სახელმწიფოსგან მიტოვებულები

"არავინ ინტერესდება ჩვენი პრობლემებით, არჩევნების დროს გვპირდებიან მხოლოდ რომ დაგვეხმარებიან, თუ ჩვენც დავეხმარებით. გვატყუებენ, არაფერს აკეთებენ".
"მაღაზიაც კი არ გვაქვს, რომ პროდუქტები ვიყიდოთ"
"ჩემმა შვილმა 9 კლასი დაამთავრა და ვერ აგრძელებს სწავლას, სკოლა არ არის"
"სახელმწიფო არ ზრუნავს ჩვენზე, ჩვენ ვზრუნავთ ჩვენს თავზე".

ამ ვიდეოში დმანისის მუნიციპალიტეტის ერთ-ერთი სოფლის, ანგრევანის მძიმე ინფრასტრუქტურული და სოციალური პრობლემების შესახებ გიყვებით. სოფელი ეთნიკური აზერბაიჯანელებით არის დასახლებული. მამედოვების ოჯახი, რომელიც ვიდეოში თავისი მძიმე ყოველდღიურობის შესახებ გვიყვება, მიუხედავად არსებული რეალობისა, სოფლის დატოვებას არ აპირებს.

"მე აქ დავიბადე, აქ ვცხოვრობ, საქართველოთი ვსუნთქავ. არასოდეს მიფიქრია სხვაგან წასვლაზე, არც თბილისში, არც საზღვარგარეთ, აქ დავიბადე და აქ დავრჩები. რა მინდა საზღვარგარეთ? საქართველო უფრო ლამაზია, საქართველოს მოვუაროთ" - ამბობს ოსმან მამედოვი.