[Skip to Content]

სიახლეების გამოწერა

ჯავახეთში კრიტიკული პოლიტიკის სკოლის მონაწილეების შერჩევა დაიწყო/Ջավախքում մեկնարկել է Քննադատական ​​քաղաքականության դպրոցի մասնակիցների ընտրությունը

 

Տե՛ս հայերեն թարգմանությունը ստորև

სოციალური სამართლიანობის ცენტრი აცხადებს მიღებას ჯავახეთის რეგიონში კრიტიკული პოლიტიკის სკოლის მონაწილეების შესარჩევად. 

კრიტიკული პოლიტიკის სკოლა, ჩვენი ხედვით, ნახევრად აკადემიური და პოლიტიკური სივრცეა, რომელიც მიზნად ისახავს სოციალური სამართლიანობის, თანასწორობის და დემოკრატიის საკითხებით დაინტერესებულ ახალგაზრდა აქტივისტებსა და თემის ლიდერებში კრიტიკული ცოდნის გაზიარებას და კოლექტიური მსჯელობისა და საერთო მოქმედების პლატფორმის შექმნას.

კრიტიკული პოლიტიკის სკოლა თეორიული ცოდნის გაზიარების გარდა, წარმოადგენს მისი მონაწილეების ურთიერთგაძლიერების, შეკავშირებისა და საერთო ბრძოლების გადაკვეთების ძიების ხელშემწყობ სივრცეს.

კრიტიკული პოლიტიკის სკოლის მონაწილეები შეიძლება გახდნენ ჯავახეთის რეგიონში (ახალქალაქის, ნინოწმინდისა და ახალციხის მუნიციპალიტეტებში) მოქმედი ან ამ რეგიონით დაინტერესებული სამოქალაქო აქტივისტები, თემის ლიდერები და ახალგაზრდები, რომლებიც უკვე მონაწილეობენ, ან აქვთ ინტერესი და მზადყოფნა მონაწილეობა მიიღონ დემოკრატიული, თანასწორი და სოლიდარობის იდეებზე დაფუძნებული საზოგადოების მშენებლობაში.  

პლატფორმის ფარგლებში წინასწარ მომზადებული სილაბუსის საფუძველზე ჩატარდება 16 თეორიული ლექცია/დისკუსია სოციალური, პოლიტიკური და ჰუმანიტარული მეცნიერებებიდან, რომელსაც სათანადო აკადემიური გამოცდილების მქონე პირები და აქტივისტები წაიკითხავენ.  პლატფორმის მონაწილეების საჭიროებების გათვალისწინებით, ასევე დაიგეგმება სემინარების ციკლი კოლექტიური მობილიზაციის, სოციალური ცვლილებებისთვის ბრძოლის სტრატეგიებსა და ინსტრუმენტებზე (4 სემინარი).

აღსანიშნავია, რომ სოციალური სამართლიანობის ცენტრს უკვე ჰქონდა ამგვარი კრიტიკული პოლიტიკის სკოლების ორგანიზების კარგი გამოცდილება თბილისში, მარნეულში, აჭარასა  და პანკისში.

კრიტიკული პოლიტიკის სკოლის ფარგლებში დაგეგმილი შეხვედრების ფორმატი:

  • თეორიული ლექცია/დისკუსია
  • გასვლითი ვიზიტები რეგიონებში
  • შერჩეული წიგნის/სტატიის კითხვის წრე
  • პრაქტიკული სემინარები

სკოლის ფარგლებში დაგეგმილ შეხვედრებთან დაკავშირებული ორგანიზაციული დეტალები:

  • სკოლის მონაწილეთა მაქსიმალური რაოდენობა: 25
  • ლექციებისა და სემინარების რაოდენობა: 20
  • სალექციო დროის ხანგრძლივობა: 8 საათი (თვეში 2 შეხვედრა)
  • ლექციათა ციკლის ხანგრძლივობა: 6 თვე (ივლისი-დეკემბერი)
  • ლექციების ჩატარების ძირითადი ადგილი: ნინოწმინდა, თბილისი
  • კრიტიკული სკოლის მონაწილეები უნდა დაესწრონ სალექციო საათების სულ მცირე 80%-ს.

სოციალური სამართლიანობის ცენტრი სრულად დაფარავს  მონაწილეების ტრანსპორტირების ხარჯებს.

შეხვედრებზე უზრუნველყოფილი იქნება სომხურ ენაზე თარგმანიც.

შეხვედრების შინაარსი, გრაფიკი, ხანგრძლივობა და ასევე სხვა ორგანიზაციული დეტალები შეთანხმებული იქნება სკოლის მონაწილეებთან, ადგილობრივი კონტექსტისა და მათი ინტერესების გათვალისწინებით.

