[Skip to Content]

სიახლეების გამოწერა

ჯავახეთში კრიტიკული პოლიტიკის სკოლის მონაწილეების შერჩევა დაიწყო/Ջավախքում մեկնարկել է Քննադատական ​​քաղաքականության դպրոցի մասնակիցների ընտրությունը

 

Տե՛ս հայերեն թարգմանությունը ստորև

სოციალური სამართლიანობის ცენტრი აცხადებს მიღებას ჯავახეთის რეგიონში კრიტიკული პოლიტიკის სკოლის მონაწილეების შესარჩევად. 

კრიტიკული პოლიტიკის სკოლა, ჩვენი ხედვით, ნახევრად აკადემიური და პოლიტიკური სივრცეა, რომელიც მიზნად ისახავს სოციალური სამართლიანობის, თანასწორობის და დემოკრატიის საკითხებით დაინტერესებულ ახალგაზრდა აქტივისტებსა და თემის ლიდერებში კრიტიკული ცოდნის გაზიარებას და კოლექტიური მსჯელობისა და საერთო მოქმედების პლატფორმის შექმნას.

კრიტიკული პოლიტიკის სკოლა თეორიული ცოდნის გაზიარების გარდა, წარმოადგენს მისი მონაწილეების ურთიერთგაძლიერების, შეკავშირებისა და საერთო ბრძოლების გადაკვეთების ძიების ხელშემწყობ სივრცეს.

კრიტიკული პოლიტიკის სკოლის მონაწილეები შეიძლება გახდნენ ჯავახეთის რეგიონში (ახალქალაქის, ნინოწმინდისა და ახალციხის მუნიციპალიტეტებში) მოქმედი ან ამ რეგიონით დაინტერესებული სამოქალაქო აქტივისტები, თემის ლიდერები და ახალგაზრდები, რომლებიც უკვე მონაწილეობენ, ან აქვთ ინტერესი და მზადყოფნა მონაწილეობა მიიღონ დემოკრატიული, თანასწორი და სოლიდარობის იდეებზე დაფუძნებული საზოგადოების მშენებლობაში.  

პლატფორმის ფარგლებში წინასწარ მომზადებული სილაბუსის საფუძველზე ჩატარდება 16 თეორიული ლექცია/დისკუსია სოციალური, პოლიტიკური და ჰუმანიტარული მეცნიერებებიდან, რომელსაც სათანადო აკადემიური გამოცდილების მქონე პირები და აქტივისტები წაიკითხავენ.  პლატფორმის მონაწილეების საჭიროებების გათვალისწინებით, ასევე დაიგეგმება სემინარების ციკლი კოლექტიური მობილიზაციის, სოციალური ცვლილებებისთვის ბრძოლის სტრატეგიებსა და ინსტრუმენტებზე (4 სემინარი).

აღსანიშნავია, რომ სოციალური სამართლიანობის ცენტრს უკვე ჰქონდა ამგვარი კრიტიკული პოლიტიკის სკოლების ორგანიზების კარგი გამოცდილება თბილისში, მარნეულში, აჭარასა  და პანკისში.

კრიტიკული პოლიტიკის სკოლის ფარგლებში დაგეგმილი შეხვედრების ფორმატი:

  • თეორიული ლექცია/დისკუსია
  • გასვლითი ვიზიტები რეგიონებში
  • შერჩეული წიგნის/სტატიის კითხვის წრე
  • პრაქტიკული სემინარები

სკოლის ფარგლებში დაგეგმილ შეხვედრებთან დაკავშირებული ორგანიზაციული დეტალები:

  • სკოლის მონაწილეთა მაქსიმალური რაოდენობა: 25
  • ლექციებისა და სემინარების რაოდენობა: 20
  • სალექციო დროის ხანგრძლივობა: 8 საათი (თვეში 2 შეხვედრა)
  • ლექციათა ციკლის ხანგრძლივობა: 6 თვე (ივლისი-დეკემბერი)
  • ლექციების ჩატარების ძირითადი ადგილი: ნინოწმინდა, თბილისი
  • კრიტიკული სკოლის მონაწილეები უნდა დაესწრონ სალექციო საათების სულ მცირე 80%-ს.

