[Skip to Content]

სიახლეების გამოწერა

ჯავახეთში კრიტიკული პოლიტიკის სკოლის მონაწილეების შერჩევა დაიწყო/Ջավախքում մեկնարկել է Քննադատական ​​քաղաքականության դպրոցի մասնակիցների ընտրությունը

 

Տե՛ս հայերեն թարգմանությունը ստորև

სოციალური სამართლიანობის ცენტრი აცხადებს მიღებას ჯავახეთის რეგიონში კრიტიკული პოლიტიკის სკოლის მონაწილეების შესარჩევად. 

კრიტიკული პოლიტიკის სკოლა, ჩვენი ხედვით, ნახევრად აკადემიური და პოლიტიკური სივრცეა, რომელიც მიზნად ისახავს სოციალური სამართლიანობის, თანასწორობის და დემოკრატიის საკითხებით დაინტერესებულ ახალგაზრდა აქტივისტებსა და თემის ლიდერებში კრიტიკული ცოდნის გაზიარებას და კოლექტიური მსჯელობისა და საერთო მოქმედების პლატფორმის შექმნას.

კრიტიკული პოლიტიკის სკოლა თეორიული ცოდნის გაზიარების გარდა, წარმოადგენს მისი მონაწილეების ურთიერთგაძლიერების, შეკავშირებისა და საერთო ბრძოლების გადაკვეთების ძიების ხელშემწყობ სივრცეს.

კრიტიკული პოლიტიკის სკოლის მონაწილეები შეიძლება გახდნენ ჯავახეთის რეგიონში (ახალქალაქის, ნინოწმინდისა და ახალციხის მუნიციპალიტეტებში) მოქმედი ან ამ რეგიონით დაინტერესებული სამოქალაქო აქტივისტები, თემის ლიდერები და ახალგაზრდები, რომლებიც უკვე მონაწილეობენ, ან აქვთ ინტერესი და მზადყოფნა მონაწილეობა მიიღონ დემოკრატიული, თანასწორი და სოლიდარობის იდეებზე დაფუძნებული საზოგადოების მშენებლობაში.  

პლატფორმის ფარგლებში წინასწარ მომზადებული სილაბუსის საფუძველზე ჩატარდება 16 თეორიული ლექცია/დისკუსია სოციალური, პოლიტიკური და ჰუმანიტარული მეცნიერებებიდან, რომელსაც სათანადო აკადემიური გამოცდილების მქონე პირები და აქტივისტები წაიკითხავენ.  პლატფორმის მონაწილეების საჭიროებების გათვალისწინებით, ასევე დაიგეგმება სემინარების ციკლი კოლექტიური მობილიზაციის, სოციალური ცვლილებებისთვის ბრძოლის სტრატეგიებსა და ინსტრუმენტებზე (4 სემინარი).

აღსანიშნავია, რომ სოციალური სამართლიანობის ცენტრს უკვე ჰქონდა ამგვარი კრიტიკული პოლიტიკის სკოლების ორგანიზების კარგი გამოცდილება თბილისში, მარნეულში, აჭარასა  და პანკისში.

კრიტიკული პოლიტიკის სკოლის ფარგლებში დაგეგმილი შეხვედრების ფორმატი:

  • თეორიული ლექცია/დისკუსია
  • გასვლითი ვიზიტები რეგიონებში
  • შერჩეული წიგნის/სტატიის კითხვის წრე
  • პრაქტიკული სემინარები

სკოლის ფარგლებში დაგეგმილ შეხვედრებთან დაკავშირებული ორგანიზაციული დეტალები:

  • სკოლის მონაწილეთა მაქსიმალური რაოდენობა: 25
  • ლექციებისა და სემინარების რაოდენობა: 20
  • სალექციო დროის ხანგრძლივობა: 8 საათი (თვეში 2 შეხვედრა)
  • ლექციათა ციკლის ხანგრძლივობა: 6 თვე (ივლისი-დეკემბერი)
  • ლექციების ჩატარების ძირითადი ადგილი: ნინოწმინდა, თბილისი
  • კრიტიკული სკოლის მონაწილეები უნდა დაესწრონ სალექციო საათების სულ მცირე 80%-ს.