მონაწილეთა შერჩევის წესი

პლატფორმაში მონაწილეობის შესაძლებლობა ექნებათ უმაღლესი განათლების მქონე (ან დამამთავრებელი კრუსის) 20 წლიდან 35 წლამდე ასაკის ახალგაზრდებს. 

კრიტიკული პოლიტიკის სკოლაში მონაწილეობის სურვილის შემთხვევაში გთხოვთ, მიმდინარე წლის 30 ივნისამდე გამოგვიგზავნოთ თქვენი ავტობიოგრაფია და საკონტაქტო ინფორმაცია.

დოკუმენტაცია გამოგვიგზავნეთ შემდეგ მისამართზე: [email protected] 

გთხოვთ, სათაურის ველში მიუთითოთ: "კრიტიკული პოლიტიკის სკოლა ჯავახეთში"

ჯავახეთში კრიტიკული პოლიტიკის სკოლის განხორციელება შესაძლებელი გახდა პროექტის „საქართველოში თანასწორობის, სოლიდარობის და სოციალური მშვიდობის მხარდაჭერის“ ფარგლებში, რომელსაც საქართველოში შვეიცარიის საელჩოს მხარდაჭერით სოციალური სამართლიანობის ცენტრი ახორციელებს.

 

Սոցիալական արդարության կենտրոնը հայտարարում է Ջավախքի տարածաշրջանում բնակվող երիտասարդների ընդունելիություն «Քննադատական մտածողության դպրոցում»

Քննադատական մտածողության դպրոցը մեր տեսլականով կիսակադեմիական և քաղաքական տարածք է, որի նպատակն է կիսել քննադատական գիտելիքները երիտասարդ ակտիվիստների և համայնքի լիդեռների հետ, ովքեր հետաքրքրված են սոցիալական արդարությամբ, հավասարությամբ և ժողովրդավարությամբ, և ստեղծել կոլեկտիվ դատողությունների և ընդհանուր գործողությունների հարթակ:

Քննադատական մտածողության դպրոցը, բացի տեսական գիտելիքների տարածումից, ներկայացնում  է որպես տարածք փոխադարձ հնարավորությունների ընդլայնման, մասնակիցների միջև ընդհանուր պայքարի միջոցով խնդիրների հաղթահարման և համախմբման համար։

Քննադատական մտածողության դպրոցի մասնակից կարող են դառնալ Ջավախքի տարածաշրջանի (Նինոծմինդա, Ախալքալաքի, Ախալցիխեի) երտասարդները, ովքեր հետաքրքրված են քաղաքական աքտիվիզմով, գործող ակտիվիստներ, համայնքի լիդեռները և շրջանում բնակվող երտասարդները, ովքեր ունեն շահագրգռվածություն և պատրաստակամություն՝ կառուցելու ժողովրդավարական, հավասարազոր և համերաշխության վրա հիմնված հասարակություն։

Հիմնվելով հարթակի ներսում նախապես պատրաստված ուսումնական ծրագրի վրա՝ 16 տեսական դասախոսություններ/քննարկումներ կկազմակերպվեն սոցիալական, քաղաքական և հումանիտար գիտություններից՝ համապատասխան ակադեմիական փորձ ունեցող անհատների և ակտիվիստների կողմից: Հաշվի առնելով հարթակի մասնակիցների կարիքները՝ նախատեսվում է նաև սեմինարների շարք կոլեկտիվ մոբիլիզացիայի, սոցիալական փոփոխությունների դեմ պայքարի ռազմավարությունների և գործիքների վերաբերյալ  (4 սեմինար):

Հարկ է նշել, որ Սոցիալական արդարության կենտրոնն արդեն ունի նմանատիպ քննադատական քաղաքականության դպրոցներ կազմակերպելու լավ փորձ Թբիլիսիում, Մառնեուլիում, Աջարիայում և Պանկիսիում։

Քննադատական քաղաքականության դպրոցի շրջանակներում նախատեսված հանդիպումների ձևաչափը

  • Տեսական դասախոսություն/քննարկում
  • Այցելություններ/հանդիպումներ տարբեր մարզերում
  • Ընթերցանության գիրք / հոդված ընթերցման շրջանակ
  • Գործնական սեմինարներ

Դպրոցի կողմից ծրագրված հանդիպումների կազմակերպչական մանրամասներ

  • Դպրոցի մասնակիցների առավելագույն թիվը՝ 25
  • Դասախոսությունների և սեմինարների քանակը՝ 20
  • Դասախոսության տևողությունը՝ 8 ժամ (ամսական 2 հանդիպում)
  • Դասախոսությունների տևողությունը՝ 6 ամիս (հուլիս-դեկտեմբեր)
  • Դասախոսությունների հիմնական վայրը՝ Նինոծմինդա, Թբիլիսի
  • Քննադատական դպրոցի մասնակիցները պետք է մասնակցեն դասախոսության ժամերի առնվազն 80%-ին:

