[Skip to Content]

სიახლეების გამოწერა

ჯავახეთში კრიტიკული პოლიტიკის სკოლის მონაწილეების შერჩევა დაიწყო/Ջավախքում մեկնարկել է Քննադատական ​​քաղաքականության դպրոցի մասնակիցների ընտրությունը

 

Տե՛ս հայերեն թարգմանությունը ստորև

სოციალური სამართლიანობის ცენტრი აცხადებს მიღებას ჯავახეთის რეგიონში კრიტიკული პოლიტიკის სკოლის მონაწილეების შესარჩევად. 

კრიტიკული პოლიტიკის სკოლა, ჩვენი ხედვით, ნახევრად აკადემიური და პოლიტიკური სივრცეა, რომელიც მიზნად ისახავს სოციალური სამართლიანობის, თანასწორობის და დემოკრატიის საკითხებით დაინტერესებულ ახალგაზრდა აქტივისტებსა და თემის ლიდერებში კრიტიკული ცოდნის გაზიარებას და კოლექტიური მსჯელობისა და საერთო მოქმედების პლატფორმის შექმნას.

კრიტიკული პოლიტიკის სკოლა თეორიული ცოდნის გაზიარების გარდა, წარმოადგენს მისი მონაწილეების ურთიერთგაძლიერების, შეკავშირებისა და საერთო ბრძოლების გადაკვეთების ძიების ხელშემწყობ სივრცეს.

კრიტიკული პოლიტიკის სკოლის მონაწილეები შეიძლება გახდნენ ჯავახეთის რეგიონში (ახალქალაქის, ნინოწმინდისა და ახალციხის მუნიციპალიტეტებში) მოქმედი ან ამ რეგიონით დაინტერესებული სამოქალაქო აქტივისტები, თემის ლიდერები და ახალგაზრდები, რომლებიც უკვე მონაწილეობენ, ან აქვთ ინტერესი და მზადყოფნა მონაწილეობა მიიღონ დემოკრატიული, თანასწორი და სოლიდარობის იდეებზე დაფუძნებული საზოგადოების მშენებლობაში.  

პლატფორმის ფარგლებში წინასწარ მომზადებული სილაბუსის საფუძველზე ჩატარდება 16 თეორიული ლექცია/დისკუსია სოციალური, პოლიტიკური და ჰუმანიტარული მეცნიერებებიდან, რომელსაც სათანადო აკადემიური გამოცდილების მქონე პირები და აქტივისტები წაიკითხავენ.  პლატფორმის მონაწილეების საჭიროებების გათვალისწინებით, ასევე დაიგეგმება სემინარების ციკლი კოლექტიური მობილიზაციის, სოციალური ცვლილებებისთვის ბრძოლის სტრატეგიებსა და ინსტრუმენტებზე (4 სემინარი).

აღსანიშნავია, რომ სოციალური სამართლიანობის ცენტრს უკვე ჰქონდა ამგვარი კრიტიკული პოლიტიკის სკოლების ორგანიზების კარგი გამოცდილება თბილისში, მარნეულში, აჭარასა  და პანკისში.

კრიტიკული პოლიტიკის სკოლის ფარგლებში დაგეგმილი შეხვედრების ფორმატი:

  • თეორიული ლექცია/დისკუსია
  • გასვლითი ვიზიტები რეგიონებში
  • შერჩეული წიგნის/სტატიის კითხვის წრე
  • პრაქტიკული სემინარები

სკოლის ფარგლებში დაგეგმილ შეხვედრებთან დაკავშირებული ორგანიზაციული დეტალები:

  • სკოლის მონაწილეთა მაქსიმალური რაოდენობა: 25
  • ლექციებისა და სემინარების რაოდენობა: 20
  • სალექციო დროის ხანგრძლივობა: 8 საათი (თვეში 2 შეხვედრა)
  • ლექციათა ციკლის ხანგრძლივობა: 6 თვე (ივლისი-დეკემბერი)
  • ლექციების ჩატარების ძირითადი ადგილი: ნინოწმინდა, თბილისი
  • კრიტიკული სკოლის მონაწილეები უნდა დაესწრონ სალექციო საათების სულ მცირე 80%-ს.

