[Skip to Content]
ENG

სიახლეების გამოწერა

სოფლის თავყრილობა ითხვისში

თუ ცხოვრობ ჭიათურაში, ან მის რომელიმე სოფელში - ითხვისში, შუქრუთში, პერევისაში, და თუ შენც გაწუხებს ის, რაც გარშემო წიაღის მოპოვების შედეგად ხდება, მოდი სოფლის შეკრებაზე 21 მაისს, 2 საათზე, სოფელ ითხვისის დარბაზში. 
 
შეხვედრა სოციალური სამართლიანობის ცენტრისა და საქართველოს ახალგაზრდა იურისტთა ასოციაციის ორგანიზებით ტარდება. ჩვენი მიზანია სოფლის მოსახლეობამ და მათმა მხარდამჭერმა უფლებადამცველმა ორგანიზაციებმა ერთად ვიმსჯელოთ სოფელში არსებულ მდგომარეობაზე და ადგილობრივთა საჭიროებების გადაჭრის სამართლებრივ გზებზე.
 
ამ დრომდე უცნობია მერიის გეგმა უსახლკაროდ დარჩენილ ოჯახებთან დაკავშირებით. მრავალ კითხვას აჩენს მუნიციპალიტეტის და გარემოს ეროვნული სააგენტოს მიერ ამ დრომდე გადადგმული ნაბიჯები: მომზადებული წინასწარი გეოლოგიური დასკვნა ზედაპირულია, შემსწავლელი კომისიის კომპეტენცია და მათი მოკვლევის ფარგლები დაუზუსტებელია, სამხარაულის სახელობის ექსპერტიზის ბიუროს ჩართულობა კი ბუნდოვანია, ისევე როგორც კომპენსაციის დაანგარიშების პროცედურა. წერილი, რომელშიც ადგილობრივი მოსახლეობა სოფლის მეურნეობისა და გარემოს დაცვის სამინისტროს შეკითხვით მიმართავს მდგომარეობის შესწავლისა და უსაფრთხოების უზრუნველსაყოფად დაგეგმილი ღონისძიებების შესახებ ამ დრომდე პასუხგაუცემელია.
 
ამ ვითარებაში მნიშვნელოვანია ადგილობრივი მოსახლეობა სრულყოფილად იცნობდეს საკუთარ უფლებებს და მათ ხელთ არსებულ სამართლებრივ ბერკეტებს.
ჩვენ შესახებ / დონორები

სქესობრივი განათლების შვედური ასოციაცია-RFSU

Library Image

სქესობრივი განათლების შვედური ასოციაცია (RFSU) და EMC 2015 წლიდან აქტიურად თანამშრომლობენ სქესობრივი და რეპროდუქციული ჯანმრთელობის უფლებების დაცვაზე ორიენტირებული მიდგომისა და პოლიტიკის გაძლიერების მიმართულებით.

RFSU-ს მხარდაჭერით EMC ახორციელებს პროექტებს, რომლის მიზანია ლგბტ თემისთვის ძალადობისა და დისკრიმინაციისგან თავისუფალი უფლებრივი გარემოს შექმნის ხელშეწყობა. ამ მიზნით, პროექტის ფარგლებში, EMC მუშაობს რამდენიმე მიმართულებით: ლგბტ პირთა უფლებრივი მდგომარეობის გაუმჯობესების ხელშეწყობის მიზნით სისტემური და მონაწილეობითი ადვოკატირება ადგილობრივ და საერთაშორისო დონეებზე, მათ შორის, სტრატეგიული სამართალწარმოების მექანიზმის გამოყენების გზით; ჰომო/ბი/ტრანსფობიური მოტივით ჩადენილ დანაშაულებთან ბრძოლის ეფექტიანი და პრევენციაზე დაფუძნებული პოლიტიკის ადვოკატირება;  ქვიარ აქტივიზმის მხარდაჭერა ალეტრნატიული ცოდნის, დისკურსებისა და სადისკუსიო პლატფორმების  შექმნის გზით; ორგანიზაციის ინსტიტუციური და თეორიული, მათ შორის, სქესობრივი და რეპროდუქციული ჯანმრთელობის უფლებების საკითხებში ცოდნის გაძლიერების ხელშეწყობა.

აღსანიშნავია, რომ RFSU გამორჩეული პარტნიორი ორგანიზაციაა, რომელიც პროექტული აქტივობების მხარდაჭერის გარდა, აქტიურად უჭერს მხარს ორგანიზაციის ინსტიტუციურ განვითარებას.

ინსტრუქცია

  • საიტზე წინ მოძრაობისთვის უნდა გამოიყენოთ ღილაკი „tab“
  • უკან დასაბრუნებლად გამოიყენება ღილაკები „shift+tab“