრი,
  • ქართულ-აფხაზური ურთიერთობების ინსტიტუტი,
  • კავკასიური მოზაიკა,
  • გორის ახალგაზრდული ცენტრი,
  • მარინა ფაღავა, კავკასიური დიალოგი,
  • ივანე აბრამიშვილი, კავკასიური სახლის მშვიდობის პროგრამის ხელმძღვანელი,
  • პაატა ზაქარეიშვილი, კონფლიქტოლოგი, ყოფილი სახელმწიფო მინისტრი შერიგებისა და სამოქალაქო თანასწორობის საკითხებში,
  • გიორგი კანაშვილი, კონფლიქტოლოგი,
  • მარინა ელბაქიძე, ქართულ-აფხაზური სამშვიდობო დიალოგის მონაწილე,
  • ზურაბ ბრაგვაძე, ისტორიკოსი,
  • მიხეილ ჯახუა, იურისტი,
  • არინა თავაქარაშვილი, სულხან საბა ორბელიანის უნივერსიტეტის ლექტორი, ასისტენტ-პროფესორი
  • შოთა შველიძე, კონფლიქტოლოგი
  • ქეთი მურუსიძე, მშვიდობისა და კონფლიქტების დამოუკიდებელი მკვლევარი
  • გიორგი ელიაური, ჟურნალისტი

ინსტრუქცია

  • საიტზე წინ მოძრაობისთვის უნდა გამოიყენოთ ღილაკი „tab“
  • უკან დასაბრუნებლად გამოიყენება ღილაკები „shift+tab“