სოციალური სამართლიანობის ცენტრი სრულად დაფარავს  მონაწილეების ტრანსპორტირების ხარჯებს.

შეხვედრებზე უზრუნველყოფილი იქნება სომხურ ენაზე თარგმანიც.

შეხვედრების შინაარსი, გრაფიკი, ხანგრძლივობა და ასევე სხვა ორგანიზაციული დეტალები შეთანხმებული იქნება სკოლის მონაწილეებთან, ადგილობრივი კონტექსტისა და მათი ინტერესების გათვალისწინებით.

მონაწილეთა შერჩევის წესი

პლატფორმაში მონაწილეობის შესაძლებლობა ექნებათ უმაღლესი განათლების მქონე (ან დამამთავრებელი კრუსის) 20 წლიდან 35 წლამდე ასაკის ახალგაზრდებს. 

კრიტიკული პოლიტიკის სკოლაში მონაწილეობის სურვილის შემთხვევაში გთხოვთ, მიმდინარე წლის 30 ივნისამდე გამოგვიგზავნოთ თქვენი ავტობიოგრაფია და საკონტაქტო ინფორმაცია.

დოკუმენტაცია გამოგვიგზავნეთ შემდეგ მისამართზე: [email protected] 

გთხოვთ, სათაურის ველში მიუთითოთ: "კრიტიკული პოლიტიკის სკოლა ჯავახეთში"

ჯავახეთში კრიტიკული პოლიტიკის სკოლის განხორციელება შესაძლებელი გახდა პროექტის „საქართველოში თანასწორობის, სოლიდარობის და სოციალური მშვიდობის მხარდაჭერის“ ფარგლებში, რომელსაც საქართველოში შვეიცარიის საელჩოს მხარდაჭერით სოციალური სამართლიანობის ცენტრი ახორციელებს.

 

Սոցիալական արդարության կենտրոնը հայտարարում է Ջավախքի տարածաշրջանում բնակվող երիտասարդների ընդունելիություն «Քննադատական մտածողության դպրոցում»

Քննադատական մտածողության դպրոցը մեր տեսլականով կիսակադեմիական և քաղաքական տարածք է, որի նպատակն է կիսել քննադատական գիտելիքները երիտասարդ ակտիվիստների և համայնքի լիդեռների հետ, ովքեր հետաքրքրված են սոցիալական արդարությամբ, հավասարությամբ և ժողովրդավարությամբ, և ստեղծել կոլեկտիվ դատողությունների և ընդհանուր գործողությունների հարթակ:

Քննադատական մտածողության դպրոցը, բացի տեսական գիտելիքների տարածումից, ներկայացնում  է որպես տարածք փոխադարձ հնարավորությունների ընդլայնման, մասնակիցների միջև ընդհանուր պայքարի միջոցով խնդիրների հաղթահարման և համախմբման համար։

Քննադատական մտածողության դպրոցի մասնակից կարող են դառնալ Ջավախքի տարածաշրջանի (Նինոծմինդա, Ախալքալաքի, Ախալցիխեի) երտասարդները, ովքեր հետաքրքրված են քաղաքական աքտիվիզմով, գործող ակտիվիստներ, համայնքի լիդեռները և շրջանում բնակվող երտասարդները, ովքեր ունեն շահագրգռվածություն և պատրաստակամություն՝ կառուցելու ժողովրդավարական, հավասարազոր և համերաշխության վրա հիմնված հասարակություն։

Հիմնվելով հարթակի ներսում նախապես պատրաստված ուսումնական ծրագրի վրա՝ 16 տեսական դասախոսություններ/քննարկումներ կկազմակերպվեն սոցիալական, քաղաքական և հումանիտար գիտություններից՝ համապատասխան ակադեմիական փորձ ունեցող անհատների և ակտիվիստների կողմից: Հաշվի առնելով հարթակի մասնակիցների կարիքները՝ նախատեսվում է նաև սեմինարների շարք կոլեկտիվ մոբիլիզացիայի, սոցիալական փոփոխությունների դեմ պայքարի ռազմավարությունների և գործիքների վերաբերյալ  (4 սեմինար):