სოციალური სამართლიანობის ცენტრი სრულად დაფარავს  მონაწილეების ტრანსპორტირების ხარჯებს.

შეხვედრებზე უზრუნველყოფილი იქნება სომხურ ენაზე თარგმანიც.

შეხვედრების შინაარსი, გრაფიკი, ხანგრძლივობა და ასევე სხვა ორგანიზაციული დეტალები შეთანხმებული იქნება სკოლის მონაწილეებთან, ადგილობრივი კონტექსტისა და მათი ინტერესების გათვალისწინებით.

მონაწილეთა შერჩევის წესი

პლატფორმაში მონაწილეობის შესაძლებლობა ექნებათ უმაღლესი განათლების მქონე (ან დამამთავრებელი კრუსის) 20 წლიდან 35 წლამდე ასაკის ახალგაზრდებს. 

კრიტიკული პოლიტიკის სკოლაში მონაწილეობის სურვილის შემთხვევაში გთხოვთ, მიმდინარე წლის 30 ივნისამდე გამოგვიგზავნოთ თქვენი ავტობიოგრაფია და საკონტაქტო ინფორმაცია.

დოკუმენტაცია გამოგვიგზავნეთ შემდეგ მისამართზე: [email protected] 

გთხოვთ, სათაურის ველში მიუთითოთ: "კრიტიკული პოლიტიკის სკოლა ჯავახეთში"

ჯავახეთში კრიტიკული პოლიტიკის სკოლის განხორციელება შესაძლებელი გახდა პროექტის „საქართველოში თანასწორობის, სოლიდარობის და სოციალური მშვიდობის მხარდაჭერის“ ფარგლებში, რომელსაც საქართველოში შვეიცარიის საელჩოს მხარდაჭერით სოციალური სამართლიანობის ცენტრი ახორციელებს.

 

Սոցիալական արդարության կենտրոնը հայտարարում է Ջավախքի տարածաշրջանում բնակվող երիտասարդների ընդունելիություն «Քննադատական մտածողության դպրոցում»

Քննադատական մտածողության դպրոցը մեր տեսլականով կիսակադեմիական և քաղաքական տարածք է, որի նպատակն է կիսել քննադատական գիտելիքները երիտասարդ ակտիվիստների և համայնքի լիդեռների հետ, ովքեր հետաքրքրված են սոցիալական արդարությամբ, հավասարությամբ և ժողովրդավարությամբ, և ստեղծել կոլեկտիվ դատողությունների և ընդհանուր գործողությունների հարթակ:

Քննադատական մտածողության դպրոցը, բացի տեսական գիտելիքների տարածումից, ներկայացնում  է որպես տարածք փոխադարձ հնարավորությունների ընդլայնման, մասնակիցների միջև ընդհանուր պայքարի միջոցով խնդիրների հաղթահարման և համախմբման համար։

Քննադատական մտածողության դպրոցի մասնակից կարող են դառնալ Ջավախքի տարածաշրջանի (Նինոծմինդա, Ախալքալաքի, Ախալցիխեի) երտասարդները, ովքեր հետաքրքրված են քաղաքական աքտիվիզմով, գործող ակտիվիստներ, համայնքի լիդեռները և շրջանում բնակվող երտասարդները, ովքեր ունեն շահագրգռվածություն և պատրաստակամություն՝ կառուցելու ժողովրդավարական, հավասարազոր և համերաշխության վրա հիմնված հասարակություն։

Հիմնվելով հարթակի ներսում նախապես պատրաստված ուսումնական ծրագրի վրա՝ 16 տեսական դասախոսություններ/քննարկումներ կկազմակերպվեն սոցիալական, քաղաքական և հումանիտար գիտություններից՝ համապատասխան ակադեմիական փորձ ունեցող անհատների և ակտիվիստների կողմից: Հաշվի առնելով հարթակի մասնակիցների կարիքները՝ նախատեսվում է նաև սեմինարների շարք կոլեկտիվ մոբիլիզացիայի, սոցիալական փոփոխությունների դեմ պայքարի ռազմավարությունների և գործիքների վերաբերյալ  (4 սեմինար):

