[Skip to Content]
ENG
ENG

სიახლეების გამოწერა

ჯავახეთში კრიტიკული პოლიტიკის სკოლის მონაწილეების შერჩევა დაიწყო/Ջավախքում մեկնարկել է Քննադատական ​​քաղաքականության դպրոցի մասնակիցների ընտրությունը

 

Տե՛ս հայերեն թարգմանությունը ստորև

სოციალური სამართლიანობის ცენტრი აცხადებს მიღებას ჯავახეთის რეგიონში კრიტიკული პოლიტიკის სკოლის მონაწილეების შესარჩევად. 

კრიტიკული პოლიტიკის სკოლა, ჩვენი ხედვით, ნახევრად აკადემიური და პოლიტიკური სივრცეა, რომელიც მიზნად ისახავს სოციალური სამართლიანობის, თანასწორობის და დემოკრატიის საკითხებით დაინტერესებულ ახალგაზრდა აქტივისტებსა და თემის ლიდერებში კრიტიკული ცოდნის გაზიარებას და კოლექტიური მსჯელობისა და საერთო მოქმედების პლატფორმის შექმნას.

კრიტიკული პოლიტიკის სკოლა თეორიული ცოდნის გაზიარების გარდა, წარმოადგენს მისი მონაწილეების ურთიერთგაძლიერების, შეკავშირებისა და საერთო ბრძოლების გადაკვეთების ძიების ხელშემწყობ სივრცეს.

კრიტიკული პოლიტიკის სკოლის მონაწილეები შეიძლება გახდნენ ჯავახეთის რეგიონში (ახალქალაქის, ნინოწმინდისა და ახალციხის მუნიციპალიტეტებში) მოქმედი ან ამ რეგიონით დაინტერესებული სამოქალაქო აქტივისტები, თემის ლიდერები და ახალგაზრდები, რომლებიც უკვე მონაწილეობენ, ან აქვთ ინტერესი და მზადყოფნა მონაწილეობა მიიღონ დემოკრატიული, თანასწორი და სოლიდარობის იდეებზე დაფუძნებული საზოგადოების მშენებლობაში.  

პლატფორმის ფარგლებში წინასწარ მომზადებული სილაბუსის საფუძველზე ჩატარდება 16 თეორიული ლექცია/დისკუსია სოციალური, პოლიტიკური და ჰუმანიტარული მეცნიერებებიდან, რომელსაც სათანადო აკადემიური გამოცდილების მქონე პირები და აქტივისტები წაიკითხავენ.  პლატფორმის მონაწილეების საჭიროებების გათვალისწინებით, ასევე დაიგეგმება სემინარების ციკლი კოლექტიური მობილიზაციის, სოციალური ცვლილებებისთვის ბრძოლის სტრატეგიებსა და ინსტრუმენტებზე (4 სემინარი).

აღსანიშნავია, რომ სოციალური სამართლიანობის ცენტრს უკვე ჰქონდა ამგვარი კრიტიკული პოლიტიკის სკოლების ორგანიზების კარგი გამოცდილება თბილისში, მარნეულში, აჭარასა  და პანკისში.

კრიტიკული პოლიტიკის სკოლის ფარგლებში დაგეგმილი შეხვედრების ფორმატი:

  • თეორიული ლექცია/დისკუსია
  • გასვლითი ვიზიტები რეგიონებში
  • შერჩეული წიგნის/სტატიის კითხვის წრე
  • პრაქტიკული სემინარები

სკოლის ფარგლებში დაგეგმილ შეხვედრებთან დაკავშირებული ორგანიზაციული დეტალები:

  • სკოლის მონაწილეთა მაქსიმალური რაოდენობა: 25
  • ლექციებისა და სემინარების რაოდენობა: 20
  • სალექციო დროის ხანგრძლივობა: 8 საათი (თვეში 2 შეხვედრა)
  • ლექციათა ციკლის ხანგრძლივობა: 6 თვე (ივლისი-დეკემბერი)
  • ლექციების ჩატარების ძირითადი ადგილი: ნინოწმინდა, თბილისი
  • კრიტიკული სკოლის მონაწილეები უნდა დაესწრონ სალექციო საათების სულ მცირე 80%-ს.

სოციალური სამართლიანობის ცენტრი სრულად დაფარავს  მონაწილეების ტრანსპორტირების ხარჯებს.