Հարկ է նշել, որ Սոցիալական արդարության կենտրոնն արդեն ունի նմանատիպ քննադատական քաղաքականության դպրոցներ կազմակերպելու լավ փորձ Թբիլիսիում, Մառնեուլիում, Աջարիայում և Պանկիսիում։

Քննադատական քաղաքականության դպրոցի շրջանակներում նախատեսված հանդիպումների ձևաչափը

  • Տեսական դասախոսություն/քննարկում
  • Այցելություններ/հանդիպումներ տարբեր մարզերում
  • Ընթերցանության գիրք / հոդված ընթերցման շրջանակ
  • Գործնական սեմինարներ

Դպրոցի կողմից ծրագրված հանդիպումների կազմակերպչական մանրամասներ

  • Դպրոցի մասնակիցների առավելագույն թիվը՝ 25
  • Դասախոսությունների և սեմինարների քանակը՝ 20
  • Դասախոսության տևողությունը՝ 8 ժամ (ամսական 2 հանդիպում)
  • Դասախոսությունների տևողությունը՝ 6 ամիս (հուլիս-դեկտեմբեր)
  • Դասախոսությունների հիմնական վայրը՝ Նինոծմինդա, Թբիլիսի
  • Քննադատական դպրոցի մասնակիցները պետք է մասնակցեն դասախոսության ժամերի առնվազն 80%-ին:

Սոցիալական արդարության կենտրոնն ամբողջությամբ կհոգա մասնակիցների տրանսպորտային ծախսերը։

Հանդիպումների ժամանակ կապահովվի հայերեն լզվի թարգմանությունը։

Հանդիպումների բովանդակությունը, ժամանակացույցը, տևողությունը և կազմակերպչական այլ մանրամասներ կհամաձայնեցվեն դպրոցի մասնակիցների հետ՝ հաշվի առնելով տեղական համատեքստը և նրանց հետաքրքրությունները:

Մասնակիցների ընտրության ձևաչափը

Դպրոցում մասնակցելու հնարավորություն կնձեռվի բարձրագույն կրթություն ունեցող կամ ավարտական կուրսի 20-ից-35 տարեկան ուսանողներին/երտասարդներին։ 

Եթե ցանկանում եք մասնակցել քննադատական քաղաքականության դպրոցին, խնդրում ենք ուղարկել մեզ ձեր ինքնակենսագրությունը և կոնտակտային տվյալները մինչև հունիսի 30-ը։

Փաստաթղթերն ուղարկել հետևյալ հասցեով; [email protected]

Խնդրում ենք վերնագրի դաշտում նշել «Քննադատական մտածողության դպրոց Ջավախքում»:

Ջավախքում Քննադատական մտածողության դպրոցի իրականացումը հնարավոր է դարձել «Աջակցություն Վրաստանում հավասարության, համերաշխության և սոցիալական խաղաղության» ծրագրի շրջանակներում, որն իրականացվում է Սոցիալական արդարության կենտրոնի կողմից Վրաստանում Շվեյցարիայի դեսպանատան աջակցությամբ ։

ქალთა უფლებები / ანალიტიკური დოკუმენტები

არადომინანტური ეთნიკური ჯგუფის წარმომადგენელი ქალების მიმართ ძალადობასთან დაკავშირებული პოლიტიკური, სოციალური და სამართლებრივი კონტექსტების მიმოხილვა