Հարկ է նշել, որ Սոցիալական արդարության կենտրոնն արդեն ունի նմանատիպ քննադատական քաղաքականության դպրոցներ կազմակերպելու լավ փորձ Թբիլիսիում, Մառնեուլիում, Աջարիայում և Պանկիսիում։

Քննադատական քաղաքականության դպրոցի շրջանակներում նախատեսված հանդիպումների ձևաչափը

  • Տեսական դասախոսություն/քննարկում
  • Այցելություններ/հանդիպումներ տարբեր մարզերում
  • Ընթերցանության գիրք / հոդված ընթերցման շրջանակ
  • Գործնական սեմինարներ

Դպրոցի կողմից ծրագրված հանդիպումների կազմակերպչական մանրամասներ

  • Դպրոցի մասնակիցների առավելագույն թիվը՝ 25
  • Դասախոսությունների և սեմինարների քանակը՝ 20
  • Դասախոսության տևողությունը՝ 8 ժամ (ամսական 2 հանդիպում)
  • Դասախոսությունների տևողությունը՝ 6 ամիս (հուլիս-դեկտեմբեր)
  • Դասախոսությունների հիմնական վայրը՝ Նինոծմինդա, Թբիլիսի
  • Քննադատական դպրոցի մասնակիցները պետք է մասնակցեն դասախոսության ժամերի առնվազն 80%-ին:

Սոցիալական արդարության կենտրոնն ամբողջությամբ կհոգա մասնակիցների տրանսպորտային ծախսերը։

Հանդիպումների ժամանակ կապահովվի հայերեն լզվի թարգմանությունը։

Հանդիպումների բովանդակությունը, ժամանակացույցը, տևողությունը և կազմակերպչական այլ մանրամասներ կհամաձայնեցվեն դպրոցի մասնակիցների հետ՝ հաշվի առնելով տեղական համատեքստը և նրանց հետաքրքրությունները:

Մասնակիցների ընտրության ձևաչափը

Դպրոցում մասնակցելու հնարավորություն կնձեռվի բարձրագույն կրթություն ունեցող կամ ավարտական կուրսի 20-ից-35 տարեկան ուսանողներին/երտասարդներին։ 

Եթե ցանկանում եք մասնակցել քննադատական քաղաքականության դպրոցին, խնդրում ենք ուղարկել մեզ ձեր ինքնակենսագրությունը և կոնտակտային տվյալները մինչև հունիսի 30-ը։

Փաստաթղթերն ուղարկել հետևյալ հասցեով; [email protected]

Խնդրում ենք վերնագրի դաշտում նշել «Քննադատական մտածողության դպրոց Ջավախքում»:

Ջավախքում Քննադատական մտածողության դպրոցի իրականացումը հնարավոր է դարձել «Աջակցություն Վրաստանում հավասարության, համերաշխության և սոցիալական խաղաղության» ծրագրի շրջանակներում, որն իրականացվում է Սոցիալական արդարության կենտրոնի կողմից Վրաստանում Շվեյցարիայի դեսպանատան աջակցությամբ ։

რელიგიის თავისუფლება / განცხადება

EMC: მოვუწოდებთ ხელისუფლებას ძამას ხეობაში გლეხების ინტერესები დაიცვას

ადამიანის უფლებების სწავლებისა და მონიტორინგის ცენტრი (EMC) ეხმიანება ძამას ხეობაში მართლმადიდებელი სასულიერო პირების მიერ სავარაუდოდ უკანონო გზებით სოფლების საძოვრებისა და მიწების მისაკუთრების პრაქტიკას და მოუწოდებს ხელისუფლებას შეისწავლოს ხეობაში არსებული ვითარება და უზრუნველყოს ადგილობრივი გლეხების სოციალური ინტერესებისა და უფლებების დაცვა.

ბოლო კვირის განმავლობაში, სატელევიზიო ეთერებით გასულმა სიუჟეტებმა კიდევ ერთხელ გამოააშკარავა, რომ ძამას ხეობაში ადგილობრივი ეპარქიისა და სასულიერო პირების ძალაუფლება იდეოლოგიური გავლენების მიღმა, ეკონომიკურ ინტერესებსაც ატარებს და, როგორც ჩანს, ის ძალადობრივი გზების გამოყენებითაც იწარმოება. დომინაციის ეს პრაქტიკა, მათ შორის, მწვავედ ჩანს სოფლის საძოვრების, გლეხების სარგებლობაში არსებული მიწის ნაკვეთების მიტაცებაში სასულიერო პირების მხრიდან. აღნიშნულის შესახებ ადგილობრივი მოსახლეობა დიდი ხანია წუხს.