სოციალური სამართლიანობის ცენტრი სრულად დაფარავს  მონაწილეების ტრანსპორტირების ხარჯებს.

შეხვედრებზე უზრუნველყოფილი იქნება სომხურ ენაზე თარგმანიც.

შეხვედრების შინაარსი, გრაფიკი, ხანგრძლივობა და ასევე სხვა ორგანიზაციული დეტალები შეთანხმებული იქნება სკოლის მონაწილეებთან, ადგილობრივი კონტექსტისა და მათი ინტერესების გათვალისწინებით.

მონაწილეთა შერჩევის წესი

პლატფორმაში მონაწილეობის შესაძლებლობა ექნებათ უმაღლესი განათლების მქონე (ან დამამთავრებელი კრუსის) 20 წლიდან 35 წლამდე ასაკის ახალგაზრდებს. 

კრიტიკული პოლიტიკის სკოლაში მონაწილეობის სურვილის შემთხვევაში გთხოვთ, მიმდინარე წლის 30 ივნისამდე გამოგვიგზავნოთ თქვენი ავტობიოგრაფია და საკონტაქტო ინფორმაცია.

დოკუმენტაცია გამოგვიგზავნეთ შემდეგ მისამართზე: [email protected] 

გთხოვთ, სათაურის ველში მიუთითოთ: "კრიტიკული პოლიტიკის სკოლა ჯავახეთში"

ჯავახეთში კრიტიკული პოლიტიკის სკოლის განხორციელება შესაძლებელი გახდა პროექტის „საქართველოში თანასწორობის, სოლიდარობის და სოციალური მშვიდობის მხარდაჭერის“ ფარგლებში, რომელსაც საქართველოში შვეიცარიის საელჩოს მხარდაჭერით სოციალური სამართლიანობის ცენტრი ახორციელებს.

 

Սոցիալական արդարության կենտրոնը հայտարարում է Ջավախքի տարածաշրջանում բնակվող երիտասարդների ընդունելիություն «Քննադատական մտածողության դպրոցում»

Քննադատական մտածողության դպրոցը մեր տեսլականով կիսակադեմիական և քաղաքական տարածք է, որի նպատակն է կիսել քննադատական գիտելիքները երիտասարդ ակտիվիստների և համայնքի լիդեռների հետ, ովքեր հետաքրքրված են սոցիալական արդարությամբ, հավասարությամբ և ժողովրդավարությամբ, և ստեղծել կոլեկտիվ դատողությունների և ընդհանուր գործողությունների հարթակ:

Քննադատական մտածողության դպրոցը, բացի տեսական գիտելիքների տարածումից, ներկայացնում  է որպես տարածք փոխադարձ հնարավորությունների ընդլայնման, մասնակիցների միջև ընդհանուր պայքարի միջոցով խնդիրների հաղթահարման և համախմբման համար։

Քննադատական մտածողության դպրոցի մասնակից կարող են դառնալ Ջավախքի տարածաշրջանի (Նինոծմինդա, Ախալքալաքի, Ախալցիխեի) երտասարդները, ովքեր հետաքրքրված են քաղաքական աքտիվիզմով, գործող ակտիվիստներ, համայնքի լիդեռները և շրջանում բնակվող երտասարդները, ովքեր ունեն շահագրգռվածություն և պատրաստակամություն՝ կառուցելու ժողովրդավարական, հավասարազոր և համերաշխության վրա հիմնված հասարակություն։