Սոցիալական արդարության կենտրոնն ամբողջությամբ կհոգա մասնակիցների տրանսպորտային ծախսերը։

Հանդիպումների ժամանակ կապահովվի հայերեն լզվի թարգմանությունը։

Հանդիպումների բովանդակությունը, ժամանակացույցը, տևողությունը և կազմակերպչական այլ մանրամասներ կհամաձայնեցվեն դպրոցի մասնակիցների հետ՝ հաշվի առնելով տեղական համատեքստը և նրանց հետաքրքրությունները:

Մասնակիցների ընտրության ձևաչափը

Դպրոցում մասնակցելու հնարավորություն կնձեռվի բարձրագույն կրթություն ունեցող կամ ավարտական կուրսի 20-ից-35 տարեկան ուսանողներին/երտասարդներին։ 

Եթե ցանկանում եք մասնակցել քննադատական քաղաքականության դպրոցին, խնդրում ենք ուղարկել մեզ ձեր ինքնակենսագրությունը և կոնտակտային տվյալները մինչև հունիսի 30-ը։

Փաստաթղթերն ուղարկել հետևյալ հասցեով; [email protected]

Խնդրում ենք վերնագրի դաշտում նշել «Քննադատական մտածողության դպրոց Ջավախքում»:

Ջավախքում Քննադատական մտածողության դպրոցի իրականացումը հնարավոր է դարձել «Աջակցություն Վրաստանում հավասարության, համերաշխության և սոցիալական խաղաղության» ծրագրի շրջանակներում, որն իրականացվում է Սոցիալական արդարության կենտրոնի կողմից Վրաստանում Շվեյցարիայի դեսպանատան աջակցությամբ ։

ეთნიკური უმცირესობები / განცხადება

პანკისში დროშების გადახატვაზე რუსთავი 2-ის მანიპულაციური სიუჟეტი გასაჩივრდა

2022 წლის 17 მაისს სოციალური სამართლიანობის ცენტრმა, პანკისის ხეობიდან ადგილობრივი აქტივისტისა და ჟურნალისტის სულხან ბორძიკაშვილის სახელით, ჟურნალისტური ეთიკის ქარტიასა და "რუსთავი 2"-ის თვითრეგულირების ორგანოს საჩივრით მიმართა და არაზუსტი, მანიპულაციური და ეთნიკური/რელიგიური უმცირესობების მიმართ სტერეოტიპული შინაარსის მასალის შესწორებას ითხოვს.

უფრო ზუსტად საჩივრის საფუძველი 7 მაისს ტელეკომპანია "რუსთავი 2"-ის საინფორმაციო გამოშვებაში პანკისის ხეობიდან ადგილობრივი აქტივისტის, სულხან ბორძიკაშვილის აქტივობასთან დაკავშირებული საკითხების გაშუქება გახდა, სადაც ის სრულიად დაუსაბუთებლად „პროვოკაციული დაჯგუფების” ლიდერად, მის მიერ სოციალურ ქსელებში განთავსებული პოსტი კი იჩქერიის (დამოუკიდებელი ჩეჩნეთის) დროშის დარიგებისა და გამოფენის იდეის შესახებ "საფრთხის შემცველ" ქმედებად იყო წარმოჩენილი. სიუჟეტამდე "კურიერის" წამყვანის მიერ გაკეთებული შესავალი აუდიტორიას გასაშუქებელი საკითხის მიმართ იმთავითვე ნეგატიურ განწყობას აღვივებდა და წარმოშობდა ძლიერ შთაბეჭდილებას, რომ თითქოს სულხან ბორძიკაშვილის "დაჯგუფების" წევრები პანკისის ხეობაში პროვოკაციულ ქმედებებს ახორციელებენ და საჯარო სივრცეებში მოხატულ საქართველოს დროშებს შლიან და სანაცვლოდ იჩქერიის დროშებს ხატავენ, რაც მოსახლეობაში არაერთგვაროვან დამოკიდებულებას იწვევს. აღნიშნული ინფორმაცია ფაქტობრივ უზუსტობებს და არასრულ ინფორმაციას შეიცავს, რადგან იჩქერიისა და უკრაინის დროშების დახატვა საქართველოს დროშის წაშლის ხარჯზე არ მოხდა. მეტიც, ფაქტების თანმიმდევრობა პირიქით იყო. ამასთან არც ერთი ეს აქტივობა საერთოდ არ უკავშირდებოდა სულხან ბორძიკაშვილს.