ძამას ხეობაში წარსულში ეთნიკურად ოსი ოჯახები მრავლად ცხოვრობდნენ. კონფლიქტის შემდეგ, ოსი ოჯახების დიდმა ნაწილმა ხეობა დატოვა. 90-იან წლებში კი ხეობაში აჭარიდან ქართველი მუსლიმი ოჯახების ეტაპობრივი ჩამოსახლება დაიწყო. ეკომიგრანტები კომპაქტურად ცხოვრობენ სოფელ გვერდინეთსა და სამწევრისში. ამდენად, ამ დროისთვის, ხეობაში ადგილობრივი მოსახლეობის მიღმა, ცხოვრობს ეკომიგრანტი ქართველი მუსლიმი თემი და ასევე, მცირე რაოდენობით უკან დაბრუნებული ეთნიკურად ოსი ოჯახები. სამწუხაროდ, სახელმწიფომ ეკომიგრანტ ოჯახებს სოციალური დაცვის საკმარისი გარანტიები არ შეუქმნა. მათ ნაწილს საკუთრებაში ამ დრომდე არ აქვთ გადაცემული საცხოვრებელი სახლები და საჭირო მიწის ნაკვეთები. ისინი ხშირად აწყდებიან პრობლემას უძრავი ქონების რეგისტრაციასთან დაკავშირებით. ხეობის სოფლებში ასევე მწვავედ დგას გზის, სკოლამდელი აღზრდის დაწესებულების არ ქონის და საზოგადოებრივი ტრანსპორტის გაუმართაობის პრობლემა. სოფლის მოსახლეობის დიდი ნაწილი ჩართულია სეზონურ მიგრაციაში. მოსახლეობის უმრავლესობას მხოლოდ შიდა მეურნეობები აქვს გაშენებული, მხოლოდ მათ მცირე ნაწილს აქვს სოფლის მსხვილი მეურნეობები ორგანიზებული, სადაც ხილი მოჰყავთ. ეკომიგრანტების ოჯახების ნაწილი მეცხოველეობას მისდევს, თუმცა ადგილობრივი სასულიერო პირების მიერ საძოვარი რესურსების დაკავების გამო, მათ ამ პროცესში ეშლებათ ხელი. ხეობას აქვს ტურისტული რესურსი, თუმცა ამ პროცესს ასევე არსებითად ადგილობრივი ეპარქია აკონტროლებს.

ძამას ხეობაში 58 ეკლესია-მონასტერი მოქმედებს, სადაც 350 სასულიერო პირი ცხოვრობს. ხეობაში ადგილობრივი ეპარქიის დომინაციას აქვს როგორც იდეოლოგიური, ასევე აშკარად ეკონომიკური და პოლიტიკურ შინაარსი. რუის-ურბნისის მიტროპოლიტი იობი რამდენიმე წელია ითხოვს ძამას ხეობა მთლიანად საპატრიარქოს საკუთრებაში გადაცემას და იქ „ახალი ათონის“ გაშენებას. ცხადია, ამ იდეებს და ხეობაში ეპარქიის დომინაციას გამრიყავი გავლენა აქვს აქ მცხოვრები არადომინანტურ რელიგიურ და ეთნიკურ ჯგუფებზე. ეს კარგად გამოჩნდა მიტროპოლიტის მიერ გაკეთებულ განცხადებაშიც, რომ შიდა ქართლში ისინი მიწებს იძენენ იმის გამო, რომ თავიდან აირიდონ „უცხოტომელების“ შემოსვლა. იდეოლოგიური ინტერესების უკან თვალშისაცემია კონკრეტული სასულიერო პირების პირადი ბიზნეს ინტერესებიც. ადგილობრივი მედია „ქართლის“ მიერ გამოქვეყნებული ინფორმაციით, ყინწვისში განზრახ მკვლელობის მცდელობითა და ცეცხლსასროლი იარაღის უკანონო შეძენა, შენახვის ბრალდებით დაკავებულ სქემ-იღუმენ მამა დავითს ყინწვისში ეკუთვნის სამხერხაო და ფერმა, ასევე, ამავე სოფლის სათიბები და ტყის მასივი. მომდევნო სოფელში უფრო მეტი ტერიტორია უკავია მამა სტეფანეს. მისი კერძო მიწის ფართობები 700 000 კვ.მ-ია. რაც შეეხება არქიმანდრიტ საბა ჟღენტს, მის კერძო საკუთრებაშია სოფელ ტყემლოვანას ტერიტორიაზე, შუანოს მთის მონასტერთან, 915 000 კვ.მ მიწის ფართობი (სათიბი, საძოვარი, ტყე). ამ ორ სოფელში მხოლოდ სასულიერო პირები ცხოვრობენ.