ანი გოგბერაშვილი 

საქართველოში არადომინანტური ეთნიკური ჯგუფის წარმომადგენელი ქალები ძალადობის მომატებული რისკის ქვეშ არიან და განიცდიან მრავალმხრივ ჩაგვრას გენდერის, ეთნიკური და რელიგიური კუთვნილებისა და ეკონომიკური უთანასწორობის გამო.  ჩაგვრის სხვადასხვა სისტემების თანაკვეთა ძალადობის უნიკალურ გამოცდილებას ქმნის, რისი სიღრმისეული შესწავლა და კონტექსტის გათვალისწინებით საპასუხო პოლიტიკის შემუშავება შეუძლებელია ინტერსექციური მიდგომის გარეშე. აღნიშნული მიდგომა ჩაგვრის/უთანასწორობის სხვადასხვა გამოვლინებების იერარქიზების ნაცვლად, მათ თანადროულ არსებობასა და ურთიერთქმედებას აანალიზებს. მხოლოდ იმის აღიარება, რომ ეთნიკური უმცირესობების ქალები მრავალმხრივ ჩაგვრას განიცდიან არასაკმარისია იმის შესწავლის გარეშე თუ როგორ ასაზრდოებენ უთანასწორობის სისტემები ერთმანეთს. პატრიარქატი, ნაციონალიზმი,  არსებული პოლიტიკური და ეკონომიკური კონტექსტი,  სოციალური იზოლაცია, დაუცველობის განცდა, პოლიციისადმი უნდობლობა და ყველა ამ ფაქტორის ერთობლიობა არადომინანტური ეთნიკური ჯგუფების წარმომადგენელი ქალებისთვის განსაკუთრებულად ძალადობრივ გარემოს ქმნის.

საქართველოში 2006 წელს იქნა მიღებული კანონი ქალთა მიმართ ძალადობის ან/და ოჯახში ძალადობის აღკვეთის, ძალადობის მსხვერპლთა დაცვისა და დახმარების შესახებ, რაც ქალთა მიმართ ძალადობაზე რეაგირებისა და პრევენციისთვის საჭირო სამართლებრივი ჩარჩოს შექმნას ჩაუყარა საფუძველი. 2010 წელს ამოქმედდა პირველი სატელეფონო ცხელი ხაზი ოჯახში ძალადობის მსხვერპლთათვის და გაიხსნა პირველი თავშესაფარი. 2012 წლიდან ოჯახში ძალადობა სისხლის სამართლის დანაშაული გახდა, ხოლო 2017 წელს სტამბოლის კონვენციის რატიფიკაცია მოხდა. 2018 წელს შინაგან საქმეთა სამინისტროში დაფუძნდა ადამიანის უფლებათა დაცვისა და ხარისხის მონიტორინგის დეპარტამენტი  (UN Women, 2021, გვ. 71). 2019 წელს მიღებულ იქნა კანონი სექსუალური შევიწროების შესახებ და შესაბამისი ცვლილებები შევიდა შრომის კოდექსსა და ადმინისტრაციული სამართლადარღვევების კოდექსში. საქართველოში კანონმდებლობით აკრძალულია 18 წლამდე პირთან ქორწინების რეგისტრაცია, თუმცა ხშირია არასრულწლოვანთა არარეგისტრირებული ქორწინებები, რისი რეგულირებაც ვერ ხერხდება.  გარდა ამისა, საქართველო ქალთა მიმართ ძალადობის აღმოფხვრისკენ მიმართული მრავალი მნიშვნელოვანი დოკუმენტის ხელმომწერია.[1] საერთაშორისო და ეროვნული ვალდებულებების მიმართულებით არსებული პროგრესის მიუხედავად,  საქართველოში ქალთა მიმართ ძალადობის პრობლემა მწვავედ დგას, რაც სუსტ სააღსრულებო მექანიზმზე მიუთითებს. არსებული მონაცემების თანახმად, ქალები განიცდიან ძალადობის სხვადასხვა ფორმებს. ხოლო   სოციალური და სამართლებრივი მხარდაჭერის ნაკლებობა და გაბატონებული გენდერული ნორმები არ იძლევა არსებული ვითარების სრულად დანახვის შესაძლებლობას (UN Women, 2021, გვ. 72). ეთნიკური უმცირესობის წარმომადგენელი ქალებისთვის ძალადობის რისკი განსაკუთრებულად გაიზარდა COVID-19 პანდემიის დროს, რადგან ეთნიკური უმცირესობებით დასახლებულ ტერიტორიებზე უსაფრთხოების მკაცრი ზომები მოქმედებდა და ქალებს იზოლაციაში აქცევდა. გარდა ამისა, შეზღუდვების შედეგად ოჯახებში შემცირდა ეკონომიკური რესურსები, რაც ძალადობის მაპროვოცირებელი ერთ-ერთი ფაქტორია. 