შეხვედრებზე უზრუნველყოფილი იქნება სომხურ ენაზე თარგმანიც.

შეხვედრების შინაარსი, გრაფიკი, ხანგრძლივობა და ასევე სხვა ორგანიზაციული დეტალები შეთანხმებული იქნება სკოლის მონაწილეებთან, ადგილობრივი კონტექსტისა და მათი ინტერესების გათვალისწინებით.

მონაწილეთა შერჩევის წესი

პლატფორმაში მონაწილეობის შესაძლებლობა ექნებათ უმაღლესი განათლების მქონე (ან დამამთავრებელი კრუსის) 20 წლიდან 35 წლამდე ასაკის ახალგაზრდებს. 

კრიტიკული პოლიტიკის სკოლაში მონაწილეობის სურვილის შემთხვევაში გთხოვთ, მიმდინარე წლის 30 ივნისამდე გამოგვიგზავნოთ თქვენი ავტობიოგრაფია და საკონტაქტო ინფორმაცია.

დოკუმენტაცია გამოგვიგზავნეთ შემდეგ მისამართზე: [email protected] 

გთხოვთ, სათაურის ველში მიუთითოთ: "კრიტიკული პოლიტიკის სკოლა ჯავახეთში"

ჯავახეთში კრიტიკული პოლიტიკის სკოლის განხორციელება შესაძლებელი გახდა პროექტის „საქართველოში თანასწორობის, სოლიდარობის და სოციალური მშვიდობის მხარდაჭერის“ ფარგლებში, რომელსაც საქართველოში შვეიცარიის საელჩოს მხარდაჭერით სოციალური სამართლიანობის ცენტრი ახორციელებს.

 

Սոցիալական արդարության կենտրոնը հայտարարում է Ջավախքի տարածաշրջանում բնակվող երիտասարդների ընդունելիություն «Քննադատական մտածողության դպրոցում»

Քննադատական մտածողության դպրոցը մեր տեսլականով կիսակադեմիական և քաղաքական տարածք է, որի նպատակն է կիսել քննադատական գիտելիքները երիտասարդ ակտիվիստների և համայնքի լիդեռների հետ, ովքեր հետաքրքրված են սոցիալական արդարությամբ, հավասարությամբ և ժողովրդավարությամբ, և ստեղծել կոլեկտիվ դատողությունների և ընդհանուր գործողությունների հարթակ:

Քննադատական մտածողության դպրոցը, բացի տեսական գիտելիքների տարածումից, ներկայացնում  է որպես տարածք փոխադարձ հնարավորությունների ընդլայնման, մասնակիցների միջև ընդհանուր պայքարի միջոցով խնդիրների հաղթահարման և համախմբման համար։

Քննադատական մտածողության դպրոցի մասնակից կարող են դառնալ Ջավախքի տարածաշրջանի (Նինոծմինդա, Ախալքալաքի, Ախալցիխեի) երտասարդները, ովքեր հետաքրքրված են քաղաքական աքտիվիզմով, գործող ակտիվիստներ, համայնքի լիդեռները և շրջանում բնակվող երտասարդները, ովքեր ունեն շահագրգռվածություն և պատրաստակամություն՝ կառուցելու ժողովրդավարական, հավասարազոր և համերաշխության վրա հիմնված հասարակություն։

Հիմնվելով հարթակի ներսում նախապես պատրաստված ուսումնական ծրագրի վրա՝ 16 տեսական դասախոսություններ/քննարկումներ կկազմակերպվեն սոցիալական, քաղաքական և հումանիտար գիտություններից՝ համապատասխան ակադեմիական փորձ ունեցող անհատների և ակտիվիստների կողմից: Հաշվի առնելով հարթակի մասնակիցների կարիքները՝ նախատեսվում է նաև սեմինարների շարք կոլեկտիվ մոբիլիզացիայի, սոցիալական փոփոխությունների դեմ պայքարի ռազմավարությունների և գործիքների վերաբերյալ  (4 սեմինար):

Հարկ է նշել, որ Սոցիալական արդարության կենտրոնն արդեն ունի նմանատիպ քննադատական քաղաքականության դպրոցներ կազմակերպելու լավ փորձ Թբիլիսիում, Մառնեուլիում, Աջարիայում և Պանկիսիում։

Քննադատական քաղաքականության դպրոցի շրջանակներում նախատեսված հանդիպումների ձևաչափը

