Սեռական կրթության շվեդական ասոցիացիան (RFSU) և Սոցիալական արդարության կենտրոնը 2015 թվականից ակտիվորեն համագործակցում են սեռական և վերարտադրողական առողջության վերաբերյալ իրավունքներին ուղղված մոտեցումն ու քաղաքականությունը ամրապնդելու ուղղությամբ:

RFSU-ի աջակցությամբ Սոցիալական արդարության կենտրոնը իրականացնում է ծրագրեր, որոնք ուղղված են ԼԳԲՏ համայնքի համար բռնությունից և խտրականությունից զերծ իրավական միջավայրի ստեղծմանը նպաստելուն: Այդ նպատակով ծրագրի շրջանակներում Սոցիալական արդարության կենտրոնը աշխատում է մի քանի ուղղություններով՝ համակարգված և մասնակցային փաստաբանություն տեղական և միջազգային մակարդակներում՝ նպաստելու ԼԳԲՏ անձանց իրավական կարգավիճակի բարելավմանը, այդ թվում՝ ռազմավարական դատավարության մեխանիզմի կիրառմամբ։ Հոմո/բի/տրանսֆոբ հանցագործությունների դեմ պայքարի արդյունավետ և կանխարգելման վրա հիմնված քաղաքականության փաստաբանություն, քուիր ակտիվության աջակցություն՝ այլընտրանքային գիտելիքների, դիսկուրսների և քննարկումների հարթակների ստեղծման միջոցով: Կազմակերպության ինստիտուցիոնալ և տեսական գիտելիքների, ներառյալ սեռական և վերարտադրողական առողջության իրավունքների ամրապնդման նպաստում:

Հարկ է նշել, որ RFSU-ն ակնառու գործընկեր կազմակերպություն է, որը, բացի ծրագրային գործունեությանն աջակցելուց, ակտիվորեն աջակցում է կազմակերպության ինստիտուցիոնալ զարգացմանը: