[Skip to Content]
ENG

სიახლეების გამოწერა

სოფლის თავყრილობა ითხვისში

თუ ცხოვრობ ჭიათურაში, ან მის რომელიმე სოფელში - ითხვისში, შუქრუთში, პერევისაში, და თუ შენც გაწუხებს ის, რაც გარშემო წიაღის მოპოვების შედეგად ხდება, მოდი სოფლის შეკრებაზე 21 მაისს, 2 საათზე, სოფელ ითხვისის დარბაზში. 
 
შეხვედრა სოციალური სამართლიანობის ცენტრისა და საქართველოს ახალგაზრდა იურისტთა ასოციაციის ორგანიზებით ტარდება. ჩვენი მიზანია სოფლის მოსახლეობამ და მათმა მხარდამჭერმა უფლებადამცველმა ორგანიზაციებმა ერთად ვიმსჯელოთ სოფელში არსებულ მდგომარეობაზე და ადგილობრივთა საჭიროებების გადაჭრის სამართლებრივ გზებზე.
 
ამ დრომდე უცნობია მერიის გეგმა უსახლკაროდ დარჩენილ ოჯახებთან დაკავშირებით. მრავალ კითხვას აჩენს მუნიციპალიტეტის და გარემოს ეროვნული სააგენტოს მიერ ამ დრომდე გადადგმული ნაბიჯები: მომზადებული წინასწარი გეოლოგიური დასკვნა ზედაპირულია, შემსწავლელი კომისიის კომპეტენცია და მათი მოკვლევის ფარგლები დაუზუსტებელია, სამხარაულის სახელობის ექსპერტიზის ბიუროს ჩართულობა კი ბუნდოვანია, ისევე როგორც კომპენსაციის დაანგარიშების პროცედურა. წერილი, რომელშიც ადგილობრივი მოსახლეობა სოფლის მეურნეობისა და გარემოს დაცვის სამინისტროს შეკითხვით მიმართავს მდგომარეობის შესწავლისა და უსაფრთხოების უზრუნველსაყოფად დაგეგმილი ღონისძიებების შესახებ ამ დრომდე პასუხგაუცემელია.
 
ამ ვითარებაში მნიშვნელოვანია ადგილობრივი მოსახლეობა სრულყოფილად იცნობდეს საკუთარ უფლებებს და მათ ხელთ არსებულ სამართლებრივ ბერკეტებს.
სოციალური პოლიტიკა / პროექტები

ნამახვანის ჰესების კასკადის პროექტის გარშემო გარიგების, კორუფციისა და ინტერესთა კონფლიქტის საქმეები

Library Thumbnail Image

ბიუჯეტი: 87, 027 GEL

ხანგრძლივობა: 2021-2022 წელი

 

სოციალური სამართლიანობის ცენტრი (ყოფილი EMC),  2021 წლის ივლისიდან ევროპის ფონდის მხარდაჭერით ახორციელებს პროექტს სახელწოდებით “ნამახვანის ჰესების კასკადის პროექტის გარშემო გარიგების, კორუფციისა და ინტერესთა კონფლიქტის საქმეები.“

ეს პროექტი სოციალური სამართლიანობის ცენტრისა და მედია ორგანიზაცია Investigative Journalists Team “iFact” - ის ერთობლივი ძალისხმევაა. 12 თვის განმავლობაში იურიდიული ექსპერტებისა და ჟურნალისტების ჯგუფი ერთობლივად იმუშავებს და გამოაქვეყნებს ინფორმაციას კორუფციისა და ინტერესთა კონფლიქტის შემთხვევების შესახებ, ასევე სახელმწიფო და ბიზნესის შესაძლო გარიგების სცენარების შესახებ, რომლებიც მოიცავს სახელმწიფო უწყებებს და ნამახვანის ჰესის განმახორციელებელ მხარეებს. დასახული მიზნის მისაღწევად პროექტი ისახავს, შემდეგ კონკრეტულ ამოცანებს:

  • მიზანი 1: კორუფციის/გარიგების/ინტერესთა კონფლიქტის შემთხვევების გამოძიება სამინისტროების, სახელმწიფო მოხელეების, საჯარო დაწესებულებებისა და კერძო კომპანიებს შორის.
  • მიზანი 2: კერძო და საჯარო სექტორებს შორის გარიგების/კორუფციის/ინტერესთა კონფლიქტის შესახებ ინფორმაციის გასაჯაროება და  ძირითად მედია ორგანიზაციების ინფორმირებულობა აღნიშნულ საქმეებზე;

ინსტრუქცია

  • საიტზე წინ მოძრაობისთვის უნდა გამოიყენოთ ღილაკი „tab“
  • უკან დასაბრუნებლად გამოიყენება ღილაკები „shift+tab“