საერთო ცხელი ხაზი +995 577 07 05 63
სოციალური დაცვა /
ინფოგრაფიკა
როგორ ხედავს სახელმწიფო სიღარიბეს?
საარსებო შემწეობის სისტემა საქართველოში 18 წელია, არსებობს. ფორმულის დახმარებით, სისტემა ზომავს ოჯახების სიღარიბის დონეს და მათ შესაბამის ქულებს ანიჭებს. სწორედ ეს ქულები განსაზღვრავს, თუ რამდენად და რა ოდენობით მიიღებს შინამეურნეობა შემწეობას.
წლების მანძილზე ქულების დათვლის მეთოდოლოგია შეიცვალა, თუმცა არაერთი მონაცემი, რომლითაც ამჟამად ოჯახის სოციალურ-ეკონომიკური მდგომარეობა იზომება, ადამიანების რეალურ საჭიროებებს კვლავ ვერ ხედავს.
მაგალითად:
- ქულის დათვლის დროს მხედველობაში მიიღება მიწის ნაკვეთის არსებობა, თუმცა ის არ არის გათვალისწინებული, რომ შესაძლოა, მისი დამუშავება და განკარგვა მარტოხელა ხანდაზმულს არ შეეძლოს.
- ოჯახს მაღალი ქულა შეიძლება მიენიჭოს მაშინაც, როდესაც კომუნალურ გადასახადებზე მაღალი გადახდები უფიქსირდება, მიუხედავად იმისა, რომ აღნიშნული ხარჯი, შესაძლოა, მინიმალურ საჭიროებებზე, მაგალითად, საკვებზე უარის თქმის ხარჯზე იყოს გაღებული.
სახელმწიფომ უნდა შექმნას სოციალური დაცვის ისეთი სისტემა, რომელიც რეალურად გაითვალისწინებს სიღარიბეში მცხოვრები ადამიანების საჭიროებებს და მათ სათანადო მხარდაჭერით უზრუნველყოფს.
ღირსეული სოციალური შემწეობის სისტემა ჩვენი უფლებაა!
პროექტი ხორციელდება USAID-ის სამოქალაქო საზოგადოების ჩართულობის პროგრამის მხარდაჭერით.