Հիմնվելով հարթակի ներսում նախապես պատրաստված ուսումնական ծրագրի վրա՝ 16 տեսական դասախոսություններ/քննարկումներ կկազմակերպվեն սոցիալական, քաղաքական և հումանիտար գիտություններից՝ համապատասխան ակադեմիական փորձ ունեցող անհատների և ակտիվիստների կողմից: Հաշվի առնելով հարթակի մասնակիցների կարիքները՝ նախատեսվում է նաև սեմինարների շարք կոլեկտիվ մոբիլիզացիայի, սոցիալական փոփոխությունների դեմ պայքարի ռազմավարությունների և գործիքների վերաբերյալ  (4 սեմինար):

Հարկ է նշել, որ Սոցիալական արդարության կենտրոնն արդեն ունի նմանատիպ քննադատական քաղաքականության դպրոցներ կազմակերպելու լավ փորձ Թբիլիսիում, Մառնեուլիում, Աջարիայում և Պանկիսիում։

Քննադատական քաղաքականության դպրոցի շրջանակներում նախատեսված հանդիպումների ձևաչափը

  • Տեսական դասախոսություն/քննարկում
  • Այցելություններ/հանդիպումներ տարբեր մարզերում
  • Ընթերցանության գիրք / հոդված ընթերցման շրջանակ
  • Գործնական սեմինարներ

Դպրոցի կողմից ծրագրված հանդիպումների կազմակերպչական մանրամասներ

  • Դպրոցի մասնակիցների առավելագույն թիվը՝ 25
  • Դասախոսությունների և սեմինարների քանակը՝ 20
  • Դասախոսության տևողությունը՝ 8 ժամ (ամսական 2 հանդիպում)
  • Դասախոսությունների տևողությունը՝ 6 ամիս (հուլիս-դեկտեմբեր)
  • Դասախոսությունների հիմնական վայրը՝ Նինոծմինդա, Թբիլիսի
  • Քննադատական դպրոցի մասնակիցները պետք է մասնակցեն դասախոսության ժամերի առնվազն 80%-ին:

Սոցիալական արդարության կենտրոնն ամբողջությամբ կհոգա մասնակիցների տրանսպորտային ծախսերը։

Հանդիպումների ժամանակ կապահովվի հայերեն լզվի թարգմանությունը։

Հանդիպումների բովանդակությունը, ժամանակացույցը, տևողությունը և կազմակերպչական այլ մանրամասներ կհամաձայնեցվեն դպրոցի մասնակիցների հետ՝ հաշվի առնելով տեղական համատեքստը և նրանց հետաքրքրությունները:

Մասնակիցների ընտրության ձևաչափը

Դպրոցում մասնակցելու հնարավորություն կնձեռվի բարձրագույն կրթություն ունեցող կամ ավարտական կուրսի 20-ից-35 տարեկան ուսանողներին/երտասարդներին։ 

Եթե ցանկանում եք մասնակցել քննադատական քաղաքականության դպրոցին, խնդրում ենք ուղարկել մեզ ձեր ինքնակենսագրությունը և կոնտակտային տվյալները մինչև հունիսի 30-ը։

Փաստաթղթերն ուղարկել հետևյալ հասցեով; [email protected]

Խնդրում ենք վերնագրի դաշտում նշել «Քննադատական մտածողության դպրոց Ջավախքում»:

Ջավախքում Քննադատական մտածողության դպրոցի իրականացումը հնարավոր է դարձել «Աջակցություն Վրաստանում հավասարության, համերաշխության և սոցիալական խաղաղության» ծրագրի շրջանակներում, որն իրականացվում է Սոցիալական արդարության կենտրոնի կողմից Վրաստանում Շվեյցարիայի դեսպանատան աջակցությամբ ։

სამართალდამცავი სისტემა / თვალსაზრისი

ლეგიტიმური თვითნებობის შესახებ

სოფო ვერძეული 

verdzeli_sopho_001

იმ ფონზე, როდესაც ყველა ვითხოვთ სამართალდამცავების გააქტიურებას რეალიზებული ძალადობის კულტურასთან საბრძოლველად, მიზანშეწონილი და კრიტიკულად მნიშვნელოვანიც კი არის, დავფიქრდეთ ძალაუფლების იმ მასშტაბებზე, რომელიც მათ ჩვენივე უსაფრთხოების დასაცავად გადავეცით.