აშკარაა, რომ ადგილობრივი ხელისუფლება ვერ აკავებს სასულიერო პირების გავლენებს და პირიქით, მათ მიმართ ღია ლოიალობას ავლენს. ამ კუთხით სიმპტომატური იყო რამდენიმე თვის წინ ქარელის ვიცე-მერის ნუგზარ დაბრუნდაშვილის გადადგომის ფაქტი, რომელმაც თანამდებობა ადგილობრივ მედიაში ეპარქიის მიმართ კრიტიკული განცხადების შემდეგ დატოვა.

მიწის რესურსების უსამართლო განაწილება სოფლად მცხოვრებ ოჯახებს მიწის საბაზისო რესურსების გარეშე ტოვებს და აღრმავებს მათ სოციალურ დაუცველობას. აღსანიშნავია, რომ ამ პირობებში ეკომიგრანტი ოჯახების ნაწილს ხეობის დატოვა მოუწია.

EMC-ს მიერ 2019 წელს ძამას ხეობაში ადგილობრივების საჭიროებების შესწავლამ აჩვენა, რომ ხეობაში მცხოვრები გლეხების სოციალური ინტერესები უგულებელყოფილია და მათ საძოვრებზე და მიწის ნაკვეთებზე წვდომა ეზღუდებათ, მეტწილად სწორედ სასულიერო პირების მხრიდან მათი დაკავებისა და მისაკუთრების გამო. ჩვენს მიმართვებს შესაბამისი სახელმწიფო უწყებების მხრიდან სათანადო რეაგირება ამ დრომდე არ მოჰყოლია.

ზემოთ აღნიშნულის გათვალისწინებით, ძამას ხეობაში მცხოვრები გლეხების, მათ შორის ეკომიგრანტების სოციალური ინტერესების და უსაფრთხოების დაცვის მიზნით მნიშვნელოვანია

სამართალდამცავმა ორგანოებმა:

  • საჯარო ინტერესების გათვალისწინებით, სამართლიანად და გამჭვირვალედ გამოიძიონ ყინწვისის მონასტრის მიმდებარე ტერიტორიაზე მომხდარი დაპირისპირება;
  • შეისწავლოს ძამას ხეობაში სასულიერო პირების მიერ მიწების მისაკუთრების პრაქტიკა და ამ პროცესში დანაშაულის (მუქარის, იძულების) შესაძლო ნიშნები;

საქართველოს ხელისუფლებამ და ადგილობრივმა თვითმმართველობამ:

  • უზრუნველყოს, რომ ხეობაში არსებული საძოვრების თუ სხვა სახის მიწის ნაკვეთების დაუბრკოლებლად სარგებლობის შესაძლებლობა მიეცეს ადგილობრივი სოფლების მოსახლეობას და ასევე, ხელი შეეწყოს გლეხების მხრიდან უძრავი ქონების რეგისტრაციას;
  • შექმნას სოციალური დაცვის გარანტიები ხეობაში ჩასახლებული ეკომიგრანტი ოჯახებისთვის.

ინსტრუქცია

  • საიტზე წინ მოძრაობისთვის უნდა გამოიყენოთ ღილაკი „tab“
  • უკან დასაბრუნებლად გამოიყენება ღილაკები „shift+tab“