  • Տեսական դասախոսություն/քննարկում
  • Այցելություններ/հանդիպումներ տարբեր մարզերում
  • Ընթերցանության գիրք / հոդված ընթերցման շրջանակ
  • Գործնական սեմինարներ

Դպրոցի կողմից ծրագրված հանդիպումների կազմակերպչական մանրամասներ

  • Դպրոցի մասնակիցների առավելագույն թիվը՝ 25
  • Դասախոսությունների և սեմինարների քանակը՝ 20
  • Դասախոսության տևողությունը՝ 8 ժամ (ամսական 2 հանդիպում)
  • Դասախոսությունների տևողությունը՝ 6 ամիս (հուլիս-դեկտեմբեր)
  • Դասախոսությունների հիմնական վայրը՝ Նինոծմինդա, Թբիլիսի
  • Քննադատական դպրոցի մասնակիցները պետք է մասնակցեն դասախոսության ժամերի առնվազն 80%-ին:

Սոցիալական արդարության կենտրոնն ամբողջությամբ կհոգա մասնակիցների տրանսպորտային ծախսերը։

Հանդիպումների ժամանակ կապահովվի հայերեն լզվի թարգմանությունը։

Հանդիպումների բովանդակությունը, ժամանակացույցը, տևողությունը և կազմակերպչական այլ մանրամասներ կհամաձայնեցվեն դպրոցի մասնակիցների հետ՝ հաշվի առնելով տեղական համատեքստը և նրանց հետաքրքրությունները:

Մասնակիցների ընտրության ձևաչափը

Դպրոցում մասնակցելու հնարավորություն կնձեռվի բարձրագույն կրթություն ունեցող կամ ավարտական կուրսի 20-ից-35 տարեկան ուսանողներին/երտասարդներին։ 

Եթե ցանկանում եք մասնակցել քննադատական քաղաքականության դպրոցին, խնդրում ենք ուղարկել մեզ ձեր ինքնակենսագրությունը և կոնտակտային տվյալները մինչև հունիսի 30-ը։

Փաստաթղթերն ուղարկել հետևյալ հասցեով; [email protected]

Խնդրում ենք վերնագրի դաշտում նշել «Քննադատական մտածողության դպրոց Ջավախքում»:

Ջավախքում Քննադատական մտածողության դպրոցի իրականացումը հնարավոր է դարձել «Աջակցություն Վրաստանում հավասարության, համերաշխության և սոցիալական խաղաղության» ծրագրի շրջանակներում, որն իրականացվում է Սոցիալական արդարության կենտրոնի կողմից Վրաստանում Շվեյցարիայի դեսպանատան աջակցությամբ ։

პოლიტიკა და ადამიანის უფლებები კონფლიქტის რეგიონებში / განცხადება

გალში ეთნიკური ქართველებისთვის საკუთარ ენაზე განათლების მიღების უფლების ხელყოფამ უმძიმესი ფორმები მიიღო

ფოტო: ნეტგაზეთი

აფხაზეთის დე ფაქტო ხელისუფლების მიერ გალის რაიონში არსებულ სკოლებში ქართული ენაზე სწავლების სრულად აკრძალვა ეთნიკური ქართველების მიმართ მორიგი დისკრიმინაციული გადაწყვეტილებაა და ასიმილაციური კულტურული პოლიტიკის გაგრძელებას წარმოადგენს. სოციალური სამართლიანობის ცენტრი მოუწოდებს საქართველოს ხელისუფლებას უფრო ეფექტიანად გამოიყენოს მის ხელთ არსებული პოლიტიკური, დიპლომატიური და სამართლებრივი მექანიზმები და რესურსები  გალში მაცხოვრებელი ეთნიკური ქართველების განათლებისა და კულტურული უფლებების დაცვის ხელშეწყობისთვის.  

2021 წლის 12 სექტემბერს ცნობილი გახდა აფხაზეთის დე ფაქტო განათლების სამინისტროს გადაწყვეტილების შესახებ, რომლის მიხედვითაც, გალის რაიონის სკოლებში ქართულ ენაზე სწავლება სრულად აიკრძალა.[1] ამ გადაწყვეტილებით ფაქტობრივად დასრულდა გალის სკოლების აფხაზურ საგანმანათლებლო სისტემაში ასიმილაციისა და რუსიფიკაციის პროცესი, რომელიც წლების წინ წამოიწყო.