მცირედით უტრირების შემთხვევაშიც კი, თავისუფლად შეგვიძლია ვთქვათ, რომ ამ ძალაუფლების მოცულობა და სამართალდამცავების მხრიდან ლეგიტიმური თვითნებობის რისკები ერთმანეთის პროპორციულია.

კრიმინალური თუ ძალადობრივი გამოცდილება, სიცოცხლის, უსაფრთხოების, ფიზიკური და ემოციური ხელშეუხებლობის რღვევასთან დაკავშირებული ცოცხალი ემოციები, როგორც წესი, იშვიათად ტოვებს სივრცეს პოლიციელის ძალაუფლების მასშტაბის კრიტიკული გააზრებისთვის. თუმცა პირადი თავისუფლების მიზანმიმართული და შეუქცევადი დათმობა კოლექტიური უსაფრთხოების, ხშირად კი, უფრო ზოგადი და ბუნდოვანი მიზნებისთვის, ამ ემოციაზე უფრო მძაფრი და ტრაგიკული აღმოჩნდება ხოლმე. ყოველი ასეთი გააზრება გვაბრუნებს იმ კრიტიკულ საკითხთან, როგორიცაა ჩვენივე ნებით დათმობილი თავისუფლება, რომელიც ცუდი კანონმდებლობისა თუ ცუდი აღსრულების პირობებში, სახელმწიფოს თვითნებობად გვიბრუნდება.

ყოველ ჯერზე, როდესაც პოლიცია მიმართავს მასობრივ საპოლიციო ღონისძიებებს, მაგალითად, რეიდებს, ჩვენ ბუნებრივად ვიწყებთ ამგვარი ძალაუფლების ლეგიტიმურობაზე ფიქრს. თუმცა რეაქციულ რეჟიმში, როდესაც ჩვენ მხოლოდ პასუხის გაცემის პროცესში ვართ, გვიჭირს სისტემურად გავიაზროთ პოლიციის რეალური ძალაუფლება და მისი სარეზერვო ინსტრუმენტები.

ერთი წლის წინ პარლამენტმა პოლიციის შესახებ ახალი კანონი მიიღო. შინაგან საქმეთა სამინისტრო, როგორც კანონპროექტის ავტორი, მის მთავარ ღირსებად პოლიციის საქმიანობაში პრევენციული როლის გაზრდას ასახელებდა და ალბათ გულისხმობდა, რომ ამ გზით პოლიცია გახდებოდა უფრო მეტად საზოგადოებრივი ინსტიტუტი და უფრო ეფექტური იქნებოდა დანაშაულის თავიდან აცილების პროცესში.

ამდენად, პოლიციას მიენიჭა უფლება პრევენციულად მოახდინოს პირის გამოკითხვა, იდენტიფიკაცია, პოლიციაში მოწვევა გასაუბრების მიზნით, ზედაპირული შემოწმება და დათვალიერება, ჩაატაროს სპეციალური საპოლიციო კონტროლი, იგივე რეიდი და სხვა. ამას ემატება პოლიციის ოპერატიულ-სამძებრო ღონისძიებები, რომელიც რეალურად პოლიციის ხელში არსებული ერთ-ერთი ყველაზე ბუნდოვანი და საიმედო ინსტრუმენტია.

