საპატრიარქოს დაფინანსების რადიკალური ზრდა არჩევნებამდე რამდენიმე თვით ადრე

საპატრიარქოსთვის დაფინანსების 35 მილიონით გაზრდა

წინააღმდეგობაში მოდის სეკულარიზმისა და თანასწორობის კონსტიტუციურ პრინციპებთან;

წინასაარჩევნო პერიოდში ეკლესიის პოლიტიკური ინსტრუმენტალიზების საშუალებას წარმოადგენს;

აზიანებს დემოკრატიულ პროცესებს ქვეყანაში.

2024 წელს სახელმწიფო ბიუჯეტიდან საპატრიარქოს და მისი დაქვემდებარებული ორგანიზაციების დაფინანსება ორჯერ გაიზარდა და ჯამში 67 მილიონ ლარს გადააჭარბა. მხოლოდ სახელმწიფო ბიუჯეტიდან საპატრიარქოსთვის გადაცემული თანხების ოდენობამ 2002 წლიდან დღემდე 400 მილიონ ლარს გადააჭარბა.