გალის მცხოვრები ეთნიკური ქართველებისთვის საკუთარ ენაზე განათლების მიღების უფლება ადგილობრივი ხელისუფების მიზანმიმართული დისკრიმინაციული პოლიტიკის შედეგად შეზღუდულია. ჯერ კიდევ 1993 წლიდან გალის რაიონი დაიყო ე.წ. „ზედა და „ქვედა“ ზონებად, საიდანაც ზედა ზონაში დაიწყო რუსულენოვანი პირველი კლასების გახსნა და ქართულენოვანი კლასების მიერ სწავლების დასრულების შემდეგ, ამ სკოლებში სწავლება სრულიად რუსულ ენაზე გადავიდა. გალის „ზედა ზონის“ ამ სკოლებში ქართული ენა მხოლოდ ერთ საგნად ისწავლებოდა, დანარჩენი საგნების სწავლება რუსულ ენაზე გადაეწყო.[2] ქვედა ზონაში 2015-2016 სასწავლო წლიდან პირველიდან მეოთხე კლასამდე რუსულ ენაზე სწავლება დაწესდა, რაც ასევე ყოველი მომდევნო პირველი კლასებისთვის რუსულ ენაზე სწავლის დაწყებას გულისხმობდა.[3] მიმდინარე წლის სექტემბერში კი აფხაზეთის განათლების სამინისტროს მიერ მიღებული გადაწყვეტილებით გალის რაიონში ქართულენოვანი სწავლების სრულად გაუქმდა.[4]აღსანიშნავია, რომ ქართულ ენაზე სწავლა აკრძალულია გალის რაიონში არსებულ ყველა სკოლამდელ დაწესებულებაში. აფხაზეთის დე ფაქტო ხელისუფლება წლების განმავლობაში ახდენს ზეწოლას გალის რაიონის ქართველ მასწავლებლებზე, მათ შორის მასწავლებლების სამსახურიდან გათავისუფლების მეშვეობით.[5] 

გალის რაიონში ქართველი მოსწავლეებისთვის მშობლიურ ენაზე სწავლების აკრძალვა პრობლემაა არა მხოლოდ მისი დისკრიმინაციული და ასიმილაციური შინაარსის გამო, არამედ  მოსწავლეების და ახალგაზრდების განვითარების თვალსაზრისითაც. მოსწავლეები, იმის გამო, რომ შინ მეგრულად ან ქართულად საუბრობენ, სკოლაში კი ყველა საგანს რუსულად ასწავლიან და უცხო ენებთან ერთად აფხაზურ ენასაც სწავლობენ, შედეგად, ვერც ერთ ენას ვერ ფლობენ სრულყოფილად. მათთვის უცხო, რუსულ ენაზე სწავლის დაწყება პირველივე კლასიდან, უარყოფით გავლენას იქონიებს მათი განათლების მიღების პროსესზე და სასწავლო შედეგებზე. გალის სკოლებში რუსულ ენაზე სწავლების საკმარისი ადამიანური რესურსებიც არ არსებობს, რაც მთლიანად განათლების მიღების ხარისხს დააზიანებს და მძიმედ აისახება ადგილობრივი ახალგაზრდების ცოდნასა და სოციალური განვითარების შესაძლებლობებზე.  

სამწუხაროა, რომ საქართველოს ხელისუფლებამ მცდელობების მიუხედავად წლების განმავლობაში ვერ მოხერხდა მიმდინარე კულტურული ასიმილაციის პროცესის შეკავება და მისგან მომდინარე რისკების დაზღვევა თუნდაც ალტერნატიული მდგრადი და ეფექტიანი საგანმანათლებლო რესურსების შექმნით ადგილზე. მნიშვნელოვანია, რომ საქართველოს ხელისუფლება დღემდე ეხმარება გალის რაიონის სკოლებს, რაც მასწავლებლებისთვის საგანმანათლებლო კურსების, ფინანსური დახმარების გაწევასა და სახელმძღვანელოებით მომარაგებაში გამოიხატება. საქართველო ჟენევის საერთაშორისო დისკუსიებში აქტიურად აყენებს გალში მშობლიურ ენაზე განათლების მიღების საკითხს, თუმცა, ზოგადი განათლების სფეროში არსებული მდგომარეობა გალში მცხოვრები ეთნიკური ქართველების განათლებაზე მთლიანობაში მძიმედ აისახება და ის საქართველოს ხელისუფლების მხრიდან ძალისხმევის გაძლიერებას საჭიროებს.    