მიუხედავად იმისა, რომ ყველა ამ ღონისძიებას პოლიციის პრევენციული ფუნქციების სახელი აერთიანებს, რთული იქნება იმაზე შეთანხმება, რომ ეს ინსტრუმენტები მართლაც პრევენციულია. კანონის შემუშავების დროს კანონის ტექსტში შეიტანეს იმგვარი სიტყვათა შეთანხმებები, რომელიც ზემოთ აღნიშნულ მექანიზმებს აცლის პრევენციულ ხასიათს და, რაც უფრო მეტად სახიფათოა, პოლიციას აძლევს შესაძლებლობას ამ მექანიზმების გამოყენებით არა პრევენცია, არამედ უკვე ჩადენილ სამართალდარღვევებზე რეაგირება მოახდინოს. პრევენცია, დანაშაულის თავიდან აცილების მიზნით, პოლიციის მიერ გარკვეული ღონისძიებების გამოყენებას გულისხმობს, მაშინ, როცა გამოძიება სამართალდარღვევაზე რეაგირების მექანიზმია და დანაშაულთან დაკავშირებით მტკიცებულებების მოგროვებას უკავშირდება.

ჩადენილ დანაშაულზე რეაგირება გამოძიების საქმეა. რამდენად უცნაურიც არ უნდა იყოს, ამ ნაწილში კანონმდებლობა საკმარისად ნათელი და მკაცრია. დანაშაულის ნიშნების არსებობის შემთხვევაში, გამოძიება უნდა დაიწყოს, ამბობს კანონი. ამავე კანონის მიხედვით, გამოძიების წარმართვას თავისი წესები აქვს: ჰყავს კონკრეტულად უფლებამოსილი და პასუხისმგებელი პირები, ითვალისწინებს პირის უფლებების დაცვის მეტ გარანტიებს და ამცირებს თვითნებობის შესაძლებლობებს. ამდენად, მნიშვნელოვანია, რომ საგამოძიებო მოქმედებები სწორედ იმ წესების დაცვით ჩატარდეს, რაც გამოძიებისთვის არის დადგენილი.

პოლიციის შესახებ კანონის ყურადღებით წაკითხვის შემთხვევაში, თვალი აუცილებლად შეამჩნევს კანონში უადგილოდ მოხსენიებულ ფრაზებს,: “პირმა ჩაიდინა სამართალდარღვევა ან ჩაიდენს მას”, “პირს პირდაპირი კავშირი აქვს ჩადენილ სამართალდარღვევასთან”, “ჩადენილია ან ჩადენილი იქნება დანაშაული”. ეს გარემოებები ზემოხსენებული ზოგიერთი პრევენციული მექანიზმის გამოყენების საფუძველია. ამგვარად, ნათელია, რომ პოლიციას აქვს შესაძლებლობა დანაშაულზე რეაგირება მოახდინოს საპოლიციო და არა საგამოძიებო მექანიზმებით. დანაშაულზე რეაგირებისას კანონით დაშვებული ალტერნატიული მექანიზმების გამოყენება თავისთავად გულისხმობს ნაკლებ გარანტიებს, კანონიერების კონტროლის შესუსტებულ მეთოდებს და თვითნებობის მაღალ რისკებს.

ნათელია, რომ ყველა ასეთმა დუბლირებამ შეიძლება შექმნას ცდუნება პოლიციისთვის, გამოყენებული იქნას ის წესები, რომლებიც უფრო მარტივი და კომფორტულია პოლიციისთვის, თუმცა სახიფათოა მოქალაქისთვის. ცხადია, ადამიანის უფლებების პერსპექტივიდან ეს იქნება თვითნებობა, თუმცა ის იქნება ლეგიტიმური, რამდენადაც ჩვენ დავუშვით კანონებს შორის ასეთი გადაფარვები ყოფილიყო. მეტიც, ვერ გავიაზრეთ, რომ სინამდვილეში, ყველა ასეთი დუბლირება სცილდება საკანონმდებლო აქტების პრობლემას და ჩვენივე უფლებების დაცვის თვალსაზრისით უფსკრულებს აჩენს.

ინსტრუქცია

  • საიტზე წინ მოძრაობისთვის უნდა გამოიყენოთ ღილაკი „tab“
  • უკან დასაბრუნებლად გამოიყენება ღილაკები „shift+tab“