2023 წლის 16 ნოემბრიდან, ბაზრის მესაკუთრეა შპს "გალერეა არენა", რომელიც პირდაპირ არის დაკავშირებული ბიზნესმენ ხვიჩა მაქაცარიასთან. იგი ბაზარს განკარგავს ცოლისა და მენეჯერის, კობა ღურწკაიას, მეშვეობით. ორივეს აქვს რუსეთის და საქართველოს მოქალაქეობა და ფლობენ წილებს სხვადასხვა მსხვილ კომპანიებში.

მაქაცარიას საქართველოში არაერთი მსხვილი ბიზნესი აქვს, მათ შორის მასშტაბური წილები:

• თელასში;
• თბილისი ენერჯიში;
• ​სელფიმობაილში (ბილაინი);​
• საქართველოს ეროვნულ ლატარიაში;
• თბილისის მიკროავტობუსების ქსელებში.

ხვიჩა მაქაცარიას კომპანიების დიდი ნაწილი ოფშორებშია რეგისტრირებული.

ღურწკაიამ "ქართულ ოცნებას" 180 ათასი ლარის შემოწირულობა გაუკეთა, ხოლო მაქაცარიამ ღიად დაუჭირა მხარი #რუსულიკანონის მიღებას.

ამრიგად, დეზერტირების ისტორიული ბაზრის რეალური მესაკუთრე და ბენეფიციარი რუსეთთან დაკავშირებული გავლენიანი ბიზნესმენია, რომელიც ასევე ლოიალურია "ქართული ოცნების" ხელისუფლების მიმართ.

გაზიარება