უკანასკნელ პერიოდში ჩატარებული კვლევების მიხედვით, პატრიარქალური გარემო ეთნიკური უმცირესობების ქალებისთვის ქორწინებასა და ოჯახს მთავარ პრიორიტეტად განსაზღვრავს იმ შემთხვევაშიც კი, თუ ქალები ქმრისგან და ოჯახის სხვა წევრებისგან ძალადობას განიცდიან. ძალადობა უმეტესად ნორმალიზებულია და მასზე საჯაროდ საუბარი მიუღებლად ითვლება, რაც  პრობლემის მასშტაბების სრულად დანახვის საშუალებას არ იძლევა. გარდა ამისა, უმცირესობების ქალების დიდ ნაწილს  არ აქვს ქონების განკარგვის უფლება და საკუთრება ძირითადად კაცების სახელზეა გაფორმებული, რაც ქალებს ფინანსურ ავტონომიას უზღუდავს და ოჯახზე დამოკიდებულს ხდის. შემოსავლის ძირითად წყაროებს წარმოადგენს სოციალური დახმარებები, სოფლის მეურნეობა, წვრილმანი ვაჭრობა, საზღვარგარეთიდან გზავნილები.  ფორმალურად დასაქმებულთა დიდი ნაწილი საგანმანათლებლო დაწესებულებებშია დასაქმებული, სადაც ანაზღაურება ძალიან დაბალია. ეკონომიკური ფაქტორი  ზრდის ქალების მოწყვლადობას ძალადობის მიმართ და გარკვეულ შემთხვევებში ნაადრევი ქორწინების მიზეზიც ხდება. ამასთან, ენობრივი ბარიერის და არსებული ენის პოლიტიკის გამო, რომელიც გამორიცხავს უმცირესობების ენაზე ინფორმაციულ ხელმისაწვდომობას, პრობლემურია განათლების, ჯანდაცვის, სოციალური მომსახურების სერვისებზე წვდომა.  კვლავ ხშირია გოგოების ქორწინების მიზნით თავისუფლების აღკვეთის შემთხვევები, რისი პრევენციისთვის სათანადო პოლიტიკა არ ტარდება, ხოლო პოლიცია დროულად არ იღებს საჭირო ზომებს, რაც ეთნიკური უმცირესობების ჯგუფების მიმართ სტერეოტიპული დამოკიდებულებით აიხსნება. თავად თემის წევრების თქმით, ნაადრევი ქორწინების მიზეზი მძიმე სოციალური ფონი, სამომავლო პერსპექტივის არქონა და გენდერული უთანასწორობაა (საქართველოს სახალხო დამცველი, 2021). ამ ყველაფერთან ერთად, ისეთი ფაქტორები, როგორიცა საბაზისო ინფრასტრუქტურისა და ტრანსპორტის გაუმართაობა ზრდის ქალების აუნაზღაურებელი შრომის ტვირთს და მეტად დამოკიდებულს ხდის მათ კაც ოჯახის წევრებზე.

არადომინანტური_ეთნიკური_ჯგუფის_წარმომადგენელი_ქალები_1679056815.pdf

სქოლიო და ბიბლიოგრაფია

[1] გაეროს კონვენცია ქალთა მიმართ დისკრიმინაციის ყველა ფორმის აღმოფხვრის შესახებ (CEDAW), ქალთა მიმართ ძალადობის პრევენციისა და აღკვეთის შესახებ ევროპის საბჭოს კონვენცია (სტამბოლის კონვენცია), გაეროს სამოქალაქო და პოლიტიკურ უფლებათა საერთაშორისო პაქტი (ICCPR), სოციალურ, ეკონომიკურ და კულტურულ უფლებათა საერთაშორისო პაქტი (ICESCR), ბავშვთა უფლებების დაცვის გაეროს კონვენცია (CRC), გაეროს შეზღუდული შესაძლებლობის მქონე პირთა დაცვის კონვენცია (CPRD), ადამიანის უფლებათა დაცვის კონვენცია (ECHR), ჩარჩო კონვენცია ეროვნულ უმცირესობათა დაცვის შესახებ

ინსტრუქცია

  • საიტზე წინ მოძრაობისთვის უნდა გამოიყენოთ ღილაკი „tab“
  • უკან დასაბრუნებლად გამოიყენება ღილაკები „shift+tab“