საინტერესოა ისიც, რომ სიუჟეტში სულხან ბორძიკაშვილი მცდარად ჩვენი ორგანიზაციის თანამშრომლად იყო მოხსენიებული და ზოგიერთი რესპოდენტი მომხდარზე პასუხს სოციალური სამართლიანობის ცენტრს სთხოვდა, ისე რომ ჟურნალისტს ჩვენთან ეს საკითხი არც კი გადაუმოწმებია. სუხლან ბორძიკაშვილთან ჩვენს ორგანიზაციას ნამდვილად აკავშირებს ხანგრძლივი პროექტული თანამშრომლობის გამოცდილება, თუმცა, ის ბოლო წლებში ჩვენი ორგანიზაციის სახელით არ მუშაობს. ამის მიუხედავად, ჩვენ სოლიდარულები ვართ სულხან ბორძიკაშვილისა და მისი საქმიანობის მიმართ.

სინამდვილეში საჯარო სივრცეში დროშების განთავსებასთან დაკავშირებული გარემოებები ამგვარი იყო. უკრაინაში ომის დაწყების შემდეგ ქართულ საზოგადოებაში, მათ შორის, პანკისის ხეობაში ჩეჩნეთში რუსეთის სასტიკი ომის ტრავმატულმა მეხსიერებამ გაიღვიძა. ამ ფონზე უკრაინის მხარდაჭერის მიზნით, ადგილობრივებმა სოფელი ომალოს საჯარო სივრცეში იჩქერიის (დამოუკიდებელი ჩეჩნეთის) დროშა დახატეს. ადგილობრივების განცხადებით, აღნიშნული დროშა 27 მარტს პოლიციამ გადაღება. ამ ადგილას კი ადგილობრივებმა ისევ დახატეს იჩქერიისა და უკრაინის დროშები, რომელიც სავარაუდოდ ისევ პოლიციამ გადაღება და მათ ადგილას საქართველოს დროშა დახატა. საქართველოს დროშა კი უკვე დაუდეგენელმა პირებმა გადაშალეს. სწორედ სავარაუდოდ პოლიციის მიერ იჩქერიის დროშის თავდაპირველი გადახატვის ფაქტს მოჰყვა 28 მარტს სულხან ბორძიკაშვილის საჯარო სტატუსი იჩქერიის დროშების დაბეჭდვისა და დარიგების ინიციატივის შესახებ.

როგორც ზემოთ ავღნიშნეთ დროშების გადაშლისა და გადახატვის ქმედებებთან სულხან ბორძიკაშვილს არანაირი კავშირი არ ჰქონია და დაუშვებელი იყო დაუდგენელი ფაქტების კონკრეტული ადამიანისთვის მიწერა და მისთვის გარკვეული საფრთხეების შექმნა. მით უფრო მიუღებელია ფაქტების თანმიმდევრულობის პრინციპული დამახინჯება, რომელიც მომხდარს მთლიანად უცვლის შინაარსს და ადგილობრივი მოსახლეობის ნამდვილ მოტივაციებს არ აჩვენებს.

ამასთან, ამ კონტექსტში დროშების გადახატვისა და სულხან ბორძიკაშვილის საჯარო საქმიანობის პროვოკაციული მოვლენის მანიპულაციურად მიწოდება შეიცავს ეთნიკური ნიშნით შუღლის გაღვივების მცდელობასაც. ამ პროცესში ტერმინების - "დაჯგუფება", "პროვოკაცია" გამოყენება აძლიერებს სტიგმას და აღრმავებს ეჭვებსა და უნდობლობას ადგილობრივი ქისტების მიმართ, რაც მათ საფრხედ მონიშვნასთან დაკავშირებულ დომინანტურ წინასწარგანწყობებს აძლიერებს.

ჟურნალისტის მიერ ფაქტების გადაუმოწმებელი და მანიპულაციური მიწოდებით ობიექტური გარემოებები იძლევიან დასაბუთებულ ვარაუდს, რომ არასწორი ფაქტების განზრახ გავრცელებით მომხდარიყო სულხან ბორძიკაშვილის საქმიანობის დისკრედიტაცია და დაშინება.

ამდენად, სიუჟეტის წარდგენის, ჟურნალისტური მასალით შექმნილი კონტექსტისა და აქცენტების, ასევე წარმოდგენილი ფაქტობრივად არასწორი და მანიპულაციური ინფორმაციის გამო, სულხან ბორძიკაშვილი ჟურნალისტური ეთიკის ქარტიასა და რუსთავი 2-ის თვითრეგულირების ორგანოს შესაბამის რეაგირებას, მათ შორის, მაუწყებელთა ქცევის კოდექსის საფუძველზე, მნიშვნელოვანი ფაქტობრივი შეცდომების შესწორებას სთხოვს.

ინსტრუქცია

  • საიტზე წინ მოძრაობისთვის უნდა გამოიყენოთ ღილაკი „tab“
  • უკან დასაბრუნებლად გამოიყენება ღილაკები „shift+tab“