ადამიანის უფლებათა ევროპულ სასამართლოს აქვს ჩამოყალიბებული სასამართლო პრაქტიკა, რომელიც კონფლიქტის რეგიონებში განათლების უფლების რეალიზებას უკავშირდება. მათ შორის, კვიპროსი თურქეთის წინააღმდეგ, კატანი და სხვები მოლდოვასა და რუსეთის წინააღმდეგ საქმეებზე განათლების უფლების ხელყოფის პრაქტიკაში ევროპულმა სასამართლო შესაბამის ტერიტორიებზე ეფექტიანი კონტროლი განმახორციელებელი სახელმწიფოების სამართლებრივი პასუხისმგებლობა დაადგინა. ჩვენს შემთხვევაშიც აშკარაა რუსეთის სამართლებრივი პასუხისმგებლობა აფხაზეთში ადამიანის უფლებათა დარღვევის ფაქტების და პრაქტიკების გამო. თუმცა, ეს მოცემულობა de jure სახელმწიფოს ასევე აკისრებს პოზიტიური ვალდებულებების განხორციელების პასუხისმგებლობას, რაც მის ხელთ არსებული ყველა მექანიზმისა და რესურსის გამოყენებას გულისხმობს, რათა აღადგინოს ტერიტორიაზე იურისდიქცია და ასევე გავლენა მოახდინოს უფლებათა დარღვევის აღკვეთაზე.

ზემოთ აღნიშნულის გათვალისწინებით,

არსებითია საქართველოს ხელისუფლებამ გამოიყენოს ყველა დიპლომატიური, პოლიტიკური და სამართლებრივი მექანიზმი ეთნიკური ქართველებისთვის მშობლიურ ენაზე განათლების მიღების უფლების დასაცავად და მათ შორის, გამართოს აქტიური მოლაპარაკებები de facto მთავრობასთან.   

ამასთან, მნიშვნელოვანია საქართველოს მთავრობამ შეიმუშავოს ქართული ენისა და სხვა საგნების სწავლების ალტერნატიული ფორმატები და პროგრამები გალში მცხოვრები ახალგარდებისთვის და ამ მიზნით მათ შორის, მოახდინოს ადეკვატური საგანმანათლებლო, ტექნიკური და საბიბლიოთეკო რესურსების მობილიზება ადგილზე.

სქოლიო და ბიბლიოგრაფია

[1] Де-факто Сухуми запретил обучение на грузинском в школах Гальского района. ხელმისაწვდომია: https://sova.news/2021/09/14/228164/?fbclid=IwAR3unu_S8LM6ADisItsqp2Bsuvrqt3RFjaL3W_wxBZ-fa_WUmqoyk3jUquQ

[2] შონია ნ. „რუსიფიკატორული საგანმანათლებლო პოლიტიკა ოკუპირებულ გალის რაიონში.“ ხელმისაწვდომია: http://meca.gov.ge/assets/books/Esatia_Shromebis_Krebuli.pdf

[3] „განათლების უფლება გალის რაიონში: 2015-2016 სასწავლო წლის სიახლეები და თანმდევი პრობლემები“. საქართველოს სახალხო დამცველის სპეციალური ანგარიში, 2015 წ. ხელმისაწვდომია: https://www.ombudsman.ge/res/docs/2019041311454240454.pdf

[4] ფუხაშვილი რ., ნანუაშვილი უ., ხიდაშელი თ. „მშობლიურ ენაზე განათლების მიღების ხელმისაწვდომობა გალის და ახალგორის რაიონებში.„ 2020წ. ხელმისაწვდომია: http://www.democracyresearch.org/files/65DRI-broshura-geo-2.pdf

[5] გალის ქართულ სკოლებში ქართულად სწავლების აკრძალვამ პირველი შედეგები უკვე გამოიღო. ხელმისაწვდომია: http://damoukidebloba.ge/c/news/galis_skolebshi_qartulad_swavlebis_akrdzalva

ინსტრუქცია

  • საიტზე წინ მოძრაობისთვის უნდა გამოიყენოთ ღილაკი „tab“
  • უკან დასაბრუნებლად გამოიყენება ღილაკები „shift+tab“